𑐫𑐾𑑃 𑐩𑐴𑐵𑐣𑐐𑐬𑑄 𑐩𑐵𑐐 𑐫𑐵𑐟 𑑑𑑔𑑕 𑐩𑑂𑐴 𑐱𑐶𑐎𑑂𑐲𑐎

𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐥𑐵𑐮𑐶𑐎𑐵 𑐡𑐸𑐣𑐾 𑐳𑑄𑐔𑐵𑐮𑐶𑐟 𑐳𑐵𑐩𑐸𑐡𑐵𑐫𑐶𑐎 𑐳𑑂𑐎𑐹𑐮𑐫𑐵 𑐊𑐳𑐃𑐃 𑐥𑐬𑐷𑐎𑑂𑐲𑐵𑐫𑐵 𑐮𑐶𑐔𑑂𑐰𑑅 𑐳𑐸𑐢𑐵𑐬 𑐫𑐵𑐫𑐾𑐟 𑑒𑐕 𑐩𑑂𑐴 𑐱𑐶𑐎𑑂𑐲𑐞 𑐳𑐴𑐖𑐎𑐬𑑂𑐟𑐵 𑐰 𑑑𑑒𑑐 𑐩𑑂𑐴 𑐱𑐶𑐎𑑂𑐲𑐞 𑐐𑑂𑐰𑐵𑐴𑐵𑐮𑐶𑐩𑐶𑐥𑐶𑐣𑐶𑐐𑐸 𑐩𑐵𑐐 𑐫𑐵𑑅𑐐𑐸 𑐡𑐸 𑑋

𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐱𑐶𑐎𑑂𑐲𑐵 𑐰𑐶𑐨𑐵𑐐𑑄 𑐳𑐸𑐔𑑄 𑐳𑐵𑐬𑑂𑐰𑐖𑐣𑐶𑐎 𑐫𑐵𑐳𑐾𑑄 𑐱𑐿𑐎𑑂𑐲𑐶𑐎 𑐳𑐟𑑂𑐬 𑑒𑑐𑑗𑑙 𑐳 𑐊𑐳𑐃𑐃 𑐥𑐬𑐷𑐎𑑂𑐲𑐵𑐫𑑂 𑐳𑐴𑐨𑐵𑐐𑐷 𑐖𑐸𑐂𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑐣𑐶𑐐𑐸 𑐀𑐢𑑂𑐫𑐫𑐣𑐫𑑂 𑐐𑑂𑐰𑐵𑐴𑐵𑐮𑐶 𑐰 𑐳𑐴𑐖𑐷𑐎𑐬𑐞 𑐫𑐵𑐫𑐾𑐟 𑐳𑑂𑐎𑐹𑐮𑐫𑑂 𑐀𑐣𑐸𑐨𑐰𑐷 𑐰𑐶𑐖𑑂𑐘 𑐳𑐴𑐖𑐎𑐬𑑂𑐟𑐵 𑐰 𑐱𑐶𑐎𑑂𑐲𑐞 𑐐𑑂𑐰𑐵𑐴𑐵𑐮𑐶𑐩𑐶 𑐩𑐵𑐐 𑐫𑐵𑑅𑐐𑐸 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋

𑐰𑐶𑐨𑐵𑐐𑑄 𑐄𑐎𑐶𑐫𑐵 𑐣𑐶𑐟𑐶𑑄 𑐏𑐸𑐮𑑂𑐮𑐵 𑐰𑐶𑐖𑑂𑐘𑐵𑐥𑐣 𑐫𑐵𑑅𑐐𑐸 𑐡𑐸 𑑋 𑐰𑐶𑐨𑐵𑐐𑑄 𑐐𑐞𑐶𑐟, 𑐰𑐶𑐖𑑂𑐘𑐵𑐣, 𑐀𑑄𑐐𑑂𑐬𑐾𑐖𑐷, 𑐳𑐵𑐩𑐵𑐖𑐶𑐎 𑐰 𑐣𑐾𑐥𑐵𑐮𑐷 𑐰𑐶𑐲𑐫𑐫𑐵 𑐣𑐶𑐟𑐶𑑄 𑐣𑑂𑐫𑐵𑐩𑑂𑐴 𑐣𑑂𑐫𑐵𑐩𑑂𑐴 𑐩𑐵𑐐 𑐫𑐵𑑅𑐐𑐸 𑐡𑐸𑐸 𑑋

𑐱𑐶𑐎𑑂𑐲𑐞 𑐳𑐴𑐖𑐎𑐬𑑂𑐟𑐵𑐫𑐵 𑐣𑐶𑐟𑐶𑑄 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐥𑑂𑐬𑐵𑐢𑑂𑐫𑐵𑐥𑐎, 𑐩𑐵𑐰𑐶 𑐱𑐶𑐎𑑂𑐲𑐎 𑐰𑐵 𑐀𑐢𑐶𑐎𑐺𑐟𑐳𑑂𑐟𑐬𑐥𑐵𑐏𑐾𑑄 𑐀𑐣𑐶𑐰𑐵𑐬𑑂𑐫 𑐀𑐰𑐎𑐵𑐱 𑐖𑐹𑐥𑐶𑑄 𑐳𑐩𑑂𑐧𑐣𑑂𑐢𑐶𑐟 𑐰𑐶𑐲𑐫𑐫𑐵 𑐰𑐶𑐖𑑂𑐘 𑐰𑐵 𑐠𑐷𑐠𑐷 𑐳𑑄𑐑𑐳𑑄𑐳𑑂𑐠𑐵𑐫𑑂 𑐖𑑂𑐫𑐵 𑐫𑐵𑑅𑐥𑐶𑑄 𑐎𑐩𑑂𑐟𑐷 𑐣𑑄 𑐗𑐶𑐡𑑃 𑐀𑐣𑐸𑐨𑐰 𑐡𑐸𑐥𑐶𑑄 𑐰𑑂𑐫𑐎𑑂𑐟𑐶𑑄 𑐣𑑂𑐴𑐫𑐣𑑂𑐴𑐸𑐫𑐵 𑐡𑐸𑐣𑐾 𑐁𑐰𑐾𑐡𑐣 𑐧𑐶𑐂𑐦𑐂𑐐𑐸 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵𑐟𑑅𑐐𑐸 𑐡𑐸 𑑋

𑐀𑐠𑐾𑐴𑐾, 𑐰𑐶𑐨𑐵𑐐𑑄 𑐱𑐶𑐎𑑂𑐲𑐞 𑐐𑑂𑐰𑐵𑐴𑐵𑐮𑐶𑐩𑐶𑐫𑐵 𑐣𑐶𑐟𑐶𑑄 𑐐𑐞𑐶𑐟 𑐰 𑐰𑐶𑐖𑑂𑐘𑐵𑐣 𑐰𑐶𑐲𑐫𑐫𑐵 𑐣𑐶𑐟𑐶𑑄 𑑖𑑐–𑑖𑑐 𑐩𑑂𑐴 𑐩𑐵𑐐 𑐫𑐵𑑅𑐐𑐸 𑐡𑐸 𑑋 𑐠𑐸𑐎𑐶𑐫𑐵 𑐣𑐶𑐟𑐶𑑄 𑐳𑐩𑑂𑐧𑐣𑑂𑐢𑐶𑐟 𑐰𑐶𑐲𑐫𑐳 𑐳𑑂𑐣𑐵𑐟𑐎 𑐟𑐴 𑐄𑐟𑑂𑐟𑐷𑐬𑑂𑐞 𑐫𑐵𑐣𑐵𑑅 𑐎𑐩𑑂𑐟𑐷 𑐣𑑄 𑐣𑐶𑐡𑑃 𑐱𑐶𑐎𑑂𑐲𑐞 𑐀𑐣𑐸𑐨𑐰 𑐡𑐸𑐥𑐶𑑄 𑐰𑑂𑐫𑐎𑑂𑐟𑐶𑐥𑐶𑐣𑑂𑐳𑑄 𑐁𑐰𑐾𑐡𑐣 𑐧𑐶𑐂𑐦𑐂𑐐𑐸 𑐳𑐵𑐬𑑂𑐰𑐖𑐣𑐶𑐎 𑐖𑐹𑐐𑐸 𑐳𑐸𑐔𑐣𑐵𑐫𑑂 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐡𑐸 𑑋