𑐥𑑂𑐫𑐩𑑂𑐴 𑐔𑑂𑐰𑐩𑐶𑐫𑐵 𑐧𑐵𑐏𑑄 𑐳𑐦𑐹𑐫𑐵 𑐥𑐶𑐟𑐧𑑂𑐰𑐖𑑂𑐫𑐵

𑐩𑐶𑐳𑐵 𑐳𑐵𑐴𑐶𑐟𑑂𑐫𑐎𑐵𑐬 𑐩𑐸𑐣𑐵𑐫𑐵 𑐐𑑂𑐰𑐳𑐵𑐮𑐫𑑂 𑐰𑑄𑐐𑐸 𑐱𑐣𑐶𑐰𑐵𑑅 𑐠𑐣𑐫𑐵 𑐎𑑀𑐥𑐸𑐞𑑂𑐜𑐵𑐮𑐫𑑂 𑐔𑑂𑐰𑑄𑐐𑐸 𑐳𑐵𑐟𑑀𑐁𑐎𑐷 𑐨𑐰𑐣𑐫𑑂 𑐖𑐹𑐐𑐸 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐥𑑂𑐫𑐩𑑂𑐴 𑐔𑑂𑐰𑐩𑐶𑐫𑐵 𑐧𑐵𑐏𑑄 𑐳𑐦𑐹𑐫𑐵 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑑅𑐐𑐸 𑐡𑐸 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐩𑐵𑐞𑐶𑐎 𑐄𑐬𑐵𑐫𑑂𑐫𑐵 ‘𑐖𑐶 𑐩𑑂𑐰𑐵𑐣𑐵𑐔𑑂𑐣𑐵𑐐𑐸 𑐡𑐣𑐶’, 𑐳𑐩𑐵𑐣𑑂𑐟 𑐱𑑂𑐬𑐾𑐲𑑂𑐛𑐫𑐵 ‘𑐩𑐫𑐖𑐸𑐎𑐮𑑅 𑐜𑐚𑐎𑐩’, 𑐡𑐶𑐧𑑂𑐫𑐵 𑐰𑐖𑑂𑐬𑐵𑐔𑐵𑐬𑑂𑐫𑐫𑐵 ‘𑐔𑐶𑐐𑑂𑐰𑑅 𑐩𑐮𑑂𑐟𑐵’ 𑐰 𑐬𑐵𑐩𑐾𑐱𑑂𑐰𑐬 𑐖𑐮𑐣𑐫𑐵 ‘𑐧𑐵𑐏𑑄 𑐎𑐶 𑐥𑑂𑐫𑐵𑐏’ 𑐳𑐦𑐹𑐫𑐵 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑑅𑐐𑐸 𑐡𑐸 𑑋 𑐥𑑂𑐫𑑄𑐐𑐸𑐮𑐶𑑄 𑐳𑐦𑐹 𑐣𑐵𑐐𑐵𑐬𑑂𑐖𑐸𑐣 𑐥𑐧𑑂𑐮𑐶𑐎𑐾𑐱𑐣𑑄 𑐥𑐶𑐠𑑄𑐐𑐸 𑐏𑑅 𑑋

𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑑂𑐫𑐵 𑐥𑑂𑐬𑐵𑐖𑑂𑐘 𑐣𑐵𑑄𑐖𑐵𑑅𑐩𑑂𑐴 𑐳𑐵𑐴𑐶𑐟𑑂𑐎𑐵𑐬 𑐢𑑂𑐬𑐸𑐰 𑐩𑐢𑐶𑐎𑑅𑐩𑐶 𑐩𑐹𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐥𑐵𑐮 𑐥𑑂𑐬𑐖𑑂𑐘𑐵 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐥𑑂𑐬𑐵𑐖𑑂𑐘 𑐀𑐐𑐶𑐧 𑐧𑐣𑐾𑐥𑐵𑐮𑐷, 𑐧𑐵𑐏𑑄 𑐔𑑂𑐰𑐩𑐶 𑐳𑐸𑐢𑐶𑐬 𑐏𑑂𑐰𑐧𑐶, 𑐩𑐶𑐳𑐵 𑐳𑐵𑐴𑐶𑐟𑑂𑐫𑐎𑐵𑐬 𑐩𑐸𑐣𑐵𑐫𑐵 𑐣𑐵𑐫𑑅 𑐰𑐶𑐩𑐮𑐥𑑂𑐬𑐨𑐵 𑐰𑐖𑑂𑐬𑐵𑐔𑐵𑐬𑑂𑐫𑑄 𑐩𑑄𑐎𑐵𑑅𑐎𑐠𑑄 𑐳𑐦𑐹𑐫𑐵 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐥𑐶𑐟𑐧𑑂𑐰𑐖𑑂𑐫𑐵 𑐩𑐹𑐥𑐵𑐴𑐵𑑃 𑐩𑐢𑐶𑐎𑑅𑐩𑐶𑑄 𑐳𑐵𑐴𑐶𑐟𑑂𑐫 𑐔𑑂𑐰𑐫𑐾𑐐𑐸 𑐖𑑂𑐫𑐵𑐫𑑂 𑐳𑑂𑐬𑐲𑑂𑐚𑐵𑐟𑐫𑑂 𑐏𑐣𑐾 𑐡𑐫𑐵𑐔𑑂𑐰𑑄𑐐𑐸 𑐀𑐐𑑂𑐬𑐳𑐬𑐟𑐵 𑐄𑐟𑑂𑐳𑐵𑐴𑐥𑑂𑐬𑐡 𑐏𑐣𑐾 𑐡𑐸 𑐢𑐵𑐳𑐾𑑄 𑐳𑐵𑐴𑐶𑐟𑑂𑐫𑐶𑐎 𑐳𑑄𑐑𑐳𑑄𑐳𑑂𑐠𑐵𑐟𑐫𑑂𑐳𑑄 𑐧𑑂𑐰𑑃𑐩𑐶𑐫𑐵𑐠𑐵𑐫𑑂 𑐟𑐎 𑐳𑑂𑐬𑐲𑑂𑐚𑐵𑐟𑐫𑑂 𑐠𑑂𑐫𑑄𑐎𑐾𑐟 𑐎𑐸𑐟𑑅 𑐫𑐵𑐫𑐾𑐩𑐵𑑅 𑐢𑐫𑐵𑐡𑐶𑐮 𑑋 𑐎𑐰𑐫𑐶𑐟𑑂𑐬𑐷 𑐥𑑂𑐬𑐟𑐶𑐳𑐬𑐵 𑐳𑐵𑐫𑑂𑐩𑐶𑑄 𑐳𑑂𑐬𑐲𑑂𑐚𑐵𑐟𑐫𑑂𑐟 𑐨𑐶𑑄𑐟𑐸𑐣𑐵 𑐡𑐾𑐕𑐵𑐣𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐥𑑂𑐬𑐵𑐖𑑂𑐘 𑐀𑐐𑐶𑐧 𑐧𑐣𑐾𑐥𑐵𑐮𑐶, 𑐧𑐵𑐏𑑄 𑐔𑑂𑐰𑐩𑐶 𑐳𑐸𑐢𑐶𑐬 𑐏𑑂𑐰𑐧𑐶 𑐮𑐐𑐵𑐫𑐟𑑄 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑑅 𑐳𑑄𑐳𑑂𑐠𑐵𑐫𑐵 𑐀𑐢𑑂𑐫𑐎𑑂𑐲 𑐰𑐖𑑂𑐬𑐵𑐔𑐵𑐬𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐏𑑅 𑑋