𑐳𑑂𑐎𑐸𑐮𑐫𑑂 𑐳𑑂𑐰𑐷𑐎𑐺𑐟 𑐳𑐦𑐹 𑐖𑐎 𑐧𑑂𑐰𑑄𑐎𑐾𑐟 𑐣𑐶𑐬𑑂𑐡𑐾𑐱𑐣

𑐫𑐾𑑃 𑐩𑐴𑐵𑐣𑐐𑐬 𑐡𑐸𑐣𑐾𑐫𑐵 𑐕𑐸𑑄 𑐰𑐶𑐡𑑂𑐫𑐵𑐮𑐫𑐟𑐫𑑂𑐳𑑄 𑐳𑑂𑐰𑐷𑐎𑐺𑐟 𑐩𑐖𑐹𑐐𑐸 𑐥𑐵𑐛𑑂𑐫𑐎𑑂𑐬𑐩 𑐰 𑐥𑐵𑐛𑑂𑐫𑐥𑐸𑐳𑑂𑐟𑐎 𑐧𑑂𑐰𑑄𑐎𑐵𑐔𑑂𑐰𑑄𑐐𑐸 𑐰 𑐀𑐖𑑂𑐫𑐵𑑅𑐐𑐸 𑐥𑐵𑐛𑑂𑐫𑐥𑐸𑐳𑑂𑐟𑐎 𑐣𑑂𑐫𑐵𑐫𑐾𑐟 𑐰𑐶𑐡𑑂𑐫𑐵𑐬𑑂𑐠𑐷 𑐰 𑐀𑐨𑐶𑐨𑐵𑐰𑐎𑐟𑐫𑑂𑐟 𑐧𑐵𑐢𑑂𑐫 𑐳𑐩𑐾𑐟 𑐫𑐵𑐣𑐵𑐔𑑂𑐰𑑄𑐐𑐸 𑐮𑐹𑐐𑐸 𑐡𑐸 𑑋

𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐰𑐶𑐡𑑂𑐫𑐵𑐬𑑂𑐠𑐷 𑐰 𑐀𑐨𑐶𑐨𑐵𑐰𑐎𑐥𑐵𑐏𑐾𑑄 𑐠𑑅𑐠𑐵𑐫𑑂 𑐀𑐖𑑂𑐫𑐵𑑅𑐐𑐸 𑐁𑐥𑐵𑐮𑑄 𑐐𑐸𑐣𑐵𑐳𑑀 𑐰𑑅𑐐𑐸 𑐡𑐸 𑐢𑐵𑐳𑐾𑑄 𑐱𑐶𑐎𑑂𑐲𑐵 𑐰𑐶𑐨𑐵𑐐𑐥𑐵𑐏𑐾𑑄 𑐠𑑅𑐥𑐶𑐣𑐶𑐐𑐸 𑐐𑐩𑑂𑐨𑐷𑐬 𑐢𑑂𑐫𑐵𑐣𑐵𑐎𑐬𑑂𑐲𑐞 𑐖𑐹𑐐𑐸 𑐰 𑐳𑑂𑐰𑐷𑐎𑐺𑐟 𑐩𑐖𑐹𑐐𑐸 𑐥𑐵𑐛𑑂𑐫𑐎𑑂𑐬𑐩 𑐰 𑐥𑐵𑐛𑑂𑐫𑐥𑐸𑐳𑑂𑐟𑐎 𑐩𑐧𑑂𑐰𑑄𑐎𑐾𑐟 𑐰𑐶𑐡𑑂𑐫𑐵𑐮𑐫𑐟𑐫𑑂𑐟 𑐳𑐔𑐾𑐟 𑐣𑑄 𑐫𑐵𑐎𑐹𑐐𑐸 𑐡𑐸 𑑋

𑐩𑐴𑐵𑐣𑐐𑐬𑐫𑐵 𑐱𑐶𑐎𑑂𑐲𑐵 𑐰𑐶𑐨𑐵𑐐 𑐥𑑂𑐬𑐩𑐸𑐏 𑐳𑐷𑐟𑐵𑐬𑐵𑐩 𑐎𑑀𑐂𑐬𑐵𑐮𑐵𑑄 𑐠𑐷𑐠𑐷 𑐰𑐶𑐡𑑂𑐫𑐵𑐮𑐫𑐫𑐵𑐟 𑐥𑑁 𑐔𑑂𑐰𑐫𑐵𑑅 𑐣𑐾𑐥𑐵𑐮 𑐳𑐬𑐎𑐵𑐬𑑄 𑐳𑑂𑐰𑐷𑐎𑐺𑐟 𑐫𑐵𑐣𑐵𑐟𑑅𑐐𑐸 𑐰 𑐥𑐵𑐛𑑂𑐫𑐎𑑂𑐬𑐩 𑐰𑐶𑐎𑐵𑐳 𑐎𑐾𑐣𑑂𑐡𑑂𑐬 𑐳𑐵𑐣𑑀 𑐠𑐶𑐩𑐶𑐂 𑐳𑐹𑐔𑐷𑐎𑐺𑐟 𑐖𑐹𑐐𑐸 𑐥𑐵𑐛𑑂𑐫𑐥𑐸𑐳𑑂𑐟𑐎 𑐖𑐎 (𑐀𑑄𑐐𑑂𑐬𑐾𑐖𑐷 𑐰𑑂𑐫𑐵𑐎𑐬𑐞 𑐰 𑐀𑑄𑐐𑑂𑐬𑐾𑐖𑐷 𑐱𑐧𑑂𑐡𑐎𑑀𑐱 𑐧𑐵𑐴𑐾𑐎) 𑐥𑐛𑐣𑐥𑐵𑐛𑐣 𑐫𑐵𑐫𑐾𑐐𑐸 𑐰𑑂𑐫𑐰𑐳𑑂𑐠𑐵 𑐫𑐵 𑐢𑐎𑐵𑑅 𑐳𑐹𑐔𑐶𑐟 𑐫𑐵𑐎𑐹𑐐𑐸 𑐏𑑅 𑑋 𑐰𑐶𑐨𑐵𑐐𑑄 𑐕𑑂𑐰𑑅𑐐𑐸 𑐥𑐟𑐶𑐂 𑐐𑐸𑐐𑐸𑑄 𑐣𑑄 𑐰𑐶𑐡𑑂𑐫𑐵𑐮𑐫𑑄 𑐠𑑂𑐰 𑐳𑐸𑐔𑑄 𑐀𑑅𑐏𑑅 𑐥𑐵𑐛𑑂𑐫𑐎𑑂𑐬𑐩 𑐰 𑐥𑐵𑐛𑑂𑐫𑐥𑐸𑐳𑑂𑐟𑐎 𑐮𑐵𑐐𑐹 𑐫𑐵𑑅𑐐𑐸 𑐮𑐸𑐟 𑐢𑐵𑑅𑐳𑐵 𑐱𑐶𑐎𑑂𑐲𑐵 𑐋𑐣, 𑑒𑑐𑑗𑑕 (𑐳𑑄𑐱𑑀𑐢𑐣𑐳𑐴𑐶𑐟) 𑐎𑐠𑑄 𑐩𑐵𑑅𑐐𑐸 𑐎𑐵𑐬𑐧𑐵𑐴𑐷 𑐫𑐵𑐫𑐾𑐐𑐸 𑐏𑑂𑐫𑐵𑐔𑑂𑐰𑑅 𑐣𑑄 𑐧𑐶𑐫𑐵𑐟𑑅𑐐𑐸 𑐡𑐸 𑑋

𑐱𑐶𑐎𑑂𑐲𑐵 𑐋𑐣, 𑑒𑑐𑑒𑑘 𑐫𑐵 𑐡𑐦𑐵 𑑘 𑐰 𑐱𑐶𑐎𑑂𑐲𑐵 𑐣𑐶𑐫𑐩𑐵𑐰𑐮𑐷, 𑑒𑑐𑑕𑑙 𑐫𑐵 𑐣𑐶𑐫𑐩 𑑓𑑑 𑐧𑐩𑑀𑐖𑐶𑐩 𑐰𑐶𑐡𑑂𑐫𑐵𑐮𑐫𑑄 𑐳𑐬𑐎𑐵𑐬𑑄 𑐳𑑂𑐰𑐷𑐎𑐺𑐟 𑐫𑐵𑑅𑐐𑐸 𑐥𑐵𑐛𑑂𑐫𑐎𑑂𑐬𑐩 𑐰 𑐥𑐵𑐛𑑂𑐫𑐥𑐸𑐳𑑂𑐟𑐎 𑐀𑐣𑐶𑐰𑐵𑐬𑑂𑐫 𑐬𑐸𑐥𑐫𑑂 𑐮𑐵𑐐𑐹 𑐫𑐵𑐫𑐾𑐩𑐵𑑅𑐐𑐸 𑐰 𑐄𑐐𑐸 𑐴𑐾 𑐋𑐣𑐫𑐵 𑐡𑐦𑐵 𑑑𑑒 𑐫𑐵 𑐄𑐥𑐡𑐦𑐵 (𑑗) 𑐫𑑂 𑐳𑑄𑐳𑑂𑐠𑐵𑐐𑐟 𑐰𑐶𑐡𑑂𑐫𑐵𑐮𑐫𑑄 𑐣𑐾𑐥𑐵𑐮 𑐳𑐬𑐎𑐵𑐬𑑄 𑐮𑐵𑐐𑐹 𑐫𑐵𑑅𑐐𑐸 𑐥𑐵𑐛𑑂𑐫𑐎𑑂𑐬𑐩 𑐰 𑐥𑐵𑐛𑑂𑐫𑐥𑐸𑐳𑑂𑐟𑐎 𑐀𑐣𑐶𑐰𑐵𑐬𑑂𑐫 𑐬𑐸𑐥𑑄 𑐮𑐵𑐐𑐹 𑐫𑐵𑐫𑐾𑐩𑐵𑑅𑐐𑐸 𑐰𑑂𑐫𑐰𑐳𑑂𑐠𑐵 𑐡𑐸 𑑋 𑐩𑐾𑐐𑐸 𑐐𑑂𑐰𑐵𑐴𑐵𑐮𑐶 𑐖𑐸𑐂𑐐𑐸 𑐥𑐵𑐛𑑂𑐫𑐥𑐸𑐳𑑂𑐟𑐎 𑐧𑑂𑐰𑑄𑐎𑐾𑐩𑐵𑑅𑐐𑐸 𑐏𑐣𑐾𑐡𑐟 𑐢𑐵𑑅𑐳𑐵 𑐬𑐵𑐲𑑂𑐚𑑂𑐬𑐶𑐫 𑐥𑐵𑐛𑑂𑐫𑐎𑑂𑐬𑐩 𑐰𑐶𑐎𑐵𑐳 𑐟𑐠𑐵 𑐩𑐹𑐮𑑂𑐫𑐵𑑄𑐎𑐣 𑐥𑐬𑐶𑐲𑐡𑐫𑐵 𑐳𑑂𑐰𑐷𑐎𑐺𑐟 𑐎𑐵𑐫𑐾𑐩𑐵𑑅𑐐𑐸 𑐥𑑂𑐬𑐵𑐰𑐢𑐵𑐣 𑐡𑐸𑐐𑐸 𑐏𑑃 𑐣𑑄 𑐩𑐴𑐵𑐣𑐐𑐬𑑄 𑐮𑐹𑐩𑑄𑐎𑐹𑐐𑐸 𑐡𑐸 𑑋