𑐊𑐳𑐃𑐃 𑐥𑐬𑐷𑐎𑑂𑐲𑐵𑐫𑐵 𑐁𑐰𑐾𑐡𑐣 𑐦𑐵𑐬𑐩 𑐔𑐵𑐮

𑑒𑑐𑑘𑑑 𑐳𑐵𑐮𑐫𑐵 𑐩𑐵𑐢𑑂𑐫𑐩𑐶𑐎 𑐱𑐶𑐎𑑂𑐲𑐵 𑐥𑐬𑐷𑐎𑑂𑐲𑐵 (𑐊𑐳𑐃𑐃)𑐫𑐵 𑐁𑐰𑐾𑐡𑐣 𑐦𑐵𑐬𑐩 𑐔𑐵𑑅𑐐𑐸 𑐡𑐸 𑑋

𑐥𑐬𑐷𑐎𑑂𑐲𑐵 𑐣𑐶𑐫𑐣𑑂𑐟𑑂𑐬𑐞 𑐖𑑂𑐫𑐵𑐎𑐸𑐠𑐶𑑄 𑐗𑐶𑐐𑐹 𑐟𑐐𑐶𑑄𑐫𑐵 𑐦𑐵𑐬𑐩 𑐨𑐬𑐾𑐫𑐵𑐫𑐾𑐟 𑐮𑐔𑑂𑐕𑐶𑐫𑐵 𑐃 𑐧𑑂𑐫𑐹𑐐𑐸 𑐡𑐸 𑑋

𑐥𑐸𑐳 𑑑𑑒 𑐐𑐟𑐾 𑐱𑐸𑐎𑑂𑐬𑐰𑐵𑑅𑐣𑐶𑐳𑐾𑑄 𑐩𑐵𑐑 𑑑𑑒 𑐐𑐟𑐾𑐫𑐵 𑐡𑐸𑐣𑐾 𑐦𑐵𑐬𑐩 𑐨𑐬𑐾𑐫𑐵𑐫𑐾 𑐎𑑂𑐰𑐔𑐵𑐫𑐾𑐎𑐾𑐟 𑐖𑑂𑐫𑐵𑐎𑐸𑐠𑐶𑑄 𑐢𑐵𑑅𑐐𑐸 𑐡𑐸 𑑋 𑐦𑐵𑐬𑐩𑐫𑐵 𑐣𑐶𑐟𑐶𑑄 𑐥𑑂𑐬𑐟𑐶 𑐥𑐬𑐷𑐎𑑂𑐲𑐵𑐬𑑂𑐠𑐷 𑐣𑑂𑐫𑐵𑐳𑑅 𑐟𑐎𑐵 𑐡𑐳𑑂𑐟𑐸𑐬 𑐥𑐸𑐮𑐾𑐩𑐵𑐮𑐷𑐐𑐸 𑐖𑐹𑐐𑐸 𑐡𑐸 𑑋

𑐀𑐠𑐾𑐴𑐾, 𑐬𑐖𑐶𑐲𑑂𑐚𑑂𑐬𑐾𑐱𑐣𑐫𑐵 𑐀𑐬𑑂𑐢𑐎𑐚𑑂𑐚𑐷𑐫𑐵 𑐥𑑂𑐬𑐟𑐶𑐮𑐶𑐥𑐶, 𑐱𑐿𑐎𑑂𑐲𑐶𑐎𑐳𑐟𑑂𑐬 𑑒𑑐𑑗𑑙 𑐰𑐵 𑐰𑐳𑐶𑐧𑐾𑑄 𑐣𑑂𑐴𑐵𑐥𑐵 𑐁𑐢𑐵𑐬𑐨𑐹𑐟 𑐟𑐴 𑐟𑐐𑐶𑑄 𑐄𑐟𑑂𑐟𑐷𑐬𑑂𑐞 𑐫𑐵𑑅𑐐𑐸 𑐥𑑂𑐬𑐩𑐵𑐞𑐥𑐟𑑂𑐬𑐫𑐵 𑐥𑑂𑐬𑐟𑐶𑐮𑐶𑐮𑐶, 𑐖𑐣𑑂𑐩𑐡𑐬𑑂𑐟𑐵 𑐥𑑂𑐬𑐩𑐵𑐞𑐥𑐟𑑂𑐬𑐫𑐵 𑐥𑑂𑐬𑐟𑐶𑐮𑐶𑐥𑐶 𑐰 𑐁𑑅 𑐏𑐶𑐔𑐾𑐫𑐵𑑅𑐐𑐸 𑐥𑐵𑐳𑐥𑑀𑐬𑑂𑐚 𑐳𑐵𑐂𑐖𑐫𑐵 𑐣𑐶𑐐𑐹 𑐥𑑂𑐬𑐟𑐶 𑐦𑑀𑐚𑑀 𑐦𑐵𑐬𑐩 𑐨𑐬𑐾𑐫𑐵𑐫𑐾𑐟 𑐩𑐵𑑅𑐐𑐸 𑐖𑑂𑐫𑐵𑐎𑐸𑐠𑐶𑑄 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋