𑐊𑐳𑐃𑐃 𑐥𑐬𑐷𑐎𑑂𑐲𑐵𑑅 𑐎𑐵𑐥𑐷 𑐔𑐾𑐎 𑐎𑑂𑐰𑐔𑐵𑐮, 𑐀𑐳𑐵𑐬𑐫𑐵 𑐣𑐶𑐐𑐹𑐐𑐸 𑐰𑐵𑐮𑐫𑑂 ‘𑐬𑐶𑐖𑐮𑑂𑐚’

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐁𑐲𑐵𑐝 𑑒, 𑐳𑑀𑐩𑐧𑐵𑐬 𑑑𑑐:𑑑𑑗:𑑕𑑐

𑐬𑐵𑐲𑑂𑐚𑑂𑐬𑐶𑐫 𑐥𑐬𑐷𑐎𑑂𑐲𑐵 𑐧𑑀𑐬𑑂𑐜𑑄 𑐠𑐸𑐐𑐸 𑐡𑑃𑐫𑐵 𑐩𑐵𑐢𑑂𑐫𑐩𑐶𑐎 𑐱𑐶𑐎𑑂𑐲𑐵 𑐥𑐬𑐷𑐎𑑂𑐲𑐵 (𑐊𑐳𑐃𑐃) 𑐫𑐵 𑐥𑐬𑐷𑐎𑑂𑐲𑐵𑐦𑐮 (𑐬𑐶𑐖𑐮𑑂𑐚) 𑐀𑐳𑐵𑐬𑐫𑐵 𑐣𑐶𑐐𑐹𑐐𑐸 𑐰𑐵𑑅 𑐡𑐸𑐣𑐾 𑐳𑐵𑐬𑑂𑐰𑐖𑐣𑐶𑐎 𑐫𑐵𑐫𑐾𑐐𑐸 𑐟𑐫𑐵𑐬𑐷 𑐫𑐵𑑅𑐐𑐸 𑐡𑐸 𑑋

𑐰𑑄𑐐𑐸 𑐡𑑃 𑐀𑐳𑐵𑐬 𑑙 𑐐𑐟𑐾 𑐬𑐶𑐖𑐮𑑂𑐚 𑐥𑑂𑐬𑐎𑐵𑐱𑐶𑐟 𑐖𑐹𑐐𑐸𑐮𑐶𑐂 𑐠𑐸𑐐𑐸 𑐡𑑃 𑐥𑑂𑐬𑐡𑐾𑐱 𑑒 𑐫𑐵 𑐮𑐦𑐜𑐵𑑄 𑐫𑐵𑐣𑐵𑑅 𑐥𑑂𑐬𑐎𑐵𑐱𑐣𑐫𑑂 𑐕𑐸𑑄 𑐡𑐶𑑄 𑐮𑐶𑐥𑐵𑐮𑐵𑑅𑐰𑑄𑐐𑐸 𑐧𑑀𑐬𑑂𑐜𑑄 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋

𑐥𑑂𑐬𑐡𑐾𑐱 𑑒 𑐫𑐵 𑐣𑑂𑐴𑑂𑐫𑐳𑑅𑐥𑑁 𑐥𑐬𑐷𑐎𑑂𑐲𑐵 𑐣𑑂𑐴𑑂𑐫𑑅𑐴𑐾 𑐳𑐵𑐬𑑂𑐰𑐖𑐣𑐶𑐎 (𑐎𑑂𑐰𑑀𑐂𑐳𑐣 𑐁𑐄𑐚) 𑐖𑐸𑐂𑐢𑐸𑑄𑐎𑐵𑑅 𑐀𑐣 𑐴𑐵𑐎𑐣𑑄 𑐥𑐬𑐷𑐎𑑂𑐲𑐵 𑐖𑐹𑐐𑐸 𑐏𑑅 𑑋

𑐧𑑀𑐬𑑂𑐜𑐫𑐵 𑐥𑐬𑐷𑐎𑑂𑐲𑐵 𑐄𑐥𑐣𑐶𑐫𑐣𑑂𑐟𑑂𑐬𑐎 𑐔𑐾𑐟𑐣𑐵𑐠 𑐱𑐬𑑂𑐩𑐵𑐫𑐵 𑐎𑐠𑑄, 𑐡𑐾𑐫𑑂 𑐣𑑂𑐫𑑄𑐎𑑄𑐫𑐵 𑐄𑐟𑑂𑐟𑐬 𑐥𑐸𑐳𑑂𑐟𑐶𑐎𑐵 𑐥𑐬𑐷𑐎𑑂𑐲𑐞 𑐎𑑂𑐰𑐔𑐵𑐫𑐾𑐢𑐸𑑄𑐎𑐹𑐐𑐸 𑐡𑐸 𑑋 𑐁𑑅 𑐣𑐩𑑂𑐧𑐬 𑐂𑐣𑑂𑐚𑑂𑐬𑐷𑐫𑐵 𑐖𑑂𑐫𑐵 𑐢𑐩𑐵𑐢𑐩 𑐖𑐸𑐫𑐵𑐔𑑂𑐰𑑄𑐐𑐸𑐮𑐶𑑄 𑐮𑐶𑐥𑐵𑐮𑐵𑑅𑐳𑐵 𑐀𑐳𑐵𑐬 𑐣𑐶𑐐𑐹𑐐𑐸 𑐰𑐵𑑅 𑐟𑐎𑐫𑐵 𑐡𑐸𑐣𑐾 𑐮𑐶𑐔𑑂𑐰𑑅 𑐳𑐵𑐬𑑂𑐰𑐖𑐣𑐶𑐎 𑐫𑐵𑐫𑐾𑐐𑐸 𑐫𑑀𑐖𑐣𑐵 𑐡𑐹𑐐𑐸 𑐰𑐫𑑂𑐎𑐮𑑄 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋

𑐠𑐸𑐐𑐸 𑐡𑑃 𑐰𑑄𑐐𑐸 𑐔𑐿𑐟𑑂𑐬 𑑑𑑐 𑐐𑐟𑐾𑐣𑐶𑐳𑐾𑑄 𑐣𑑂𑐴𑑂𑐫𑐵𑑅𑐐𑐸 𑐥𑐬𑐷𑐎𑑂𑐲𑐵𑐫𑑂 𑐳𑐴𑐨𑐵𑐐𑐷 𑐣𑐶𑐫𑐩𑐶𑐟 𑐥𑐵𑐏𑐾𑐫𑐵 𑑔 𑐮𑐏 𑑗𑑕 𑐴𑐖𑐵𑐬 𑐥𑐬𑐷𑐎𑑂𑐲𑐵𑐬𑑂𑐠𑐷 𑐥𑐬𑐷𑐎𑑂𑐲𑐵𑐦𑐮 𑐥𑐶𑐫𑐵𑐔𑑂𑐰𑑄𑐐𑐸 𑐡𑐸 𑑋