𑐖𑑂𑐫𑐵𑐥𑐸 𑐳𑐩𑐵𑐖𑐫𑐵𑐟 𑐰𑐶𑐡𑑂𑐫𑐵𑐬𑑂𑐠𑐷 𑐫𑐸𑐣𑐶𑐫𑐣𑐫𑐵 𑐖𑑂𑐘𑐵𑐥𑐣 𑐥𑑁

𑐬𑐟𑑂𑐣 𑐬𑐵𑐖𑑂𑐫𑐮𑐎𑑂𑐲𑑂𑐩𑐷 (𑐁𑐬𑐁𑐬) 𑐎𑑂𑐫𑐵𑐩𑑂𑐥𑐳𑐫𑐵 𑐣𑐾𑐰𑐵𑑅 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂 𑐳𑑄𑐐𑐛𑐣 𑐣𑐾𑐰𑐵𑑅 𑐰𑐶𑐡𑑂𑐫𑐵𑐬𑑂𑐠𑐷 𑐫𑐸𑐣𑐶𑐫𑐣𑑄 𑐖𑑂𑐫𑐵𑐥𑐸 𑐳𑐩𑐵𑐖 𑐫𑐮𑐫𑐵𑐟 𑐕𑐥𑐸 𑐖𑑂𑐘𑐵𑐥𑐣 𑐥𑑁 𑐮𑑅𑐮𑑂𑐴𑐵𑑅𑐐𑐸 𑐡𑐸 𑑋 𑐫𑐸𑐣𑐶𑐫𑐣𑑄 𑐳𑑂𑐣𑐵𑐟𑐎 𑐰 𑐳𑑂𑐣𑐵𑐟𑐎𑑀𑐟𑑂𑐟𑐬 𑐟𑐴𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐀𑐢𑑂𑐫𑐫𑐣 𑐫𑐵𑐂𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷 𑐨𑐬𑑂𑐣𑐵𑐫𑐵 𑐩𑐵𑐐 𑐫𑐵𑐳𑐾𑑄 𑐳𑐩𑐵𑐖𑐫𑐵𑐟 𑐖𑑂𑐘𑐵𑐥𑐣 𑐥𑑁 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐀𑐢𑑂𑐫𑐫𑐣 𑐫𑐵𑐂𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷 𑐨𑐬𑑂𑐣𑐵 𑐩𑐖𑐸𑐮 𑐢𑐵𑑅𑐳𑐵 𑐣𑐾𑐥𑐵𑐮𑐨𑐵𑐲𑐵𑐫𑐵 𑐎𑐎𑑂𑐲𑐵 𑐴𑐾 𑐧𑐣𑑂𑐡 𑐖𑐸𑐂𑐐𑐸 𑐢𑐵𑐳𑐾𑑄 𑐫𑐸𑐣𑐶𑐫𑐣𑑄 𑐳𑐩𑐵𑐖𑐫𑐵𑐟 𑐖𑑂𑐘𑐵𑐥𑐣 𑐥𑑁 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋 𑐳𑑂𑐣𑐵𑐟𑐎 (𑐧𑐷𑐊) 𑐟𑐐𑐶𑐩𑐫𑑂 𑐁𑐬𑐁𑐬 𑐎𑑂𑐫𑐵𑐩𑑂𑐥𑐳𑐫𑑂 𑐗𑐶𑐩𑑂𑐴, 𑐥𑐡𑑂𑐩𑐎𑐣𑑂𑐫𑐵 𑐎𑑂𑐫𑐵𑐩𑑂𑐥𑐳𑐫𑑂 𑐣𑑂𑐫𑐵𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷 𑐨𑐬𑑂𑐣𑐵 𑐩𑐖𑐸𑐮 𑐢𑐵𑑅𑐳𑐵 𑐧𑐷𑐊 𑐟𑐐𑐶𑐩𑐫𑑂 𑐣𑐾𑐥𑐵𑐮𑐨𑐵𑐲𑐵 𑐎𑐎𑑂𑐲𑐵 𑐔𑐮𑐾 𑐩𑐫𑐵𑐫𑐾𑐐𑐸 𑐢𑐂𑐐𑐸 𑐳𑐸𑐔𑑄 𑐰𑑅𑐐𑐸 𑐨𑐵𑐲𑐵 𑐳𑑄𑐬𑐎𑑂𑐲𑐞𑐫𑐵 𑐣𑐶𑑄𑐟𑐶𑑄 𑐰 𑐳𑑄𑐰𑐶𑐢𑐵𑐣𑑄 𑐧𑐶𑐄𑐐𑐸 𑐀𑐢𑐶𑐎𑐵𑐬𑐫𑐵𑐟 𑐮𑐵𑐐𑐹 𑐫𑐵𑐫𑐾𑐐𑐸 𑐣𑐶𑑄𑐟𑐶𑑄 𑐣𑑄 𑐰𑐶𑐡𑑂𑐫𑐵𑐬𑑂𑐠𑐷 𑐨𑐬𑑂𑐣𑐵 𑐫𑐵𑐫𑐾𑐩𑐵𑑅𑐐𑐸 𑐫𑐸𑐣𑐶𑐫𑐣𑑄 𑐢𑐵𑑅𑐐𑐸 𑐡𑐸 𑑋

𑐰𑐂𑐐𑐸 𑐩𑑄𑐳𑐶𑐬 𑑑𑑕 𑐐𑐟𑐾 𑐟𑐎𑐫𑐵 𑐡𑐸𑐣𑐾 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐀𑐢𑑂𑐫𑐫𑐣 𑐫𑐵𑐂𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷 𑐨𑐬𑑂𑐣𑐵𑐫𑐵 𑐣𑐶𑑄𑐟𑐶𑑄 𑐥𑐴𑐮 𑐫𑐵𑐫𑐾𑐟 𑐳𑐩𑑂𑐧𑐡𑑂𑐢 𑐥𑐎𑑂𑐲𑐫𑐵𑐟 𑐀𑐥𑐷𑐮 𑐫𑐵𑐳𑐾𑑄 𑐫𑐸𑐣𑐶𑐫𑐣𑐫𑐵 𑐣𑐵𑐫𑑅 𑐬𑐶𑐡𑐾𑐣 𑐩𑐴𑐬𑑂𑐖𑐣 𑐰 𑐕𑑂𑐫𑐵𑐘𑑂𑐖𑐾 𑐥𑑂𑐬𑐱𑐵𑐣𑑂𑐟 𑐜𑑄𑐐𑑀𑐮𑑄 𑐳𑐩𑐵𑐖𑐫𑐵𑐟 𑐖𑑂𑐘𑐵𑐥𑐣 𑐥𑑁 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐫𑐸𑐣𑐶𑐫𑐣𑑄 𑐮𑑅𑐮𑑂𑐴𑐵𑑅𑐐𑐸 𑐖𑑂𑐘𑐵𑐥𑐣 𑐥𑐟𑐷 𑐳𑑄𑐰𑐶𑐢𑐵𑐣𑐫𑑂 𑐴𑐾 𑐠𑑅𑐠𑑅𑐐𑐸 𑐩𑐵𑑄𑐨𑐵𑐳𑑄 𑐱𑐶𑐎𑑂𑐲𑐵 𑐎𑐵𑐫𑐾 𑐡𑐂𑐐𑐸 𑐰𑑂𑐫𑐰𑐳𑑂𑐠𑐵 𑐖𑐸𑐫𑐵𑐔𑑂𑐰𑑄𑐐𑐸 𑐢𑐵𑐳𑐾𑑄 𑐳𑑄𑐰𑐶𑐢𑐵𑐣𑐫𑑂 𑐡𑐸𑐐𑐸 𑐀𑐢𑐶𑐎𑐵𑐬𑐫𑐵𑐟 𑐳𑐸𑐣𑐶𑐱𑑂𑐔𑐶𑐟 𑐫𑐵𑐫𑐾𑐟 𑐳𑐎𑐳𑐶𑐣𑑄 𑐩𑐵𑑄𑐨𑐵𑐳𑑄 𑐱𑐶𑐎𑑂𑐲𑐵 𑐎𑐵𑐫𑐾𑐟 𑐣𑐾𑐟𑐺𑐟𑑂𑐰𑐡𑐵𑐫𑐷 𑐨𑐹𑐩𑐶𑐎𑐵 𑐩𑑂𑐴𑐶𑐟𑐾𑐩𑐵𑑅𑐐𑐸 𑐏𑑃𑐫𑑂 𑐧𑑅 𑐧𑐶𑐫𑐵𑐟𑑅𑐐𑐸 𑐡𑐸 𑑋

𑐫𑐸𑐣𑐶𑐫𑐣𑐫𑐵 𑐴𑐾 𑐎𑐸𑐟𑐮𑐫𑑂 𑐁𑐬𑐁𑐬 𑐎𑑂𑐫𑐵𑐩𑑂𑐥𑐳𑐫𑑂 𑑒𑑐𑑗𑑔 𑐣𑐶𑐳𑐾𑑄 𑐳𑑂𑐣𑐵𑐟𑐎 𑐰 𑑒𑑐𑑗𑑘 𑐣𑐶𑐳𑐾𑑄 𑐊𑐩𑐊 𑐟𑐩𑐶𑐐𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐴𑐵𑐎𑐣𑑄 𑐧𑑂𑐰𑑄𑐎𑐾𑐐𑐸 𑐖𑑂𑐫𑐵 𑐣𑑂𑐴𑑂𑐫𑐵𑐎𑐹𑐐𑐸 𑐏𑑅 𑑋

soruce:NepalBhasaTimes.com