𑐮𑐶𑐔𑑂𑐫𑐹𑐐𑐸 𑐳𑑂𑐰𑐔𑐾𑐟𑐣𑐵

𑐥𑑂𑐬𑐖𑑂𑐰𑐮 𑐱𑐵𑐎𑑂𑐫
𑐔𑐶𑐧𑐵𑐏𑑃

𑐠𑑁𑑄𑐎𑐣𑑂𑐴𑐾 𑐣𑐾𑐰𑐵𑑅𑐟𑐫𑑂 𑐳𑑂𑐰𑐔𑐾𑐟𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐁𑐎𑐺𑐟𑐶 𑐣𑑄 𑐠𑑁𑑄𑐎𑐣𑑂𑐴𑐾 𑐣𑐾𑐰𑐵𑑅 𑐳𑑃𑐳𑑂𑐎𑐺𑐟𑐶 𑐥𑑂𑐬𑐟𑐶 𑐁𑐎𑐬𑑂𑐲𑐶𑐟 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐗𑐷𑐐𑐸 𑐳𑑃𑐳𑑂𑐎𑐺𑐟𑐶 𑐧𑐸𑐮𑐸𑐴𑐸𑑃 𑐟𑐣𑐵𑐰𑐣𑐵𑐔𑑂𑐰𑐣, 𑐳𑐶𑐣𑐵𑐔𑑂𑐰𑐣 𑐢𑐎𑐵 𑐰 𑐏𑐣𑐵𑐔𑑂𑐰𑐣 𑑋 𑐠𑐸𑐎𑐶𑐫𑐵𑐟 𑐩𑑂𑐰𑐵𑐎𑐾𑐟 𑐰 𑐣𑑄 𑐖𑐵𑐐𑐬𑐸𑐎 𑐖𑐸𑐫𑐵𑐔𑑂𑐰𑐣 𑑋 𑐥𑐵𑐳𑐵𑐥𑐶𑑄 𑐣𑐵𑐥 𑐣𑐾𑐥𑐵𑐮𑐷 𑐏𑑃 𑐮𑑂𑐴𑐵𑐂𑐩𑑂𑐴 𑐰 𑐠𑑁𑑄𑐎𑐣𑑂𑐴𑐾 𑐣𑐾𑐥𑐵𑐮𑐨𑐵𑐲𑐵𑑄 𑐏𑑃 𑐮𑑂𑐴𑐵𑐫𑑂𑐩𑐵 𑐢𑐎𑐵 𑐢𑐵𑐫𑑂 𑐳𑐫𑑂 𑐢𑐸𑑄𑐎𑐮 𑑋 𑐣𑑂𑐴𑐵𑐥𑐵 𑐣𑑂𑐴𑑂𑐫𑐵𑐧𑐮𑐾𑑄 𑐀𑑃𑐐𑑂𑐬𑐾𑐖𑐷 𑐨𑐵𑐲𑑄 𑐦𑐾𑐳𑐧𑐸𑐎𑐫𑑂 𑐔𑑂𑐰𑐂𑐩𑑂𑐴 𑐠𑑁𑑄𑐎𑐣𑑂𑐴𑐾 𑐣𑐾𑐥𑐵𑐮𑐨𑐵𑐲𑐵𑑄 𑐔𑑂𑐰𑐂 𑑋 𑐀𑐮𑐾 𑐥𑐵𑐳𑐵𑐥𑐶𑐣𑐶 𑐎𑐩𑐾𑐣𑑂𑐚 𑐳𑐸𑐬𑐸 𑐖𑐸𑐂 𑑋 𑐏 𑐏 𑐩𑐏𑐸 𑐩𑐏𑐸 𑑋 𑐰𑐫𑐵 𑐣𑑂𑐴𑑂𑐫𑐂𑐥𑐸𑐳𑐾 𑐔𑑂𑐰𑑄 𑑋 𑐩𑐠𑐸 𑐢𑐎𑐵 𑐔𑑂𑐰𑐂𑐥𑐶𑑄 𑐟𑐣𑑂𑐣 𑑋 𑐰𑐫𑐵𑑄𑐮𑐶𑐥𑐵 𑐰𑑄 𑐣𑐾𑐥𑐵𑐮𑐷𑑄 𑐣𑑄 𑐄𑐮𑑂𑐠𑐵 𑐫𑐵𑐣𑐵 𑐎𑐩𑐾𑐣𑑂𑐚 𑐫𑐵𑐫𑐾𑐐𑐸 𑐳𑐸𑐬𑐸 𑐫𑐵𑐟 𑑋 𑐎𑐮𑐾𑐖 𑐰𑐣𑐵 𑐰𑐫𑑂 𑐳𑐵𑐠 𑐰𑐫𑐵 𑐳𑑃𑐳𑑂𑐎𑐺𑐟𑐶, 𑐨𑐵𑐲𑐵 𑐮𑐶𑐳𑐾 𑐩𑐵𑐫𑐵 𑐩𑐟𑐶𑐣𑐵 𑐡𑐹𑐐𑐸 𑐥𑑀𑐲𑑂𑐚 𑐰𑐂𑐐𑐸 𑑋 𑐎𑐩𑐾𑐣𑑂𑐚𑐫𑑂 𑐰𑐫𑐵𑐟 𑐫𑐫𑐾𑐎𑐸𑐥𑐶𑑄 𑐀𑐥𑑂𑐰 𑐡𑐹𑐠𑐾𑑄 𑐰𑐫𑐵𑐟 𑐥𑐵𑐳𑐵 𑐡𑐫𑐾𑐎𑐶𑐥𑐶𑑄 𑐣𑑄 𑐐𑑂𑐰𑐵 𑐐𑑂𑐰𑐵 𑐖𑐸𑐫𑐵𑐰𑐮 𑑋

𑐣𑐾𑐥𑐵𑐮𑐨𑐵𑐲𑐵 𑐨𑐵𑐰𑐣𑐵𑑄 𑐳𑐫𑐾𑐎𑐸𑐩𑑂𑐴 𑐁𑐎𑐺𑐟𑐶𑐫𑐵 𑐎𑐰𑐶𑐟𑐵 𑐧𑑂𑐰𑐣𑐾 𑐏𑐸𑐧 𑐫𑑅 𑑋 𑐣𑐾𑐥𑐵𑐮𑐨𑐵𑐲𑐵𑐫𑐵 𑐳𑐦𑐹 𑐐𑐣 𑐡𑐸 𑐣𑑂𑐫𑐣𑐾𑐎𑐣𑐾 𑐫𑐵𑐣𑐵 𑐳𑐷𑐎𑐵 𑐧𑐵𑐏𑑃, 𑐄𑐥𑐣𑑂𑐫𑐵𑐳, 𑐳𑐵𑐴𑐶𑐟𑑂𑐫 𑐠𑐷𑐠𑐷 𑐧𑑂𑐰𑐣𑐾𑐐𑐸 𑐫𑐵𑐣𑐵 𑐰𑐫𑐵𑐔𑑂𑐰𑐩𑑂𑐴 𑐁𑐎𑐺𑐟𑐶𑐫𑐵 𑐕𑐣𑑂𑐴𑐸 𑐧𑐶𑐔𑐵 𑐰𑐮, 𑐎𑐰𑐶𑐟𑐵 𑐕𑐐𑐸 𑐔𑑂𑐰𑐫𑑂 𑑋 𑐎𑐸𑐟𑑅 𑐫𑐵𑐣𑐵 𑐳𑑂𑐰𑐫𑑂 𑐢𑐎𑐵 𑐰𑑄 𑐔𑑂𑐰𑐮 𑑋

𑐳𑑃𑐳𑑂𑐎𑐺𑐟𑐷 𑐗𑐶𑐐𑐸 𑐢𑐣 𑐏
𑐩𑑂𑐴𑐳𑐷𑐎𑐵 𑐮𑑂𑐫𑑃𑐎𑐾𑐐𑐸 𑐥𑐴𑑅 𑐏
𑐖𑐶𑐐𑐸 𑐡𑐾𑑅 𑐖𑐶𑐐𑐸𑐸 𑐐𑑁𑐬𑐰
𑐖𑐶 𑐩𑑂𑐰𑐵𑐣𑐵𑐔𑑂𑐰𑑄𑐐𑐸 𑐔𑐶𑑃 𑐏𑑅 𑑋

𑐄𑐎𑐶 𑐥𑐸𑐮𑐵𑑄𑐐𑐸 𑐎𑐶𑐥𑐵 𑐕𑐥𑐵 𑐣𑑄 𑐟𑐫𑐵𑑅 𑐥𑑀𑐲𑑂𑐚 𑐫𑐵𑐟 𑑋
𑐮𑐵𑐂𑐎 𑐰𑐮, 𑐎𑐩𑐾𑐣𑑂𑐚 𑐰𑐮 𑑋 𑐎𑐩𑐾𑐣𑑂𑐚 𑐮𑐵𑐂𑐎 𑐮𑐵 𑐰𑑅𑐐𑐸 𑐴𑐾 𑐡𑐸 𑐣𑐶 𑑋 𑐳𑑂𑐰𑐫𑑂 𑐕𑐸𑐕𑐸 𑐎𑐩𑐾𑐣𑑂𑐚 𑐰𑐮 𑐢𑐎𑐵 𑐳𑑂𑐰𑐮 𑑋

𑐰𑐵𑐅 𑑋 𑐎𑑂𑐫𑐵 𑐧𑐵𑐟 𑑋
𑐗𑐷𑐐𑐸 𑐖𑐸𑐂𑐩𑐵, 𑐗𑐶𑐐𑐸 𑐢𑐵𑐐𑐸 𑐡𑐱 𑑋
𑐨𑐵𑐰 𑐛𑐶𑐎 𑐖𑐹 𑑋 𑐱𑐧𑑂𑐡 𑐩𑐶𑐮𑐾𑐩𑐖𑐹 𑑋
𑐰𑑂𑐫𑐵𑐎𑐬𑐞 𑐩𑐶𑐮𑐾 𑐩𑐖𑐸𑐮 𑑋
𑐣𑐾𑐥𑐵𑐮𑐨𑐵𑐲𑐵 𑐔𑑂𑐰𑐫𑑂 𑐧𑐮𑐫𑑂 𑐧𑐶𑐔𑐵 𑐫𑐵𑐫𑐾𑐩𑐵
𑐔𑑂𑐰𑐫𑑂 𑐩𑐳𑑅𑐳𑐵 𑐩𑐔𑑂𑐰𑑄𑐳𑐵𑑄 𑐖𑑂𑐫𑐹 𑑋

𑐕𑐩𑑂𑐴 𑐔𑑂𑐰𑐎𑐵𑐣𑐵𑐫𑑅𑐫𑐵 𑐎𑐩𑐾𑐣𑑂𑐟 𑐰𑐮 𑐣𑐾𑐥𑐵𑐮𑐨𑐵𑐲𑐵 𑐣𑐶 𑐧𑑂𑐰𑐣𑐵 𑐰𑐵 𑑋 𑐦𑐾𑐳𑐧𑐸𑐎𑐫𑑂 𑐩𑐳𑑅 𑐩𑐳𑑅 𑐔𑑂𑐰𑐫𑐵 𑐧𑐡𑐣𑐵𑐩 𑐫𑐵𑐫𑐾𑐩𑐟𑐾 𑑋
𑐀𑐮𑐾 𑐳𑐸𑐬𑐸 𑐖𑐸𑐮 𑐩𑐣𑐸𑐟𑐫𑑂 𑐣𑐾𑐐𑐾𑐟𑐶𑐨 𑐎𑐩𑐾𑐣𑑂𑐟 𑑋

𑐁𑐎𑐺𑐟𑐶 𑐀𑐰𑐵𑐎 𑑋 𑐳𑐸𑐬𑐸𑐂 𑐮𑐶𑐳𑑅 𑐧𑐷𑐮𑐵 𑐠𑐾𑑄 𑐖𑐸𑐮 𑑋 𑐴𑐵𑐣𑑄 𑐫𑐎𑑂𑐰 𑐴𑐾 𑐠𑐖𑑂𑐫𑐵𑐐𑐸 𑐎𑐩𑐾𑐣𑑂𑐚 𑐳𑐸𑐬𑐸 𑐖𑐸𑐫𑐵 𑐳𑐸𑐫𑐵𑐟 𑐣𑐶𑑄 𑐎𑐩𑐾𑐣𑑂𑐚 𑐫𑐵𑐫𑐾𑐐𑐸 𑐢𑐎𑐵 𑐩𑐟𑐷 𑐰𑐮 𑑋 𑐐𑐸𑐮𑐶 𑐧𑐵𑑄𑐮𑐵 𑐢𑐎𑐵 𑐰𑐫𑐵 𑐦𑑀𑐚𑑀𑐫𑐵 𑐟𑐵𑐬𑐶𑐦 𑐫𑐵𑐂𑐥𑐶𑑄𑐳𑑄 𑐠𑑁𑑄 𑐰𑐫𑐵 𑐧𑐵𑐬𑐾 𑐐𑐸𑐮𑐶 𑐧𑐵𑐩𑐮𑐵𑐎 𑐔𑑂𑐰𑐮 𑑋 𑐰 𑐮𑐵 𑐕𑐠𑐸𑑄 𑐳𑐶𑐩𑐵𑑄 𑐎𑐸𑐟𑐸𑑄 𑐰𑐩𑑂𑐴 𑐠𑐾𑑄 𑐖𑐸𑐮 𑑋

𑐎𑐩𑐾𑐣𑑂𑐚 𑐫𑐵𑐣𑐵𑑄 𑐖𑐎 𑐩𑐐𑐵𑑅 𑐕𑐩𑑂𑐴 𑐣𑐶𑐩𑑂𑐴 𑐖𑐵𑐐𑑂𑐰𑐵𑐬𑐵 𑐟𑐫𑐾𑐳𑑄 𑐩𑐾𑐳𑐾𑐖𑐫𑑂 𑐟𑐎𑑄 𑐧𑑂𑐰 𑐧𑐷 𑐠𑐾𑑄 𑐔𑑂𑐰𑑄𑐎 𑐔𑑂𑐰𑐫𑐵𑐴𑐮 𑑋 𑐌𑐴𑑀 𑑋 𑐟𑐢𑑄𑐐𑐸 𑐴𑐾 𑐥𑐵𑐥 𑐫𑐵𑐫𑐾 𑐮𑐵𑐟 𑑋𑐁𑐎𑐺𑐟𑐶 𑐟𑐳𑐎𑑄 𑐁𑐟𑑂𑐟𑐾 𑐖𑐸𑐮 𑑋 𑐣𑑂𑐴𑑂𑐫𑐵𑐧𑐮𑐾𑑄 𑐧𑐵𑑄𑐧𑐵𑐮𑐵𑐐𑐸 𑐏𑑃 𑐧𑑂𑐰𑐣𑐾 𑐡𑐫𑐵𑐔𑑂𑐰𑑄𑐐𑐸 𑐰𑐫𑐵 𑐕𑐎𑑂𑐰𑐮𑑄 𑐧𑐵𑐩𑐮𑐵𑑅𑐐𑐸 𑐏𑑃 𑐧𑑂𑐰𑐣𑐾𑐩𑐵𑐮𑐵 𑐕𑐎𑐮𑐵 𑐦𑐾𑐳𑐧𑐸𑐎 𑐴𑐾 𑐜𑐶𑐊𑐎𑑂𑐚𑐶𑐧𑐾𑐚 𑐫𑐵𑐫𑐾𑐮𑐵 𑐠𑐾𑑄 𑐖𑐸𑐮 𑑋

𑐀𑐮𑐾 𑐕𑐩𑑂𑐴 𑐥𑐵𑐳𑐵𑑄 𑐳𑐮𑑂𑐮𑐵 𑐧𑐶𑐮 𑐩𑐾𑐳𑐾𑐫𑑂 𑑋 𑐳𑑂𑐚𑐾𑐚𑐳 𑐴𑐸𑐫𑐵 𑐕𑑂𑐰 𑑋 𑐟𑐳𑐎𑑄 𑐧𑐵𑐩𑐮𑐵𑐎𑑂𑐎 𑐎𑐩𑐾𑐣𑑂𑐚 𑐰𑐫𑐵𑐔𑑂𑐰𑐣 𑑋

𑐎𑐺𑐟𑐶𑑄 𑐳𑑂𑐰𑐂 𑑋 𑑒𑑐𑑐 𑐣𑑀𑐚𑐶𑐦𑐶𑐎𑐾𑐳𑐣 𑑋 𑐎𑐵 𑐩𑐫𑐾𑐮 𑑋 𑐁𑑅 𑐣𑐾𑐥𑐵𑐮𑐨𑐵𑐲𑐵𑑄 𑐮𑑂𑐰𑐩𑑄𑐳𑐾𑑄 𑐣𑑄 𑐳𑑂𑐚𑐵𑐚𑐳 𑐟𑐫𑑂 𑐩𑐏𑐸𑐟 𑑋 𑐎𑐺𑐟𑐶 𑐩𑐣𑐩𑐣𑑄 𑐥𑑂𑐬𑐞 𑐫𑐵𑐂 𑑋 𑐳𑑂𑐚𑐵𑐚𑐳 𑐴𑐸𑐫𑐵 𑐕𑑂𑐰𑐂 𑑋 𑐚𑑂𑐰𑐵𑑄𑐐 𑐣𑑀𑐚𑐶𑐦𑐶𑐎𑐾𑐳𑐣 𑐰𑐂 𑑋 𑐥𑐸𑐮𑐵𑑄𑐐𑐸 𑐦𑑀𑐚𑑀𑐫𑑂 𑐎𑐩𑐾𑐣𑑂𑐚 𑐰𑑅𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐩𑐣𑐸𑐮𑐵 𑐣𑐾𑐰𑐵𑑅 𑐏𑐣𑐶 𑑋 𑐣𑐾𑐰𑐵𑑅 𑐨𑐵𑐫𑑂 𑐩𑐳𑑅𑐮𑐵? 𑐦𑑀𑐚𑑀 𑐎𑑂𑐫𑐵𑐥𑑂𑐳𑐣 𑐕𑐵𑐫𑑂 𑐣𑐾𑐥𑐵𑐮𑐷 ?