𑐀𑐣𑐮𑐵𑐂𑐣 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐐𑑀𑐲𑑂𑐛𑐷

𑐫𑐾𑑃 – 𑐮𑐎𑐜𑐵𑐄𑐣𑐫𑐵 𑐎𑐵𑐬𑐞𑑄 𑐡𑐾𑐫𑑂 𑐕𑐐𑐸𑐮𑐶𑑄 𑐛𑐥𑑂𑐥 𑐖𑐸𑐂𑐰𑑄 𑐩𑐣𑐹𑐟𑐫𑑂𑐳𑑄 𑐠𑑅𑐠𑑅𑐐𑐸 𑐕𑐾𑑃𑐫𑑂 𑐴𑐾 𑐔𑑂𑐰𑐣𑐵𑑅 𑐁𑐥𑐵𑐮𑑄 𑐎𑐠𑑄𑐫𑐵 𑐖𑑂𑐫𑐵𑐏𑑃 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐐𑐸𑐮𑐶𑐏𑐾 𑐩𑐣𑐹𑐟𑐫𑑂𑐳𑑄 𑐕𑐾𑑃𑐫𑑂 𑐔𑑂𑐰𑐣𑐵𑑅 𑐀𑐣𑐮𑐵𑐂𑐣 𑐩𑐵𑐬𑑂𑐦𑐟 𑐠𑑅𑐐𑐸 𑐀𑐦𑐶𑐳𑐫𑐵 𑐖𑑂𑐫𑐵 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸𑐳𑐵 𑐐𑐸𑐮𑐶𑐳𑑂𑐫𑐵𑑄 𑐕𑐾𑑃𑐫𑑂 𑐔𑑂𑐰𑐣𑐵𑑅 𑐀𑐣𑐮𑐵𑐂𑐣𑐥𑐵𑐏𑐾𑑄 𑐧𑐿𑐛𑐎 𑐣𑑂𑐴𑑂𑐫𑐵𑐎𑐵𑐔𑑂𑐰𑑄𑐐𑐸 𑐡𑐸 𑑋 𑐠𑑂𑐰𑐴𑐾 𑐗𑑂𑐰𑐮𑐫𑑂 𑐏𑑂𑐰𑐥𑐫𑐵 𑐰𑐶𑐬𑐵𑐚 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐳𑐩𑑂𑐩𑐾𑐮𑐣 𑐐𑐸𑐠𑐶𑑄 𑐀𑐣𑐮𑐵𑐂𑐣 𑐩𑐵𑐬𑑂𑐦𑐟 𑐳𑑀𑐩𑐰𑐵𑑅 ‘𑐣𑐾𑐥𑐵𑐮𑐨𑐵𑐲𑐵 𑐃-𑐳𑐵𑐴𑐶𑐟𑑂𑐫 𑐐𑑀𑐲𑑂𑐛𑐷’ 𑐖𑑂𑐫𑐵𑐗𑑂𑐰𑑅 𑐫𑐵𑐟 𑑋

𑐰𑐶𑐬𑐵𑐚𑐫𑐵 𑐥𑐸𑐮𑐵𑑄𑐩𑑂𑐴 𑐣𑐵𑐫𑑅 𑐮𑐶𑐳𑐾𑑄 𑐰𑐬𑑂𑐟𑐩𑐵𑐣 𑐳𑐮𑑂𑐮𑐵𑐴𑐎𑐵𑐬 𑐟𑑂𑐬𑐶𑐬𑐟𑑂𑐣 𑐱𑐵𑐎𑑂𑐫𑑄 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐄𑐐𑐸 𑐀𑐣𑐮𑐵𑐂𑐣 𑐳𑐵𑐴𑐶𑐟𑑂𑐫 𑐐𑑀𑐲𑑂𑐛𑐷 𑐖𑐹𑐩 𑐎𑑂𑐮𑐵𑐄𑐜 𑐩𑐶𑐚𑐶𑐒 𑐣𑐵𑑄𑐐𑐸 𑐊𑐥𑑂𑐳𑐥𑐵𑐏𑐾𑑄 𑐳𑐘𑑂𑐔𑐵𑐮𑐣 𑐫𑐵𑑅𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐥𑐵𑑅 𑐡𑐸𑐣𑐾 𑐮𑐶𑐳𑐾𑑄 𑐣𑐾𑐥𑐵𑐮𑑄 𑐥𑐶𑐣𑐾 𑐔𑑂𑐰𑑄𑐥𑐶𑑄 𑐳𑐵𑐴𑐶𑐟𑑂𑐫𑐎𑐵𑐬𑐥𑐶𑑄𑐳𑑄 𑐠𑑅𑐠𑑅𑐐𑐸 𑐕𑐾𑑃𑐫𑑂 𑐴𑐾 𑐔𑑂𑐰𑐣𑐵𑑅 𑐬𑐔𑐣𑐵 𑐥𑐵𑐛 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐄𑐎𑐷 𑐕𑐳𑐶𑐎𑐠𑑄 𑐐𑑀𑐧𑐶𑐣𑑂𑐡𑐩𑐵𑐣 𑐱𑑂𑐬𑐾𑐲𑑂𑐛, 𑐟𑑂𑐬𑐶𑐬𑐟𑑂𑐣 𑐱𑐵𑐎𑑂𑐫, 𑐨𑐐𑐟𑐡𑐵𑐳 𑐱𑑂𑐬𑐾𑐲𑑂𑐛, 𑐎𑐾𑐧𑐮𑐥𑑂𑐬𑐳𑐵𑐡 𑐎𑐵𑐫𑐳𑑂𑐠, 𑐬𑐵𑐖𑐨𑐵𑐂 𑐖𑐎𑑅𑐩𑐶, 𑐱𑑂𑐫𑐵𑐩 𑐁𑐱𑐵, 𑐎𑐺𑐲𑑂𑐞𑐨𑐎𑑂𑐟 𑐧𑑀𑐜𑐾, 𑐣𑐵𑐬𑐡 𑐧𑐖𑑂𑐬𑐵𑐔𑐵𑐬𑑂𑐫, 𑐜𑐵. 𑐥𑐸𑐲𑑂𑐥𑐬𑐵𑐖 𑐬𑐵𑐖𑐎𑐬𑑂𑐞𑐶𑐎𑐵𑐬, 𑐜𑐵. 𑐧𑐵𑐮𑐐𑑀𑐥𑐵𑐮 𑐱𑑂𑐬𑐾𑐲𑑂𑐛, 𑐱𑑂𑐬𑐷𑐮𑐎𑑂𑐲𑑂𑐩𑐷 𑐱𑑂𑐬𑐾𑐲𑑂𑐛, 𑐳𑐸𑐢𑐶𑐬 𑐏𑑂𑐰𑐧𑐶, 𑐥𑐸𑐲𑑂𑐥𑐬𑐟𑑂𑐣 𑐟𑐸𑐮𑐵𑐢𑐬, 𑐖𑐸𑐖𑐸𑐎𑐵𑐖𑐷 𑐬𑑄𑐖𑐶𑐟, 𑐣𑐰𑐷𑐣𑐥𑑂𑐬𑐎𑐵𑐱 𑐱𑑂𑐬𑐾𑐲𑑂𑐛, 𑐣𑐬𑐾𑐱 𑐀𑐩𑐵𑐟𑑂𑐫, 𑐬𑐵𑐖𑐾𑐣𑑂𑐡𑑂𑐬 𑐬𑑄𑐖𑐶𑐟, 𑐩𑐴𑐾𑐣𑑂𑐡𑑂𑐬𑐬𑐵𑐖 𑐱𑐵𑐎𑑂𑐫, 𑐥𑑂𑐬𑐡𑐷𑐥 𑐱𑐵𑐎𑑂𑐫, 𑐟𑐾𑐖𑐎𑐺𑐲𑑂𑐞 𑐱𑑂𑐬𑐾𑐲𑑂𑐛, 𑐬𑐾𑐞𑐸 𑐱𑑂𑐬𑐾𑐲𑑂𑐛, 𑐌𑐩𑐎𑐺𑐲𑑂𑐞 𑐱𑑂𑐬𑐾𑐲𑑂𑐛, 𑐀𑐩𑐶𑐬𑐩𑐿𑑄𑐫𑐵 𑐬𑑄𑐖𑐶𑐟, 𑐬𑐾𑐏𑐵 𑐱𑐵𑐎𑑂𑐫, 𑐴𑐬𑐶𑐐𑑀𑐧𑐶𑐣𑑂𑐡 𑐨𑑀𑑄𑐩𑐷, 𑐧𑐵𑐧𑐸𑐎𑐵𑐖𑐷 𑐳𑐸𑐰𑐵𑐮, 𑐎𑐰𑐶𑐣𑑂𑐡𑑂𑐬𑐮𑐵𑐮 𑐥𑑂𑐬𑐢𑐵𑐣, 𑐳𑑀𑐣𑐵 𑐟𑐔𑐵𑐩𑑀 𑐰 𑐧𑐶𑐎𑐾 𑐩𑐵𑐎𑐖𑐸 𑐫𑐵𑐣𑐵𑑅 𑑒𑑙 𑐩𑑂𑐴 𑐳𑐵𑐴𑐶𑐟𑑂𑐫𑐎𑐵𑐬𑐥𑐶𑑄𑐳𑑄 𑐠𑑅𑐥𑐶𑐣𑐶 𑐬𑐔𑐣𑐵 𑐥𑐵𑐛 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑑅 𑐐𑐸𑐠𑐶𑐫𑐵 𑐣𑐵𑐫𑑅 𑐩𑐴𑐾𑐣𑑂𑐡𑑂𑐬𑐐𑑀𑐥𑐵𑐮 𑐎𑐬𑑂𑐩𑐵𑐔𑐵𑐬𑑂𑐫𑑄 𑐳𑑄𑐫𑑀𑐖𑐣 𑐫𑐵𑐣𑐵𑐡𑐷𑐐𑐸 𑐏𑑅𑐳𑐵 𑐥𑑂𑐬𑐵𑐰𑐶𑐢𑐶𑐎 𑐰𑑂𑐫𑐰𑐳𑑂𑐠𑐵𑐥𑐣 𑐰𑐶𑐖𑐫 𑐎𑐬𑑂𑐩𑐵𑐔𑐵𑐬𑑂𑐫𑑄 𑐫𑐵𑐣𑐵𑐡𑐷𑐐𑐸 𑐏𑑅 𑑋