𑐱𑐷𑐟𑐮𑐵 𑐩𑐵.𑐰𑐶.𑐂 𑐱𑐿𑐎𑑂𑐲𑐶𑐎 𑐳𑐵𑐩𑐐𑑂𑐬𑐷 𑐂𑐣

𑐴𑐶𑐩𑐵𑐮𑐫 𑐩𑐶𑐟𑑂𑐬 𑐃.𑐰𑐶. 𑐖𑐬𑑂𑐩𑐣𑐷𑐫𑐵 𑐁𑐬𑑂𑐠𑐶𑐎 𑐐𑑂𑐰𑐵𑐴𑐵𑐮𑐶𑐂 𑐰𑑄𑐐𑐸 𑐱𑐣𑐶𑐰𑐵𑑅 𑐫𑐾𑑃 𑐩𑐣𑐥𑐵 𑑑𑑖 𑐰𑐜𑐵𑐫𑐵 𑐱𑐶𑐟𑐮𑐵 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫𑐫𑐵 𑑗𑑕 𑐩𑑂𑐴 𑐐𑐬𑐶𑐧 𑐰 𑐁𑐰𑐱𑑂𑐫𑐎𑐟𑐵 𑐡𑐸𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑑄𑐟 𑐳𑑂𑐎𑐸𑐮 𑐫𑐸𑐣𑐶𑐦𑐬𑑂𑐩 𑐰 𑐳𑑂𑐚𑐾𑐱𑐣𑐬𑐷 𑐖𑑂𑐰𑐮𑑄 𑐂𑐣𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐡𑐸 𑑋 𑐫𑐾𑑃𑑄 𑐩𑐣𑐥𑐵 𑐰𑐜𑐵 𑐣𑑄. 𑑑𑑖𑐫𑐵 𑐰𑐜𑐵 𑐳𑐡𑐳𑑂𑐫 𑐰 𑐰𑐶𑐡𑑂𑐫𑐵𑐮𑐫 𑐰𑑂𑐫𑐰𑐳𑑂𑐠𑐵𑐥𑐣 𑐳𑐩𑐶𑐟𑐶𑐫𑐵 𑐀𑐢𑑂𑐫𑐎𑑂𑐲 𑐱𑐵𑐬𑐡𑐵 𑐳𑐸𑐰𑐾𑐡𑐷𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐴𑐶𑐩𑐵𑐮𑐫 𑐩𑐶𑐟𑑂𑐬𑐫𑐵 𑐀𑐢𑑂𑐫𑐎𑑂𑐲 𑐩𑐵𑐬𑑂𑐐𑐶𑐚 𑐂𑐐𑐩𑑂𑐫𑐵𑐣𑑄 𑐕𑑂𑐰𑐫𑐵𑐴𑑅𑐐𑐸 𑐳𑐵𑐩𑐐𑑂𑐬𑐷 𑐣𑐾𑐥𑐵𑑅𑐫𑐵 𑐥𑑂𑐬𑐟𑐶𑐣𑐶𑐢𑐶 𑐥𑑂𑐬𑐳𑐣𑑂𑐣𑐬𑐵𑐖 𑐬𑐾𑐐𑑂𑐩𑐷𑑄 𑐰𑐶𑐟𑐬𑐞 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐡𑑂𑐫𑐵𑐮𑐫𑐫𑐵 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐮𑐎𑑂𑐲𑑂𑐩𑐞 𑐱𑑂𑐬𑐾𑐲𑑂𑐛𑑄 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐥𑐶𑑄𑐟 𑐳𑐸𑐨𑐵𑐫𑑂 𑐡𑐾𑐕𑐵𑐳𑐾𑑄 𑐰𑐂𑐐𑐸 𑐡𑑃𑐫𑑂 𑐣𑑄 𑐐𑐬𑐶𑐰 𑐰 𑐖𑐾𑐴𑐾𑐣𑑂𑐡𑐵𑐬 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑑄𑐟 𑐣𑐶𑐫𑐩𑐶𑐟 𑐬𑐸𑐥𑑄 𑐠𑐸𑐎𑐠𑑄 𑐳𑐵𑐩𑐐𑑂𑐬𑐷 𑐰𑐶𑐟𑐬𑐞 𑐫𑐵𑐫𑐾𑐐𑐸 𑐏𑑃 𑐢𑐫𑐵𑐡𑐶𑐮 𑑋 𑐴𑐶𑐩𑐵𑐮𑐫 𑐩𑐶𑐟𑑂𑐬 𑐃.𑐰𑐶. 𑐖𑐬𑑂𑐩𑐣𑐷𑐮𑐶𑐳𑐾𑐫𑐵 𑐳𑐴𑐎𑐵𑐬𑑂𑐫𑐫𑐵 𑐣𑐶𑑄𑐟𑐶𑑄 𑐫𑐵𑐣𑐵𑐡𑐷𑐐𑐸 𑐎𑐸𑐟𑑅𑐫𑐵 𑐣𑐶𑑄𑐟𑐶𑑄 𑐰𑐫𑑂𑐎𑐮𑑄 𑐥𑑂𑐬𑐵𑐠𑐩𑐶𑐎 𑐟𑐴𑐫𑐵 𑐂𑐣𑑂𑐔𑐵𑐬𑑂𑐖 𑐡𑐾𑐰𑐎𑐸𑐩𑐵𑐬𑐷 𑐱𑐬𑑂𑐩𑐵𑐫𑐵𑐟 𑐳𑐸𑐨𑐵𑐫𑑂 𑐡𑐾𑐕𑐵𑐫𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐄𑐥𑐳𑑂𑐠𑐶𑐟 𑐳𑑂𑐠𑐵𑐣𑐷𑐫 𑐀𑐨𑐶𑐨𑐵𑐰𑐎 𑐀𑐬𑑂𑐖𑐸𑐣 𑐣𑐾𑐥𑐵𑐮𑐷𑑄 𑐰𑐶𑐡𑑂𑐫𑐵𑐮𑐫𑑄 𑐠𑐷𑐠𑐷 𑐀𑐟𑐶𑐬𑐶𑐎𑑂𑐟 𑐎𑑂𑐬𑐶𑐫𑐵𑐎𑐮𑐵𑐥 𑐫𑐵𑐫𑐾𑐐𑐸 𑐗𑑂𑐰𑐮𑐫𑑂 𑐱𑐶𑐎𑑂𑐲𑐵𑐫𑑂 𑐱𑐷𑐥, 𑐧𑐸𑐎 𑐦𑑂𑐬𑐷 𑐜𑐾 𑐮𑐶𑐳𑐾𑑄 𑐐𑐬𑐶𑐧 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑑄𑐟 𑐐𑑂𑐰𑐵𑐴𑐵𑐮𑐶 𑐫𑐵𑐫𑐾𑐐𑐸 𑐖𑑂𑐫𑐵 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸𑐮𑐶𑑄 𑐰𑐶𑐡𑑂𑐫𑐵𑐮𑐫𑐫𑐵 𑐣𑐵𑑄 𑐣𑑂𑐫𑐣𑐵𑐰𑐣𑐵𑐔𑑂𑐰𑑄𑐐𑐸 𑐏𑑃 𑐎𑐣𑐵𑐡𑐶𑐮 𑑋 𑐰𑐫𑑂𑐎𑐮𑑄 𑐱𑐿𑐎𑑂𑐲𑐶𑐎 𑐥𑑂𑐬𑐐𑐟𑐶𑐫𑐵 𑐣𑐵𑐥𑐣𑐵𑐥𑑄 𑐥𑐵𑐬𑐡𑐬𑑂𑐱𑐷 𑐝𑑄𑐐𑑄 𑐖𑑂𑐫𑐵 𑐫𑐵𑐣𑐵𑑅 𑐰𑐶𑐡𑑂𑐫𑐵𑐮𑐫𑑄 𑐀𑐨𑐶𑐨𑐵𑐰𑐎𑐟𑐫𑑂 𑐣𑐸𑐐𑑅 𑐟𑑂𑐫𑐵𑐎𑐹𑐐𑐸 𑐏𑑃 𑐢𑐫𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐡𑑂𑐫𑐵𑐮𑐫 𑐰𑑂𑐫𑐰𑐳𑑂𑐠𑐵𑐥𑐣 𑐳𑐩𑐶𑐟𑐶, 𑐱𑐶𑐎𑑂𑐲𑐎 𑐀𑐨𑐶𑐨𑐵𑐰𑐎 𑐳𑑄𑐑, 𑐱𑐶𑐎𑑂𑐲𑐞 𑐎𑐬𑑂𑐩𑐔𑐵𑐬𑐷, 𑐰𑐶𑐡𑑂𑐫𑐵𑐬𑑂𑐠𑐷 𑐰 𑐀𑐨𑐶𑐨𑐵𑐰𑐎𑐥𑐶𑑄𑐳𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅 𑑋