𑐳𑐣𑑂𑐡𑐬𑑂𑐨 𑐊𑐳𑐃𑐃 : 𑐀𑑄𑐐𑑂𑐬𑐾𑐖𑐷𑐫𑐵 𑐥𑐮𑐾𑐳𑐵 𑐣𑐾𑐥𑐵𑐮𑐷 𑐰𑐶𑐲𑐫𑐫𑐵 𑐣𑑂𑐴𑑂𑐫𑐳𑑅𑐥𑑁 𑐠𑑂𑐫𑐣𑐾𑐢𑐸𑑄𑐎𑐵𑑅

𑐀𑑄𑐐𑑂𑐬𑐾𑐖𑐷 𑐰𑐶𑐲𑐫𑐫𑐵 𑐥𑐮𑐾𑐳𑐵 𑐣𑐾𑐥𑐵𑐮𑐷 𑐰𑐶𑐲𑐫𑐫𑐵 𑐣𑑂𑐴𑑂𑐫𑐳𑑅𑐥𑑁 𑐠𑑂𑐫𑐣𑐾𑐢𑐸𑑄𑐎𑐵𑑅 𑐖𑐣𑐎𑐥𑐸𑐬 𑐢𑐣𑐸𑐲𑐵𑐫𑐵 𑐕𑐐𑐹 𑐥𑐬𑐷𑐎𑑂𑐲𑐵 𑐎𑐾𑐣𑑂𑐡𑑂𑐬𑐫𑑂 𑐠𑑂𑐫𑑄𑐩𑐠𑑂𑐫𑑄 𑐕𑐑𑑁 𑐮𑐶𑐥𑐵 𑐊𑐳𑐃𑐃 𑐥𑐬𑐷𑐎𑑂𑐲𑐵 𑐣𑑂𑐴𑑂𑐫𑐵𑐟 𑑋

𑐢𑐣𑐸𑐲𑐵𑐫𑐵 𑐍𑐬𑐴𑐷 𑐐𑐵𑐄𑑃𑐥𑐵𑐮𑐶𑐎𑐵𑐫𑑂 𑐔𑑂𑐰𑑄𑐐𑐸 𑐩𑐵.𑐰𑐶. 𑐔𑐎𑑂𑐎𑐬 𑐥𑐬𑐷𑐎𑑂𑐲𑐵 𑐎𑐾𑐣𑑂𑐡𑑂𑐬𑐫𑑂 𑑕𑑐 𑐩𑐶𑐣𑐾𑐚 𑐮𑐶𑐥𑐵𑐮𑐵𑐎𑑂𑐎 𑐥𑐬𑐷𑐎𑑂𑐲𑐵 𑐣𑑂𑐴𑑂𑐫𑐵𑑅𑐐𑐸 𑐏𑑅 𑑋 𑐳𑐸𑐠𑐫𑑂 𑑘 𑐟𑐵 𑐂𑐮𑐫𑑂 𑐣𑑂𑐴𑑂𑐫𑐵𑐂𑐐𑐸 𑐥𑐬𑐷𑐎𑑂𑐲𑐵 𑑘𑑅𑑕𑑐 𑐟𑐵 𑐂𑐮𑐫𑑂 𑐖𑐎 𑐣𑑂𑐴𑑂𑐫𑐵𑑅𑐐𑐸 𑐏𑑅 𑑋

𑐥𑑂𑐬𑐵𑐰𑐶𑐢𑐶𑐎 𑐐𑐜𑐧𑐜𑐷𑑄 𑐀𑑄𑐐𑑂𑐬𑐾𑐖𑐷 𑐰𑐶𑐲𑐫𑐫𑐵 𑐏𑐵𑐩𑐫𑑂 𑐣𑐾𑐥𑐵𑐮𑐷 𑐰𑐶𑐲𑐫𑐫𑐵 𑐣𑑂𑐴𑑂𑐫𑐳𑑅𑐥𑑁 𑐮𑐵𑐫𑐾𑐢𑐸𑑄𑐎𑐵𑑅 𑐩𑐸𑐔𑐸𑐮𑑂𑐎𑐵 𑐫𑐵𑐣𑐵𑑅 𑐮𑐶𑐥𑐵𑐮𑐵𑐎𑑂𑐎 𑐥𑐬𑐷𑐎𑑂𑐲𑐵 𑐣𑑂𑐴𑑂𑐫𑐵𑑅𑐐𑐸 𑐖𑐶𑐮𑑂𑐮𑐵 𑐱𑐶𑐎𑑂𑐲𑐵 𑐳𑐩𑐣𑑂𑐰𑐫 𑐂𑐎𑐵𑐃 𑐢𑐣𑐸𑐲𑐵𑐫𑐵 𑐥𑑂𑐬𑐩𑐸𑐏 𑐫𑐸𑐎𑑂𑐟 𑐱𑐬𑑂𑐩𑐵𑑄 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋

𑐊𑐳𑐃𑐃 𑐀𑐣𑑂𑐟𑐬𑑂𑐐𑐟 𑐠𑑁𑑄 𑐱𑐸𑐎𑑂𑐬𑐰𑐵𑑅 𑐳𑐸𑐠𑐫𑑂 𑑘 𑐟𑐵 𑐃𑐣𑐶𑐳𑐾𑑄 𑐡𑐾𑐫𑑂 𑐣𑑂𑐫𑑄𑐎𑑄 𑐀𑐣𑐶𑐰𑐵𑐬𑑂𑐫 𑐀𑑄𑐐𑑂𑐬𑐾𑐖𑐷 𑐰𑐶𑐲𑐫𑐫𑐵 𑐥𑐬𑐷𑐎𑑂𑐲𑐵 𑐣𑑂𑐴𑑂𑐫𑐵𑑅𑐐𑐸 𑐏𑑅 𑑋