𑐎𑐰𑐶 𑐩𑑄𑐐𑐮𑐩𑐵𑐣 𑐱𑐵𑐎𑑂𑐫𑐫𑐵 𑐔𑐶𑐣𑐵𑐏𑑃 𑐩𑐸𑐣𑐵 “𑐖𑐶𑐐𑐸 𑐢𑐬𑐟𑐷 : 𑐖𑐶𑐐𑐸 𑐳𑐬𑑂𑐐” 𑐥𑐶𑐡𑐣

𑐎𑐰𑐶 𑐩𑑄𑐐𑐮𑐩𑐵𑐣 𑐱𑐵𑐎𑑂𑐫𑐫𑐵 𑐔𑐶𑐣𑐵𑐏𑑃 𑐩𑐸𑐣𑐵 𑐳𑐦𑐹 “𑐖𑐶𑐐𑐸 𑐢𑐬𑐟𑐷 𑑅 𑐖𑐶𑐐𑐸 𑐳𑐬𑑂𑐐” 𑐱𑐣𑐶𑐰𑐵𑑅 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐡𑐾𑐩𑐶𑐫𑐵 𑐔𑐵𑐣𑑂𑐳𑐮𑐬 𑐫𑐖𑑂𑐘𑐬𑐟𑑂𑐣 𑐢𑐵𑐏𑑂𑐰𑐵𑑅 𑐮𑐶𑐳𑐾𑑄 𑐠𑐷𑐠𑐷 𑐰𑑂𑐫𑐎𑑂𑐟𑐶𑐟𑑂𑐰𑐥𑐶𑐣𑑂𑐳𑑄 𑐩𑑄𑐎𑐵𑑅 𑐎𑐠𑑄 𑐔𑐶𑐏𑐶𑐦𑑂𑐫𑐣𑐵𑐡𑐷𑐐𑐸 𑐡𑐸 𑑋

𑐎𑐰𑐶 𑐩𑑄𑐐𑐮𑐩𑐵𑐣 𑐱𑐵𑐎𑑂𑐫 𑑒𑑐𑑒𑑒 𑐳𑐵𑐮𑐣𑐶𑐳𑐾𑑄 𑐳𑐵𑐴𑐶𑐟𑑂𑐫𑐥𑐵𑐏𑐾𑑄 𑐣𑐾𑐥𑐵𑐮𑐨𑐵𑐲𑐵 𑐁𑐣𑑂𑐡𑑀𑐮𑐣𑐫𑑂 𑐳𑐎𑑂𑐬𑐶𑐫 𑐬𑐸𑐥𑑄 𑐥𑐮𑐵𑑅 𑐣𑑂𑐴𑑂𑐫𑐵𑐎𑐵𑑅 𑐰𑐫𑐵𑐔𑑂𑐰𑐣𑐵𑐡𑐷𑐩𑑂𑐴 𑐏𑑅 𑑋 𑐱𑐵𑐎𑑂𑐫𑐫𑐵 𑐔𑐶𑐣𑐵𑐏𑑃 𑐩𑐸𑐣𑐵 𑐳𑐦𑐹 “𑐖𑐶𑐐𑐸 𑐢𑐬𑐟𑐷 𑑅 𑐖𑐶𑐐𑐸 𑐳𑐬𑑂𑐐” 𑐡𑐸𑐣𑐾 𑐥𑐷𑐣𑐶𑐥𑐹 𑐔𑐶𑐣𑐵𑐏𑑃 𑐡𑐸𑐠𑑂𑐫𑐵𑐎𑐵𑐟𑑅𑐐𑐸 𑐡𑐸 𑑋 𑐳𑐦𑐹𑐫𑐵𑐟 𑐳𑐩𑐵𑐮𑑀𑐔𑐎 𑐥𑐹𑐬𑑂𑐞 𑐟𑐵𑐩𑑂𑐬𑐵𑐎𑐵𑐬𑑄 𑐚𑐶𑐥𑑂𑐥𑐞𑐷 𑐫𑐵𑐣𑐵𑐡𑐷𑐐𑐸 𑐡𑐸 𑑋

𑐧𑐖𑑂𑐬𑐬𑐵𑐖 𑐱𑐵𑐎𑑂𑐫 𑐰 𑐜𑐵. 𑐳𑐸𑐣𑑂𑐡𑐬𑐎𑐺𑐲𑑂𑐞 𑐖𑑀𑐱𑐷𑑄 𑐎𑐰𑐶𑐫𑐵 𑐖𑐷𑐰𑐣𑐷 𑐰 𑐮𑐾𑐏𑐣𑐫𑐵 𑐰𑐶𑐲𑐫𑐰𑐳𑑂𑐟𑐸 𑐧𑐵𑐬𑐾 𑐔𑐬𑑂𑐔𑐵 𑐫𑐵𑐣𑐵𑐡𑐷𑐐𑐸 𑐡𑐸 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐩𑑂𑐫𑐾𑐴𑐵𑐮𑐵𑐩𑐶 𑐬𑐶𑐟𑐵 𑐩𑐴𑐬𑑂𑐖𑐣𑑄𑐮𑐶𑐳𑐾𑑄 𑐠𑐷𑐠𑐷 𑐳𑑄𑐐𑐷𑐟𑐎𑑅𑐩𑐶𑐥𑐶𑐣𑑂𑐳𑑄 𑐳𑐵𑑄𑐐𑐶𑐟𑐶𑐎 𑐧𑑂𑐰𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐀𑐘𑑂𑐖𑐣𑐵 𑐟𑐵𑐩𑑂𑐬𑐵𑐎𑐵𑐬, 𑐡𑐶𑐰𑑂𑐫𑐵 𑐟𑐵𑐩𑑂𑐬𑐵𑐎𑐵𑐬, 𑐳𑐸𑐮𑑀𑐔𑐣𑐵 𑐳𑐿𑑄𑐖𑐸, 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐎𑐰𑐶 𑐨𑐐𑐟𑐡𑐵𑐳 𑐱𑑂𑐬𑐾𑐲𑑂𑐛𑐮𑐶𑐳𑐾𑑄𑐫𑐵 𑐳𑐵𑐴𑐶𑐟𑑂𑐫𑐎𑐵𑐬𑐥𑐶𑐣𑑂𑐳𑑄 𑐔𑐶𑐣𑐵𑐏𑑃 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅 𑑋