𑐩𑐔𑑂𑐰:𑐐𑐸 𑐧𑐵𑐮𑑂𑐚𑐶𑐣𑐫𑐵 𑐧𑐵𑐏𑑄 – 𑐡𑐶𑐰𑑂𑐫𑐵 𑐧𑐖𑑂𑐬𑐵𑐔𑐵𑐬𑑂𑐫

𑐕𑐐𑐸 𑐟𑑂𑐰𑐵𑐮𑐫𑑂‌ 𑐋𑐟𑐶𑐴𑐵𑐳𑐶𑐎 𑐟𑐸𑑄 𑐕𑐐: 𑐡𑐸 𑑋 𑐟𑑂𑐰𑐵𑑅𑐰𑐵:𑐥𑐶𑑄𑐟 𑐮:𑐫𑐵 𑐥𑐶𑐬
𑐴𑐾 𑐩𑐡𑐸 𑑋 𑐟𑐸𑑄𑐠𑐶 𑐮: 𑐳𑐵𑐮𑐾𑐟 𑐟𑐫𑐵𑐟:𑐐𑐸 𑐧𑐵𑐮𑑂𑐚𑐶𑐣𑐫𑐵 𑐣𑑂𑐴𑐶𑐔𑑂𑐕𑐶 𑐮𑐶𑐩𑐮𑐵:𑑋
𑐳𑐎𑐳𑐶𑐫𑐵𑑄 𑐮: 𑐳𑐵𑐮𑐾𑐟 𑐰 𑐴𑐾 𑐧𑐵𑐮𑑂𑐚𑐶𑐣 𑐕𑑂𑐫𑐮𑐷𑐐𑐸 𑑋

𑐰 𑐧𑐵𑐮𑑂𑐚𑐶𑐣 𑐟𑐸𑑄𑐠𑐶 𑐎𑐸𑐟𑐸 𑐰𑐣𑐎𑐶 𑐳𑐎𑐳𑐶𑐫𑐵 𑐳𑐵𑐥 𑐴𑐾 𑐩𑐟𑐶𑐣𑐵
𑐎𑑂𑐫𑐣𑐵𑑅 𑐟𑑂𑐰𑐵: 𑐴𑐾 𑐡𑐣𑐵: 𑐰𑐫𑐵: 𑐧𑐵𑐮𑑂𑐟𑐶𑐣𑐫𑐵𑐟 𑐎𑐵𑐎𑑅𑐔𑐵 𑐄𑐏𑐾𑐔𑐸𑐏𑐾 𑐔𑐵𑐎𑑅𑐕𑐶𑑄
𑐰𑐵𑐫𑐾𑐎𑐵 𑐎𑐵𑐎:𑐔𑐵𑐫𑑂‌ 𑐠𑐵𑐎𑐵: 𑐠𑐎𑐵𑐂𑐐𑐸 𑑋

𑐐𑐸𑐧𑐮𑐾𑑃 𑐐𑐸𑐧𑐮𑐾𑑄 𑐮𑐶𑐎𑐵𑐫𑐾 𑐩𑐦𑐫𑐵 𑐔𑐔𑑂𑐕𑐶 𑐟𑐸𑑄𑐠𑐶 𑐴𑐾 𑐎𑑂𑐧𑐰𑑂𑐰𑐵𑐣𑐵𑐔𑑂𑐰𑐣𑐷 𑑋
𑐮: 𑐳𑐵𑐮𑐷𑐧𑐮𑐫𑑂‌ 𑐟𑐸𑑃𑐫𑐵 𑐀𑑄𑐐𑐮𑐫𑑂‌ 𑐢𑑂𑐰𑐵𑐢𑑂𑐰𑐵 𑐴𑐵𑐂𑐐𑐸 𑑋 𑐧𑐵𑐮𑑂𑐚𑐶𑐣𑐫𑐵 𑐂𑐔𑑂𑐕𑐵 𑐴𑐾
𑐩𑐡𑐸𑐳𑐵 𑐥𑐟𑐶𑐔𑐶𑐣𑐶𑐐𑐸 𑑋 𑐧𑐵𑐮𑑂𑐚𑐶𑐣𑐫𑐵 𑐳𑐶𑐠𑐫𑑂‌ 𑐳𑐶𑐠𑐫𑑂‌ 𑐀𑐥𑑂𑐥𑐵𑐫𑐵 𑐔𑐸𑑄 𑐠𑐵𑐣𑐵 𑐰𑐂𑐐𑐸 𑑋

𑐰𑐵 𑐰𑑅𑐳𑐵𑑄 𑐦𑐫𑑂‌ 𑐰𑑅𑐳𑐵𑑄 𑐰 𑐧𑐵𑐮𑑂𑐚𑐶𑐣 𑐀𑐣 𑐴𑐾 𑐡𑐂 𑑋 𑐳𑐸𑐣𑐵𑑄 𑐡𑐸𑐎𑐫𑐵 𑐕𑐾𑑄𑐫𑑂 𑐫𑑄𑐎𑐷 𑐩𑐏𑐸 𑑋

𑐁: 𑐰𑐫𑐵 𑐰 𑐧𑐵𑐮𑑂𑐚𑐶𑐣 𑐧𑐵𑐖𑑂𑐫: 𑐰𑐣 𑑋 𑐏𑐟𑑄 𑐣𑑅𑐐𑐸 𑐠𑐾𑑄 𑐬𑐹𑐥 𑐧𑐾𑐬𑐹𑐥
𑐖𑐸𑐫𑐵𑐰𑐣 𑑋 𑐥𑑂𑐫𑐠𑐵𑐫𑑂‌ 𑐣𑑂𑐫𑐵𑐠𑐵𑐫𑑂‌ 𑐥𑐟𑐶𑐔𑐶𑐣𑐾 𑐢𑐸𑑄𑐎𑐮 𑑋 𑐧𑐵𑐮𑑂𑐚𑐶𑐣 𑐟𑐸𑑄𑐠𑐶𑐫𑐵
𑐥𑑅𑐏𑐵𑐮𑐫𑑂‌ 𑐡𑐶𑐎𑐮𑐎𑐶 𑐢𑐾𑐔𑐸𑐂𑐢𑐸𑑄𑐎𑐮, 𑐄𑐎𑐶𑐫𑐵 𑐥𑑂𑐫𑑄 𑐖𑑂𑐫𑐮𑐵𑐰𑑄𑐐𑐸𑐮𑐶 𑑋 𑐰𑑄𑐮
𑐰𑑄𑐮 𑐡𑐎𑑂𑐰𑐳𑐶𑐣𑑄 𑐕𑐫𑐮𑐵 𑐴𑐾 𑐔𑑂𑐰𑐣 𑑋

𑐕𑐣𑑂𑐴𑐸 𑐕𑐩𑑂𑐴𑐾𑐳𑐶𑐫𑐵 𑐮𑐵𑐥𑐬𑑂𑐰𑐵𑐴𑐷 𑐧𑐵𑐮𑑂𑐚𑐶𑐣 𑐟𑐸𑑄𑐠𑐷 𑐎𑐸𑐟𑐸𑑄𑐰𑐣 𑑋 𑐀𑐮𑐾
𑐳𑐸𑐣𑐵𑐣𑑄 𑐠𑐎𑐵𑐫𑐾𑐟 𑐎𑐸𑐟: 𑐩𑐫𑐵𑐟 𑑋 𑐳𑑂𑐫𑐣𑐾𑐢𑐸𑑄𑐎𑐹𑐐𑐸 𑐧𑐵𑐮𑑂𑐚𑐶𑐣 𑐎𑐸𑐟𑐸𑑄𑐰𑐣𑐵 𑐕𑐸
𑐩𑐥𑐵𑑅 𑐢𑐫𑐵𑐠𑐾𑑄 𑑋 𑐁: 𑐎𑐎𑐵𑐮𑐫𑑂‌ 𑐡𑐂𑐐𑐸 𑐎𑑄𑐎𑐫𑐵 𑐔𑑂𑐰𑐎𑐵 𑐗𑑂𑐰𑐵𑐗𑑂𑐰𑐵 𑐳𑐹𑐩𑐰𑐮 𑑋
𑐰 𑐧𑐵𑐮𑑂𑐚𑐶𑐣𑐫𑐵 𑐨𑐟𑐶𑐔𑐵 𑐮𑑂𑐫𑑄𑐡𑐸𑐐𑐸 𑐁𑐟𑑂𑐩𑐵-𑐥𑐬𑐩𑐵𑐟𑑂𑐩𑐵, 𑐟𑐣-𑐩𑐣 𑐟𑐸𑑄𑐫𑐵
𑐡𑐸𑐣𑐾 𑐩𑐡𑐫𑐵𑐰𑐣 𑑋
𑐟𑑂𑐰𑐵𑑅𑐧𑐵:𑐥𑐶𑐳𑑄 𑐣𑑂𑐴𑐸𑐐𑐸 𑐧𑐵𑐮𑑂𑐚𑐶𑐣 𑐟𑐸𑑄𑐫𑐵 𑐥𑑅𑐏𑐵𑐮𑐫𑑂‌ 𑐢𑑂𑐫𑐵𑐎𑑂𑐎 𑐡𑐶𑐎𑐾𑐴𑐮 𑑋

https://www.hamroschool.com/category/story/