“𑐐𑑂𑐬𑐾𑐚 𑐴𑐶𑐩𑐵𑐮𑐫𑐣 𑐚𑑂𑐬𑐾𑐮 𑐟𑐮𑑂𑐮𑑀 𑐏𑐞𑑂𑐜”

“𑐐𑑂𑐬𑐾𑐚 𑐴𑐶𑐩𑐵𑐮𑐫𑐣 𑐚𑑂𑐬𑐾𑐮 𑐟𑐮𑑂𑐮𑑀 𑐏𑐞𑑂𑐜” 𑐫𑐵 𑐥𑐡𑐫𑐵𑐟𑑂𑐬𑐵 𑐳𑐩𑑂𑐧𑐣𑑂𑐢𑐶 𑐧𑐺𑐟𑑂𑐟𑐔𑐶𑐟𑑂𑐬 𑐥𑑂𑐬𑐡𑐬𑑂𑐱𑐣“𑐐𑑂𑐬𑐾𑐚 𑐴𑐶𑐩𑐵𑐮𑐫𑐣 𑐚𑑂𑐬𑐾𑐮 𑐟𑐮𑑂𑐮𑑀 𑐏𑐞𑑂𑐜”𑐎𑑀 𑐥𑐡𑐫𑐵𑐟𑑂𑐬𑐵 𑐳𑐩𑑂𑐧𑐣𑑂𑐢𑐶 𑐧𑐺𑐟𑑂𑐟𑐔𑐶𑐟𑑂𑐬 𑐀𑐳𑑀𑐖 𑑑𑑒 𑐐𑐟𑐾 𑐳𑐣𑐶𑐧𑐵𑐬 𑐧𑐵𑐐𑐧𑐖𑐵𑑅𑐫𑐵 𑐳𑐶𑐟𑐶 𑐩𑑂𑐫𑐵𑐎𑑂𑐳 𑐳𑐶𑐣𑐾 𑐴𑐮𑐫𑑂 𑐥𑑂𑐬𑐡𑐬𑑂𑐱𑐣 𑐫𑐵𑑅𑐐𑐸 𑐡𑐸 𑑋

𑐟𑑂𑐬𑐶𑐨𑐸𑐰𑐣 𑐧𑐶𑐱𑑂𑐰𑐧𑐶𑐡𑑂𑐢𑐵𑐮𑐫 𑐐𑑂𑐬𑐵𑐩𑐷𑐞 𑐧𑐶𑐎𑐵𑐳 𑐎𑐾𑐣𑑂𑐡𑑂𑐬𑐶𑐫 𑐧𑐶𑐨𑐵𑐐𑐫𑐵 𑐄𑐥-𑐥𑑂𑐬𑐵. 𑐜𑐵. 𑐬𑐵𑐖𑐣 𑐧𑐶𑐣𑐵𑐊𑐎 𑐥𑐵𑐳𑐵 𑐰 𑐢𑐵𑐡𑐶𑐒 𑐐𑐮𑑂𑐕𑐷 𑐐𑐵𑐄𑐥𑐵𑐮𑐶𑐎𑐵 𑑓 𑐫𑐵 𑐎𑐮𑑂𑐮𑐾𑐬𑐷 𑐩𑐵 𑐧𑐶𑐎𑐵 𑐱𑐶𑐎𑑂𑐲𑐎 𑐮𑐶𑐮𑐵 𑐧𑐴𑐵𑐡𑐸𑐬 𑐧𑐶𑐱𑑂𑐰𑐎𑐬𑑂𑐩𑐵𑑄 𑐰𑑄𑐐𑐸 𑐡𑑃 𑐎𑐵𑐟𑑂𑐟𑐶𑐎 𑑑𑑓 𑐐𑐟𑐾𑐣𑐶𑐳𑐾𑑄 𑐣𑑂𑐴𑑂𑐫𑐵𑐐𑐸 𑑒𑑗 𑐖𑐶𑐮𑑂𑐮𑐵 𑑔𑑑 𑐡𑐶𑑄 𑐡𑐸𑐣𑐾 𑐟𑐵𑑅𑐮𑐵𑐎𑐵𑑅 𑐡𑐶𑐮 𑑋 𑐳𑐟𑐶𑐎 𑐂 𑐡𑐸𑐣𑐾 𑐫𑐵𑐟𑑂𑐬𑐵 𑐟𑐵𑑅 𑐮𑐵𑐎𑐾𑐟, 𑐥𑐡𑐫𑐵𑐟𑑂𑐬𑐵 𑐫𑐵𑐫𑐾 𑐩𑐴 𑐡𑐸𑐥𑐶𑑄 𑐥𑐡𑐫𑐵𑐟𑑂𑐬𑐷𑐥𑐶𑐣𑐶𑐐𑐸 𑐣𑐸𑐐𑑅 𑐳𑐵𑐮𑐾𑐟 , 𑐄𑐐𑐸 𑐬𑐸𑐚𑐫𑑂 𑐡𑐸𑐠𑑂𑐫𑐵𑐐𑐸 𑐳𑑂𑐠𑐵𑐣𑐷𑐫𑐵 𑐖𑐣𑐖𑐶𑐰𑐶𑐎𑐵𑐫𑐵 𑐀𑐰𑐳𑑂𑐠𑐵 𑐀𑐢𑑂𑐫𑐫𑐣 𑐀𑐣𑐸𑐳𑐣𑑂𑐢𑐵𑐣 𑐫𑐵𑐫𑐾𑐟, 𑐀𑐥𑐸𑐐𑐸 𑐬𑐸𑐚 𑐩𑑂𑐴𑐳𑐶𑐎𑐾𑐟, 𑐮𑐶𑐳𑐾𑑄 𑐰𑐺𑐟𑐔𑐶𑐟𑑂𑐬 𑐡𑐫𑐾𑐎𑐵 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐳𑑂𑐟𑐬𑐫𑑂 𑐥𑑂𑐬𑐔𑐵𑐬𑐥𑑂𑐬𑐳𑐵𑐬 𑐫𑐵𑐫𑐾𑐐𑐸 𑐟𑐵𑐟𑐸𑐣𑐵𑑄 𑐥𑐡𑐫𑐵𑐟𑑂𑐬𑐵 𑐫𑐵𑐣𑐵𑐡𑐶𑐮 𑑋 𑐰𑐺𑐟𑐔𑐶𑐟𑑂𑐬 𑐡𑐫𑐾𑐎𑐵𑐡𑐶𑐩𑑂𑐴 𑐬𑐵𑐖𑐣 𑐧𑐶𑐣𑐵𑐊𑐎 𑐥𑐵𑐳𑐵𑐫𑐵 𑐣𑐵𑐫𑐵𑐳𑐸𑐂 𑐖𑐹𑐐𑐸 𑐖𑑂𑐫𑐵𑐗𑑂𑐰𑑅𑐫𑐵 𑐩𑐹𑐥𑐵𑐴𑐵𑑃 𑐥𑑂𑐬𑐟𑐶𑐣𑐶𑐢𑐶 𑐳𑐨𑐵𑐎𑐷 𑐄𑐥𑐳𑐨𑐵𑐩𑐸𑐏 𑐂𑐣𑑂𑐡𑐶𑐬𑐵 𑐬𑐵𑐣𑐵 𑐩𑐐𑐬, 𑐰𑐶𑐱𑐾𑐲 𑐥𑐵𑐴𑐵𑑃 𑐥𑐬𑑂𑐰𑐟𑐵𑐬𑑀𑐴𑐷 𑐩𑐵𑐫𑐵 𑐐𑐸𑐬𑐸𑐒 , 𑐐𑑂𑐬𑐵𑐩𑐷𑐞 𑐥𑐬𑑂𑐫𑐚𑐣𑐰𑐶𑐡 𑐥𑑂𑐬𑐵 𑐜𑐵 𑐥𑑂𑐬𑐾𑐩 𑐱𑐬𑑂𑐩𑐵, 𑐩𑑂𑐫𑐵𑐐𑑂𑐡𑐷 𑐩𑐵𑐮𑐶𑐎𑐵 𑐐𑐵𑐄𑑃𑐥𑐵𑐮𑐶𑐎𑐵 𑐥𑑂𑐬𑐩𑐸𑐏 𑐧𑐾𑐐 𑐥𑑂𑐬𑐳𑐵𑐡 𑐐𑐬𑑂𑐧𑐸𑐖𑐵, 𑐥𑐬𑑂𑐫𑐚𑐣𑐰𑐶𑐡 𑐨𑐬𑐟 𑐥𑑂𑐬𑐱𑐵𑐡 𑐧𑐜𑐵𑐮 𑐥𑐶𑑄𑐳𑑄 𑐥𑐬𑑂𑐫𑐚𑐣 𑐰𑑂𑐫𑐵𑐰𑐳𑐵𑐫𑐷𑐮𑐶𑐳𑐾𑑄 𑐳𑐵𑐩𑐵𑐖𑐶𑐎 𑐧𑑂𑐫𑐎𑑂𑐟𑐶𑐟𑑂𑐰𑐥𑐶𑐣𑐶𑐐𑐸 𑐧𑑂𑐰𑐟𑐶𑐡𑐸𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐣𑐸𑐐𑑅 𑐏𑑃 𑐟𑐫𑐾𑐐𑐸 𑐗𑑂𑐰𑐮𑐫𑑂 𑐄𑐥𑐳𑐨𑐵𑐩𑐸𑐏 𑐂𑐣𑑂𑐡𑐶𑐬𑐵 𑐬𑐵𑐣𑐵 𑐩𑐐𑐬𑑄 𑐠𑑅𑐥𑐶𑑄 𑐳𑑂𑐫𑐣𑐵𑐩𑐶 𑐖𑐸𑐫𑐵 𑐕𑐸𑑄 𑐫𑐵𑐫𑐾𑐐𑐸 𑐩𑐣𑐟𑐸𑐣𑐵 𑐩𑐴𑐵𑐣𑑂 𑐥𑐡𑐫𑐵𑐟𑑂𑐬𑐵𑐫𑐵 𑐖𑑂𑐫𑐵 𑐔𑑂𑐰𑐕𑐵𑐫𑑂 𑐧𑐴 𑐖𑐸𑐐𑐸𑐮𑐶 𑐴𑐵𑐣𑑄 𑐠𑐸𑐖𑑂𑐰𑑅𑐐𑐸 𑐖𑑂𑐫𑐵𑐫𑑂 𑐩𑐡𑐶𑐎𑑂𑐎 𑐥𑐮𑐵 𑐟𑐫𑐵𑐡𑐶𑐂𑐟 𑐂𑐣𑐵𑐥 𑐫𑐵𑐣𑐵𑐡𑐶𑐮 𑑋 𑐥𑐬𑑂𑐰𑐟𑐵𑐬𑑀𑐴𑐷 𑐩𑐵𑐫𑐵 𑐐𑐸𑐬𑐸𑐒𑑄 𑐬𑐵𑐖𑑂𑐫𑑄 𑐥𑐮𑐵𑑅 𑐟𑐫𑐾𑐐𑐸𑐩𑐵𑐐𑐸 𑐖𑑂𑐫𑐵𑐫𑑂 𑐠𑑅𑐩𑑂𑐴𑑄 𑐴𑐾 𑐏𑐬𑑂𑐔𑑄 𑐫𑐵𑐳𑐵𑐣𑑄 𑐬𑐵𑐖𑑂𑐫𑑄 𑐔𑐶𑐄𑐟𑐵 𑐩𑐎𑐵𑑅𑐐𑐸 𑐏𑑃𑐫𑑂 𑐡𑐸𑐏𑑅 𑐥𑑂𑐰𑑄𑐎𑐹𑐳𑐾𑑄 𑐬𑐵𑐖𑑂𑐫𑑄 𑐥𑐬𑑂𑐫𑐚𑐣𑐮𑐶𑐳𑐾𑑄 𑐳𑑂𑐰𑐵𑐥𑐹 𑐡𑐸𑐐𑐸 𑐖𑑂𑐫𑐵𑐫𑑂 𑐥𑐬𑑂𑐫𑐚𑐣 𑐧𑐶𑐖𑑂𑐘𑐣𑐵𑐥 𑐖𑐵𑐣𑐵 𑐖𑑂𑐫𑐵𑑅 𑐫𑐵𑐂𑐐𑐸 𑐦𑐮𑐡𑐵𑐫𑐷 𑐖𑐸𑐂𑐐𑐸 𑐰𑐶𑐔𑐵𑑅 𑐟𑐫𑐵𑐡𑐶𑐮 𑑋 𑐥𑑂𑐬𑐵 𑐜𑐵 𑐥𑑂𑐬𑐾𑐩 𑐱𑐬𑑂𑐩𑐵𑑄 𑑒𑑑 𑐎𑑂𑐰𑑅𑐐𑐸 𑐱𑐟𑐵𑐧𑑂𑐡𑐷𑐂 𑐱𑐶𑐎𑑂𑐲𑐞 𑐥𑐾𑐳𑐵 𑐰𑑂𑐫𑐵𑐰𑐴𑐵𑐬𑐶𑐎 𑐡𑐫𑐾𑐎𑐾𑐩𑐵𑑅𑐐𑐸 𑐏𑑃𑐫𑑂 𑐧𑐴𑑅 𑐧𑐶𑐳𑐾𑑄 𑐠𑐸𑐖𑑂𑐰𑑅𑐐𑐸 𑐰𑐺𑐟𑑂𑐟𑐔𑐶𑐟𑑂𑐬𑑄 𑐣𑑂𑐴𑐹𑐥𑐸𑐳𑑂𑐟𑐵𑐫𑑂 𑐁𑐎𑐬𑑂𑐲𑐞 𑐀𑐥𑑂𑐰𑐂𑐐𑐸 𑐢𑐎𑐵𑑅 𑐣𑐸𑐐𑑅 𑐏𑑃 𑐟𑐫𑐵𑐡𑐶𑐮 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐥𑐡𑐫𑐵𑐟𑑂𑐬𑐷 𑐮𑐶𑐮𑐵 𑐧𑐴𑐵𑐡𑐸𑐬 𑐧𑐶𑐳𑑂𑐰𑐎𑐬𑑂𑐩𑐵𑑄 𑐥𑐡𑐫𑐵𑐟𑑂𑐬𑐵𑐫𑐵 𑐄𑐡𑐾𑐱𑑂𑐫𑐫𑐵𑐟 𑐎𑐫𑐵𑑅 𑐣𑐸𑐐𑑅 𑐏𑑄 𑐥𑑂𑐰𑑄𑐎𑐵𑐡𑐶𑐮 𑑋

𑐄𑐐𑐸 𑐖𑑂𑐫𑐵𑐗𑑂𑐰𑐳 𑐣𑐸𑐐𑑅 𑐏𑑃 𑐥𑑂𑐰𑑄𑐎𑐹𑐳𑐾 𑐥𑐡𑐫𑐵𑐟𑑂𑐬𑐷 𑐟𑐠𑐵 𑐧𑐺𑐟𑐔𑐶𑐟𑑂𑐬 𑐣𑐶𑐬𑑂𑐩𑐵𑐟𑐵 𑐜𑐵 𑐬𑐵𑐖𑐣 𑐧𑐶𑐣𑐵𑐊𑐎 𑐥𑐵𑐳𑐵𑑄 𑐳𑐎𑐮 𑐥𑐵𑐴𑐵𑑃 𑐥𑐶𑐣𑑂𑐟 𑐩𑑁𑐳𑐩𑐫𑐵 𑐰𑐶𑐲𑐩𑐟𑐵 𑐖𑐸𑐳𑐵 𑐟𑐧𑐶 𑐠𑐣 𑐗𑐵𑐫𑐵 𑐡𑐶𑐂𑐥𑐶𑑄 𑐳𑐎𑐮 𑐡𑐬𑑂𑐱𑐎, 𑐥𑐵𑐴𑐵𑑃 𑐥𑐶𑐣𑑂𑐟 𑐮𑐳𑐎𑐸𑐱 𑐳𑑂𑐰𑐵𑐐𑐟 𑐰 𑐳𑐸𑐨𑐵𑐫𑑂 𑐧𑐶𑐳𑐾 𑐰𑐂𑐐𑐸 𑐡𑐶𑐣𑐳𑑄 𑐣𑑄 𑐠𑐠𑐾𑐴𑐾 𑐰𑐫𑑂𑐎𑐮𑑄 𑐠𑑂𑐰 𑐴𑐾 𑐖𑑂𑐫𑐵𑐫𑐵𑐟 𑐣𑐶𑐬𑐣𑑂𑐟𑐬𑐟𑐵 𑐧𑐶𑐫𑐵𑐔𑑂𑐰𑐣𑐾𑐐𑐸 𑐢𑐫𑐵𑐡𑐶𑐮 𑑋 𑐖𑑂𑐫𑐵𑐗𑑂𑐰𑑅 𑐡𑐸𑐬𑑂𑐐𑐵𑐬𑐵𑐖 𑐥𑐵𑐞𑑂𑐜𑐾𑑄 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐏𑑅 𑑋 𑐠𑐸𑐐𑐸 𑐳𑐵𑐴𑐳𑐶𑐎 𑐫𑐵𑐟𑑂𑐬𑐵𑐫𑐵 𑐰𑐺𑐟𑑂𑐟𑐔𑐶𑐟𑑂𑐬rajan binayek pasa Youtube Channel 𑐰𑐣𑐵 𑐳𑑂𑐰𑐫𑐵 𑐡𑐶𑐂𑐦𑐿 l

𑐮𑐶𑑄𑐎 𑐠𑐣 𑐎𑑂𑐰𑐫𑑂 𑐰𑐣𑐵 𑐳𑑂𑐰𑐫𑐵𑐡𑐶𑐂𑐦𑐿

𑐳𑐵𑐨𑐵𑐬 – 𑐬𑐶𑐡𑐾𑐣 𑐩𑐴𑐬𑑂𑐖𑐣