𑐱𑐵𑐣𑑂𑐟𑐶 𑐱𑐶𑐎𑑂𑐲𑐵 𑐩𑐣𑑂𑐡𑐶𑐬𑐫𑑂 𑐨𑐵𑐲𑐵𑐳𑐾𑐰𑐷 𑐩𑐵𑐣𑐣𑑂𑐢𑐬𑐫𑐵 𑐗𑑂𑐰𑐵𑐟𑐵

𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑐰𑐜𑐵 𑐣𑑄. 𑑑𑑗 𑐠𑑃𑐴𑐶𑐟𑐶𑐂 𑐔𑑂𑐰𑑄𑐐𑐸 𑐥𑐸𑐮𑐵𑑄𑐐𑐸 𑐱𑐿𑐎𑑂𑐲𑐶𑐎 𑐳𑑄𑐳𑑂𑐠𑐵 𑐱𑐵𑐣𑑂𑐟𑐶 𑐱𑐶𑐎𑑂𑐲𑐵 𑐩𑐣𑑂𑐡𑐶𑐬𑐫𑑂 𑐩𑐡𑐸𑐩𑑂𑐴 𑐮𑐎𑑂𑐲𑑂𑐩𑐷𑐡𑐵𑐳 𑐩𑐵𑐣𑐣𑑂𑐢𑐬𑐫𑐵 𑐗𑑂𑐰𑐵𑐟𑐵 𑐥𑐮𑐶𑐳𑑂𑐠𑐵 𑐫𑐵𑑅𑐐𑐸 𑐡𑐸 𑑋 𑐰𑑄𑐐𑐸 𑐱𑐸𑐎𑑂𑐬𑐰𑐵𑑅 𑐨𑐵𑐲𑐵𑐳𑐾𑐰𑐷, 𑐱𑐶𑐎𑑂𑐲𑐵 𑐳𑐾𑐰𑐷, 𑐳𑐩𑐵𑐖𑐳𑐾𑐰𑐷𑐮𑐶𑐳𑐾𑑄 𑐄𑐡𑑂𑐫𑑀𑐐𑐷 𑐰 𑐬𑐵𑐖𑐣𑐷𑐟𑐶𑐖𑑂𑐘𑐎𑐠𑑄 𑐩𑑂𑐴𑐳𑐶𑐄𑐩𑑂𑐴 𑐩𑐡𑐸𑐩𑑂𑐴 𑐩𑐵𑐣𑐣𑑂𑐢𑐬𑐫𑐵 𑐀𑐬𑑂𑐢𑐎𑐡𑐫𑐵 𑐗𑑂𑐰𑐵𑐟𑐵 𑐥𑐮𑐶𑐳𑑂𑐠𑐵 𑐫𑐵𑑅𑐐𑐸 𑐏𑑅 𑑋

𑐩𑐡𑐸𑐩𑑂𑐴 𑐩𑐵𑐣𑐣𑑂𑐢𑐬𑑄 𑐄𑐐𑐸 𑐧𑑂𑐰𑐣𑐾𑐎𑐸𑐠𑐶 𑐥𑐮𑐶𑐳𑑂𑐠𑐵 𑐫𑐵𑐫𑐾𑐟 𑐫𑐵𑐣𑐵𑐡𑐷𑐐𑐸 𑐫𑑀𑐐𑐡𑐵𑐣𑐫𑐵 𑐎𑐡𑐬 𑐫𑐵𑐳𑐾𑑄 𑐱𑐵𑐣𑑂𑐟𑐶 𑐱𑐶𑐎𑑂𑐲𑐵 𑐩𑐣𑑂𑐡𑐶𑐬 𑑗𑑓 𑐡𑑃 𑐎𑑂𑐫𑑄𑐐𑐸 𑐮𑐳𑐟𑐵𑐫𑑂 𑐰𑐶𑐡𑑂𑐫𑐵𑐮𑐫 𑐥𑐬𑐶𑐳𑐬𑐫𑑂 𑐰𑐫𑑂𑐎𑑅𑐫𑐵 𑐗𑑂𑐰𑐵𑐟𑐵 𑐥𑐮𑐶𑐳𑑂𑐠𑐵 𑐫𑐵𑑅𑐐𑐸 𑐏𑑅 𑑋 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐧𑐵𑐮𑐾𑐣 𑐱𑐵𑐴𑑄 𑐄𑐐𑐸 𑐗𑑂𑐰𑐵𑐟𑐵𑐫𑐵 𑐀𑐣𑐵𑐰𑐬𑐞 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐧𑑂𑐰𑐣𑐾𑐎𑐸𑐠𑐶 𑑗𑑓 𑐡𑑃 𑐎𑑂𑐫𑑄𑐐𑐸 𑐮𑐳𑐟𑐵𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐧𑑂𑐰𑐣𑐾𑐎𑐸𑐠𑐶𑐫𑐵 𑐥𑐸𑐮𑐵𑑄𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷𑐮𑐶𑐳𑐾𑑄 𑐂𑐟𑐶𑐴𑐵𑐳𑐰𑐶𑐡𑑂 𑐰 𑐥𑐸𑐮𑐵𑑄𑐩𑑂𑐴 𑐜𑐷𑐣 𑐜𑐵. 𑐟𑑂𑐬𑐶𑐬𑐟𑑂𑐣 𑐩𑐵𑐣𑐣𑑂𑐢𑐬 𑐰𑐶𑐱𑐾𑐲𑐎𑐠𑑄 𑐴𑐣𑐾𑐖𑑂𑐫𑐵 𑐫𑐵𑑅𑐐𑐸 𑐏𑑅𑐳𑐵 𑐧𑑂𑐰𑐣𑐾𑐎𑐸𑐠𑐶𑐫𑐵𑐟 𑐠𑐷𑐠𑐷𑐎𑐠𑑄 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐥𑐶𑑄 𑐰 𑐡𑐵𑐟𑐵𑐥𑐶𑑄𑐟 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐳𑐸𑐡𑐵𑐩𑐥𑑂𑐬𑐳𑐵𑐡 𑐐𑑁𑐟𑐩 𑐴𑐣𑐵𑐥𑑁 𑐡𑐾𑐕𑐵𑐣𑐵𑐡𑐷𑐐𑐸 𑐏𑑅 𑑋
𑐩𑐡𑐸𑐩𑑂𑐴 𑐨𑐵𑐲𑐵 𑐳𑐾𑐰𑐷 𑐩𑐵𑐣𑐣𑑂𑐢𑐬𑑄 𑐟𑐵𑑅𑐃𑐟𑐎 𑐄𑐐𑐸 𑐧𑑂𑐰𑐣𑐾𑐎𑐸𑐠𑐶𑐫𑐵 𑐰𑐶𑐡𑑂𑐫𑐵𑐮𑐫 𑐰𑑂𑐫𑐰𑐳𑑂𑐠𑐵𑐥𑐣 𑐳𑐩𑐶𑐟𑐶𑐫𑐵 𑐣𑐵𑐫𑑅 𑐖𑐸𑐫𑐵𑑅 𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋