𑑓𑑙 𑐩𑑂𑐴𑐾𑐳𑐶𑐟 𑐧𑐵𑑃𑐳𑐸𑐬𑐷 𑐥𑑂𑐬𑐱𑐶𑐎𑑂𑐲𑐞

𑐏𑑂𑐰𑐥𑐫𑐵 𑐔𑐶𑐟𑑂𑐟𑐥𑑀𑐮𑐫𑑂 𑐮𑐵𑑅𑐐𑐸 𑐳𑐶𑐩𑐮𑑂𑐚𑐵𑐬 𑐧𑐵𑑃𑐳𑐸𑐬𑐷 𑐏𑐮𑑅𑐥𑐵𑐏𑐾𑑄 𑑓𑑙 𑐩𑑂𑐴𑐾𑐳𑐶𑐣 𑐧𑐵𑑃𑐳𑐸𑐬𑐷 𑐥𑐸𑐂𑐐𑐸 𑐳𑐫𑐾𑐎𑐹𑐐𑐸 𑐡𑐸 𑑋 𑐳𑐹𑐬𑑂𑐫𑐰𑐶𑐣𑐵𑐫𑐎 𑐣𑐐𑐬𑐥𑐵𑐮𑐶𑐎𑐵 𑐰𑐜𑐵 𑐣𑑄. 𑑑𑑐 𑐫𑑂 𑐮𑐵𑑅𑐐𑐸 𑐠𑐸𑐐𑐸 𑐧𑐵𑑃𑐳𑐸𑐬𑐷 𑐏𑐮𑐎𑑄 𑐎𑐮𑐵, 𑐳𑑄𑐳𑑂𑐎𑐺𑐟𑐶𑐫𑐵 𑐬𑐎𑑂𑐲𑐵 𑐫𑐵𑐫𑐾𑐐𑐸 𑐟𑐵𑑅 𑐟𑐫𑐵𑑅 𑐳𑑂𑐠𑐵𑐣𑐷𑐫 𑑓𑑙 𑐩𑑂𑐴 𑐣𑐾𑐰𑐵𑑅𑐟𑐫𑑂𑐟 𑐧𑐵𑑃𑐳𑐸𑐬𑐷𑐫𑐵 𑐥𑑂𑐬𑐱𑐶𑐎𑑂𑐲𑐞 𑐧𑐶𑐄𑐐𑐸 𑐏𑑅 𑑋 𑐥𑑂𑐬𑐱𑐶𑐎𑑂𑐲𑐞𑐫𑑂 𑐗𑐶𑑄𑐕𑐡𑑃 𑐣𑐶𑐳𑐾𑑄 𑑕𑑓 𑐡𑑃 𑐟𑐎 𑐡𑐸𑐥𑐶𑑄 𑐳𑐴𑐨𑐵𑐐𑐷 𑐖𑐹𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

𑐧𑐵𑑃𑐳𑐸𑐬𑐷 𑐥𑑂𑐬𑐱𑐶𑐎𑑂𑐲𑐞 𑐎𑐫𑐵𑐡𑐷𑐥𑐶𑑄𑐟 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐳𑐹𑐬𑑂𑐫𑐰𑐶𑐣𑐵𑐫𑐎 𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐧𑐵𑐳𑐸𑐡𑐾𑐰 𑐠𑐵𑐥𑐵, 𑐰𑐜𑐵 𑐣𑑄. 𑑑𑑐𑐫𑐵 𑐀𑐢𑑂𑐫𑐎𑑂𑐲 𑐱𑐶𑐰𑐬𑐵𑐩 𑐬𑐵𑐄𑐟𑑄 𑐥𑑂𑐬𑐩𑐵𑐞𑐥𑐟𑑂𑐬 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐣𑑂𑐰𑐰𑐵𑐣𑐵𑐡𑐶𑐳𑐾𑑄 𑐳𑐹𑐬𑑂𑐫𑐰𑐶𑐣𑐵𑐫𑐎 𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐠𑐵𑐥𑐵𑑄 𑐠𑑅𑐐𑐸 𑐎𑐮𑐵, 𑐳𑑄𑐳𑑂𑐎𑐺𑐟𑐶 𑐮𑑂𑐰𑑅𑐩𑑄𑐎𑐮 𑐢𑐵𑑅𑐳𑐵 𑐗𑐷𑐐𑐸 𑐀𑐳𑑂𑐟𑐶𑐟𑑂𑐰 𑐴𑐾 𑐩𑐡𑐫𑐵𑐰𑐣𑐷 𑐢𑐵𑐳𑐾𑑄 𑐎𑐮𑐵 𑐳𑑄𑐳𑑂𑐎𑐺𑐟𑐶𑐫𑐵 𑐰𑐶𑐎𑐵𑐳 𑐰 𑐰𑐶𑐳𑑂𑐟𑐵𑐬𑐫𑑂 𑐣𑐐𑐬𑐥𑐵𑐮𑐶𑐎𑐵𑑄 𑐩𑐵𑑅𑐐𑐸 𑐥𑐮𑐵𑑅 𑐣𑑂𑐴𑑂𑐫𑐵𑐎𑐷 𑐢𑐫𑐵𑐡𑐶𑐮 𑑋 𑐀𑐠𑐾𑐴𑐾 𑐰𑐜𑐵𑐢𑑂𑐫𑐎𑑂𑐲 𑐱𑐶𑐰𑐬𑐵𑐩 𑐬𑐵𑐄𑐟𑑄 𑐰𑐜𑐵𑐫𑐵 𑐮𑐎𑑂𑐲𑑂𑐫 𑐎𑐮𑐵, 𑐳𑑄𑐳𑑂𑐎𑐺𑐟𑐶, 𑐥𑐬𑐩𑑂𑐥𑐬𑐵𑐫𑐵 𑐳𑑄𑐬𑐎𑑂𑐲𑐞 𑐰 𑐳𑐩𑑂𑐰𑐡𑑂𑐬𑑂𑐢𑐣 𑐫𑐵𑐫𑐾𑐐𑐸 𑐣𑑄 𑐖𑐹𑐐𑐸𑐮𑐶𑑄 𑐰𑐜𑐵𑐥𑐵𑐏𑐾𑑄 𑐩𑐵𑑅𑐐𑐸 𑐐𑑂𑐰𑐵𑐴𑐵𑐮𑐶 𑐖𑐸𑐂𑐐𑐸 𑐏𑑃 𑐢𑐫𑐵𑐡𑐶𑐮 𑑋

𑐧𑐵𑑃𑐳𑐸𑐬𑐷 𑐳𑐫𑐾𑐎𑐹𑐥𑐶𑑄𑐟 𑐢𑐬𑑂𑐩 𑐩𑐸𑐣𑐶𑐎𑐵𑐬𑑄 𑐥𑑂𑐬𑐱𑐶𑐎𑑂𑐲𑐞 𑐧𑐶𑐫𑐵𑐡𑐷𑐐𑐸 𑐏𑑅 𑑋 𑐰𑐫𑑂𑐎𑐮𑑄 𑐠𑑅𑐥𑐶𑑄𑐳𑑄 𑐥𑑂𑐬𑐱𑐶𑐎𑑂𑐲𑐞 𑐧𑐶𑐫𑐵𑐐𑐸 𑐠𑑂𑐰 𑑑𑑒𑑐 𑐍𑑄 𑐠𑐵𑐫𑑂 𑐖𑐹𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐡𑐸 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐰𑐫𑑂𑐎𑑅𑐫𑐵𑐟 𑐣𑑄 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅 𑑋