𑐖𑐐𑐟𑐳𑐸𑐣𑑂𑐡𑐬𑐫𑑂 𑐩𑐶𑐣𑐶 𑐳𑑄𑐐𑑂𑐬𑐴𑐵𑐮𑐫

𑐫𑐾𑑃 – 𑐖𑐐𑐟𑐳𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶𑐂 𑐰𑑄𑐐𑐸 𑐱𑐸𑐎𑑂𑐬𑐰𑐵𑑅 𑐕𑐐𑐹 𑐧𑑅𑐔𑐵𑑅𑐢𑑄𑐐𑐸 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐩𑐶𑐣𑐶 𑐳𑑄𑐐𑑂𑐬𑐴𑐵𑐮𑐫 𑐔𑐵𑐫𑐾𑐎𑐾𑐐𑐸 𑐖𑑂𑐫𑐵 𑐖𑐸𑐮 𑑋 𑐳𑑄𑐐𑑂𑐬𑐴𑐵𑐮𑐫𑐫𑑂 𑐠𑐷𑐠𑐷 𑐴𑐮𑐖𑑂𑐰𑐮𑑄 𑐡𑐸𑐠𑑂𑐫𑐵𑐎𑐵𑐟𑑅𑐐𑐸 𑐡𑐸 𑑋 𑐄𑐐𑐸 𑐩𑐶𑐣𑐶 𑐳𑑄𑐐𑑂𑐬𑐴𑐵𑐮𑐫𑐫𑑂 𑐔𑐵𑐫𑐾𑐎𑐾𑐟 𑐏𑑂𑐰𑐥𑐫𑐵 𑐩𑐮𑑂𑐮 𑐥𑑂𑐬𑐢𑐵𑐣𑐵· 𑐥𑑂𑐬𑐟𑐶𑐲𑑂𑐛𑐵𑐣𑑄 𑐁𑐰𑐱𑑂𑐫𑐎 𑐴𑐮𑑄𑐖𑑂𑐰𑐮𑑄𑐫𑐵 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐐𑐸 𑐏𑑅𑐳𑐵 𑐧𑑂𑐰𑐣𑐾𑐎𑐸𑐠𑐶𑐫𑐵 𑐴𑐾 𑐣𑑂𑐴𑐵𑐥𑐵𑑄𑐩𑑂𑐴 𑐥𑑂𑐬𑐶𑐣𑑂𑐳𑐶𑐥𑐮 𑐩𑐫𑑂𑐖𑐸 𑐬𑐟𑑂𑐣𑐡𑐾𑐰𑐷 𑐎𑐳𑐵𑑄 𑐣𑐾𑐰𑐵𑑅𑐟𑐫𑑂𑐳𑑄 𑐣𑑂𑐴𑐵𑐥𑐵 𑐕𑑂𑐫𑐮𑐵𑐧𑐸𑐮𑐵𑐫𑑂 𑐴𑐫𑐵𑐔𑑂𑐰𑑄𑐐𑐸 𑐔𑐵𑐫𑐵 𑐠𑐮𑐧𑐮 𑐧𑐶𑐫𑐵𑑅 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐀𑐠𑐾 𑐴𑐾 𑐩𑐡𑐸𑐩𑑂𑐴 𑐳𑐵𑐣 𑐩𑐴𑐬𑑂𑐖𑐣𑐫𑐵 𑐣𑐵𑐩𑑄 𑐎𑑂𑐰𑐟𑑅 𑐖𑑂𑐰𑐮𑑄 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐐𑐸 𑐏𑑅𑐳𑐵 𑐩𑐾𑐩𑐾𑐐𑐸 𑐴𑐮𑑄𑐖𑑂𑐰𑐮𑑄 𑐢𑐵𑑅𑐳𑐵 𑐧𑑂𑐰𑐣𑐾𑐎𑐸𑐠𑐶𑑄 𑐴𑐾 𑐰𑑂𑐫𑐰𑐳𑑂𑐠𑐵 𑐫𑐵𑑅𑐐𑐸 𑐏𑑅 𑑋
𑐳𑑄𑐐𑑂𑐬𑐴𑐵𑐮𑐫𑐫𑑂 𑐣𑐾𑐰𑐵𑑅𑐟𑐫𑑂 𑐥𑐬𑐩𑑂𑐥𑐬𑐵𑐐𑐟 𑐟𑐶𑐳𑐵, 𑐰𑐳𑑅 𑐰 𑐠𑐮𑐧𑐮𑑄 𑐣𑐵𑐥𑑄 𑐩𑐾𑐩𑐾𑐐𑐸 𑐣𑑄 𑐁𑐥𑐵𑐮𑑄 𑐴𑐮𑑄𑐖𑑂𑐰𑐮𑑄 𑐧𑑂𑐰𑐫𑐵 𑐟𑐫𑐵𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐳𑐾𑑄 𑐧𑑂𑐰𑐣𑐾𑐎𑐸𑐠𑐶𑐫𑐵 𑐥𑑂𑐬𑐶𑐣𑑂𑐳𑐶𑐥𑐮 𑐩𑐫𑑂𑐖𑐸 𑐳𑐸𑐣𑐶𑐟𑐵 𑐩𑐵𑐣𑐣𑑂𑐢𑐬𑑄 𑐳𑑄𑐐𑑂𑐬𑐴𑐵𑐮𑐫𑐫𑐵𑐟 𑐟𑐧𑑂𑐫𑐵 𑐫𑐵𑐣𑐵 𑐫𑑄𑐎𑐾𑐟 𑐳𑐎𑐳𑐶𑐟𑑄 𑐐𑑂𑐰𑐵𑐴𑐵𑐮𑐶𑐫𑐵 𑐣𑐶𑑄𑐟𑐶𑑄 𑐂𑑆𑐣𑐵𑐥 𑐣𑑄 𑐫𑐵𑐣𑐵𑐡𑐶𑐮 𑑋

𑐳𑑄𑐐𑑂𑐬𑐴𑐵𑐮𑐫 𑐔𑐵𑐫𑐾𑐎𑐾𑐟 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐎𑐵𑐬𑑂𑐫𑐳𑐩𑐶𑐟𑐶𑐫𑐵 𑐳𑐎𑐮 𑐡𑐸𑐖𑑅𑐥𑐶𑑄 𑐣𑐵𑐥𑑄 𑐁𑐖𑐷𑐰𑐣 𑐳𑐡𑐳𑑂𑐫 𑐰 𑐳𑐮𑑂𑐮𑐵𑐴𑐎𑐵𑐬 𑐫𑐵𑐣𑐵𑑅 𑐗𑐶𑑄𑐕𑐩𑑂𑐴𑐾𑐳𑐶𑐣𑑄 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐄𑐐𑐸 𑐂𑐮𑐫𑑂 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐣𑐵𑐫𑑅 𑐜𑐵. 𑐩𑐵𑐢𑐰𑐳𑐸𑐣𑑂𑐡𑐬 𑐩𑐮𑑂𑐮𑑄 𑐧𑑂𑐰𑐣𑐾𑐎𑐸𑐠𑐶𑐫𑐵 𑐳𑑄𑐔𑐵𑐮𑐎 𑐳𑐩𑐶𑐟𑐶𑐫𑐵 𑐀𑐢𑑂𑐫𑐎𑑂𑐲 𑐮𑐎𑑂𑐲𑑂𑐩𑐷𑐡𑐵𑐳 𑐩𑐵𑐣𑐣𑑂𑐢𑐬𑐫𑐵𑐟 𑐡𑐬𑐵𑐖𑐫𑐵 𑐟𑐵𑑅𑐔𑐵 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋