𑐨𑐵𑐲𑐵 𑐰𑐶𑐢𑐾𑐫𑐎 𑐬𑐵𑐖𑐥𑐟𑑂𑐬𑐫𑑂 𑐥𑐶𑐴𑐵𑑄 𑐰𑐮

𑐧𑐵𑐐𑐩𑐟𑐷 𑐥𑑂𑐬𑐡𑐾𑐱 𑐳𑐬𑐎𑐵𑐬𑑄 𑐥𑐵𑐬𑐶𑐟 𑐫𑐵𑑅𑐐𑐸 𑐨𑐵𑐲𑐵 𑐳𑐩𑑂𑐧𑐣𑑂𑐢𑐷 𑐎𑐵𑐣𑐹𑐣 𑐥𑑂𑐬𑐡𑐾𑐱 𑐬𑐵𑐖𑐥𑐟𑑂𑐬𑐫𑑂 𑐥𑑂𑐬𑐎𑐵𑐱𑐶𑐟 𑐖𑐹𑐐𑐸 𑐡𑐸 𑑋 𑐰𑑄𑐐𑐸 𑐎𑐵𑐬𑑂𑐟𑐶𑐎 𑑒𑑓 𑐐𑐟𑐾 𑐴𑐾 𑐠𑑂𑐰 𑐎𑐵𑐣𑐹𑐣 𑐬𑐵𑐖𑐥𑐟𑑂𑐬𑐫𑑂 𑐥𑐶𑐴𑐵𑑄 𑐰𑑅𑐐𑐸 𑐏𑑅𑐳𑐵𑑄 𑐬𑐵𑐖𑐥𑐟𑑂𑐬 𑐢𑐵𑑅𑐳𑐵 𑐣𑐎𑐟𑐶𑐣𑐶 𑐳𑐵𑐬𑑂𑐰𑐖𑐣𑐶𑐎 𑐖𑐹𑐐𑐸 𑐏𑑅 𑑋

𑐬𑐵𑐖𑐟𑐣𑑂𑐟𑑂𑐬𑐫𑑂 𑐥𑑂𑐬𑐎𑐵𑐱𑐶𑐟 𑐖𑐹𑐐𑐸𑐫𑐵𑑄 𑑑𑑘𑑐 𑐣𑑂𑐴𑐸 𑐮𑐶𑐥𑐵 𑐠𑑂𑐰 𑐳𑑂𑐰𑐟𑑅 𑐎𑐵𑐬𑑂𑐫𑐵𑐣𑑂𑐰𑐫𑐣𑐫𑑂 𑐰𑐣𑐷𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐧𑐵𑐐𑐩𑐟𑐷 𑐥𑑂𑐬𑐡𑐾𑐱𑐫𑐵 𑐳𑐵𑑄𑐳𑐡 𑐧𑐳𑐣𑑂𑐟 𑐩𑐵𑐣𑐣𑑂𑐢𑐬𑑄 ‘𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳’ 𑐫𑐵𑐟 𑐎𑐣𑐵𑐡𑐷 𑐎𑐠𑑄 𑐳𑐬𑐎𑐵𑐬𑑄 𑐠𑑂𑐰 𑐎𑐵𑐣𑐹𑐣 𑐎𑐵𑐬𑑂𑐫𑐵𑐣𑑂𑐰𑐫𑐣 𑐫𑐵𑐫𑐾𑐟 𑐁𑐰𑐱𑑂𑐫𑐎 𑐟𑐫𑐵𑐬𑐷 𑐫𑐵𑐫𑐾𑐐𑐸 𑐮𑐵𑐐𑐶𑑄 𑐖𑐎 𑑑𑑘𑑐 𑐣𑑂𑐴𑐸 𑐃 𑐎𑐵𑑅𑐐𑐸 𑐏𑑅 𑑋 𑐠𑐸𑐎𑐶𑐫𑐵 𑐮𑐵𑐐𑐶𑑄 𑐫𑐵𑐫𑐾𑐩𑐵𑑅𑐐𑐸 𑐟𑐫𑐵𑐬𑐷 𑐏𑐵𑐳 𑐴𑐾 𑐫𑐎𑑂𑐰 𑐩𑐡𑐸𑐐𑐸 𑐖𑐸𑐫𑐵𑑅 𑐁𑑅 𑑑𑑘𑑐 𑐣𑑂𑐴𑐸 𑐮𑐶𑐥𑐵 𑐠𑑂𑐰 𑐎𑐵𑐣𑐹𑐣 𑐳𑑂𑐰𑐟𑑅 𑐴𑐾 𑐎𑐵𑐬𑑂𑐫𑐵𑐣𑑂𑐰𑐫𑐣𑐫𑑂 𑐰𑐣𑐷𑐐𑐸 𑐏𑑃 𑐰𑐫𑑂𑐎𑐮 𑐎𑐣𑐵𑐡𑐶𑐮 𑑋

𑐠𑑂𑐰 𑐎𑐵𑐣𑐹𑐣𑑄 𑐣𑐾𑐥𑐵𑐮𑐨𑐵𑐲𑐵 𑐰 𑐟𑐵𑐩𑐵𑐒 𑐨𑐵𑐲𑐵𑐫𑐵𑐟 𑐣𑑄 𑐧𑐵𑐐𑐩𑐟𑐷 𑐥𑑂𑐬𑐡𑐾𑐱 𑐡𑐸𑐣𑐾𑐫𑐵 𑐳𑐬𑐎𑐵𑐬𑐷 𑐣𑐶𑐎𑐵𑐫𑐫𑑂 𑐕𑑂𑐫𑐮𑐵𑐧𑐸𑐮𑐵 𑐫𑐵𑐫𑐾𑐐𑐸 𑐎𑐵𑐣𑐸𑐣𑐷 𑐩𑐵𑐣𑑂𑐫𑐟𑐵 𑐥𑑂𑐬𑐡𑐵𑐣 𑐫𑐵𑐂 𑑋