𑐬𑐵𑐲𑑂𑐚𑑂𑐬𑐶𑐫 𑐎𑐰𑐶𑐟𑐵 𑐩𑐴𑑀𑐟𑑂𑐳𑐰𑐫𑑂 𑐩𑐵𑑄𑐨𑐵𑐳𑑄 𑐣𑑄 𑐎𑐰𑐶𑐟𑐵 𑐡𑐸𑐠𑑂𑐫𑐵𑐎𑐾𑐦𑐂𑐐𑐸

𑐣𑐾𑐥𑐵𑐮 𑐥𑑂𑐬𑐖𑑂𑐘𑐵 𑐥𑑂𑐬𑐟𑐶𑐲𑑂𑐛𑐵𑐣𑑄 𑑖𑑖𑐎𑑂𑐰𑑅𑐐𑐸 𑐧𑐸𑐣𑑂𑐴𑐶𑐫𑐵 𑐮𑐳𑐟𑐵𑐫𑑂 𑐬𑐵𑐲𑑂𑐚𑑂𑐬𑐶𑐫 𑐎𑐰𑐶𑐟𑐵 𑐩𑐴𑑀𑐟𑑂𑐳𑐰 𑐫𑐵𑐂𑐐𑐸 𑐖𑐹𑐐𑐸 𑐡𑐸 𑑋 𑐠𑐸𑐐𑐸𑐳𑐷 𑐩𑐴𑑀𑐟𑑂𑐳𑐰𑐫𑑂 𑐧𑑂𑐰𑐟𑐶 𑐎𑐵𑐫𑐾𑐐𑐸 𑐣𑐶𑑄𑐟𑐶𑑄 𑐠𑑅𑐐𑐸 𑐩𑐵𑑄𑐨𑐵𑐳𑑄 𑐔𑑂𑐰𑐫𑐵𑑅 𑐣𑑄 𑐧𑑂𑐰𑐟𑐶 𑐎𑐵𑐫𑐾𑐦𑐂𑐐𑐸 𑐏𑑃 𑐥𑑂𑐬𑐟𑐶𑐲𑑂𑐛𑐵𑐣𑑄 𑐢𑐵𑑅𑐐𑐸 𑐡𑐸 𑑋

𑐠𑑂𑐰𑐫𑐵𑑄 𑐣𑑂𑐴𑑂𑐫𑑅 𑐩𑐴𑑀𑐟𑑂𑐳𑐰𑐫𑑂 𑐏𑐳 𑐣𑐾𑐥𑐵𑐮𑐷 𑐨𑐵𑐳𑑄 𑐖𑐎 𑐎𑐰𑐶𑐟𑐵 𑐕𑑂𑐰𑐫𑐾𑐩𑐵𑑅𑐐𑐸 𑐥𑑂𑐬𑐵𑐰𑐢𑐵𑐣 𑐡𑐫𑐵𑐔𑑂𑐰𑑄𑐐𑐸 𑐏𑑅 𑑋 𑐠𑐸𑐐𑐸𑐳𑐷 𑐩𑐵𑑄𑐨𑐵𑐳𑑄 𑐣𑑄 𑐎𑐰𑐶𑐟𑐵 𑐕𑑂𑐰𑐫𑐵 𑐴𑐫𑐾𑐦𑐂𑐐𑐸 𑐰𑑂𑐫𑐰𑐳𑑂𑐠𑐵 𑐫𑐵𑑅𑐐𑐸 𑐏𑑅𑐳𑐵 𑐩𑐵𑑄𑐨𑐵𑐳𑑄 𑐕𑑂𑐰𑐫𑐵𑐴𑑅𑐐𑐸 𑐎𑐰𑐶𑐟𑐵 𑐢𑐵𑑅𑐳𑐵 𑐀𑐣𑐸𑐰𑐵𑐡 𑐫𑐵𑐣𑐵𑑅 𑐕𑑂𑐰𑐫𑐾𑐩𑐵𑑅 𑑋

𑐩𑐴𑑀𑐟𑑂𑐳𑐰𑐫𑐵 𑐣𑐶𑑄𑐟𑐶𑑄 𑐎𑐰𑐶𑐟𑐵 𑐖𑐾𑐛 𑑒𑑐 𑐐𑐟𑐾 𑐟𑐎𑐫𑐵 𑐡𑐸𑐣𑐾 𑐡𑐸𑐠𑑂𑐫𑐵𑐎𑐾𑐩𑐵𑑅𑐳𑐵 𑐡𑐎𑐮𑐫𑑂 𑐧𑐵𑑄𑐮𑐵𑑅𑐐𑐸 𑐗𑐶𑐥𑐸 𑐎𑐰𑐶𑐟𑐵𑐫𑐵𑐟 𑐩𑐴𑑀𑐟𑑂𑐳𑐰𑐫𑐵 𑐂𑐮𑐫𑑂 𑐰𑐵𑐔𑐣 𑐫𑐵𑐎𑐷 𑑋 𑐰𑐵𑐔𑐣𑐫𑐵 𑐣𑐶𑑄𑐟𑐶𑑄 𑐮𑑂𑐫𑑅𑐐𑐸 𑐎𑐰𑐶𑐟𑐵 𑐕𑐥𑐸𑐫𑐵𑐟 𑐗𑐶𑑄𑐣𑑂𑐫𑐵𑐡𑑂𑐰𑑅 𑐟𑐎𑐵 𑐰 𑐎𑐡𑐬𑐥𑐟𑑂𑐬 𑐧𑐷𑐐𑐸 𑐏𑑃 𑐥𑑂𑐬𑐟𑐶𑐲𑑂𑐛𑐵𑐣𑑄 𑐢𑐵𑑅𑐐𑐸 𑐡𑐸 𑑋