𑐎𑐮𑐶𑑄𑐐𑐵 𑐎𑐮𑐾𑐖𑑄 𑑑𑑕𑑙 𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷 𑐬𑐎𑑂𑐳𑑁𑐮 𑐖𑐸𑐫𑐵𑑅 𑐮𑐶𑐴𑐵𑑃 𑐰𑐮

𑐨𑐵𑐬𑐟𑐫𑐵 𑐄𑐜𑐶𑐳𑐵 𑐬𑐵𑐖𑑂𑐫𑐫𑑂 𑐔𑑂𑐰𑑄𑐐𑐸 𑐎𑐮𑐶𑑄𑐐𑐵 𑐂𑐣𑑂𑐳𑑂𑐚𑐶𑐔𑑂𑐫𑐸𑐚 𑐀𑐦 𑐂𑐣𑑂𑐜𑐲𑑂𑐚𑑂𑐬𑐶𑐫𑐮 𑐚𑐾𑐎𑑂𑐣𑑀𑐮𑑀𑐖𑐷 (𑐎𑐾𑐁𑐂𑐁𑐂𑐚𑐷) 𑐎𑐮𑐾𑐖𑐫𑑂 𑐧𑑂𑐰𑐣𑐵𑐔𑑂𑐰𑑄𑐥𑐶𑑄 𑑑𑑕𑑙 𑐩𑑂𑐴 𑐣𑐾𑐥𑐵𑑅𑐩𑐶 𑐰𑐶𑐡𑑂𑐫𑐵𑐬𑑂𑐠𑐷 𑐬𑐎𑑂𑐳𑑁𑐮 𑐖𑐸𑐫𑐵𑑅 𑐳𑑂𑐰𑐡𑐾𑐱 𑐮𑐶𑐴𑐵𑑃 𑐰𑑅𑐐𑐸 𑐡𑐸 𑑋

𑐎𑐾𑐁𑐂𑐁𑐂𑐚𑐷𑐂 𑐧𑑂𑐰𑐣𑐵𑐔𑑂𑐰𑑄𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷 𑐥𑑂𑐬𑐎𑐺𑐟𑐶 𑐮𑐩𑑂𑐳𑐵𑐮𑐫𑐵 𑐱𑑄𑐎𑐵𑐳𑑂𑐥𑐡 𑐩𑐺𑐟𑑂𑐫𑐸𑐮𑐶𑐥𑐵 𑐧𑑂𑐰𑐮𑑄𑐐𑐸 𑐰𑐶𑐲𑐩 𑐥𑐬𑐶𑐳𑑂𑐠𑐶𑐟𑐶𑐫𑐵 𑐴𑐸𑐣𑐶𑑄 𑐂𑐥𑐶𑑄 𑐳𑑂𑐰𑐡𑐾𑐱 𑐮𑐶𑐴𑐵𑑃 𑐰𑑅𑐐𑐸 𑐏𑑅 𑑋

𑐥𑐬𑑂𑐳𑐵𑐫𑐵 𑐳𑐴𑐵𑐫𑐎 𑐥𑑂𑐬𑐩𑐸𑐏 𑐖𑐶𑐮𑑂𑐮𑐵 𑐀𑐢𑐶𑐎𑐵𑐬𑐷 𑐳𑐸𑐩𑐣𑐎𑐸𑐩𑐵𑐬 𑐎𑐵𑐬𑑂𑐎𑐷𑐫𑐵 𑐎𑐠𑑄 𑐧𑐶𑐴𑐶𑐰𑐵𑑅 𑐧𑐴𑐣𑐷 𑑑𑑕𑑙 𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷 𑐬𑐎𑑂𑐳𑑁𑐮 𑐖𑐸𑐫𑐵𑑅 𑐳𑑂𑐰𑐡𑐾𑐱 𑐮𑐶𑐴𑐵𑑃 𑐰𑑅𑐐𑐸 𑐏𑑅 𑑋

𑐧𑐶𑐴𑐶𑐰𑐵𑑅 𑐧𑐴𑐣𑐷 𑐴𑐾 𑐰𑐷𑐬𑐐𑐘𑑂𑐖𑐫𑐵 𑐫𑐸𑐰𑐵𑐥𑐶𑐣𑑂𑐳𑑄 𑐥𑑂𑐬𑐎𑐺𑐟𑐶 𑐮𑐩𑑂𑐳𑐵𑐮 𑐰 𑐳𑐶𑐬𑐴𑐵𑐫𑑂 𑐧𑐮𑐵𑐟𑑂𑐎𑐵𑐬𑐮𑐶𑐥𑐵 𑐳𑐷𑐩𑑂𑐴 𑐬𑐶𑑄𑐎𑐸 𑐳𑐡𑐵𑑄 𑐣𑑂𑐫𑐵𑐫 𑐎𑐵𑐫𑐾𑐏𑐣𑐾𑐩𑐵𑑅𑐐𑐸 𑐩𑐵𑐐 𑐫𑐵𑐳𑐾𑑄 𑐳𑐷𑐩𑐟 𑐖𑐸𑐮𑐸𑐳 𑐥𑐶𑐎𑐵𑑅𑐐𑐸 𑐏𑑅 𑑋

𑐥𑑂𑐬𑐎𑐺𑐟𑐶 𑐮𑐩𑑂𑐳𑐵𑐮 𑐰 𑐬𑐶𑑄𑐎𑐸 𑐳𑐡𑐵𑐫𑐵 𑐀𑐳𑑂𑐰𑐵𑐨𑐵𑐰𑐶𑐎 𑐩𑐺𑐟𑑂𑐫𑐸 𑐖𑐹𑐐𑐸𑐮𑐶𑑄 𑐣𑑂𑐫𑐵𑐫𑐶𑐎 𑐕𑐵𑐣𑐰𑐶𑐣 𑐖𑐸𑐂𑐩𑐵𑑅𑐐𑐸 𑐂𑐩𑐶𑐐𑐸 𑐩𑐵𑐐 𑐡𑐸 𑑋