𑐥𑐵𑐮𑑂𑐥𑐵𑐫𑐵 𑐬𑐵𑐩𑐥𑐸𑐬𑐫𑑂 𑐣𑐾𑐰𑐵𑑅 𑐳𑐵𑑄𑐳𑑂𑐎𑐺𑐟𑐶𑐎 𑐳𑑄𑐐𑑂𑐬𑐴𑐵𑐮𑐫

𑐥𑐵𑐮𑑂𑐥𑐵𑐫𑐵 𑐬𑐵𑐩𑐥𑐸𑐬𑐫𑑂 𑐣𑐾𑐰𑐵𑑅 𑐳𑐩𑐸𑐡𑐵𑐫𑐫𑐵 𑐎𑐮𑐵 𑐳𑑄𑐳𑑂𑐎𑐺𑐟𑐶 𑐮𑑂𑐫𑑄𑐎𑐾𑐐𑐸 𑐮𑑂𑐫𑐏𑑄 𑐣𑐾𑐰𑐵𑑅 𑐳𑐵𑑄𑐳𑑂𑐎𑐺𑐟𑐶𑐎 𑐳𑑄𑐐𑑂𑐬𑐴𑐵𑐮𑐫 𑐣𑐶𑐬𑑂𑐩𑐵𑐞𑐫𑐵 𑐖𑑂𑐫𑐵 𑐣𑑂𑐴𑑂𑐫𑐵𑐎𑐹𑐐𑐸 𑐡𑐸 𑑋 𑐣𑐾𑐰𑐵𑑅 𑐳𑐩𑐵𑐖 𑐬𑐵𑐩𑐥𑐸𑐬 𑐥𑐵𑐮𑑂𑐥𑐵𑑄 𑐬𑐵𑐩𑐥𑐸𑐬 𑐣𑐐𑐬𑐥𑐵𑐮𑐶𑐎𑐵𑐫𑑂 𑐣𑐾𑐰𑐵𑑅 𑐳𑐩𑐸𑐡𑐵𑐫𑐫𑐵 𑐎𑐮𑐵, 𑐳𑑄𑐳𑑂𑐎𑐺𑐟𑐶 𑐮𑑂𑐫𑑄𑐎𑐾𑐐𑐸 𑐮𑑂𑐫𑐵𑐏𑑄 𑐣𑐾𑐰𑐵𑑅 𑐳𑐵𑑄𑐳𑑂𑐎𑐺𑐟𑐶𑐎 𑐳𑑄𑐐𑑂𑐬𑐴𑐵𑐮𑐫 𑐣𑐶𑐬𑑂𑐩𑐵𑐞𑐫𑐵 𑐖𑑂𑐫𑐵 𑐣𑑂𑐴𑑂𑐫𑐵𑐎𑐹𑐐𑐸 𑐏𑑅 𑑋

𑐳𑐩𑐵𑐖𑑄 𑐬𑐵𑐩𑐥𑐸𑐬 𑐣𑐐𑐬𑐥𑐵𑐮𑐶𑐎𑐵 𑑔 𑐰𑐜𑐵𑐫𑐵 𑐐𑐿𑐬𑐵𑐧𑐵𑐬𑐷𑐂 𑐣𑐾𑐰𑐵𑑅 𑐳𑐵𑑄𑐳𑑂𑐎𑐺𑐟𑐶𑐎 𑐳𑑄𑐐𑑂𑐬𑐴𑐵𑐮𑐫 𑐣𑐶𑐬𑑂𑐩𑐵𑐞 𑐫𑐵𑐫𑐾𑐟𑑂𑐫𑑄𑐐𑐸 𑐏𑑅 𑑋 𑐳𑐩𑐵𑐖𑐫𑐵 𑐣𑐵𑐫𑑅 𑐧𑐵𑐧𑐸𑐬𑐵𑐩 𑐱𑑂𑐬𑐾𑐲𑑂𑐛𑑄 𑐎𑐬𑐶𑐧 𑐕𑐥𑐷 𑐖𑐐𑑂𑐐𑐵𑐫𑑂 𑐳𑑂𑐰𑐟𑑃 𑐖𑐵𑑅𑐐𑐸 𑐨𑐰𑐣𑐮𑐶𑐳𑐾𑑄 𑐳𑑄𑐐𑑂𑐬𑐴𑐵𑐮𑐫 𑐣𑐶𑐬𑑂𑐩𑐵𑐞 𑐫𑐵𑐫𑐾𑐟𑑂𑐫𑐣𑐵𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐡𑐸 𑑋 𑐳𑑄𑐐𑑂𑐬𑐴𑐵𑐮𑐫𑐫𑑂 𑐣𑑂𑐴𑐹 𑐥𑐸𑐳𑑂𑐟𑐵𑐫𑐵𑐟 𑐣𑐾𑐰𑐵𑑅𑐟𑐫𑑂 𑐩𑑁𑐮𑐶𑐎, 𑐥𑐸𑐮𑐵𑑄𑐐𑐸 𑐎𑐮𑐵, 𑐳𑑄𑐳𑑂𑐎𑐺𑐟𑐶 𑐬𑐷𑐟𑐶𑐬𑐶𑐰𑐵𑐖, 𑐣𑐏𑑅𑐔𑐏𑑅 𑐁𑐡𑐶𑐫𑐵 𑐧𑐵𑐬𑐾 𑐖𑐵𑐣𑐎𑐵𑐬𑐷 𑐧𑐷𑐐𑐸 𑐮𑑂𑐫𑐵𑐏𑑄𑐫𑐵 𑐖𑑂𑐰𑐮𑑄𑐟 𑐧𑑂𑐰𑐫𑐾𑐐𑐸 𑐮𑑂𑐫𑐵𑐏𑑄 𑐳𑑄𑐐𑑂𑐬𑐴𑐵𑐮𑐫 𑐣𑐶𑐬𑑂𑐩𑐵𑐞 𑐫𑐵𑐫𑐾𑐟𑑂𑐫𑐣𑐵𑐐𑐸 𑐣𑐵𑐫𑑅 𑐱𑑂𑐬𑐾𑐲𑑂𑐛 𑐎𑐣𑐵𑐡𑐶𑐮 𑑋

𑐳𑑄𑐐𑑂𑐬𑐴𑐵𑐮𑐫 𑐣𑐶𑐬𑑂𑐩𑐵𑐞 𑐣𑐶𑑄𑐟𑐶𑑄 𑐳𑑄𑐑𑐷𑐫 𑐳𑐬𑐎𑐵𑐬 𑐰 𑐥𑑂𑐬𑐡𑐾𑐱 𑐳𑐬𑐎𑐵𑐬𑐥𑐵𑐏𑐾𑑄 𑐧𑐖𑐾𑐚 𑐟𑐎𑑄 𑐰𑐶𑐣𑐶𑐫𑑀𑐖𑐣 𑐫𑐵𑐫𑐾𑐢𑐸𑑄𑐎𑐹𑐐𑐸 𑐡𑐸 𑑋 𑐣𑐵𑐫𑑅 𑐱𑑂𑐬𑐾𑐲𑑂𑐛𑐫𑐵 𑐎𑐠𑑄 𑐣𑐶𑐐𑐹 𑐔𑐬𑐞𑐫𑑂 𑐳𑑄𑐬𑐔𑐣𑐵 𑐣𑐶𑐬𑑂𑐩𑐵𑐞 𑐎𑑂𑐰𑐔𑐵𑐫𑐾𑐎𑐾𑐐𑐸 𑐫𑑀𑐖𑐣𑐵𑐮𑐶𑐳𑐾𑑄 𑐳𑑄𑐐𑑂𑐬𑐴𑐵𑐮𑐫 𑐣𑐶𑐬𑑂𑐩𑐵𑐞𑐫𑐵 𑐖𑑂𑐫𑐵 𑐣𑑂𑐴𑑂𑐫𑐵𑐎𑐹𑐐𑐸 𑐡𑐸 𑑋 𑐣𑑂𑐴𑐵𑐥𑐵𑑄𑐐𑐸 𑐔𑐬𑐞𑐫𑑂 𑐳𑑄𑐑𑐷𑐫 𑐳𑐬𑐎𑐵𑐬𑐥𑐵𑐏𑐾𑑄 𑐰𑐶𑐣𑐶𑐫𑑀𑐖𑐣 𑐖𑐹𑐐𑐸 𑑑𑑘 𑐐𑐹 𑐮𑐏 𑐰 𑐳𑑂𑐠𑐵𑐣𑐷𑐫 𑐖𑐣 𑐱𑑂𑐬𑐩𑐡𑐵𑐣𑐥𑐵𑐏𑐾𑑄 𑐫𑐵𑐣𑐵𑑅 𑑒𑑑 𑐐𑐹 𑐮𑐏 𑐗𑐶𑑄𑐣𑑂𑐴𑐫𑑂𑐡𑑂𑐰𑑅 𑐟𑐎𑐵 𑐧𑐬𑐵𑐧𑐬𑐥𑐵𑐏𑐾𑑄 𑐨𑐰𑐣 𑐣𑐶𑐬𑑂𑐩𑐵𑐞𑐫𑐵 𑐖𑑂𑐫𑐵 𑐖𑐸𑐂 𑑋 𑐀𑐣𑑄𑐮𑐶 𑐣𑐶𑐐𑐹𑐐𑐸 𑐔𑐬𑐞𑐫𑑂 𑐮𑐸𑐩𑑂𑐧𑐶𑐣𑐷 𑐥𑑂𑐬𑐡𑐾𑐱 𑐳𑐬𑐎𑐵𑐬𑐥𑐵𑐏𑐾𑑄 𑐰𑐶𑐣𑐶𑐫𑑀𑐖𑐣 𑐖𑐹𑐐𑐸 𑑒𑑕 𑐐𑐹 𑐮𑐏 𑐡𑐵𑐫𑐵 𑐖𑑂𑐫𑐵 𑐛𑐾𑐎𑑂𑐎𑐵𑐥𑐵𑐏𑐾𑑄 𑐖𑐸𑐂𑐐𑐸 𑐳𑐩𑐵𑐖𑐫𑐵 𑐕𑑂𑐫𑐵𑐘𑑂𑐮𑐾 𑐰𑐶𑐩𑐮 𑐱𑑂𑐬𑐾𑐲𑑂𑐛𑑄 𑐎𑐣𑐵𑐡𑐶𑐮 𑑋

𑐎𑐬𑐶𑐧 𑑔𑑖 𑐐𑐹 𑐮𑐏 𑑑𑑗,𑑔𑑙𑑖 𑐟𑐎𑐵 𑐧𑐬𑐵𑐧𑐬𑐥𑐵𑐏𑐾𑑄 𑐣𑐶𑐬𑑂𑐩𑐵𑐞 𑐖𑐸𑐂𑐐𑐸 𑐳𑑄𑐐𑑂𑐬𑐴𑐵𑐮𑐫𑐫𑑂 𑐠𑑁𑑄𑐎𑐣𑑂𑐴𑐫𑑂 𑐔𑐮𑐣𑐔𑐮𑑂𑐟𑐷𑐂 𑐡𑐸𑐐𑐸 𑐣𑐾𑐰𑐵𑑅 𑐎𑐮𑐵, 𑐳𑑄𑐳𑑂𑐎𑐺𑐟𑐶, 𑐥𑐬𑐩𑑂𑐥𑐬𑐵 𑐣𑑂𑐴𑑄𑐎𑐾 𑐩𑐧𑐷𑐐𑐸 𑐰 𑐣𑑂𑐴𑐹 𑐥𑐸𑐳𑑂𑐟𑐵𑑄 𑐄𑐎𑐶𑐫𑐵 𑐖𑐵𑐣𑐎𑐵𑐬𑐷 𑐎𑐵𑐫𑐾 𑐦𑐂𑐐𑐸 𑐳𑐩𑐵𑐖𑑄 𑐣𑑂𑐴𑑂𑐫𑐠𑑄𑐐𑐸 𑐡𑐸 𑑋 𑐳𑑄𑐐𑑂𑐬𑐴𑐵𑐮𑐫𑐫𑑂 𑐣𑐾𑐰𑐵𑑅 𑐎𑐮𑐵, 𑐳𑑄𑐳𑑂𑐎𑐺𑐟𑐶 𑐖𑐎 𑐩𑐏𑐳𑐾 𑐩𑐾𑐩𑐾𑐐𑐸 𑐳𑐩𑐸𑐡𑐵𑐫, 𑐖𑐵𑐟𑐖𑐵𑐟𑐶𑐂 𑐥𑑂𑐬𑐔𑐮𑐣 𑐡𑐸𑐐𑐸 𑐳𑑄𑐳𑑂𑐎𑐺𑐟𑐶𑐫𑐵𑐟 𑐣𑑄 𑐡𑐸𑐠𑑂𑐫𑐵𑐎𑐾𑐐𑐸 𑐳𑐩𑐵𑐖𑑄 𑐣𑑂𑐴𑑂𑐫𑐠𑑄𑐐𑐸 𑐡𑐸 𑑋

𑐳𑑄𑐐𑑂𑐬𑐴𑐵𑐮𑐫𑐫𑐵 𑐣𑑂𑐴𑐵𑐥𑐵𑑄𑐐𑐸 𑐟𑑃𑐫𑑂 𑐳𑐨𑐵𑐴𑐮, 𑐣𑐶𑐟𑑃 𑐖𑐵𑐮𑐫𑑂 𑐳𑑄𑐐𑑂𑐬𑐴𑐵𑐮𑐫 𑐰 𑐳𑑂𑐰𑐟𑑃 𑐖𑐵𑐮𑐫𑑂 𑐖𑑂𑐫𑐵𑐎𑐹 𑐡𑐂 𑑋 𑐎𑐮𑐵, 𑐳𑑄𑐳𑑂𑐎𑐺𑐟𑐶 𑐳𑑄𑐬𑐎𑑂𑐲𑐞𑐫𑐵 𑐣𑐶𑑄𑐟𑐶𑑄 𑐳𑑄𑐐𑑂𑐬𑐴𑐵𑐮𑐫 𑐣𑐶𑐬𑑂𑐩𑐵𑐞𑑄 𑐬𑐵𑐩𑐥𑐸𑐬𑐫𑐵 𑐎𑐮𑐵, 𑐳𑑄𑐳𑑂𑐎𑐺𑐟𑐶𑐮𑐶𑐳𑐾𑑄 𑐥𑐬𑑂𑐫𑐚𑐣 𑐰𑐶𑐎𑐵𑐳𑐫𑑂 𑐩𑐴𑐟𑑂𑐰𑐥𑐹𑐬𑑂𑐞 𑐟𑐶𑐧𑑅 𑐖𑐹 𑐰𑐣𑐷𑐐𑐸 𑐰𑐶𑐱𑑂𑐰𑐵𑐳 𑐮𑐸𑐩𑑂𑐧𑐶𑐣𑐷 𑐥𑑂𑐬𑐡𑐾𑐱𑐳𑐨𑐵 𑐳𑐡𑐳𑑂𑐫 𑐮𑐶𑐳𑐾𑑄 𑐥𑑂𑐬𑐡𑐾𑐱𑐎𑐵 𑐀𑐬𑑂𑐠, 𑐄𑐡𑑂𑐫𑑀𑐐 𑐟𑐠𑐵 𑐥𑐬𑑂𑐫𑐚𑐣 𑐳𑐩𑐶𑐟𑐶𑐎𑐵 𑐳𑐨𑐵𑐥𑐟𑐶 𑐬𑐵𑐖𑐸𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛𑑄 𑐥𑑂𑐰𑑄𑐎𑐵𑐡𑐷𑐐𑐸 𑐡𑐸 𑑋