‘𑐰𑐶𑐬𑐵𑐚𑐫𑐵 𑐂𑐟𑐶𑐴𑐵𑐳’ 𑐳𑐦𑐹 𑐰𑐶𑐩𑑀𑐔𑐣

‘𑐰𑐶𑐬𑐵𑐚 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐳𑐩𑑂𑐩𑐾𑐮𑐣 𑐐𑐸𑐠𑐶𑐫𑐵 𑐂𑐟𑐶𑐴𑐵𑐳’ 𑐣𑐵𑑄𑐐𑐸 𑐳𑐦𑐹 𑐥𑐶𑐴𑐵𑑄𑐰𑑅𑐐𑐸 𑐡𑐸 𑑋 𑐰𑐶𑐬𑐵𑐚𑐫𑐵 𑐥𑐸𑐮𑐵𑑄𑐩𑑂𑐴 𑐣𑐵𑐫𑑅 𑐮𑑀𑐎𑐾𑐣𑑂𑐡𑑂𑐬 𑐧𑐖𑑂𑐬𑐵𑐔𑐵𑐬𑑂𑐫𑑄 𑐔𑑂𑐰𑐫𑐵𑐡𑐷𑐐𑐸 𑐠𑐸𑐐𑐸 𑐳𑐦𑐹 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐜𑐾𑐩𑐶𑐫𑐵 𑐨𑐵𑐂𑐳 𑐔𑐵𑐣𑑂𑐳𑐮𑐬 𑐩𑐮𑑂𑐮 𑐎𑐾. 𑐳𑐸𑐣𑑂𑐡𑐬𑑄 𑐰𑐶𑐩𑑀𑐔𑐣 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐜𑐵. 𑐔𑐸𑐣𑑂𑐡𑐵 𑐧𑐖𑑂𑐬𑐵𑐔𑐵𑐬𑑂𑐫𑑄 𑐂𑐟𑐶𑐴𑐵𑐳 𑐜𑐶𑐎𑑂𑐳𑑂𑐣𑐬𑐷 𑐠𑐾𑑄 𑐖𑐎 𑐩𑐏𑐸𑐳𑐾𑑄 𑐄𑐎𑐶𑑄 𑐬𑐵𑐖𑐣𑐷𑐟𑐶𑐎 𑐥𑐬𑐶𑐰𑐬𑑂𑐟𑐣𑐫𑑂 𑐮𑐵𑐎𑐹𑐐𑐸 𑐮𑐶𑐔𑑂𑐰𑑅𑐫𑐵𑐟 𑐣𑑄 𑐢𑑂𑐰𑐵𑐠𑐸𑐂𑐎𑐵 𑐄𑐮𑑂𑐮𑐾𑐏 𑐫𑐵𑐫𑐾𑐩𑐵𑑅𑐐𑐸 𑐏𑑃 𑐎𑐣𑐵𑐡𑐶𑐮 𑑋

𑐰𑐶𑐬𑐵𑐚𑐫𑐵 𑐣𑐵𑐫𑑅 𑐩𑐴𑐾𑐣𑑂𑐡𑑂𑐬𑐐𑑀𑐥𑐵𑐮 𑐎𑐬𑑂𑐩𑐵𑐔𑐵𑐬𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐳𑐨𑐵𑐫𑑂 𑐳𑐦𑐹𑐫𑐵 𑐔𑑂𑐰𑐩𑐶 𑐧𑐖𑑂𑐬𑐵𑐔𑐵𑐬𑑂𑐫𑑄 𑐠𑑅 𑑒𑑐𑑕𑑐 𑐳𑐵𑐮𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫𑐫𑑂 𑐊𑐩 𑐊 𑐧𑑂𑐰𑐣𑐵𑐔𑑂𑐰𑐣𑐵𑐐𑐸 𑐂𑐮𑐫𑑂 𑐠𑐾𑐳𑐶𑐳 𑐔𑑂𑐰𑐫𑐾𑐐𑐸 𑐗𑑂𑐰𑐮𑐫𑑂 𑐰𑐶𑐬𑐵𑐚𑐫𑐵 𑐂𑐟𑐶𑐴𑐵𑐳 𑐔𑑂𑐰𑐫𑐾𑐐𑐸 𑐖𑑂𑐫𑐵𑐫𑑂 𑐳𑐎𑐳𑐶𑐫𑐵𑑄 𑐐𑑂𑐰𑐵𑐴𑐵𑐮𑐶𑑄 𑐥𑐹𑐰𑑄𑐎𑐵𑐐𑐸𑐫𑐵𑐟 𑐁𑑅 𑐳𑐦𑐹 𑐎𑐠𑑄 𑐥𑐶𑐠𑐣𑐾𑐐𑐸 𑐴𑑂𑐰𑑅𑐟𑐵𑑅 𑐔𑐹𑐮𑐵𑐐𑐸 𑐎𑐣𑐵𑐡𑐶𑐮 𑑋

𑐳𑐦𑐹𑐫𑐵 𑐳𑐩𑐷𑐎𑑂𑐲𑐵 𑐫𑐵𑐣𑐵𑐡𑐶𑐳𑐾𑑄 𑐰𑐬𑐶𑐲𑑂𑐛 𑐳𑐵𑐴𑐶𑐟𑑂𑐫𑐎𑐵𑐬 𑐜𑐵. 𑐫𑑀𑐐𑐾𑐣𑑂𑐡𑑂𑐬 𑐥𑑂𑐬𑐢𑐵𑐣𑑄 𑐳𑑂𑐰𑐳𑑅𑐟𑑂𑐫𑐵 𑐳𑑂𑐰𑐫𑐵𑑄 𑐀𑐥𑑂𑐰 𑐩𑐣𑐹𑐫𑐵 𑐖𑑂𑐫𑐵𑐏𑑃 𑐰 𑐠𑑅𑐐𑐸 𑐮𑐸𑐩𑐣𑑂𑐟𑐶 𑐧𑑂𑐰𑐣𑐾 𑐦𑐂𑐐𑐸 𑐄𑐐𑐸 𑐋𑐟𑐶𑐴𑐵𑐳𑐶𑐎 𑐡𑐳𑑂𑐟𑐵𑐰𑐾𑐖 𑐳𑐦𑐹 𑐎𑐠𑑄 𑐰𑐶𑐬𑐵𑐚𑐫𑐵 𑐂𑐟𑐶𑐴𑐵𑐳 𑐟𑐫𑐵𑐬 𑐖𑐹𑐐𑐸 𑐎𑐣𑐵𑐡𑐶𑐮 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐕𑐾𑑃𑐖𑑅𑐥𑐶𑐣𑐶 𑐥𑐵𑐏𑐾𑑄 𑐮𑑀𑐎𑐾𑐣𑑂𑐡𑑂𑐬 𑐧𑐖𑑂𑐬𑐵𑐔𑐵𑐬𑑂𑐫𑐫𑐵 𑐎𑐵𑐫𑑂 𑐥𑑂𑐬𑐰𑐶𑐣𑑂𑐡𑑂𑐬 𑐧𑐖𑑂𑐬𑐵𑐔𑐵𑐬𑑂𑐫𑑄 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐏𑑅 𑑋