𑐱𑐶𑐎𑑂𑐲𑐎𑐟𑐫𑑂𑐳𑑄 𑐬𑐵𑐖𑐣𑐷𑐟𑐶 𑐫𑐵𑐫𑐾 𑐩𑐡𑐸

𑐱𑐶𑐎𑑂𑐲𑐎𑐟𑐫𑑂𑐳𑑄 𑐬𑐵𑐖𑐣𑐷𑐟𑐶 𑐫𑐵𑐫𑐾 𑐩𑐡𑐂𑐐𑐸 𑐣𑐶𑐫𑐩𑐫𑐵𑐟 𑐳𑐬𑐎𑐵𑐬𑑄 𑐠𑑅𑐥𑐶𑐣𑐶 𑐣𑐷𑐟𑐶 𑐟𑐠𑐵 𑐎𑐵𑐬𑑂𑐫𑐎𑑂𑐬𑐩𑐫𑑂 𑐴𑐾 𑐳𑐩𑐵𑐰𑐾𑐱 𑐫𑐵𑐣𑐵𑑅 𑐥𑐶𑐟 𑐴𑑅𑐐𑐸 𑐡𑐸 𑑋 𑐱𑐶𑐎𑑂𑐲𑐵 𑐩𑐣𑑂𑐟𑑂𑐬𑐷 𑐳𑐸𑐩𑐣𑐵 𑐱𑑂𑐬𑐾𑐲𑑂𑐛𑑄 𑐟𑐵𑑅 𑐃 𑐣𑑂𑐴𑑂𑐫𑐰𑑄𑐣𑐶𑐳𑐾𑑄 𑐴𑐾 𑐱𑐶𑐎𑑂𑐲𑐎𑐟𑐫𑑂𑐳𑑄 𑐕𑐸𑑄 𑐣𑑄 𑐬𑐵𑐖𑐣𑐷𑐟𑐶𑐎 𑐡𑐮𑐫𑐵 𑐳𑐡𑐳𑑂𑐫𑐟𑐵 𑐎𑐵𑐫𑐾 𑐡𑐂 𑐩𑐏𑐸 𑐢𑐫𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋

𑐰𑐫𑑂𑐎𑐮𑑄 𑐱𑐶𑐎𑑂𑐲𑐎𑐟𑐫𑑂𑐳𑑄 𑐕𑐸𑑄 𑐬𑐵𑐖𑐣𑐷𑐟𑐶𑐎 𑐡𑐮𑐫𑐵 𑐳𑐡𑐳𑑂𑐫𑐟𑐵 𑐎𑐫𑐵 𑐟𑐫𑐵𑐐𑐸 𑐡𑐸𑐳𑐵 𑐮𑐶𑐟 𑐧𑐶𑐫𑐵𑐡𑐶𑐳𑑃 𑐢𑐎𑐵𑑅 𑐂𑐣𑐵𑐥 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐩𑑂𑐴𑐶𑐐𑑅 𑐳𑐵𑐬𑑂𑐰𑐖𑐣𑐶𑐎 𑐫𑐵𑑅𑐐𑐸 𑐳𑐬𑐎𑐵𑐬𑐫𑐵 𑐣𑐷𑐟𑐶 𑐟𑐠𑐵 𑐎𑐵𑐬𑑂𑐫𑐎𑑂𑐬𑐩𑐫𑐵 𑑑𑑕𑑑 𑐣𑐩𑑂𑐧𑐬 𑐧𑐸𑑃𑐡𑐵𑐫𑑂 𑐠𑑂𑐰 𑐏𑑃𑐫𑐵𑐟 𑐣𑐷𑐟𑐶𑐐𑐟 𑐬𑐸𑐥𑑄 𑐴𑐾 𑐡𑐸𑐠𑑂𑐫𑐵𑐎𑐵𑑅 𑐥𑐶𑐟 𑐴𑑅𑐐𑐸 𑐏𑑅 𑑋

𑐀𑐠𑐾 𑐴𑐾 𑐬𑐵𑐳𑑂𑐰𑐥𑐵𑐥𑐵𑐏𑐾𑑄 𑐴𑐾 𑐫𑐸𑐰𑐵 𑐟𑐠𑐵 𑐏𑐾𑐮𑐎𑐸𑐡 𑐩𑐣𑑂𑐟𑑂𑐬𑐷 𑐖𑐸𑐫𑐵𑐡𑐷𑐩𑑂𑐴 𑐰𑐶𑐬𑐵𑐖𑐨𑐎𑑂𑐟 𑐱𑑂𑐬𑐾𑐲𑑂𑐛𑑄 𑐣𑑄 𑐳𑑂𑐎𑐵𑐄𑐚𑐫𑐵 𑐳𑐡𑐳𑑂𑐫𑐟𑐫𑑂𑐳𑑄 𑐬𑐵𑐖–𑐣𑐷𑐟𑐶𑐎 𑐡𑐮𑐫𑐵 𑐳𑐡𑐳𑑂𑐫𑐟𑐵 𑐎𑐵𑐫𑐾 𑐡𑐂 𑐩𑐏𑐸 𑐢𑐎𑐵𑑅 𑐳𑐸𑐔𑑄 𑐖𑐵𑐬𑐷 𑐫𑐵𑑅𑐐𑐸 𑐡𑐸 𑑋 𑐫𑐾𑑃 𑐩𑐣𑐥𑐵𑐫𑑂 𑐩𑐾𑐫𑐬 𑐧𑐵𑐮𑐾𑐣 𑐳𑐵𑐴𑑄 𑐣𑑄 𑐎𑐬𑑂𑐩𑐔𑐵𑐬𑐷𑑄 𑐬𑐵𑐖𑐣𑐷𑐟𑐶 𑐫𑐵𑐫𑐾 𑐩𑐡𑐸 𑐢𑐫𑐵𑐟𑑅𑐐𑐸 𑐡𑐸 𑑋