𑐩𑐸𑐣𑐎𑑅𑐩𑐶𑐫𑐵 ‘𑐑𑐵𑑅’ 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵 𑐖𑐸𑐮

𑐏𑑂𑐰𑐥, 𑐠𑐶𑑄𑐮𑐵𑐐𑐵𑑅 𑐔𑐟𑐸𑐬𑑂𑐠𑐷

𑐨𑐎𑑂𑐟𑐥𑐸𑐬 𑐳𑐵𑐴𑐶𑐟𑑂𑐫𑐶𑐎 𑐳𑐩𑐵𑐖𑐫𑐵 𑐐𑑂𑐰𑐳𑐵𑐮𑐫𑑂 𑐐𑐥𑐮𑐷 𑐏𑑂𑐰𑐥𑐫𑑂 𑐰𑑄𑐐𑐸 𑐱𑐣𑐶𑐰𑐵𑑅 𑐬𑐵𑐖𑐸 𑐬𑐵𑐩 𑐩𑐸𑐣𑐎𑑅𑐩𑐶𑐫𑐵 ‘𑐑𑐵𑑅’ 𑐳𑐦𑐹 (𑐔𑐶𑐧𑐵𑐏𑑄 𑐩𑐸𑐣𑐵) 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐡𑐸 𑑋

𑐳𑐩𑐵𑐖𑐫𑐵 𑐳𑐮𑑂𑐮𑐵𑐴𑐎𑐵𑐬 𑐎𑐵𑐱𑐷 𑐬𑐵𑐩 𑐰𑐶𑐬𑐳𑐫𑐵 𑐣𑐵𑐫𑑅𑐳𑐹𑐂 𑐰𑐶𑐩𑐮 𑐥𑑂𑐬𑐨𑐵 𑐧𑐖𑑂𑐬𑐵𑐔𑐵𑐬𑑂𑐫𑑄 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑐩𑐵𑐖𑐳𑐾𑐰𑐷 𑐣𑐵𑐥𑑄 𑐁𑐫𑑀𑐖𑐎 𑐳𑑄𑐳𑑂𑐠𑐵𑐫𑐵 𑐩𑐵𑐣𑐵𑐬𑑂𑐠 𑐡𑐸𑐖𑑅 𑐎𑐺𑐲𑑂𑐞 𑐮𑐵𑐮 𑐥𑑂𑐬𑐢𑐵𑐣𑑄 ‘𑐑𑐵𑑅’ 𑐳𑐦𑐹 𑐔𑐶𑐏𑐶 𑐦𑑂𑐫𑐣𑐵𑐡𑐷𑐐𑐸 𑐏𑑅 𑑋

𑐜𑐵 𑐥𑐸𑐲𑑂𑐥 𑐬𑐵𑐖 𑐬𑐵𑐖𑐎𑐬𑑂𑐞𑐶𑐎𑐵𑐬𑑄 𑐳𑐦𑐹𑐫𑐵 𑐳𑐩𑐷𑐎𑑂𑐲𑐵 𑐫𑐵𑐣𑐵𑐡𑐷𑐐𑐸 𑐏𑑅𑐳𑐵 𑐩𑐠𑐸𑐬𑐵 𑐳𑐵𑐫𑐩𑐶𑑄 𑐨𑐶𑑄𑐟𑐸𑐣𑐵 𑐣𑑂𑐰𑐔𑐸, 𑐥𑐸𑐬𑐸𑐲𑑀𑐟𑐩 𑐥𑑂𑐬𑐖𑐵𑐥𑐟𑐶𑑄 𑐮𑐳𑐎𑐸𑐳 𑐣𑑂𑐰𑐔𑐹, 𑐬𑐵𑐖𑐵𑐬𑐵𑐩 𑐖𑑀𑐱𑐷, 𑐔𑑂𑐰𑐩𑐶 𑐩𑐸𑐣𑐎𑑅𑐩𑐶𑐥𑐶𑐳𑑄 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋

 

𑐧𑐡𑑂𑐬𑐶 𑐧𑐾𑐡𑐣𑐵, 𑐳𑐸𑐢𑐶𑐬 𑐏𑑂𑐰𑐰𑐶, 𑐳𑑁𑐬𑐨 𑐱𑐵𑐎𑑂𑐫, 𑐩𑐴𑐾𑐣𑑂𑐡𑑂𑐬 𑐐𑑀𑐥𑐵𑐮 𑐎𑐬𑑂𑐩𑐵𑐔𑐵𑐬𑑂𑐫, 𑐐𑑀𑐰𑐶𑐣𑑂𑐡 𑐩𑐵𑐣 𑐱𑑂𑐬𑐾𑐲𑑂𑐛, 𑐢𑐣 𑐩𑐵𑐣 𑐱𑑂𑐬𑐾𑐲𑑂𑐛, 𑐰𑐶𑐩𑐮 𑐎𑐸𑐩𑐵𑐬 𑐟𑐵𑐩𑑂𑐬𑐵𑐎𑐵𑐬, 𑐧𑐵𑐧𑐸𑐎𑐵𑐖𑐷 𑐳𑐸𑐰𑐵𑐮, 𑐩𑐵𑐞𑐶𑐎 𑐧𑐵𑐧𑐸 𑐐𑑂𑐰𑑄𑐐𑑅, 𑐬𑐵𑐩 𑐐𑑀𑐥𑐵𑐮 𑐁𑐱𑐸𑐟𑑀𑐲, 𑐥𑑂𑐬𑐟𑐶𑐳𑐬𑐵 𑐳𑐵𑐫𑐩𑐶𑐥𑐶𑐳𑑄 𑐠𑑅𑐠𑑅𑐐𑐸 𑐔𑑂𑐰𑐳𑐸 𑐧𑑂𑐰𑐣𑐵𑑅 𑐣𑑂𑐫𑑄𑐎𑐵𑐡𑐷𑐐𑐸 𑐏𑑅 𑑋

𑐧𑐸𑐏𑑃𑑅 𑐣𑐾𑐰𑐵𑑅 𑐳𑐹𑐔𑐣𑐵 𑐎𑐾𑐣𑑂𑐡𑑂𑐬