𑐕𑐐𑐹 𑐴𑐾 𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐥𑐵𑐮𑐨𑐵𑐲𑐵 𑐔𑐶𑐣𑐵𑐏𑑃 𑐰 𑐏𑐫𑑂 𑐨𑐵𑐫𑑂𑐫𑐵 𑐳𑐷𑐜𑐶 𑐰𑐶𑐩𑑀𑐔𑐣

𑐫𑐾𑑃 – 𑐩𑑂𑐫𑐾 𑐴𑐵𑐮𑐵𑐩𑐷 𑐬𑐶𑐟𑐵 𑐩𑐴𑐬𑑂𑐖𑐣𑐫𑐵 𑐣𑐾𑐥𑐵𑐮𑐨𑐵𑐲𑐵𑐫𑐵 𑐔𑐶𑐣𑐵𑐏𑑃 𑐰 𑐏𑐳 𑐨𑐵𑐲𑐵𑐫𑐵 𑐳𑐶𑐜𑐷 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐰𑐶𑐩𑑀𑐔𑐣 𑐖𑐹𑐐𑐸 𑐡𑐸 𑑋 𑐩𑐴𑐬𑑂𑐖𑐣𑐫𑐵 ‘𑐀𑐣𑑂𑐟𑐬 𑐩𑐣𑐫𑐵 𑐩𑑁𑐣 𑐀𑐨𑐶𑐰𑑂𑐫𑐎𑑂𑐟𑐶’ 𑐳𑐦𑐹 𑐰 ‘𑐫𑑀 𑐳𑐵𑑃𑐗𑐎𑑀 𑐩𑐢𑐸𑐬𑐶𑐩 𑐕𑐚𑐵𑐩𑐵’ 𑐳𑐶𑐜𑐷 𑐩𑑄𑐎𑐵𑑅 𑐎𑐠𑑄 𑐰𑐶𑐩𑑀𑐔𑐣 𑐖𑐹𑐐𑐸 𑐏𑑅 𑑋

𑐳𑐦𑐹𑐫𑐵 𑐰𑐶𑐩𑑀𑐔𑐣 𑐐𑑀𑐮𑑂𑐜𑐾𑐣 𑐨𑑂𑐰𑐵𑐂𑐳 𑐀𑐦 𑐣𑐾𑐥𑐵𑐮 𑐥𑑂𑐬𑐾𑐩𑐢𑑂𑐰𑐖 𑐥𑑂𑐬𑐢𑐵𑐣, 𑐎𑐰𑐫𑐶𑐟𑑂𑐬𑐷 𑐣𑐵𑐬𑐵𑐫𑐞𑐡𑐾𑐰𑐷 𑐱𑑂𑐬𑐾𑐲𑑂𑐛, 𑐩𑑂𑐫𑑃𑐾 𑐔𑑂𑐰𑐩𑐶 𑐫𑐵𑐡𑐰 𑐏𑐬𑐾𑐮, 𑐳𑑄𑐐𑐷𑐟𑐎𑐵𑐬 𑐱𑐩𑑂𑐨𑐸𑐖𑐶𑐟 𑐧𑐵𑐳𑑂𑐎𑐾𑐚𑐵, 𑐎𑐶𑐬𑐞 𑐏𑐾𑐮, 𑐳𑐶𑐟𑐵𑐬𑐰𑐵𑐡𑐎 𑐟𑐵𑐬𑐵𑐰𑐷𑐬𑐳𑐶𑑄𑐴 𑐟𑐸𑐮𑐵𑐢𑐬 𑐰 𑐎𑐰𑐶 𑐬𑐟𑑂𑐣 𑐱𑐩𑑂𑐱𑐾𑐬 𑐠𑐵𑐥𑐵𑑄 𑐩𑑄𑐎𑐵𑑅𑐎𑐠𑑄 𑐰𑐶𑐩𑑀𑐔𑐣 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐀𑐠𑐾 𑐴𑐾 𑐣𑐵𑑄𑐖𑐵𑑅𑐩𑑂𑐴 𑐩𑑂𑐫𑐾𑑃 𑐴𑐵𑐮𑐵𑐩𑐶 𑐫𑑀𑐐𑐾𑐱 𑐰𑐿𑐡𑑂𑐫𑑄 𑐔𑑂𑐰𑐫𑐵𑐡𑐷𑐐𑐸 𑐳𑐶𑐜𑐷 𑐩𑑂𑐫𑐾𑐔𑐵𑑅 𑐰𑐿𑐡𑑂𑐫𑐫𑐵 𑐧𑐸𑐡𑐶𑑄𑐫𑐵 𑐮𑐳𑐟𑐵𑐫𑑂 𑐥𑐶𑐠𑑄𑐐𑐸 𑐏𑑅 𑑋

𑐩𑑂𑐫𑐾𑑃𑐔𑐵𑐮𑐫𑑂 𑐐𑐸𑐥𑐸 𑐩𑑂𑐫𑐾𑑃 𑐡𑐸𑐠𑑂𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐰𑐬𑐶𑐲𑑂𑐛 𑐳𑐶𑐟𑐵𑐬𑐰𑐵𑐡𑐎 𑐟𑐵𑐬𑐵𑐰𑐷𑐬𑐳𑐶𑑄𑐴 𑐟𑐸𑐮𑐵𑐢𑐬𑐫𑐵𑐟 𑐀𑐨𑐶𑐣𑐣𑑂𑐡𑐣 𑐣𑑄 𑐫𑐵𑑅𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐳𑐦𑐹𑐫𑐵 𑐧𑐵𑐬𑐾 𑐳𑐩𑐵𑐮𑑀𑐔𑐎 𑐂𑐣𑑂𑐡𑑂𑐬 𑐩𑐵𑐮𑐷𑑄 𑐰𑐶𑐰𑐾𑐔𑐣𑐵𑐟𑑂𑐩𑐎 𑐳𑐩𑐷𑐎𑑂𑐲𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐰𑐫𑑂𑐎𑐮𑑄 𑐨𑐶𑐜𑐶𑐫𑑀 𑐳𑐣𑑂𑐡𑐾𑐱 𑐩𑐵𑐬𑑂𑐦𑐟 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐱𑑂𑐬𑐷 𑐳𑐷𑐟𑐵 𑐳𑑂𑐩𑐺𑐟𑐶 𑐳𑑄𑐐𑐷𑐟 𑐎𑐶𑐥𑐹𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑑅 𑐎𑐰𑐶 𑐬𑐟𑑂𑐣 𑐱𑐩𑑂𑐱𑐾𑐬 𑐠𑐵𑐥𑐵𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐏𑑅𑐳𑐵 𑐣𑐶𑐟𑐵 𑐬𑑄𑐖𑐶𑐟𑑄 𑐳𑐸𑐨𑐵𑐫𑑂 𑐡𑐾𑐕𑐵𑐣𑐵𑐡𑐷𑐐𑐸
𑐏𑑅 𑑋