𑐡𑐶𑐐𑐸𑐏𑑂𑐫𑑅 𑐐𑐸𑐠𑐶𑐫𑐵 𑐫𑑅𑐩𑐬𑐶 𑐡𑐫𑐾𑐎𑐾𑐐𑐸 𑐟𑐵𑐮𑐶𑐩

𑐱𑑂𑐬𑐷 𑐡𑐶𑐐𑐸𑐏𑑂𑐫𑑅 𑐐𑐸𑐠𑐶 𑐥𑐎𑐣𑐵𑐫𑑂𑐖𑑂𑐰𑑅𑐥𑐵𑐏𑐾𑑄 𑐫𑑅𑐩𑐬𑐶 𑐡𑐫𑐾𑐎𑐾𑐐𑐸 𑐟𑐵𑐮𑐶𑐩 𑐧𑐶𑐄𑐐𑐸 𑐡𑐸 𑑋 𑐐𑐸𑐠𑐶 𑐀𑐣𑑂𑐟𑐬𑑂𑐐𑐟𑐫𑐵 𑐩𑐶𑐳𑐵 𑐥𑐸𑐔𑐮𑑄 𑐰𑑄𑐐𑐸 𑐱𑐣𑐶𑐰𑐵𑑅 𑐕𑐣𑑂𑐴𑐸𑐫𑐵 𑐫𑑅𑐩𑐬𑐶 𑐡𑐫𑐾𑐎𑐾𑐐𑐸 𑐟𑐵𑐮𑐶𑐩 𑐧𑐶𑐄𑐐𑐸 𑐏𑑅 𑑋

𑐐𑐸𑐠𑐶𑐫𑐵 𑐳𑑄𑐬𑐎𑑂𑐲𑐎 𑐥𑐸𑐔𑑅𑐫𑐵 𑐣𑐵𑐫𑑅 𑐩𑑀𑐟𑐶𑐎𑐵𑐖𑐷 𑐟𑐸𑐮𑐵𑐢𑐬𑐫𑐵 𑐥𑑂𑐬𑐩𑐸𑐏 𑐁𑐟𑐶𑐠𑑂𑐫𑐟𑐵 𑐰 𑐥𑐸𑐔𑑅𑐫𑐵 𑐣𑐵𑐫𑑅 𑐟𑐵𑐬𑐵𑐰𑐷𑐬 𑐳𑐶𑑄𑐴 𑐟𑐸𑐮𑐵𑐢𑐬𑐫𑐵 𑐰𑐶𑐱𑐾𑐲 𑐁𑐟𑐶𑐠𑑂𑐫𑐟𑐵𑐫𑑂 𑐐𑐸𑐠𑐶𑐫𑐵 𑐩𑐸𑐎𑑂𑐎𑑄 𑐣𑐷𑐏𑐸𑐩𑑂𑐴 𑐩𑐶𑐳𑐵𑐥𑐶𑑄 𑐖𑑅𑐥𑐶𑑄𑐟 𑐄𑐐𑐸 𑐟𑐵𑐮𑐶𑐩 𑐧𑐶𑐄𑐐𑐸 𑐏𑑅 𑑋 𑐩𑐶𑐳𑐵 𑐥𑐸𑐔𑑅𑐫𑐵 𑐣𑐵𑐫𑑅 𑐥𑐾𑑂𑐬𑐩𑐴𑐶𑐬𑐵 𑐟𑐸𑐮𑐵𑐢𑐬𑑄 𑐫𑑅𑐩𑐬𑐶 𑐡𑐫𑐾𑐎𑐾𑐐𑐸 𑐟𑐵𑐮𑐶𑐩 𑐧𑐶𑐫𑐵𑐡𑐶𑐳𑐾𑑄 𑐫𑑅𑐩𑐬𑐶𑐫𑐵 𑐧𑐵𑐏𑑄 𑐣𑑄 𑐎𑐣𑐵𑐡𑐷𑐐𑐸 𑐏𑑅 𑑋

𑐥𑐸𑐔𑑅𑐫𑐵 𑐣𑑂𑐰𑐎𑐸 𑐡𑐶𑐰𑑂𑐫𑐟𑐵𑐬𑐵 𑐟𑐸𑐮𑐵𑐢𑐬𑑄 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑑄𑐬𑐎𑑂𑐲𑐞 𑐥𑐸𑐔𑑅𑐫𑐵 𑐣𑐵𑐫𑑅 𑐰 𑐖𑑂𑐫𑐵𑐳𑐣𑐵 𑐥𑐸𑐔𑑅𑐫𑐵 𑐣𑐵𑐫𑐮𑑄 𑐠𑑅𑐠𑑅𑐐𑐸 𑐣𑐸𑐐𑑅𑐏𑑃 𑐎𑐣𑐵𑐡𑐷𑐐𑐸 𑐏𑑅𑐳𑐵 𑐡𑐸𑐖𑑅 𑐫𑐸𑐐𑐮𑐎𑑂𑐲𑑂𑐩𑐷 𑐟𑐸𑐮𑐵𑐢𑐬𑑄 𑐳𑐸𑐨𑐵𑐫𑑂 𑐡𑐾𑐕𑐵𑐣𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐟𑐵𑐮𑐶𑐩 𑐎𑐫𑐵𑐡𑐷𑐥𑐶𑑄𑐳𑑄 𑐫𑑅𑐩𑐬𑐶 𑐥𑐸𑐣𑑂𑐴𑐶 𑐣𑑂𑐴𑑂𑐫𑑅𑐣𑐾 𑐠𑑂𑐫𑑄𑐎𑑅 𑐰𑐫𑐵𑐔𑑂𑐰𑑄𑐐𑐸 𑐂𑐮𑐫𑑂 𑐠𑐸𑐎𑐠𑑄𑐫𑐵 𑐟𑐵𑐮𑐶𑐩 𑐧𑐷𑐐𑐸 𑐖𑑂𑐫𑐵 𑐔𑑂𑐰𑐕𑐵𑐫𑐾𑐧𑐴𑐖𑐹 𑐢𑐵𑐳𑐾𑑄 𑐮𑐶𑐥𑐵 𑐮𑐶𑐥𑐵 𑐣𑑄 𑐠𑐸𑐎𑐠𑑄𑐫𑐵 𑐟𑐵𑐮𑐶𑐩 𑐧𑐶𑐫𑐵 𑐰𑐣𑐾𑐩𑐵𑑅𑐐𑐸 𑐰𑐶𑐔𑐵𑑅 𑐟𑐫𑐵𑐡𑐷𑐐𑐸 𑐏𑑅𑐳𑐵 𑐩𑐶𑐳𑐵 𑐥𑐸𑐔𑐮𑑄 𑐣𑑄 𑐁𑐰𑐱𑑂𑐫𑐎𑐟𑐵 𑐳𑑂𑐰𑐫𑐵𑑅 𑐟𑐵𑐮𑐶𑐩 𑐳𑑄𑐔𑐵𑐮𑐣 𑐫𑐵𑐫𑐾𑐐𑐸 𑐥𑑂𑐬𑐟𑐶𑐰𑐡𑑂𑐢𑐟𑐵 𑐥𑑂𑐰𑑄𑐎𑐹𑐐𑐸 𑐏𑑅 𑑋

News