𑐖𑐶 𑐫𑐵𑐎𑑅𑐔𑐵 𑐩𑑂𑐧𑐵𑐫𑐾 𑐦𑐂𑐮𑐵 ? 𑐧 𑐠𑑅𑐎𑐾 𑐟𑐸 𑐣𑑂𑐴𑐫𑐳𑑅 𑐟𑐮 𑑋

𑐠𑑅𑐐𑐸 𑐣𑑂𑐴𑑂𑐫𑐳𑑅𑐫𑐵 𑐮𑐶𑐳: 𑐧𑐷 𑐣𑑂𑐴𑑂𑐫: 𑐕𑐎: 𑐎𑑂𑐰𑐠𑐵𑐫𑑂‌ 𑐔𑐵:𑐎𑐕𑐶 𑐩𑐶𑐏𑐵 𑐧𑑂𑐰𑐵𑐎𑐮 𑑋 𑐰𑐴𑐾 𑐎𑑂𑐰𑐠𑐵 𑐩𑑂𑐴𑐶𑐐: 𑐰 𑐠𑑁𑐫𑐵
𑐡𑐸𑐣𑐾 𑐰𑑄 𑐫𑐎𑑂𑐰: 𑐀𑐣𑑂𑐟𑐬 𑐏𑑄𑐎𑐮 𑑋 𑐜𑐧𑐮 𑐧𑐾𑐜𑐫𑐵 𑐏𑐵𑐟𑐫𑑂‌ 𑐕𑐐: 𑐖𑐎 𑐦𑐸𑑄𑐐𑐵 𑑋 𑐰𑐩𑐾𑐣𑑂𑐳 𑐥𑐟𑑂𑐬𑐶𑐎𑐵𑐫𑐵 𑐳𑐶𑐬𑐶𑐖𑑄 𑐖𑐵𑐫𑐵𑐔𑑂𑐰𑑄𑐐𑐸
𑐳𑐦𑐹𑐫𑐵 𑐟𑐏𑑂𑐟𑐵 𑐥𑑂𑐰𑐣𑐵𑑅 𑐔𑑂𑐰𑐣 𑑋 𑐜𑐾𑐳𑐶𑑄𑐐 𑐚𑐾𑐧𑐸𑐮 𑐡𑑂𑐫𑑀𑐣𑐾 𑐟𑐫𑐵𑐟:𑐐𑐸 𑐦𑑀𑐚𑑀𑐫𑐵 𑐦𑑂𑐬𑐾𑐩𑐫 𑐠𑑅𑐐𑐸 𑐕𑐥𑐵𑑅 𑐖𑐎 𑐦𑐵𑐚𑑀 𑐩𑑄𑐩𑐡𑐸
𑐩𑑄𑐩𑐡𑐸 𑐣𑑂𑐴𑐶𑐮𑐵 𑐥𑐶𑐖𑑂𑐰𑐫𑐾𑐎𑐵 𑐔𑑂𑐰𑐣 𑑋 𑐩𑑂𑐴𑐶𑐐: 𑐟𑐎 𑐳𑐎𑐟𑐵𑑄 𑐳𑐎𑐟𑐵𑑄 𑐩𑐶𑐖 𑐩𑐶𑐳𑐵𑐫𑐵 𑐰𑐳𑑂𑐟𑐸 𑐖𑐵𑐫𑐵𑐔𑑂𑐰𑐐𑐸 𑐎𑑂𑐰𑐠𑐵 𑐠𑑁𑑄 𑐖𑐸𑐰𑐮𑐫𑑂‌
𑐫𑐵𑐎𑑅𑐔𑐵 𑐰𑐫𑐵𑐐𑐸 𑐖𑐎 𑐧𑐳𑑂𑐟𑐸 𑐖𑐵𑐫𑐵𑐔𑑂𑐰𑐣 𑑋 𑐄𑐎𑐶 𑐏: 𑐰𑑄 𑐠𑑅𑐎𑐾 𑐣𑑂𑐴𑐫𑐳: 𑐟𑑅𑐐𑐸 𑐖𑐶 𑐫𑐵𑐎:𑐔𑐵 𑐩𑑂𑐰𑐵𑐫𑐾 𑐦𑐂𑐮𑐵 ?
𑐟𑐬 𑐰 𑐫𑐵𑐎:𑐔𑐵 𑐖𑐸𑐫𑐵𑑅 𑐩𑑂𑐰𑐵𑐫𑐾 𑐩𑐵𑑅𑐐𑐸 𑐡𑐸 𑑋 𑐕𑐵𑐫𑑂‌𑐎𑐶 𑐩𑑂𑐴𑐶𑐐:𑐣𑐶𑐳𑐾𑑄 𑐰𑐫𑐵: 𑐩𑐫𑐖𑐸 𑐰 𑐮𑐶𑐳𑐾 𑐰𑑂𑐫𑐵𑐐 𑐖𑐹𑐐𑐸 𑐡𑐸 𑑋 𑐢𑐵𑐟𑑂𑐠𑐾 𑐢𑐵𑐫𑐾𑐐𑐸
𑐏:𑐳𑐵 𑐰𑐫𑐵 𑐩𑐫𑑂‌𑐖𑐸 𑐰 𑐮𑐶𑐳𑐾𑑃 𑐥𑐵𑐬𑐥𑐵𑐔𑐸𑐎𑐾𑐫𑐵 𑐥𑑂𑐬𑐳𑑂𑐟𑐵𑐰 𑐟𑐫𑐵: 𑐀𑐡𑐵𑐮𑐟 𑐳𑑂𑐰𑐷𑐎𑐺𑐟𑐶 𑐎𑐵𑐫𑐾 𑐢𑐸𑑄𑐎𑐸𑐐𑐸 𑐡𑐸 𑑋 𑐄𑐎𑐶 𑐰𑐫𑐵𑐐𑐸 𑐕𑐾𑑃
𑐰𑐫𑐵 𑐩𑐫𑐖𑐸 𑐦𑐳𑑂𑐰𑐫𑐵 𑐧𑐣𑐾 𑐢𑐸𑑄𑐎𑐐𑐸 𑐡𑐸 𑑋 𑐰𑐫𑐵 𑐎𑑂𑐰𑐵𑑅𑐐𑐸 , 𑐮𑐸𑐩𑐸𑐐𑐸 𑐖𑐮𑑄 𑐟𑐵𑐥𑐵𑐫𑐾 𑐢𑐸𑑄𑐎𑐹𑐐𑐸 𑐡𑐸 𑑋 𑐄𑐎𑐶𑑄 𑐏: 𑐰𑑄 𑐠𑑅𑐎𑐾 𑐣𑑂𑐡𑑂𑐰𑐫𑐳𑑅
𑐟𑑅𑐐𑐸 𑐖𑐶 𑐫𑐵𑐎:𑐔𑐵 𑐩𑑂𑐰𑐵𑐫𑐾 𑐦𑐂𑐮𑐵 ?

𑐖𑐶 𑐫𑐵𑐎𑑅𑐔𑐵 𑐩𑑂𑐰𑐵𑐫𑐾 𑐩𑐵𑑅𑐠𑐾𑑄 𑐰 𑐣𑑄 𑐫𑐵𑐎:𑐔𑐵 𑐖𑐸𑐫𑐵: 𑐩𑑂𑐰𑐵𑐫𑐾 𑐩𑐵𑐮𑐷 𑐣𑐶 𑑋 𑐰𑑄 𑐠𑑅𑐟 𑐳𑐣𑑂𑐟𑑀𑐲𑐫𑐵 𑐳𑐵𑐳: 𑐧𑐷 𑑋
𑐀𑐫𑑂‌𑐣𑑄 𑐰𑑄 𑐠𑑅𑐟 𑐔𑐷𑐩𑐦𑐸𑑋 𑐖𑐶 𑐫𑐵𑐎𑑅𑐔𑐵 𑐩𑑂𑐰𑐵𑐫𑐾 𑐩𑐵𑑅 𑐟𑐬 𑐰 𑐐𑐣𑑄 𑐫𑐵𑐎𑑅𑐔𑐵 𑐖𑐸𑐂𑐎 𑐩𑑂𑐰𑐵𑐫𑐾 𑐩𑐵𑐮𑐷 𑑋 𑐰 𑐮𑐶𑐳𑐾𑑄 𑐩𑐳𑑂𑐟 𑐡𑐸
𑑋 𑐩𑐳𑑂𑐟 𑐮𑐶𑐳𑐾 𑐰 𑐡𑐸 𑑋 𑐖𑐶 𑐢𑐎𑐵𑑅 𑐫𑐵𑐎𑑅:𑐔𑐵 𑐖𑐸𑐂𑐎 𑐩𑑂𑐰𑐵𑐫𑐾 𑐩𑐵𑐮𑐷𑐣, 𑐠𑑅𑐎𑐾 𑐩𑐡𑐫𑐾𑐎 𑐣𑐶𑐩𑑂𑐴 𑐩𑐳𑑂𑐟 𑐡𑐫𑐵 𑐣𑑄 𑐥𑐵𑐬𑐥𑐔𑐸𑐎𑐾𑐫𑐵
𑐡𑐠𑐸𑐂 𑐖𑐶𑐟: 𑐀𑐣𑑂𑐫𑐵𑐫 𑐫𑐵𑑅𑐐𑐸 𑐡𑐸 𑑋 𑐕𑐩𑑂𑐴 𑐩𑐔𑐵 𑐴𑐾 𑐖𑐶𑐟: 𑐩𑐧𑐶𑐳𑐾𑑄 𑐣𑐶𑐩𑑂𑐴𑐿 𑐰𑑄 𑐠: 𑐫𑐵𑐣𑐵 𑐎𑐵𑐮 𑑋 𑐠𑑂𑐰 𑐀𑐣𑑂𑐫𑐵𑐫 𑐏: 𑑋 𑐰
𑐩𑐳𑑂𑐟𑐫𑑂‌𑐎𑐾 𑐖𑐶𑐐𑐸 𑐣 𑐴𑐶 𑐡𑐸, 𑐖𑐶𑐐𑐸 𑐣𑑄 𑐩𑐵𑐫𑐵 𑐡𑐸 𑑋 𑐱𑐵𑐫𑐡 𑐕𑐩𑑂𑐴 𑐩𑐔𑐵 𑐖𑐶𑐟: 𑐰𑑂𑐫𑐹𑐐𑐸 𑐏:𑐳𑐵 𑐖𑐶 𑐠𑑅𑐟 𑐫𑐵𑐎𑑅𑐔𑐵 𑐀𑐣𑐸𑐨𑐰
𑐫𑐵𑐫𑐾 𑐩𑑂𑐰𑐵𑐮𑐷𑐐𑐸 𑐮𑐵 ! 𑐰𑑄 𑐖𑐶𑐟: 𑐡𑐫𑐵 𑐫𑐵𑐣𑐵 𑐣𑑄 𑐧𑐷𑐩𑐵:𑐐𑐸 𑐏: 𑐕𑐩𑑂𑐴 𑐩𑐔𑐵 𑑋

 

𑐕𑐎𑐮𑑄 𑐩𑐾𑐐𑐸 𑐣𑐸𑐐𑐮 𑐰𑐿𑐟 𑐟𑐶𑐥𑑂𑐥𑐵 𑐣𑐎𑐮 𑑋 𑐰𑑄 𑐖𑐶𑐟𑑅 𑐡𑐫𑐵 𑐩𑐵𑐫𑐵𑐫𑐵 𑐔𑐶𑐄𑐟𑐵; 𑐟𑑅𑐐𑐸 𑐏𑑅𑐳𑐵 𑐮𑐵 𑐠𑐠𑐾
𑐥𑐵𑐬𑐥𑐵𑐔𑐸𑐎𑐾𑐫𑐵 𑐥𑑂𑐬𑐳𑑂𑐟𑐵𑐰 𑐟𑐫𑐾𑐩𑐵:𑐐𑐸 𑐁𑐰𑐱𑑂𑐫𑐎𑐟𑐵 𑐴𑐾 𑐡𑐂𑐩𑐏𑐸 𑑋 𑐖𑐶 𑐮𑐶𑐳𑐾𑑃 𑐟𑐐𑑂𑐰𑐫𑐾𑐎 𑐩𑐶𑐏𑐵 𑐎𑐣𑐵: 𑐖𑐵𑐐𑐫𑑂‌ 𑐖𑐸𑐂 𑐩𑐵𑐮𑐷𑐐𑐸
𑐴𑐾 𑐏𑐂𑐩𑐏𑐸 𑑋 𑐰 𑐖𑐶𑐟: 𑐩𑐵𑐫𑐵 𑐫𑐵𑑅𑐐𑐸 𑐩𑐏𑐸 𑑋 𑐖𑐶𑐟: 𑐫𑐵𑐎𑑅𑐔𑐵 𑐖𑐸𑐂𑐎𑐾𑐐𑐸 𑐟𑐵:𑐟𑐸𑐣𑐵 𑐴𑐾 𑐏: 𑐰𑑄 𑐖𑐶𑐮𑐶𑐳𑐾 𑐥𑐵𑐬 𑐥𑐵𑐔𑐸𑐎𑐾𑐐𑐸 𑑋
𑐄𑐎𑐶𑑄 𑐖𑐶 𑐰𑐿𑐟 𑐮𑐸𑐩𑑄𑐎𑐾𑐐𑐸 𑐎𑐸𑐟𑑅 𑐫𑐵𑐫𑐾𑐩𑐵: 𑐁: 𑑋 𑐮𑐸𑐩𑑄𑐎𑐵 𑐔𑑂𑐰𑐣𑐵𑑄 𑐳𑐵𑐢𑑂𑐫 𑐖𑐸𑐂𑐩𑐏𑐸 𑑋 𑐰𑑄 𑐖𑐶𑐟: 𑐮𑐸𑐩𑑄𑐎𑐹𑐐𑐸 𑐏:𑐳𑐵 𑐳𑐵𑐫𑐡
𑐖𑐶 𑐣𑑄 𑐮𑐸𑐩𑑄𑐎𑐾𑐐𑐸 𑐖𑐸𑐂 𑑋 𑐰 𑐮𑑂𑐰:𑐩𑑄𑐎𑐵 𑐕𑐧𑐟 𑐢𑐵𑑅𑐳𑐵 𑐖𑐶 𑐮𑐸𑐩𑑄𑐎𑐾𑐐𑐸 𑐴𑐾 𑐰𑐫𑐵𑐟 𑐀𑐣𑑂𑐫𑐵𑐫 𑐫𑐵𑐫𑐾𑐐𑐸 𑐖𑐸𑐡𑑂𑐡 𑑋 𑐰𑑄 𑐨𑐵𑑅𑐟 𑐩𑐡𑐫𑐾𑐎
𑐫𑐵𑐄𑐎 𑐖𑐷𑐰𑐣 𑐣𑑂𑐴𑑂𑐫𑐵𑐎𑐾 𑐦𑐸𑐳𑐵 𑐖𑐶 𑐣𑑄 𑐎𑐮𑐵: 𑐩𑐡𑐫𑐾𑐎 𑐕𑐵𑐫𑐾 𑐣𑑂𑐴𑑂𑐫𑐵𑐎𑐾 𑐩𑐦𑐂 ?

𑐖𑐶𑑄 𑐰𑐶𑐔𑐵: 𑐟𑐎𑑄 𑐩𑐫𑐵𑐣𑐵 𑐖𑐶𑐩𑐶 𑐠𑐠𑐾 𑐧𑑂𑐫𑐵𑐐 𑐖𑐸𑐂 𑐢𑐎𑐵𑑅 𑑋 𑐱𑐵𑐫𑐡 𑐰𑑄 𑐣𑑄 𑐰𑐶𑐔𑐵: 𑐩𑐫𑐵 𑐖𑐸𑐂 𑑋 𑐔𑐬𑑂𑐔𑐫𑑂‌ 𑐰𑐣𑐵𑑅
𑐂𑐴𑐶𑐥𑐵: 𑐫𑐵𑐣𑐵 𑐧𑐮𑐾 𑐟𑑂𑐰𑐂𑐳𑐾 𑐔𑑂𑐰𑑄𑐐𑐸 𑐧𑐶𑐴𑐵𑐫𑐵 𑐐𑐵𑐄𑐣𑐫𑑂‌ 𑐐𑐸𑐮𑐶 𑐳𑐸𑐔𑐸𑐎𑐵 𑐰 𑐀𑐧𑐮𑐫𑑂‌ 𑑋 𑐏:𑐮𑐵 𑐀𑐧𑐮𑐫𑑂 𑐖𑐶𑐩𑐶𑐎𑐾 𑐣𑑂𑐴𑑂𑐫𑐳𑑅
𑐣𑑄 𑐟𑑅𑐐𑐸 𑐏: 𑑋 𑐕𑐶𑐩𑐶𑐐𑐸 𑐡𑐵𑐩𑑂𑐥𑐟𑑂𑐫 𑐖𑐷𑐰𑐣 𑐣𑑂𑐴𑐫𑐵𑐧𑐮𑐾𑑄 𑐠𑑁𑑄 𑐠𑐾𑑄 𑐖𑐸𑐂𑐮𑐵 ? 𑐕𑐳𑐵𑐳𑐮 𑐖𑐶𑐩𑐶𑐳𑑄 𑐮𑐶𑐳: 𑐰𑐶𑐫𑐵: 𑐖𑐶𑐥𑐶𑑄 𑐐𑐧𑐮𑐾𑑄
𑐧𑐵𑐫𑐾 𑐩𑐏𑐸 𑑋 𑐖𑐶𑐩𑐶𑐟 𑐳𑐸𑐰𑐵 𑐧𑐶𑐮, 𑐕𑐶𑐩𑐶𑐐𑐸 𑐡𑐵𑐩𑑂𑐥𑐟𑑂𑐫 𑐖𑐷𑐰𑐣 𑐳𑐏𑐷 𑐖𑐸𑐂𑐩𑐵: 𑑋 𑐖𑐶𑐩𑐶𑐳𑑄 𑐮𑐶𑐳: 𑐰𑐶𑐫𑐵: 𑐳𑐸𑐨𑐵𑐫𑑂‌ 𑑋 𑐳𑐸𑐨𑐵𑐫𑑂
– 𑑌 𑐱𑐵𑐫𑐡𑑂‌ 𑐠𑑂𑐫 𑐎𑑂𑐲𑐞𑐶𑐎 𑐖𑐎 𑐏: 𑐢𑐎𑐵𑑅 𑐩𑐣𑐹𑐟𑐫𑑂‌𑐳𑑄 𑐩𑐟𑐶𑐂 𑐣𑑄 𑐟𑐮 𑐖𑐸𑐡𑑂 𑐖𑐶𑐩𑐶𑐐𑐸 𑐮𑐶𑐳: 𑑋 𑐀𑐠𑐾 𑐴𑐾 𑐩𑐟𑐷 𑐟𑐫𑐵𑐔𑑂𑐰𑐥𑐶𑑄
𑐣𑑂𑐴𑐶𑐮𑐵 𑐔𑑂𑐰𑐣 𑐖𑐸𑐂 𑐠𑑁𑑄 𑐖𑐶𑐩𑐶𑐐𑑂‌ 𑐄𑐐𑐸 𑐃𑐫𑐵 𑐮𑐶𑐳: 𑐮𑐸𑐩𑑄𑐎𑐵: 𑑋 𑐖𑐶𑐩𑐶𑐟 𑐠: 𑐏𑐣𑐵 𑐳𑐸𑐰𑐵𑑅 𑐧𑐶𑐄𑐥𑐶𑐳𑑄 𑐖𑐷𑐰𑐣 𑐠𑐠𑐾 𑐴𑐾 𑐏:
𑐢𑐎𑐵: 𑐩𑐟𑐷 𑐟𑐫𑐵𑐔𑑂𑐰𑐣 𑐖𑐸𑐂 𑑋 𑐩𑐳𑑂𑐫𑐸𑐐𑐸 𑐩𑐏𑐸 𑐳𑐎𑐳𑐶𑐫𑐵𑑄 𑐳𑐶𑐄 𑑋 𑐧𑐶𑐴𑐵 𑐖𑐸𑐂𑐰𑑄 𑐫𑐵𑐎𑐣 𑐧𑐵𑐫𑐾 𑐩𑐵𑐮𑐷 𑑋 𑐏𑑅𑐮𑐵 𑐖𑐶 𑐧𑐶𑐴𑐵
𑐫𑐵𑐫𑐾𑐐𑐸 𑐥𑑂𑐬𑐳𑑂𑐟𑐵𑐰𑐫𑐵 𑐏𑑃 𑐥𑐵𑐳𑐵𑐥𑐶𑑄𑐟 𑐣𑑂𑐫𑑄𑐎𑐵𑐧𑐮𑐫𑑂‌ 𑐖𑐶𑐟: 𑐣𑑂𑐰𑐵𑐐𑐸 𑐣𑑄 𑐏 𑑋 𑐧𑐶𑐴𑐵: 𑐫𑐵𑐫𑐾 𑐩𑐟𑐾𑐣𑐶 𑐐𑐬𑑂𑐮𑑂𑐳 𑐦𑐾𑐞𑑂𑐜 𑐎𑐠𑑄 𑐖𑐎
𑐖𑐷𑐰𑐣 𑐣𑑂𑐴𑑂𑐫𑐵𑐎𑐵 𑐔𑑂𑐰 𑐢𑐎𑐵: 𑑋 𑐠𑐠𑐾 𑐴𑐿 𑐩𑐫𑑂‌𑐖𑐸𑐫𑐵𑐟 𑐟𑐷𑐖𑐎 𑐏 𑐕𑐸𑐣𑐵𑐐𑐸 𑐣𑑄 𑐏𑑅 𑑋 𑐟𑐬 𑐰 𑐩𑐵𑐣𑐫𑑂‌ 𑐩𑐖𑐹 𑑋 𑐣𑑂𑐴𑐫𑐂𑐥𑐸𑐎
𑐕𑑄𑐏𑐵 𑐕𑐾𑐫 𑐔𑑂𑐰𑐣𑐾 𑑋 𑐣𑑂𑐴𑑂𑐫𑐂𑐥𑐸𑐎 𑐁: 𑐳𑑂𑐰𑐫𑐵 𑐣𑑄 𑐫𑐎𑑂𑐰 𑐔𑐵𑑅𑐴𑐶𑐮𑐾 𑑋 𑐎𑐮𑐵; 𑐨𑐵𑑅𑐟 𑐖𑐸𑐫𑐵: 𑐗𑐶 𑐣𑑂𑐴𑑂𑐫𑐂𑐥𑐸𑐎𑐾 𑐢𑐎𑐵𑑅 𑐖𑑀𑐜
𑐫𑐵𑐣𑐵: 𑐰𑐂𑐐𑐸 𑐴𑐿 𑐄𑐖𑐮𑑄 𑐂𑐴𑐶𑐥𑐵: 𑐫𑐵𑐣𑐵 𑑋 𑐰𑐿𑐐𑐸 𑐴𑐾 𑐄𑐖𑐮𑑄 𑐥𑐵𑐬𑐥𑐵𑐔𑐸𑐎𑐾 𑐣𑑄 𑐫𑐵𑐣𑐵 𑑋 𑐎𑑂𑐲𑐞𑐶𑐎 𑐖𑐷𑐰𑐣𑐫𑐵 𑐡𑐸𑐣𑐾 𑐖𑐶𑐩𑐶𑐐𑐸
𑐧𑐶𑐴𑐵 𑐣 𑐳𑐶𑐢𑐮 𑑋 𑐥𑐵𑐬 𑐥𑐵𑐔𑐸𑐎𑐾 𑐣 𑐳𑐶𑐢𑐮 𑑋

𑐖𑐹𑐐𑐸 𑐖𑐸𑐮 𑑋 𑐳𑐎𑐳𑑂𑐫𑐵 𑐳𑑂𑐫𑐹 𑑋 𑐖𑐶 𑐖𑐎 𑐖𑐹𑐐𑐸 𑐩𑐏𑐸 𑑋 𑐩𑑂𑐴𑐵𑐂𑐥𑐸𑐎𑐾 𑐩𑐵𑑅𑐐𑐸 𑐕𑐸 𑐡𑐸 ! 𑐥𑐶𑐚𑐬𑐫𑐵 𑐣𑑄 𑐀𑐠𑐾 𑐴𑐾 𑐖𑐸𑐮 𑑋
𑐴𑐵𑐣𑑄 𑐩𑐾𑐩𑑂𑐴 𑐧𑐶𑐴𑐵 𑐫𑐵𑐟 𑑋 𑐦𑑂𑐬𑐵𑐫𑐎𑐫𑐵 𑐣𑑄 𑐠𑐠𑐾 𑐴𑐾 𑐖𑐸𑐮 𑑋 𑐴𑐵𑐣𑑄 𑐧𑐶𑐴𑐵 𑐩𑐫𑐵𑐳𑐾𑑄 𑐫𑐵𑐎𑑅𑐔𑐵 𑐖𑐷𑐰𑐣 𑐴𑐣𑐵𑐔𑑂𑐰𑐣 𑐢𑐵:𑐳𑐵 𑐖𑐶𑑄
𑐖𑐎 𑐣𑐸𑐐: 𑐴𑐷𑐎𑐾 𑐩𑐵𑑅𑐐𑐸 𑐕𑐵𑐫𑑂‌ ? 𑐖𑐶 𑐩𑐾𑐩𑑂𑐴 𑐧𑑂𑐫𑐵𑐴𑐵 𑐫𑐵𑐫𑐾 𑐩𑐏𑐸 𑑋 𑐕𑐐: 𑐡𑐸𑑄𑐐𑐵 𑐦𑐵𑐟𑐵𑐥𑐸𑐮𑐾 𑐢𑐸𑐎𑐵: 𑐩𑐾𑐐𑐸 𑐡𑐸𑑄𑐐𑐵𑐫𑑂‌ 𑐴𑐵𑐣 𑐕𑐵𑐫𑑂‌
𑐥𑐮𑐵: 𑐟𑑅𑐰𑐣𑐾𑐐𑐸 ? 𑐥𑐶𑐚𑐬𑐫𑐵 𑐏𑑄 𑐮𑐸𑐩𑐣𑐵 𑐰𑐂𑐟 𑐳𑐮𑑂𑐮𑐵 𑐧𑐶𑐄𑐐𑐸 𑐡𑐸𑑄𑐐𑐵 𑐦𑐸𑐎𑑂𑐎 𑐀𑐠𑐾 𑐖𑐸𑐜𑑂𑐩𑐏𑐸 𑑋 𑐟𑐬 𑐧𑐫𑐵 𑐩𑐫𑐖𑐸 . ….𑑋
𑐰 𑐰𑐫𑐵 𑐩𑐫𑐖𑐸 𑐠:𑐮𑐶𑐳𑐾 𑐟𑐩𑑄 𑐴𑐵: 𑐰:𑐐𑐸 𑐏𑑃 𑐮𑐸𑐩𑑄𑐎𑐮 𑑋 𑐕𑐥𑐵𑐏𑐾𑑄 𑐖𑐶𑐟: 𑐐𑐸𑐮𑐶 𑐣𑑂𑐴𑑂𑐫𑐂𑐥𑐸𑐎 𑐟𑐫𑐵 ? 𑐧𑐶𑐴𑐵 𑐖𑐹𑐐𑐸 𑐏𑐸𑐡𑑃𑐫𑐵
𑐡𑐸𑐣𑐾 𑐐𑐸𑐮𑐶 𑐣𑐴𑑂𑐫𑐂𑐥𑐸𑐎𑐵 𑐖𑐶𑐟: ? 𑐣𑑂𑐴𑐵𑐥𑐵 𑐠𑐾𑑄 𑐐𑐸𑐮𑐶 𑐔𑐵𑑅𑐴𑐶𑐎𑐾 𑐫𑑄𑐎𑐵 ? 𑐫𑐵𑐎:𑐔𑐵 𑐖𑐾𑐮 𑐡𑐸𑐣𑐾 𑐟𑐫𑐾 𑐠𑐾𑑄 𑐕𑐾𑑃𑐎𑐸𑐮𑐸 𑐧𑑂𑐫𑐵𑑄 𑐫𑐵𑐫𑐾
𑐧𑐵𑐴𑐾𑐎 𑐩𑐾𑐐𑐸 𑐕𑐸 𑐫𑐵𑐣𑐵 ? 𑐣𑑂𑐴𑐵𑐥𑐵 𑐠𑐾𑑄 𑐀𑐦𑐶𑐳 𑐫𑐵𑐫𑐾 𑐢𑐫𑐵𑑄 𑐕𑑄𑐐𑐸 𑐎𑐩𑐵𑐃 𑐣𑑄 𑐐𑐵 𑐢𑐎𑐵: 𑐀𑐦𑐶𑐳 𑐫𑐵𑐎𑐵𑐮𑐵 ? 𑐧𑐶𑐴𑐵 𑐫𑐵𑐫𑐿
𑐣𑑂𑐴𑑂𑐫𑑅 𑐐𑐸𑐮𑐶 𑐖𑐶 𑐣𑑂𑐴𑑂𑐫𑐂𑐥𑐸𑐎 𑐔𑑂𑐰𑐣𑐵𑐐𑐸 𑐏: 𑐄𑐮𑐶 𑐧𑐶𑐴𑐵: 𑐢𑐸𑐎𑐵: 𑐟𑐫𑐵𑐮𑐵 ? 𑐄𑐎𑐶𑑄 𑐁: 𑐖𑐶𑐟 𑐫𑐵𑐎:𑐔𑐵 𑐩𑑂𑐰𑐵𑐫𑐾 𑐖𑐶 𑐠:
𑐫𑐟𑑂𑐠𑐾𑑄 𑐩𑑂𑐰𑐵𑐫𑐾 𑑋 𑐖𑑂𑐘𑐶 𑐫𑐵𑐎:𑐔𑐵 𑐩𑑂𑐰𑐵𑐫𑐾 𑑋

𑐏: 𑐖𑐶𑑄 𑐰𑐿𑐟 𑐣𑑂𑐴𑐵𑐥𑐵 𑐠𑐾𑑄 𑐔𑐵𑑅𑐴𑐶𑐎𑐾 𑐩𑐫𑑄𑐎𑐵 𑑋 𑐰𑐿𑐟 𑐕𑐾𑑃𑐫𑐵 𑐖𑑂𑐫𑐵𑐫𑑂‌ 𑐐𑑂𑐰𑐵𑐴𑐵𑐮𑐶 𑐩𑐧𑐶𑐫𑐵 𑑋 𑐏: 𑐖𑐶𑑄 𑐰𑐿𑐟 𑐀𑐦𑐶𑐳
𑐩𑐫𑐵𑐎𑐵 𑑋 𑐡𑐎𑑂𑐎𑐮𑐫 𑐩𑐢𑑂𑐫𑐾 𑐡𑑂𑐢𑑄𑐎𑐵𑐐𑐸 𑐠𑑂𑐰 𑐏: 𑑋 𑐀𑐫𑑂‌𑐣𑑄 𑐰𑑄 𑐡𑐠𑐸𑐂 𑐕𑐎: 𑐖𑐶𑐟: 𑐣𑑂𑐰𑐵𑐫𑐾 𑐩𑐵𑑅𑐐𑐸 𑐏𑑅 𑑋 𑐀𑐠𑐾 𑐩𑐫𑐵𑐳𑐾𑑄 𑐰
𑐟𑐥𑑂𑐫𑑄𑐎 𑐀𑐡𑐵𑐮𑐟𑐫𑑂‌ 𑐴𑐾 𑐥𑐵𑐬𑐥𑐵𑐔𑐸𑐎𑐾 𑐦𑑂𑐰𑐣 𑑋 𑐣𑑂𑐴𑐫𑐵𑐐𑐸𑐳𑐵𑑄 𑐰𑐿𑐟 𑐕𑐎: 𑐮𑐸𑐩𑐣𑑂𑐟𑐶 𑐧𑐷, 𑐰𑑄 𑐖𑐶𑐐𑐸 𑐮𑐸𑐩𑐣𑑂𑐟𑐶𑐫𑐵𑐟 𑐣𑐸𑐐𑐮𑑄
𑐴𑐵𑐎𑐸𑐟𑐶𑐣𑐵 𑐴𑐾 𑐕𑑂𑐰𑐳𑐵𑑄 𑑋

𑐎𑐮𑐩 𑐕𑐥𑐹 𑐎𑐫𑐵𑑅 𑐰 𑐚𑐾𑐧𑐸𑐮 𑐣𑑂𑐴𑑂𑐫:𑐣𑐾 𑐦𑑂𑐫𑐟𑐸𑐟, 𑐔𑑂𑐰𑐫𑐵 𑐫𑐣 𑑋

𑐩𑑂𑐴𑐶𑐐:𑐣𑐶𑐳𑐾 𑐗𑐷 𑐰𑑂𑐫𑐵𑐐𑐮𑑄 𑐔𑑂𑐰𑐣𑐵 𑑋 𑐟𑐬 𑐠𑑂𑐰 𑐰𑑂𑐫𑐵𑐐𑐮𑑄 𑐎𑐵𑐣𑐹𑐣𑐷 𑐬𑐸𑐥𑑄 𑐳𑐡𑐵𑐫𑐵 𑐮𑐵𑐐𑐶 𑐖𑐹𑐳𑐵𑑄 𑐖𑐶𑐐𑐸 𑐣𑐸𑐐𑐮𑑄 𑐳𑐡𑐵𑑄𑐫𑐵
𑐮𑐵𑐐𑐶 𑐢𑐵𑑅 𑐩𑐢𑐵𑑅 𑐖𑐶𑑄 𑐢𑐵𑐫𑐾 𑐩𑐦𑐸 𑑋 𑐎𑑂𑐲𑐞𑐶𑐎 𑐨𑐵𑐰𑐵𑐰𑐾𑐱𑐫𑑂‌ 𑐰𑐫𑐵: 𑐠𑐸𑐐𑐸 𑐣𑐶𑐬𑑂𑐞𑐫 𑐖𑐹𑐐𑐸 𑐏𑑅𑐮𑐵 𑐰𑐵 𑐐𑐠𑐾 𑐖𑐹𑐐𑐸 𑐏; 𑐖𑐶 𑐢𑐵𑐫𑐾
𑐩𑐦𑐸𑑋 𑐖𑐹𑐐𑐸 𑐖𑐸𑐮 𑑋 𑐕𑑄 𑐕𑐎: 𑐫𑐵𑐎𑑅𑐔𑐵 𑐖𑐷𑐰𑐣 𑐴𑐣𑐵 𑐳𑑂𑐰: 𑑋 𑐖𑐶𑑄 𑐣𑑄 𑐕𑐎: 𑐖𑐷𑐰𑐣 𑐴𑐣𑐵 𑐳𑑂𑐰𑐫𑐾 𑐫𑐵𑐎:𑐔𑐵 𑑋 𑐠𑐸𑐎𑐶𑐫𑐵
𑐮𑐶𑐔𑑂𑐰: 𑐐𑐠𑐾 𑐖𑐸𑐜𑑂 𑐠𑑂𑐰 𑐗𑐷𑐳𑑄 𑐮𑐶𑐥𑐵 𑐖𑐶𑐟𑐶 𑐳𑐶𑐂 𑑋 𑐏𑑅𑐮𑐵 𑐫𑐵𑐎𑑅𑐔𑐵 𑐖𑐶 𑐖𑐎 𑐖𑐸𑐮 𑑋 𑐕𑐮𑐵 𑐫𑐵𑐎𑑅𑐔𑐵 𑐑𑐵𑑅𑐳𑐵 𑐩𑐔𑐵
𑐑𑐫𑐥𑐸𑐣𑐵 𑐰𑑄𑐐𑐸 𑐡𑐸 𑑋 𑐄𑐎𑐶𑑄 𑐖𑐶 𑐧𑐶𑐣𑐵 𑐣𑑄 𑐩𑑂𑐰𑐵𑐫𑐾 𑐦𑐂 𑐕 𑑋 𑐟𑐬 𑐖𑐶 𑐩𑐔𑐵 𑐑𑐫𑑂‌𑐥𑐸𑐣𑐵 𑐩𑑂𑐰𑐵𑐫𑐾 𑐩𑐡𑐸𑐩𑑂𑐴 𑐣𑑄 𑐩𑑂𑐰𑐵𑐫𑐾 𑐦𑐂
𑐩𑐦𑐂𑐫𑐵 𑐟𑐵𑐮𑑂𑐖𑐸𑐂 𑐕𑐎: 𑐔𑑂𑐰𑐣𑐾 𑑋 𑐄𑐐𑐸 𑐟𑐵𑐮𑑂𑐖𑐸𑑄 𑐖𑐶𑐟: 𑐐𑐸𑐏𑐾 𑐎𑑂𑐰𑐳𑑂𑐰𑐎𑐷 𑑋 𑐟𑐬 𑐕𑐟𑐵 𑐏𑑃 𑐮𑑂𑐧𑐩𑑄𑐎𑐾 𑐩𑐟𑐾, 𑐕 𑐩𑐾𑐩𑑂𑐴 𑐩𑐶𑐖𑑄
𑐮𑐶𑐳𑐾𑑄 𑐧𑐶𑐴𑐵 𑐫𑐵𑐫𑐾 𑐣𑐴𑑂𑐫: 𑐖𑐶𑐟: 𑐕𑐎: 𑐳𑐸𑐔𑑄 𑐧𑐷𑐐𑐸 𑑋 𑐕𑐵𑐫𑑂‌ 𑐢𑐵𑑅𑐳𑐵 𑐄𑐐𑐸 𑐴𑐾 𑐡𑐶𑐣 𑐖𑐶𑑄 𑐣𑑄 𑐩𑐾𑐩𑑂𑐴𑐮𑐶𑐳𑐾𑑄 𑐰 𑐴𑐾 𑐔𑐬𑑂𑐔𑑄𑐫𑑂‌ 𑐴𑐵𑐣𑑄
𑐧𑐶𑐴𑐵 𑐫𑐵𑐫𑐾 𑐧𑐳𑑂‌ 𑑋 𑐩𑐳𑑂𑐟𑐫𑑂‌𑐟 𑐖𑐶𑐐𑐸 𑐮𑐸𑐩𑐣𑑂𑐟𑐶 𑐡𑐸 𑑋

𑐥𑑁 𑐔𑑂𑐰𑐫𑐵 𑐳𑐵𑐳 𑐕𑐎: 𑐟𑐵:𑐴𑐵𑐎 𑐮𑑂𑐴𑐵𑐟 𑑋 𑐄𑐐𑐸 𑐡𑐶𑑄 𑐟𑐎 𑐰𑑄 𑐫𑐵𑐎𑑅𑐔𑐵 𑐩𑑂𑐰𑐵𑐫𑐾𑐐𑐸 𑐡𑐺𑐝 𑐣𑐶𑐱𑑂𑐔𑐫 𑐫𑐵𑐟, 𑐐𑐸𑐧𑐮𑐫𑑂‌
𑐟𑐎 𑐰𑐫𑐵 𑐩𑐫𑐖𑐸 𑐫𑐵𑐎: 𑐩𑑂𑐰𑐵𑐣𑐵𑐔𑑂𑐰𑐣𑐷 𑑋