𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐱𑐶𑐎𑑂𑐲𑐵 𑐰𑐶𑐨𑐵𑐐𑑄 𑑗𑑒𑑐 𑐩𑑂𑐴 𑐱𑐶𑐎𑑂𑐲𑐎𑐫𑐵 𑐣𑐶𑐟𑐶𑑄 𑐰𑐶𑐲𑐫𑐐𑐟, 𑐥𑑂𑐬𑐵𑐬𑐩𑑂𑐨𑐶𑐎 𑐧𑐵𑐮 𑐰𑐶𑐎𑐵𑐳 𑐎𑐾𑐣𑑂𑐡𑑂𑐬 𑐳𑑄𑐔𑐵𑐮𑐣 𑐰𑑂𑐫𑐰𑐳𑑂𑐠𑐵𑐥𑐣 𑐰 𑐊𑐎𑐷𑐎𑐺𑐟 𑐥𑐵𑐛𑑂𑐫𑐎𑑂𑐬𑐩 𑐰𑐶𑐲𑐫𑐳 𑐟𑐵𑐮𑐶𑐩𑐫𑐵 𑐐𑑂𑐰𑐳𑐵𑑅 𑐐𑑂𑐰𑐂𑐐𑐸 𑐖𑐹𑐐𑐸 𑐡𑐸 𑑋
“𑐚𑐶𑐔𑐬 𑐎𑐮𑐾𑐖 𑐖𑑂𑐫𑐵𑐗𑑂𑐰𑑅” 𑐀𑐣𑑂𑐟𑐬𑑂𑐐𑐟 𑐱𑐶𑐎𑑂𑐲𑐎𑐥𑐶𑐣𑐶𑐐𑐸 𑐎𑑂𑐲𑐩𑐟𑐵 𑐰𑐶𑐎𑐵𑐳 𑐫𑐵𑐎𑐵𑑅 𑐠𑐸𑐎𑐶𑑄 𑐥𑑂𑐬𑐵𑐥𑑂𑐟 𑐖𑐸𑐂𑐐𑐸 𑐫𑑀𑐐𑑂𑐫𑐟𑐵 𑐰 𑐳𑐶𑐥𑐫𑐵𑐟 𑐮𑐶𑐔𑑂𑐰𑑅 𑐳𑐸𑐢𑐵𑐬𑐫𑐵 𑐁𑐖𑑂𑐖𑐸 𑐟𑐫𑐵𑑅 𑐟𑐵𑐮𑐶𑐩 𑐳𑑄𑐔𑐵𑐮𑐣 𑐫𑐵𑐫𑐾𑐟𑑂𑐫𑑄𑐐𑐸 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋
𑐩𑐵𑐑 𑑓 𑐐𑐟𑐾 𑐣𑑂𑐴𑑂𑐫𑐵𑐂𑐸 𑐄𑐐𑐸 𑐟𑐵𑐮𑐶𑐩𑐫𑑂 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑐮𑐵𑐐𑐵 𑐡𑐸𑐣𑐾 𑐳𑑄𑐔𑐵𑐮𑐣𑐫𑑂 𑐡𑐹𑐐𑐸 𑐣𑑂𑐴𑑂𑐫𑐵𑐐𑑂𑐐𑐸 𑐣𑑄 𑐰𑐶𑐡𑑂𑐫𑐵𑐮𑐫𑐳 𑐀𑐢𑑂𑐫𑐵𑐥𑐣 𑐫𑐵𑐣𑐵𑐔𑑂𑐰𑑄𑐥𑐶𑑄 𑐱𑐶𑐎𑑂𑐲𑐎𑐥𑐶𑐣𑑂𑐟 𑐳𑐴𑐨𑐵𑐐𑐷 𑐫𑐵𑐎𑐷𑐐𑐸 𑐖𑐹𑐐𑐸 𑐡𑐸 𑑋
𑐟𑐵𑐮𑐶𑐩𑐫𑑂 𑐳𑐴𑐨𑐵𑐐𑐷 𑐖𑐸𑐂𑐟 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐳𑐵𑐬𑑂𑐰𑐖𑐣𑐶𑐎 𑐫𑐵𑑅𑐐𑐸 𑐎𑑂𑐫𑐸𑐁𑐬 𑐎𑑀𑐜 𑐧𑐵𑐫𑑂 𑐮𑐶𑑄𑐎𑐥𑐵𑐏𑐾𑑄 𑐁𑐰𑐾𑐡𑐣 𑐫𑐵𑐫𑐾𑐦𑐂𑐐𑐸 𑐖𑐹𑐐𑐸 𑐡𑐸 𑑋
