𑐨𑐵𑐲𑐵𑐫𑐵 𑐰𑐶𑐎𑐮𑑂𑐥𑐫𑑂 𑐨𑐵𑐲𑐵 𑐴𑐾 𑐟𑐫𑐾𑐟 𑐂𑐣𑐵𑐥

𑐳𑑂𑐎𑐸𑐮 𑐟𑐐𑐶𑑄𑐫𑐵 𑐱𑐶𑐎𑑂𑐲𑐵𑐫𑑂 𑐎𑐎𑑂𑐲𑐵 𑑙 𑐰 𑑑𑑐 𑐫𑑂 𑐋𑐔𑑂𑐕𑐶𑐎 𑐰𑐶𑐲𑐫𑐎𑐠𑑄 𑐀𑐣𑐶𑐰𑐵𑐬𑑂𑐫 𑐬𑐸𑐥𑑄 𑐣𑑂𑐴𑑂𑐫𑐵𑐐𑐸𑐳𑐵𑑄 𑐕𑐐𑐹 𑐨𑐵𑐲𑐵 𑐧𑑂𑐰𑐣𑐾 𑐡𑐂𑐐𑐸 𑐰𑑂𑐫𑐰𑐳𑑂𑐠𑐵 𑐫𑐵𑐫𑐾𑐟 𑐣𑐾𑐥𑐵𑐮𑐨𑐵𑐲𑐵𑐫𑐵 𑐀𑐨𑐶𑐫𑐣𑑂𑐟𑐵𑐟𑐫𑑂𑐳𑑄 𑐱𑐶𑐎𑑂𑐲𑐵 𑐩𑐣𑑂𑐟𑑂𑐬𑐷 𑐳𑐩𑐎𑑂𑐲 𑐂𑐣𑐵𑐥 𑐫𑐵𑑅𑐐𑐸 𑐡𑐸 𑑋

𑐣𑐾𑐰𑐵𑑅 𑐣𑑂𑐴𑑂𑐫𑐮𑐸𑐰𑐵 𑐮𑐶𑐳𑐾𑑄 𑐥𑐸𑐮𑐵𑑄𑐩𑑂𑐴 𑐩𑐣𑑂𑐟𑑂𑐬𑐷 𑐬𑐵𑐖𑐾𑐣𑑂𑐡𑑂𑐬 𑐱𑑂𑐬𑐾𑐲𑑂𑐛 𑐳𑐩𑐾𑐟 𑐡𑐸𑐠𑑂𑐫𑐵𑑅𑐐𑐸 𑐨𑐵𑐲𑐶𑐎 𑐀𑐨𑐶𑐫𑐣𑑂𑐟𑐵𑐟𑐫𑑂𑐐𑐸 𑐕𑐐𑐹 𑐥𑐸𑐔𑐮𑑄 𑐁𑑅 𑐣𑐎𑐟𑐶𑐣𑐶 𑐱𑐶𑐎𑑂𑐲𑐵 𑐩𑐣𑑂𑐟𑑂𑐬𑐷 𑐀𑐱𑑀𑐎 𑐬𑐵𑐃𑐫𑐵𑐟 𑐣𑐵𑐥𑐮𑐵𑐣𑐵𑑅 𑐠𑑁𑑄𑐎𑐣𑑂𑐴𑐫𑑂 𑐎𑐎𑑂𑐲𑐵 𑑙 𑐰 𑑑𑑐 𑐫𑑂 𑐋𑐔𑑂𑐕𑐶𑐎 𑐰𑐶𑐲𑐫 𑐎𑐠𑑄 𑐫𑐡𑐶 𑐨𑐵𑐲𑐵 𑐧𑑂𑐰𑐣𑐾𑐐𑐸 𑐂𑐔𑑂𑐕𑐵 𑐫𑐵𑐟 𑐢𑐵𑑅𑐳𑐵 𑐰𑐶𑐖𑑂𑐘𑐵𑐣, 𑐀𑐟𑐶𑐬𑐶𑐎𑑂𑐟 𑐐𑐞𑐶𑐟 𑐰𑐵 𑐎𑐩𑑂𑐥𑑂𑐫𑐸𑐚𑐬 𑐳𑐵𑐂𑐣𑑂𑐳 𑐧𑑂𑐰𑐣𑐾 𑐩𑐡𑐂 𑐎𑐠𑑄 𑐫𑐵𑐣𑐵𑐟𑑅𑐐𑐸 𑐰𑑂𑐫𑐰𑐳𑑂𑐠𑐵 𑐳𑑄𑐱𑑀𑐢𑐣 𑐫𑐵𑐫𑐾𑐟 𑐂𑐣𑐵𑐥 𑐫𑐵𑑅𑐐𑐸 𑐏𑑅 𑑋

𑑙 𑐰 𑑑𑑐 𑐟𑐐𑐶𑐩𑐫𑑂 𑐣𑐾𑐥𑐵𑐮𑐨𑐵𑐲𑐵 𑐮𑐐𑐵𑐫𑐟 𑐠𑐷𑐠𑐷 𑐨𑐵𑐲𑐵 𑐧𑑂𑐰𑐣𑐾 𑐡𑐂 𑐎𑐠𑑄 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵𑐟𑑅𑐐𑐸 𑐡𑐸𑐳𑐵𑑄 𑐨𑐵𑐲𑐵 𑐰𑐶𑐲𑐫 𑐕𑐣𑑁𑐚 𑐫𑐵𑐟 𑐢𑐵𑑅𑐳𑐵 𑐰𑐶𑐖𑑂𑐘𑐵𑐣, 𑐐𑐞𑐶𑐟, 𑐎𑐩𑑂𑐥𑑂𑐫𑐸𑐚𑐬 𑐰𑐶𑐲𑐫 𑐧𑑂𑐰𑐣𑐾 𑐩𑐏𑐣𑐷𑐐𑐸 𑐖𑐹𑐐𑐸𑐮𑐶𑑄 𑐨𑐵𑐲𑐵 𑐧𑑂𑐰𑐣𑐾𑐐𑐸 𑐂𑐔𑑂𑐕𑐵 𑐫𑐵𑑅𑐳𑐵𑑄 𑐧𑑂𑐰𑐣𑐾 𑐏𑐣𑐵𑐔𑑂𑐰𑑄𑐐𑐸 𑐩𑐡𑐸 𑑋 𑐄𑐎𑐶𑑄 𑐋𑐔𑑂𑐕𑐶𑐎 𑐰𑐶𑐲𑐫𑐫𑑂 𑐨𑐵𑐲𑐵𑐫𑐵 𑐰𑐶𑐎𑐮𑑂𑐥𑐫𑑂 𑐨𑐵𑐲𑐵 𑐴𑐾 𑐟𑐫𑐾𑐐𑐸 𑐎𑐠𑑄 𑐥𑐵𑐛𑑂𑐫𑐎𑑂𑐬𑐩 𑐩𑐶𑐮𑐾 𑐫𑐵𑐫𑐾𑐟 𑐂𑐣𑐵𑐥 𑐫𑐵𑑅𑐐𑐸 𑐏𑑅 𑑋

𑐨𑐵𑐲𑐵 𑐧𑑂𑐰𑐣 𑐢𑐵𑑅𑐳𑐵 𑐰𑐶𑐖𑑂𑐘𑐵𑐣–𑐐𑐞𑐶𑐟 𑐰𑐶𑐲𑐫 𑐧𑑂𑐰𑐣𑐾 𑐩𑐏𑐣𑐷𑐐𑐸 𑐠𑑂𑐰 𑐰𑑂𑐫𑐰𑐳𑑂𑐠𑐵 𑐥𑐘𑑂𑐔𑐵𑐫𑐟𑐎𑐵𑐮𑐫𑑂 𑐴𑐾 𑐫𑐵𑐣𑐵𑐟𑑅𑐐𑐸 𑐏𑑅𑐳𑐵 𑐣𑐾𑐥𑐵𑐮𑐨𑐵𑐲𑐵 𑐀𑐨𑐶𑐫𑐣𑑂𑐟𑐵𑐟𑐫𑑂𑐳𑑄 𑐥𑑂𑐬𑐖𑐵𑐟𑐣𑑂𑐟𑑂𑐬 𑐰 𑐐𑐞𑐟𑐣𑑂𑐟𑑂𑐬 𑐰𑐫𑐾𑐢𑐸𑑄𑐎𑐵𑑅 𑐴𑐬𑐾𑐎 𑐢𑐂𑐠𑐾𑑄 𑐱𑐶𑐎𑑂𑐲𑐵 𑐩𑐣𑑂𑐟𑑂𑐬𑐷𑐟𑐫𑑂𑐟 𑐠𑐸𑐎𑐷 𑐳𑑄𑐱𑑀𑐢𑐣 𑐫𑐵𑐫𑐾 𑐩𑐵𑐮 𑐢𑐎𑐵𑑅 𑐂𑐣𑐵𑐥 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋