𑐳𑑄𑐖𑐶𑐰 𑐟𑐸𑐮𑐵𑐢𑐬 𑐣𑐾𑐰𑐵𑑅 𑐀𑐬𑑂𑐐𑐣𑐵𑐂𑐖𑐾𑐱𑐣 𑐀𑐦 𑐣𑑂𑐫𑐸 𑐂𑐒𑐮𑑂𑐫𑐵𑐞𑑂𑐜𑐫𑐵 𑐣𑑂𑐴𑐹𑐩𑑂𑐴 𑐣𑐵𑐫𑑅

𑐫𑐾𑑃 – 𑐣𑐾𑐰𑐵𑑅 𑐀𑐬𑑂𑐐𑐣𑐵𑐂𑐖𑐾𑐱𑐣 𑐀𑐦 𑐣𑑂𑐫𑐸 𑐂𑐒𑑂𑐮𑑂𑐫𑐵𑐞𑑂𑐜𑐫𑐵 𑐐𑐸𑐎𑑂𑐰𑑅𑐐𑐸 𑐟𑑅𑐩𑐸𑑃𑐖𑑂𑐫𑐵 𑐰𑑄𑐐𑐸 𑐁𑐂𑐟𑐰𑐵𑑅 𑐎𑑂𑐰𑐔𑐵𑑅𑐐𑐸 𑐡𑐸 𑑋 𑐩𑑂𑐫𑐵𑐳𑐵𑐔𑑂𑐫𑐸𑐳𑐾𑐚𑑂𑐳 𑐳𑑂𑐚𑐾𑐚𑐫𑐵 𑐁𑐬𑑂𑐮𑐶𑐒𑐚𑐣 𑐳𑐴𑐬𑐫𑐵 𑐦𑐎𑑂𑐳 𑐮𑐵𑐂𑐧𑑂𑐬𑐾𑐬𑐷 𑐖𑐹𑐐𑐸 𑐄𑐐𑐸 𑐩𑐸𑑃𑐖𑑂𑐫𑐵𑑄 𑐳𑑄𑐖𑐶𑐰 𑐟𑐸𑐮𑐵𑐢𑐬𑐫𑐵 𑐣𑐵𑐫𑑅𑐳𑐸𑐂 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑑅 𑐮𑑂𑐫𑑅𑐐𑐸 𑐏𑑅 𑑋

𑐄𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑐮𑐫𑑂 𑐧𑐶𑐖𑐾𑐣𑑂𑐡𑑂𑐬 𑐥𑑂𑐬𑐢𑐵𑐣 𑐰 𑐣𑐶𑐬𑐾𑐱 𑐎𑐬𑑂𑐩𑐵𑐔𑐵𑐬𑑂𑐫𑐥𑐶𑑄 𑐣𑑂𑐰𑐎𑐹 𑐮𑑂𑐫𑐫𑐵𑐡𑐷𑐐𑐸 𑐡𑐸 𑑋 𑐀𑐠𑐾 𑐴𑐾, 𑐩𑐸𑑃𑐖𑑂𑐫𑐵 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑐮𑐫𑑂 𑐩𑐹 𑐕𑑂𑐫𑐵𑐘𑑂𑐖𑐾𑐫𑑂 𑐩𑐟𑐶𑐣𑐵 𑐟𑐸𑐮𑐵𑐢𑐬, 𑐮𑑂𑐫𑐹 𑐕𑑂𑐫𑐵𑐘𑑂𑐖𑐾𑐫𑑂 𑐳𑐴𑐣𑐷 𑐰𑐖𑑂𑐬𑐵𑐔𑐵𑐬𑑂𑐫, 𑐡𑐵𑑄𑐨𑐬𑐶 𑐳𑐸𑐬𑐖 𑐩𑐴𑐬𑑂𑐖𑐣 𑐰 𑐮𑑂𑐫𑐹 𑐡𑐵𑑄𑐨𑐬𑐶 𑐳𑐸𑐣𑐶𑐮 𑐜𑑄𑐐𑑀𑐮 𑐮𑑂𑐫𑑅𑐐𑐸 𑐡𑐸 𑑋 𑐖𑑂𑐫𑐵𑐳𑐣𑐵 𑐥𑐸𑐔𑐮𑐫𑑂 𑐡𑐸𑐖𑑅𑐥𑐶𑑄 𑐬𑐧𑐶𑐣 𑐩𑐴𑐬𑑂𑐖𑐣, 𑐱𑑀𑐨𑐵 𑐩𑐴𑐬𑑂𑐖𑐣, 𑐳𑐸𑐬𑐖 𑐩𑐴𑐬𑑂𑐖𑐣, 𑐡𑐶𑐥𑐣 𑐩𑐴𑐬𑑂𑐖𑐣, 𑐩𑐣𑐶𑐳 𑐩𑐴𑐬𑑂𑐖𑐣, 𑐣𑐳𑐣𑐵 𑐰𑐖𑑂𑐬𑐵𑐔𑐵𑐬𑑂𑐫 𑐰 𑐣𑐶𑐮𑐩 𑐱𑑂𑐬𑐾𑐲𑑂𑐛𑐥𑐶𑑄 𑐔𑑂𑐰𑐣𑐵𑐡𑐷𑐐𑐸 𑐡𑐸 𑑋

𑐀𑐠𑐾 𑐴𑐾, 𑐩𑐴𑐾𑐣𑑂𑐡𑑂𑐬 𑐱𑐵𑐎𑑂𑐫, 𑐡𑐷𑐥𑐎 𑐜𑑄𑐐𑑀𑐮, 𑐳𑐩𑐣𑑂𑐟 𑐰𑐖𑑂𑐬𑐵𑐔𑐵𑐬𑑂𑐫 𑐰 𑐎𑐬𑑂𑐩 𑐩𑐴𑐬𑑂𑐖𑐣𑐥𑐶𑑄 𑐳𑐮𑑂𑐮𑐵𑐴𑐎𑐵𑐬 𑐳𑐩𑐶𑐟𑐶𑐂 𑐮𑑂𑐫𑑅𑐐𑐸 𑐡𑐸𑐳𑐵 𑐩𑐸𑑃𑐖𑑂𑐫𑐵𑑄 𑐀𑐬𑑂𑐠𑑀𑐥𑐵𑐬𑑂𑐖𑐣 𑐎𑐩𑐶𑐚𑐷 𑐣𑑄 𑐣𑐷𑐳𑑂𑐰𑑄𑐐𑐸 𑐡𑐸 𑑋 𑐀𑐬𑑂𑐠𑑀𑐥𑐵𑐬𑑂𑐖𑐣 𑐎𑐩𑐶𑐚𑐷𑐂 𑐎𑐶𑐬𑐞 𑐩𑐵𑐣𑐣𑑂𑐢𑐬, 𑐳𑐸𑐰𑐬𑑂𑐞 𑐱𑐵𑐎𑑂𑐫 𑐰 𑐧𑐵𑐧𑐸𑐬𑐵𑐩 𑐩𑐴𑐬𑑂𑐖𑐣𑐥𑐶𑑄 𑐡𑐸𑐖𑑅𑐎𑐠𑑄 𑐔𑑂𑐰𑐣𑐵𑐡𑐷𑐐𑐸 𑐡𑐸 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐳𑐩𑐣𑑂𑐟 𑐰𑐖𑑂𑐬𑐵𑐔𑐵𑐬𑑂𑐫𑑄 𑐠𑑅𑐐𑐸 𑐳𑑂𑐰𑐡𑑃𑐫𑐵 𑐎𑐵𑐬𑑂𑐫𑐎𑐵𑐮𑐫𑑂 𑐖𑐹𑐐𑐸 𑐠𑐷𑐠𑐷 𑐖𑑂𑐫𑐵𑐗𑑂𑐰𑑅𑐫𑐵 𑐰𑐶𑐰𑐬𑐞 𑐣𑑄 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅 𑑋