𑐧𑐿𑐡𑑂𑐫𑐧𑐵:𑐫𑐵 ‘𑐳𑑄𑐎𑑂𑐲𑐶𑐥𑑂𑐟 𑐣𑐾𑐥𑐵𑐮𑐨𑐵𑐲𑐵 𑐱𑐧𑑂𑐡𑐎𑑀𑐲’𑐫𑐵 𑐳𑐩𑐷𑐎𑑂𑐲𑐵 𑐐𑑀𑐲𑑂𑐛𑐷

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐧𑐿𑐱𑐵𑐏 𑑒𑑙, 𑐁𑐂𑐟𑐧𑐵𑐬 𑑑𑑓:𑑒𑑙:𑑐𑑘

𑐣𑐾𑐥𑐵𑐮𑐨𑐵𑐲𑐵𑐫𑐵 𑐎𑑀𑐲𑐎𑐵𑐬 𑐥𑐣𑑂𑐣𑐵𑐥𑑂𑐬𑐳𑐵𑐡 𑐖𑑀𑐱𑐷 (𑐧𑐿𑐡𑑂𑐫𑐧𑐵:)𑐫𑐵 ‘𑐳𑑄𑐎𑑂𑐲𑐶𑐥𑑂𑐟 𑐣𑐾𑐥𑐵𑐮𑐨𑐵𑐲𑐵 𑐱𑐧𑑂𑐡𑐎𑑀𑐲’𑐫𑐵 𑐰𑐶𑐲𑐫𑐳 𑐱𑐣𑐶𑐰𑐵𑑅 𑐣𑐾𑐥𑐵𑐮𑐨𑐵𑐲𑐵 𑐎𑐾𑐣𑑂𑐡𑑂𑐬𑐷𑐫 𑐰𑐶𑐨𑐵𑐐 𑐫𑐮𑐫𑑂 𑐳𑐩𑐷𑐎𑑂𑐲𑐵 𑐐𑑀𑐲𑑂𑐛𑐷 𑐖𑐹𑐐𑐸 𑐡𑐸 𑑋

𑐰𑐶𑐨𑐵𑐐𑐫𑐵 𑐥𑑂𑐬𑐩𑐸𑐏 𑐥𑑂𑐬𑐵.𑐜𑐵. 𑐌𑐩𑐎𑐵𑐬𑐾𑐱𑑂𑐰𑐬 𑐱𑑂𑐬𑐾𑐲𑑂𑐛𑐫𑐵 𑐣𑐵𑐫𑑅𑐳𑐸𑐂 𑐤𑑂𑐫𑐵𑑅𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐥𑑂𑐬𑐵.𑐜𑐵. 𑐟𑐾𑐖𑐬𑐟𑑂𑐣 𑐎𑑄𑐳𑐵𑐎𑐵𑐬, 𑐥𑑂𑐬𑐵.𑐜𑐵. 𑐳𑐸𑐣𑑂𑐡𑐬𑐎𑐺𑐲𑑂𑐞 𑐖𑑀𑐱𑐷, 𑐥𑑂𑐬𑐵.𑐜𑐵. 𑐱𑐷𑐮𑐩𑐘𑑂𑐖𑐸 𑐖𑑀𑐱𑐷, 𑐥𑑂𑐬𑐵.𑐜𑐵. 𑐐𑑀𑐰𑐶𑐣𑑂𑐡𑐧𑑀𑐮 𑐱𑑂𑐬𑐾𑐲𑑂𑐛 𑐰 𑐳𑐴–𑐥𑑂𑐬𑐵𑐢𑑂𑐫𑐵𑐥𑐎 𑐎𑐵𑐱𑐷𑐣𑐵𑐠 𑐟𑐩𑑀𑐚𑐥𑐶𑐣𑑂𑐳𑑄 𑐖𑑂𑐫𑐵𑐥𑑁 𑐤𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅𑐳𑐵 𑐖𑑂𑐫𑐵𑐥𑑁𑐫𑐵𑐟 𑐎𑐫𑐵𑑅 𑐥𑑂𑐬𑐵. 𑐣𑐶𑐬𑑂𑐩𑐮𑐬𑐟𑑂𑐣 𑐟𑐸𑐮𑐵𑐢𑐬 𑐰 𑐟𑐷𑐬𑑂𑐠𑐬𑐵𑐖 𑐰𑐣𑑂𑐟𑑄 𑐎𑐸𑐮𑐵𑐡𑐷𑐐𑐸 𑐏𑑅 𑑋

𑐄𑐐𑐸 𑐱𑐧𑑂𑐡𑐎𑑀𑐲 𑑖𑑓 𑐡𑑃 𑐤𑑂𑐫𑐰 𑐴𑐾 𑐥𑐶𑐠𑐣𑐾𑐐𑐸 𑐐𑑂𑐰𑐳𑐵𑑅 𑐡𑐹𑐐𑐸 𑐏𑐳𑐵 𑐄𑐐𑐸 𑐂𑐮𑐫𑑂 𑐡𑐸𑐬𑑂𑐑𑐚𑐣𑐵 𑐖𑐸𑐫𑐵𑑅 𑐱𑐧𑑂𑐡𑐎𑑀𑐲𑐫𑐵 𑐥𑐵𑐞𑑂𑐜𑐸𑐮𑐶𑐥𑐶 𑐖𑑂𑐰𑐣𑐵 𑐩𑑀𑐚𑐬𑐳𑐵𑐂𑐎𑐮𑐫𑑂 𑐰𑐣𑐵𑐔𑑂𑐰𑑄𑐐𑐸 𑐂𑐮𑐫𑑂 𑐩𑑀𑐚𑐬𑑄 𑐛𑐎𑑂𑐎𑐬 𑐣𑐎𑐵𑑅 𑐥𑐣𑑂𑐣𑐵𑐥𑑂𑐬𑐳𑐵𑐡 𑐖𑑀𑐱𑐷𑐫𑐵 𑐖𑑂𑐫𑐵𑐣 𑐰𑑄𑐧𑐮𑐫𑑂 𑐮𑑃𑐫𑑂 𑐕𑑂𑐫𑐵𑐮𑐧𑑂𑐫𑐵𑐮𑑂 𑐖𑐹𑐐𑐸 𑐡𑐎𑑂𑐰𑑄 𑐎𑑅𑐢𑐵𑐫𑐾 𑐩𑐦𑐸𑐐𑐸 𑐏𑑅 𑑋 𑐟𑑅𑐡𑑃 𑐮𑐶𑐥𑐵 𑐫𑐎𑑂𑐰 𑐴𑐾 𑐎𑐸𑐟𑑅 𑐫𑐵𑐣𑐵 𑐠𑐷𑐠𑐷 𑐳𑑂𑐬𑑀𑐟𑑄 𑐥𑐵𑐞𑑂𑐜𑐸𑐮𑐶𑐥𑐶 𑐩𑐸𑑄𑐎𑐵𑑅 𑐥𑐶𑐠𑐣𑐾𑐟 𑐟𑐵𑑅𑐮𑐵𑑅𑐐𑐸 𑐏𑑅 𑑋

𑐧𑐸𑐏𑑃–𑐀𑐩𑐶𑐬 𑐩𑐿𑐫𑐵 𑐬𑐘𑑂𑐖𑐶𑐟/𑐎𑐶𑐥𑐵𑑅 –𑐣𑐾𑐰𑐵𑑅 𑐳𑐹𑐔𑐣𑐵 𑐎𑐾𑐣𑑂𑐡𑑂𑐬