𑐗𑐷𑐳𑑄 𑐗𑐷𑐐𑐸 𑐖𑐶𑐣𑑂𑐡𑐐𑐷𑐫𑐵 𑐑𑐔𑐵 𑐮𑐶𑐳𑐾 𑐠𑐂𑐟 𑐴𑐶𑐂𑐎𑐾𑐐𑐸 𑐐𑐧𑑂𑐮𑐾𑑄

-𑐂𑐣𑑂𑐡𑑂𑐬𑐩𑐵𑐣 𑐩𑐴𑐬𑑂𑐖𑐣

𑐰𑐂 𑐳𑐎𑐮𑐾
𑐥𑑂𑐰𑐵𑐎𑑂𑐎 𑐔𑑂𑐫𑐵𑐎𑐵 𑐰𑐣𑐶
𑐰𑐂 𑐳𑐎𑐮𑐾\
𑐥𑑂𑐰𑐵𑐎𑑂𑐎 𑐳𑐸𑐂𑐔 𑐟𑐶𑐫𑐵 𑐰𑐣𑐶
𑐗𑐷 𑐣𑑂𑐴𑑂𑐫𑐵𑐧𑐮𑐾 𑐔𑑂𑐫𑐵𑐂𑐩𑑂𑐴 𑐩𑐟𑐥𑑂𑐰𑐵
𑐗𑐷𑐐𑐸 𑐮𑐶𑐎𑑂𑐎 𑐰𑐂𑐥𑐶𑑃 𑐳𑐎𑐮𑐾\
𑐔𑑂𑐫𑐵𑐎 𑐰𑐂𑐥𑐶 𑐳𑐎𑐮𑐾𑑃 𑐟𑐵𑐬 𑐐𑐵 𑐩𑐐𑐵 𑐳𑑂𑐰𑐂𑐥𑐶 𑐖𑐎
𑐄𑐎𑐶𑐮𑐵 𑐗𑐷 𑐔𑑂𑐫𑐵𑐂𑐩𑑂𑐴 𑐔𑐶𑐩 𑐖𑐸𑐮
𑐗𑐷 𑐫𑐵𑐎𑐔𑐵 𑐖𑐶𑐣𑑂𑐡𑐐𑐷
𑐗𑐷𑐮𑐵 𑐖𑐳𑑂𑐰𑐶𑐩𑑂𑐴 𑐖𑐎 𑐖𑐸𑐮
𑐄𑐎𑐶𑐮𑐵 𑐗𑐷 𑐳𑐎𑐮𑐾𑑃 𑐩𑐟𑐥𑑂𑐰𑐵 𑐖𑐎
𑐗𑐷 𑐳𑐎𑐮𑐾𑑃 𑐳𑐵𑐢𑐣 𑐰 𑐳𑐵𑐢𑑂𑐫 𑐖𑐎
𑐩𑐵𑐐𑐸 𑐂𑐮𑐫𑑂 𑐔𑑂𑐫𑐵𑐟 𑐔𑑂𑐫𑐵𑐎𑐮 𑐳𑐶𑐢𑐮
𑐄𑐎𑐶 𑐳𑐎𑐮𑐫𑐵 𑐮𑐵𑐐𑐶 𑐖𑑂𑐫𑐵𑐳𑑂𑐰𑐩𑑂𑐴 𑐖𑐸𑐮
𑐐𑑂𑐰 𑐐𑐧𑐮𑐾 𑐟𑐎𑑂𑐎 𑐔𑑂𑐫𑐵𑐎𑐶𑐐𑐸 𑐏
𑐩𑐳𑐶𑐄 𑐰 𑐗𑐷𑐳𑑄 𑐠𑑁𑑃𑐟𑐎𑑂𑐎
𑐩𑐠𑐸 𑐰 𑐗𑐷𑐳𑑄 𑐠𑑁𑑃𑐟𑐎𑑂𑐎
𑐄𑐎𑐶 𑐗𑐷 𑐢𑐂𑐐𑐸 𑐩𑐟𑐥𑑂𑐰𑐵𑐳𑑂𑐖𑐎
𑐄𑐎𑐶 𑐗𑐷 𑐢𑐂𑐐𑐸 𑐔𑐶𑐩 𑐖𑐎\
𑐮𑑀𑐜𑐳𑐾𑐜𑐶𑐒 𑐖𑐸𑐳𑐵 𑐚𑐬𑑂𑐔 𑐮𑐵𑐂𑐚 𑐖𑐸𑐂𑐥𑐶𑑃 𑐗𑐷 𑐴𑐾 𑐏
𑐡𑑂𑐫𑑅 𑐥𑑂𑐫𑐵𑐏𑑃 𑐮𑑂𑐴𑐸𑐂𑐢𑐸𑑄𑐎𑐵 𑐟𑑂𑐰𑐵𑐬𑑂𑐧𑐵 𑐖𑐸𑐂𑐥𑐶𑑃 𑐗𑐷 𑐴𑐾 𑐏
𑐄𑐎𑐶𑐮𑐵 𑐗𑐷𑐴𑐾 𑐩𑐵𑐐𑐸 𑐳𑐎𑐳𑐶𑐟
𑐄𑐎𑐶𑐮𑐵 𑐗𑐷𑐴𑐾 𑐣𑑂𑐴𑑂𑐫𑐣𑐾 𑐡𑐟𑑂𑐟𑐎𑐶 𑐖𑑂𑐫𑐵 𑐰𑐂𑐐𑐸 𑐳𑐎𑐳𑐶𑐟
𑐗𑐷𑐮𑐵 𑐳𑐎𑐮𑐾 𑐖𑑂𑐫𑐵𑐧𑑂𑐰 𑐖𑐎
𑐗𑐷𑐮𑐵 𑐳𑐎𑐮𑐾 𑐣𑑂𑐴𑑂𑐫𑐧𑑂𑐰𑐳𑐵 𑐖𑐎
𑐄𑐎𑐶𑐮𑐵 𑐗𑐷 𑐩𑐾𑐥𑐶𑐣𑐶𑐐𑐸 𑐮𑐵𑐐𑐶 𑐖𑐳𑑂𑐎𑑂𑐫𑐣𑐶𑐩𑑂𑐴 𑐖𑐎 𑐖𑐸𑐮
𑐗𑐷 𑐳𑐎𑐮𑐾𑑃 𑐩𑐟𑐥𑑂𑐰𑐵 𑐖𑐎 𑐖𑐸𑐮
𑐮𑑃 𑐎𑑂𑐫𑐣𑐶𑐩𑑂𑐴 𑐖𑐎 𑐖𑐸𑐮
𑐰𑐎𑐶𑐮𑐵 𑐗𑐷𑐳𑑄 𑐥𑐶𑐫𑐵𑐔𑑂𑐰𑑄𑐣𑐵 𑐠𑑁𑑃𑐟𑐎𑑂𑐎
𑐗𑐷𑐳𑑄 𑐗𑐷𑐐𑐸 𑐖𑐶𑐣𑑂𑐡𑐐𑐷 𑐣𑐵𑐥 𑐟𑑂𑐰𑐂𑐐𑐸 𑐣𑑂𑐴𑐹𑑃 𑐣𑐶𑐨𑐵𑐫𑐵 𑐁𑐳𑐾 𑐕𑐸𑑄 𑐖𑐸𑐂𑐮𑐵 𑐢𑐎𑐵