𑐋𑐣 𑐎𑐵𑐬𑑂𑐫𑐵𑐣𑑂𑐰𑐫𑐣 𑐩𑐫𑐵𑐟 𑐢𑐵𑑅𑐳𑐵 𑐳𑐟𑐎𑐫𑑂 𑐰𑐣𑐾𑐐𑐸 𑐏𑑂𑐫𑐵𑐔𑑂𑐰𑑅

𑐧𑐵𑐐𑐩𑐟𑐷 𑐥𑑂𑐬𑐡𑐾𑐱𑐫𑐵 𑐱𑑂𑐬𑐩, 𑐬𑑀𑐖𑐐𑐵𑐬 𑐰 𑐫𑐵𑐟𑐵𑐫𑐵𑐟𑐩𑐣𑑂𑐟𑑂𑐬𑐷 𑐎𑐺𑐲𑑂𑐞𑐨𑐎𑑂𑐟 𑐩𑐴𑐬𑑂𑐖𑐣𑑄 𑐥𑑂𑐬𑐡𑐾𑐱𑐫𑑂 𑐨𑐵𑐲𑐵 𑐋𑐣 𑐎𑐵𑐬𑑂𑐫𑐵𑐣𑑂𑐰𑐫𑐣𑐫𑐵 𑐣𑐶𑐟𑐶𑑄 𑐋𑐣𑐫𑑂 𑐡𑐸𑐐𑐸 𑐎𑐠𑑄 𑐰𑐶𑐖𑑂𑐘 𑐥𑐸𑐔𑑅 𑐰 𑐥𑑂𑐬𑐟𑐶𑐲𑑂𑐛𑐵𑐣 𑐐𑐛𑐣𑐫𑐵 𑐣𑐶𑐟𑐶𑑄 𑐰𑐶𑐨𑐵𑐐𑐷𑐫 𑐩𑐣𑑂𑐟𑑂𑐬𑐷𑐮𑐶𑐳𑐾 𑐏𑑃 𑐮𑑂𑐴𑐵𑐫𑐾𑐐𑐸 𑐣𑐵𑐥𑑄 𑐩𑐣𑑂𑐟𑑂𑐬𑐷 𑐥𑐬𑐶𑐲𑐡𑐫𑐵 𑐧𑐿𑐛𑐎𑐫𑑂 𑐏𑑃 𑐟𑐫𑐾𑐐𑐸 𑐧𑐔𑑄 𑐧𑐫𑐵𑐡𑐷𑐐𑐸 𑐡𑐸 𑑋

𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹 𑐫𑐮 𑐖𑐶𑐮𑑂𑐮𑐵𑐫𑐵 𑐱𑐣𑐶𑐰𑐵𑑅 𑐩𑐵𑐐 𑑑𑑙 𑐐𑐟𑐾 𑐖𑐹𑐐𑐸 𑐣𑐶𑐎𑑂𑐰𑑅𑐐𑐸 𑐀𑐢𑐶𑐰𑐾𑐱𑐣𑐫𑐵 𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑃 𑐩𑐣𑑂𑐟𑑂𑐬𑐷 𑐩𑐴𑐬𑑂𑐖𑐣𑑄 𑐀𑐠𑐾 𑐧𑐔𑑄 𑐧𑐶𑐫𑐵𑐡𑐷𑐐𑐸 𑐏𑑅 𑑋

𑐀𑐢𑐶𑐰𑐾𑐱𑐣𑐫𑐵 𑐗𑑂𑐰𑐮𑐫𑑂 𑐰𑐶𑐱𑐾𑐲 𑐥𑐵𑐴𑐵𑑃 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹 𑐳𑑂𑐰𑐣𑐶𑐐𑑅 𑐰𑐶𑐱𑐾𑐲 𑐥𑑂𑐬𑐡𑐾𑐱 𑐳𑐩𑐶𑐟𑐶𑐫𑐵 𑐣𑐵𑐫𑑀 𑐱𑑂𑐬𑐷𑐎𑐺𑐲𑑂𑐞 𑐩𑐴𑐬𑑂𑐖𑐣𑑄 𑐣𑐾𑐥𑐵𑐮𑐨𑐵𑐲𑐵𑐫𑐵𑐟 𑐎𑐵𑐩𑐎𑐵𑐖𑐷 𑐨𑐵𑐲𑐵 𑐎𑐠𑑄 𑐮𑐵𑐐𑐹 𑐫𑐵𑐫𑐾𑐐𑐸 𑐣𑐶𑐟𑐶𑑄 𑐡𑐫𑐾𑐎𑐹𑐐𑐸 𑐋𑐣𑐫𑑂 𑐰𑑂𑐫𑐰𑐳𑑂𑐠𑐵 𑐡𑐸𑐐𑐸 𑐰𑐶𑐖𑑂𑐘 𑐥𑐸𑐔𑑅 𑐰 𑐥𑑂𑐬𑐟𑐶𑐲𑑂𑐛𑐵𑐣 𑐐𑐛𑐣 𑐫𑐵𑐫𑐾𑐐𑐸 𑐖𑑂𑐫𑐵 𑐩𑐫𑐵𑐟 𑐢𑐵𑑅𑐳𑐵 𑐡𑐧𑐵𑐰𑐩𑐹𑐮𑐎 𑐖𑑂𑐫𑐵𑐗𑑂𑐰𑑅 𑐖𑑂𑐰𑐣𑐵𑑅 𑐳𑐟𑐎𑐫𑑂 𑐎𑑂𑐰𑐵𑐴𑐵𑑃 𑐰𑐫𑐾𑐟 𑐧𑐵𑐢𑑂𑐫 𑐖𑐸𑐂 𑐢𑐎𑐵𑑅 𑐢𑐫𑐵𑐡𑐷𑐐𑐸 𑐏𑑅 𑑋

𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹 𑐫𑐮 𑐖𑐶𑐮𑑂𑐮𑐵 𑐳𑐩𑐶𑐟𑐶𑐫𑐵 𑐣𑐵𑐫𑑀 𑐬𑐰𑐶𑐣𑑂𑐡𑑂𑐬 𑐱𑐵𑐎𑑂𑐫𑐫𑐵 𑐣𑐵𑐫𑑀𑐳𑐸𑐂 𑐖𑐹𑐐𑐸 𑐄𑐮𑐾𑐖𑑂𑐫𑐵 𑐳𑐩𑐵𑐬𑑀𑐴 𑐎𑑂𑐰𑐔𑐵𑐫𑐾 𑐢𑐸𑑄𑐎𑐵𑑅 𑐧𑐣𑑂𑐡 𑐳𑐟𑑂𑐬 𑐖𑐹𑐐𑐸 𑐏𑑅 𑑋 𑐧𑐣𑑂𑐡𑐳𑐟𑑂𑐬𑐥𑐵𑐏𑐾𑑄 𑐫𑐮 𑐖𑐶𑐮𑑂𑐮𑐵𑐫𑐵 𑐣𑐶𑐟𑐶𑑄 𑐣𑑂𑐴𑐹𑐐𑐸 𑐣𑐾𑐟𑐺𑐟𑑂𑐰 𑐳𑐬𑑂𑐰𑐳𑐩𑑂𑐩𑐟 𑐎𑐠𑑄 𑐮𑑂𑐫𑐫𑐾𑐐𑐸 𑐖𑑂𑐫𑐵 𑐣𑑄 𑐖𑐸𑐮 𑑋

𑐫𑐮 𑐖𑐶𑐮𑑂𑐮𑐵𑐫𑐵 𑐣𑑂𑐴𑐹𑐐𑐸 𑐣𑐾𑐟𑐺𑐟𑑂𑐰 𑐎𑐠𑑄 𑐣𑐵𑐫𑑀 𑐎𑐺𑐲𑑂𑐞𑐨𑐎𑑂𑐟 𑐜𑑄𑐐𑑀𑐮, 𑐧𑐬𑐶𑐲𑑂𑐛 𑐣𑑂𑐰𑐎𑐹 𑐰𑐶𑐖𑐫 𑐎𑐸𑐩𑐵𑐬 𑐩𑐴𑐬𑑂𑐖𑐣, 𑐣𑑂𑐰𑐎𑐹 𑐐𑐖𑐾𑐣𑑂𑐡𑑂𑐬 𑐥𑑂𑐬𑐢𑐵𑐣, 𑐩𑐶𑐳𑐵 𑐣𑑂𑐰𑐎𑐹 𑐳𑐧𑐶𑐟𑐵 𑐜𑑄𑐐𑑀𑐮, 𑐕𑑂𑐫𑐵𑐘𑑂𑐖𑐾 𑐧𑐸𑐡𑑂𑐢𑐮𑐎𑑂𑐲𑑂𑐩𑐷 𑐩𑐴𑐬𑑂𑐖𑐣, 𑐩𑐶𑐳𑐵 𑐕𑑂𑐫𑐵𑐘𑑂𑐖𑐾 𑐖𑑂𑐘𑐵𑐣𑐷 𑐩𑐴𑐬𑑂𑐖𑐣, 𑐡𑐵𑑄𑐨𑐬𑐷 𑐀𑐩𑐶𑐬𑐬𑐵𑐖 𑐩𑐴𑐬𑑂𑐖𑐣, 𑐡𑐸𑐖𑐮𑐫𑑂 𑐣𑐶𑐱𑐵𑐣 𑐩𑐴𑐬𑑂𑐖𑐣, 𑐟𑐸𑐮𑑂𑐳𑐷 𑐧𑐴𑐵𑐡𑐸𑐬 𑐩𑐴𑐬𑑂𑐖𑐣, 𑐩𑐣𑑀𑐖 𑐩𑐴𑐬𑑂𑐖𑐣, 𑐬𑐰𑐶𑐣 𑐱𑐵𑐎𑑂𑐫, 𑐥𑐱𑐸𑐥𑐟𑐶𑐨𑐎𑑂𑐟 𑐟𑐸𑐺𑐮𑐵𑐢𑐬, 𑐡𑐱𑐬𑐵𑐖 𑐟𑐞𑑂𑐜𑐸𑐎𑐵𑐬, 𑐳𑐵𑐖𑐣 𑐩𑐴𑐬𑑂𑐖𑐣, 𑐣𑐶𑐮𑐩 𑐜𑑄𑐐𑑀𑐮, 𑐀𑐩𑐶𑐟𑐵 𑐀𑐰𑐵𑐮𑐾, 𑐬𑐱𑑂𑐩𑐷 𑐩𑐴𑐬𑑂𑐖𑐣, 𑐐𑐖𑐾𑐣𑑂𑐡𑑂𑐬 𑐩𑐴𑐬𑑂𑐖𑐣, 𑐊𑐮𑐾𑐣 𑐩𑐴𑐬𑑂𑐖𑐣, 𑐖𑐫𑐬𑐵𑐩 𑐩𑐴𑐬𑑂𑐖𑐣 𑐰 𑐨𑐹𑐰𑐣 𑐱𑑂𑐬𑐾𑐲𑑂𑐛 𑐳𑐬𑑂𑐰𑐳𑐩𑑂𑐩𑐟𑑄 𑐮𑑂𑐫𑐫𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑅 𑑋