𑐣𑐾𑐰𑐵𑑅 𑐮𑐶𑐥𑐶𑐫𑐵 𑐟𑑅𑐖𑐶𑐐𑐸 𑐣𑐏𑑅

𑐣𑐾𑐰𑐵𑑅 𑐮𑐶𑐥𑐶𑐫𑐵 𑐟𑑅𑐖𑐶𑐐𑐸 𑐣𑐏𑑅
𑐫𑐾𑑃 – 𑐠𑐷𑐠𑐷 𑐏𑑂𑐫𑑅 𑐰 𑐠𑐷𑐠𑐷 𑐠𑐵𑐳𑐫𑑂 𑐣𑐾𑐰𑐵𑑅 𑐮𑐶𑐥𑐶 𑐐𑐸𑐎𑐠𑑄 𑐟𑐎 𑐥𑑂𑐬𑐫𑑀𑐐 𑐫𑐵𑐫𑐾 𑐖𑐶𑐄 𑐢𑐎𑐵𑑅 𑐎𑑂𑐫𑐣𑐾𑐐𑐸 𑐮𑑂𑐫𑐵𑐏𑑄 𑐩𑑂𑐴𑐶𑐐𑑅 𑐕𑐐𑑅 𑐟𑑅𑐖𑐶𑐐𑐸 ‘𑐮𑐶𑐥𑐶 𑐣𑐏𑑅’ 𑐖𑑂𑐫𑐵𑐗𑑂𑐰𑑅 𑐳𑐩𑑂𑐥𑐣𑑂𑐣 𑐖𑐸𑐮 𑑋 𑐣𑐾𑐥𑐵𑐮 𑐮𑐶𑐥𑐶 𑐐𑐸𑐠𑐶𑐫𑐵 𑐐𑑂𑐰𑐳𑐵𑐮𑐫𑑂 𑐫𑐾𑑃𑐫𑐵 𑐧𑐳𑐣𑑂𑐟𑐥𑐸𑐮𑐷 𑐫𑐾𑑃 𑐩𑐣𑐥𑐵𑐫𑐵 𑐩𑐾𑐫𑐬 𑐰𑐶𑐡𑑂𑐫𑐵𑐳𑐸𑐣𑑂𑐡𑐬 𑐱𑐵𑐎𑑂𑐫𑑄 𑐄𑐮𑐾𑐖𑑂𑐫𑐵 𑐫𑐵𑐳𑐾𑑄 𑐣𑑂𑐴𑑂𑐫𑐵𑐎𑐹𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐮𑐶𑐥𑐶𑐫𑐵𑐟 𑐔𑐶𑐟𑑂𑐬 𑐡𑐫𑐾𑐎𑐵𑑅 𑐧𑑂𑐰𑐫𑐾𑐐𑐸, 𑐮𑐶𑐥𑐶𑐫𑐵 𑐠𑐷𑐠𑐷 𑐜𑐶𑐖𑐵𑐂𑐣 𑐡𑐫𑐾𑐎𑐵𑑅 𑐔𑑂𑐰𑐫𑐾𑐐𑐸 𑐁𑐥𑐵𑐮𑑄 𑐥𑑂𑐬𑐟𑐶𑐨𑐵 𑐥𑑂𑐬𑐡𑐬𑑂𑐱𑐣𑐫𑐵 𑐖𑑂𑐫𑐵 𑐖𑐹𑐐𑐸 𑐏𑑅 𑑋

𑐠𑐸𑐎𑐷 𑐰𑐶𑐱𑐾𑐲 𑐫𑐵𑐣𑐵𑑅 𑐬𑐘𑑂𑐖𑐣𑐵 𑐰 𑐥𑑂𑐬𑐔𑐮𑐶𑐟 𑐮𑐶𑐥𑐶𑐫𑐵 𑐁𑐏𑑅𑐫𑐵 𑐥𑑂𑐬𑐡𑐬𑑂𑐱𑐣 𑐖𑐹𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐕𑐾𑑃, 𑐑𑐜𑐷, 𑐩𑐹𑐬𑑂𑐟𑐶 𑐠𑐾𑑄𑐖𑑂𑐫𑐵𑑅𑐐𑐸 𑐠𑐷𑐠𑐷 𑐖𑑂𑐰𑐮𑐣𑐫𑑂 𑐮𑐶𑐥𑐶 𑐁𑐏𑑅 𑐧𑑂𑐰𑐫𑐾𑐐𑐸 𑐠𑐷𑐠𑐷 𑐖𑑂𑐰𑐮𑑄 𑐥𑑂𑐬𑐡𑐬𑑂𑐱𑐣 𑐫𑐵𑐫𑐾𑐐𑐸 𑐖𑑂𑐫𑐵 𑐣𑑄 𑐖𑐹𑐐𑐸 𑐏𑑅 𑑋 𑐣𑐵𑐥𑑄 𑐮𑐶𑐥𑐶 𑐳𑐩𑑂𑐧𑐣𑑂𑐢𑐷 𑐳𑐦𑐹 𑐰 𑐥𑐟𑑂𑐬𑐶𑐎𑐵𑐫𑐵 𑐧𑑂𑐰𑐖𑑂𑐫𑐵 𑐣𑑄 𑐫𑐵𑑅𑐐𑐸 𑐏𑑅 𑑋