𑐩𑐮𑑂𑐮 𑐎𑐾. 𑐳𑐸𑐣𑑂𑐡𑐬𑐫𑐵 𑐣𑐾𑐥𑐵𑐮 𑐳𑑄𑐰𑐟𑑂 𑐨𑐶𑑄𑐟𑐸𑐣𑐵 𑐁𑐣𑑂𑐡𑑀𑐮𑐣 𑐏𑐳 𑐨𑐵𑐳𑑄 𑐥𑐶𑐡𑐣𑐷𑐐𑐸

𑐣𑐾𑐰𑐵𑑅 𑐣𑑂𑐴𑑂𑐫𑐮𑐸𑐰𑐵 𑐮𑐶𑐳𑐾𑑄 𑐣𑐾𑐥𑐵𑐮 𑐳𑑄𑐰𑐟𑑂 𑐳𑐵𑑄𑐳𑑂𑐎𑐺𑐟𑐶𑐎 𑐁𑐣𑑂𑐡𑑀𑐮𑐣𑐫𑐵 𑐕𑐩𑑂𑐴 𑐣𑑂𑐴𑑂𑐫𑐮𑐸𑐰𑐵 𑐩𑐮𑑂𑐮 𑐎𑐾. 𑐳𑐸𑐣𑑂𑐡𑐬𑑄 𑐔𑑂𑐰𑐫𑐵𑐡𑐷𑐐𑐸 ‘𑐣𑐾𑐥𑐵𑐮 𑐳𑑄𑐰𑐟𑑂 𑐨𑐶𑑄𑐟𑐸𑐣𑐵 𑐁𑐣𑑂𑐡𑑀𑐮𑐣’ (𑐩𑑂𑐴𑐶𑐐𑑅 𑐠𑑁𑑄 𑐰 𑐎𑐣𑑂𑐴𑐫𑑂) 𑐏𑐳 𑐨𑐵𑐳𑑄 𑐀𑐣𑐸𑐰𑐵𑐡 𑐫𑐵𑐣𑐵𑑅 𑐥𑐶𑐠𑐣𑐷𑐐𑐸 𑐖𑐹𑐐𑐸 𑐡𑐸 𑑋 𑐣𑐾𑐥𑐵𑐮 𑐳𑑄𑐰𑐟𑑂𑐫𑐵 𑐩𑐴𑐟𑑂𑐰, 𑐠𑐸𑐎𑐶𑐫𑐵 𑐂𑐟𑐶𑐴𑐵𑐳, 𑐣𑐾𑐥𑐵𑐮 𑐳𑑄𑐰𑐟𑑂𑐫𑐵 𑐨𑐶𑑄𑐟𑐸𑐣𑐵 𑐳𑐵𑑄𑐳𑑂𑐎𑐺𑐟𑐶𑐎 𑐁𑐣𑑂𑐡𑑀𑐮𑐣 𑐮𑐐𑐵𑐫𑐟 𑐠𑐷𑐠𑐷 𑐥𑐎𑑂𑐲𑐫𑐵𑐟 𑐎𑐫𑐵𑑅 𑐔𑑂𑐰𑐫𑐵𑐟𑑅𑐐 𑐳𑐦𑐹 𑐀𑐣𑐸𑐰𑐵𑐡 𑐫𑐵𑐣𑐵𑑅 𑐏𑐳𑑂 𑐨𑐵𑐳𑑄 𑐥𑐶𑐠𑐣𑐾𑐟𑑂𑐫𑑄𑐐𑐸 𑐏𑑅 𑑋

𑐧𑐕𑐮𑐵𑐐𑐵 𑐟𑐺𑐟𑐶𑐫𑐵𑐎𑐸𑐣𑑂𑐴𑐸 𑐣𑐾𑐥𑐵𑐮 𑐳𑑄𑐰𑐟𑑂𑐫𑐵 𑐰𑐶𑐲𑐫𑐫𑐵𑐟 𑐎𑐫𑐵𑑅 𑐖𑐹𑐐𑐸 𑐬𑐵𑐲𑑂𑐚𑑂𑐬𑐶𑐫 𑐎𑐵𑐬𑑂𑐫𑐱𑐵𑐮𑐵 𑐐𑑀𑐲𑑂𑐛𑐶𑐂 𑐥𑐶𑐠𑑄𑐐𑐸 𑐏𑑅 𑑋 𑐣𑐾𑐰𑐵𑑅 𑐨𑐵𑐳𑑄 𑐔𑑂𑐰𑐫𑐵𑐟𑑅𑐐𑐸 𑐠𑐸𑐐𑐸 𑐳𑐦𑐹𑐫𑐵𑐟 𑐣𑐾𑐥𑐵𑐮 𑐳𑑄𑐰𑐟𑑂 𑐣𑑂𑐴𑐹𑐡𑑃 𑑑𑑑𑑔𑑕 𑐬𑐵𑐲𑑂𑐚𑑂𑐬𑐶𑐫 𑐳𑐩𑐵𑐬𑑀𑐴 𑐳𑐩𑐶𑐟𑐶𑑄 𑐣𑐾𑐥𑐵𑐮 𑐳𑑄𑐰𑐟𑑂𑐫𑐵 𑐧𑐵𑐬𑐾 𑐩𑐾𑐩𑐾𑐐𑐸 𑐳𑐩𑐸𑐡𑐵𑐫𑑄 𑐣𑑄 𑐖𑐵𑐣𑐎𑐵𑐬𑐷 𑐎𑐵𑐫𑐾 𑐦𑐫𑐾𑐩𑐵 𑐢𑐂𑐐𑐸 𑐮𑑂𑐫𑐵𑐏𑑄 𑐏𑐳 𑐨𑐵𑐳𑑄 𑐥𑐶𑐠𑐣𑐾𑐟𑑂𑐫𑑄𑐐𑐸 𑐏𑑅 𑑋
𑐣𑐾𑐥𑐵𑐮 𑐳𑑄𑐰𑐟𑑂𑐫𑐵 𑐁𑐣𑑂𑐡𑑀𑐮𑐣𑐫𑐵𑐟 𑐎𑐫𑐵𑑅 𑐖𑐹𑐐𑐸 𑐁𑐥𑐵𑐮𑑄 𑐰𑐶𑐲𑐫𑐟 𑐀𑐨𑐶𑐮𑐾𑐏𑐷𑐎𑐬𑐞 𑐫𑐵𑐣𑐵𑐟𑑅𑐐𑐸 𑐳𑐦𑐹 𑐣𑑂𑐴𑐹𑐡𑑃 𑐳𑑂𑐰𑐫𑐵𑑄 𑐣𑑂𑐴𑑂𑐫𑑅 𑐴𑐾 𑐥𑐶𑐠𑐣𑐾𑐐𑐸 𑐟𑐫𑐵𑐬𑐷 𑐖𑐸𑐫𑐵𑐔𑑂𑐰𑑄𑐐𑐸 𑐳𑐩𑐶𑐟𑐶𑑄 𑐖𑐵𑐣𑐎𑐵𑐬𑐷 𑐧𑐶𑐄𑐐𑐸 𑐡𑐸 𑑋

𑐳𑐦𑐸𑐟𑐶𑐂 𑐣𑐾𑐥𑐵𑐮 𑐳𑑄𑐰𑐟𑑂 𑐁𑐣𑑂𑐡𑑀𑐮𑐣𑐫𑐵 𑐂𑐮𑐫𑑂 𑐖𑐹𑐐𑐸 𑐠𑐷𑐠𑐷 𑐑𑐚𑐣𑐵𑐎𑑂𑐬𑐩 𑐣𑐾𑐥𑐵𑐮 𑐳𑑄𑐰𑐟𑑂𑐫𑐵 𑐕𑑂𑐫𑐮𑐵𑐧𑐸𑐮𑐵, 𑐨𑐶𑑄𑐟𑐸𑐣𑐵 𑐬𑑂‍𑐫𑐵𑐮𑐷 𑐬𑐵𑐖𑑂𑐫𑑄 𑐫𑐵𑑅𑐐𑐸 𑐡𑐩𑐣, 𑐧𑐴𑐶𑐲𑑂𑐎𑐬𑐞, 𑐥𑑂𑐬𑐟𑐶𑐬𑑀𑐢𑐮𑐶𑐳𑐾𑑄 𑐮𑐶𑐥𑐵𑑄𑐐𑐸 𑐂𑐮𑐫𑑂 𑐥𑑂𑐬𑐵𑐥𑑂𑐟 𑐄𑐥𑐮𑐧𑑂𑐢𑐶 𑐰 𑐰𑐂𑐐𑐸 𑐡𑐶𑐣𑐫𑑂 𑐣𑑂𑐴𑑂𑐫𑐵𑐎𑐾𑐩𑐵𑑅𑐐𑐸 𑐮𑑃𑐥𑐸𑐫𑐵 𑐰𑐶𑐲𑐫 𑐎𑑅𑐑𑐵𑐣𑐵𑐟𑑅𑐐𑐸 𑐡𑐸 𑑋