𑐫𑐮𑐫𑑂 𑐄𑐡𑑂𑐑𑑀𑐲𑐞 𑐟𑐵𑐮𑐶𑐩 𑐎𑑂𑐰𑐔𑐵𑐮

𑐫𑐮 – 𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑐰𑐜𑐵 𑐣𑑄. 𑑘𑐫𑐵 𑐠𑐷𑐠𑐷 𑐩𑐶𑐳𑐵 𑐥𑐸𑐔𑑅𑐫𑐵 𑐣𑐶𑑄𑐟𑐶𑑄 𑐖𑐹𑐐𑐸 𑐄𑐡𑑂𑐑𑑀𑐲𑐞 𑐰 𑐰𑐟𑑂𑐟𑐺m𑐟𑑂𑐰𑐎𑐮𑐵 𑐰𑐶𑐎𑐵𑐳 𑐟𑐵𑐮𑐶𑐩 𑐎𑑂𑐰𑐔𑐵𑑅𑐐𑐸 𑐡𑐸 𑑋 𑐖𑐫 𑐩𑐣𑑀𑐴𑐬 𑐩𑐴𑐵𑐰𑐶𑐴𑐵𑐬 𑐩𑐶𑐳𑐵 𑐥𑐸𑐔𑑅 𑐳𑐸𑐧𑐴𑐵𑑅𑐫𑐵 𑐐𑑂𑐰𑐳𑐵𑐮𑐫𑑂 𑐫𑐮 𑐩𑐣𑐥𑐵 𑐰𑐜𑐵 𑐣𑑄. 𑑘 𑐫𑐵 𑐐𑑂𑐰𑐵𑐴𑐵𑐮𑐶𑐂 𑐗𑐶𑐤𑐸𑐫𑑄𑐎𑑄 𑐄𑐐𑐸 𑐟𑐵𑐮𑐶𑐩 𑐖𑐹𑐐𑐸 𑐏𑑅 𑑋𑐐𑑂𑐰𑐳𑐵𑑅 𑐏𑐮𑑅𑐮𑐶𑐳𑐾𑑄 𑐫𑑄𑐐𑐸𑐧𑐴𑐵𑑅 𑐩𑐶𑐳𑐵 𑐥𑐸𑐔𑑅, 𑐳𑐬𑐳𑑂𑐰𑐟𑐶 𑐩𑐵𑑄 𑐥𑐸𑐔𑑅, 𑐳𑐸𑐧𑐴𑐵𑑅 𑐩𑐵𑑄 𑐥𑐸𑐔𑑅, 𑐖𑐵𑐐𑐺𑐟𑐶 𑐩𑐴𑐶𑐮𑐵 𑐳𑐩𑐹𑐴𑐫𑐵 𑐩𑐫𑑂𑐖𑐸𑐮𑐶𑐳𑐾𑑄 𑐨𑐵𑐖𑐸𑐥𑐶𑑄 𑐫𑐵𑐣𑐵𑑅 𑐣𑐷𑐣𑑂𑐫𑐵𑐪𑐾𑐳𑐶𑐣𑑄 𑐄𑐐𑐸 𑐟𑐵𑐮𑐶𑐩 𑐎𑐫𑐵𑐡𑐷𑐐𑐸 𑐏𑑅 𑑋

𑐖𑐫 𑐩𑐣𑑀𑐴𑐬 𑐩𑐴𑐵𑐰𑐶𑐴𑐵𑐬 𑐩𑐶𑐳𑐵 𑐥𑐸𑐔𑑅𑐫𑐵 𑐣𑐵𑐫𑑅 𑐥𑑄𑐔𑐩𑐵𑐫𑐵 𑐱𑐵𑐎𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐟𑐵𑐮𑐶𑐩 𑐳𑐩𑐵𑐥𑐵𑐣 𑐖𑑂𑐫𑐵𑐗𑑂𑐰𑑅𑐫𑐵 𑐩𑐹𑐥𑐵𑐴𑐵𑑄 𑐫𑐮 𑐩𑐣𑐥𑐵 𑐰𑐜𑐵 𑐣𑑄. 𑑘 𑐫𑐵 𑐰𑐜𑐵𑐀𑐢𑑂𑐫𑐎𑑂𑐲 𑐴𑐾𑐩 𑐩𑐴𑐬𑑂‍𑐖𑐣𑑄 𑐥𑑂𑐬𑐱𑐶𑐎𑑂𑐲𑐵𑐬𑑂‍𑐠𑐷𑐟𑐫𑑂𑐟 𑐡𑐳𑐶𑐥𑑁 𑐮𑑅𑐯𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐣𑐰𑐵𑐳𑐾𑑄 𑐩𑐹𑐥𑐵𑐴𑐵𑑄 𑐩𑐴𑐬𑑂‍𑐖𑐣𑑄 𑐠𑐸𑐎𑐠𑑄𑐫𑐵 𑐎𑑂𑐲𑐩𑐟𑐵 𑐰𑐶𑐎𑐵𑐳 𑐖𑐂𑐐𑐸 𑐟𑐵𑐮𑐶𑐩 𑐰𑐵 𑐩𑐾𑐩𑐾𑐐𑐸 𑐖𑑂𑐫𑐵𑐗𑑂𑐰𑑅𑐫𑐵 𑐣𑐶𑑄𑐟𑐶𑑄 𑐐𑑂𑐰𑐵𑐴𑐵𑐮𑐶 𑐫𑐵𑐫𑐾𑐟 𑐤𑑂𑐫𑐵𑐧𑐮𑐾𑑄 𑐟𑐫𑐵𑐬 𑐡𑐸𑐐𑐸 𑐏𑑃 𑐢𑐫𑐵𑐡𑐶𑐮 𑑋

𑐟𑐵𑐮𑐶𑐩 𑐳𑐩𑐵𑐥𑐣 𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐱𑐾𑐲 𑐥𑐵𑐴𑐵𑑄 𑐩𑐶𑐳𑐵 𑐰𑐜𑐵 𑐳𑐡𑐳𑑂𑐫 𑐮𑐎𑑂𑐲𑑂𑐩𑐷 𑐩𑐴𑐬𑑂‍𑐖𑐣, 𑐥𑑂𑐬𑐱𑐶𑐎𑑂𑐲𑐎 𑐳𑐸𑐬𑐖𑐰𑐷𑐬 𑐰𑐖𑑂𑐬𑐵𑐔𑐵𑐬𑑂‍𑐫, 𑐖𑐫 𑐩𑐣𑑀𑐴𑐬 𑐩𑐴𑐵𑐰𑐶𑐴𑐵𑐬𑐫𑐵 𑐡𑐵𑐦𑐵 𑐨𑐖𑐣 𑐐𑐸𑐬𑐸 𑐣𑐾𑐩𑐬𑐵𑐖 𑐱𑐵𑐎𑑂𑐫 𑐮𑐐𑐵𑐫𑐟𑑄 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐥𑑂𑐬𑐱𑐶𑐎𑑂𑐲𑐵𑐬𑑂‍𑐠𑐷 𑐀𑐣𑐸𑐲𑐵 𑐱𑐵𑐎𑑂𑐫𑑄 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐏𑑅𑐳𑐵 𑐩𑐾𑐪 𑐥𑑂𑐬𑐱𑐶𑐎𑑂𑐲𑐵𑐬𑑂‍𑐠𑐷 𑐳𑐸𑐣𑐷𑐟𑐵 𑐱𑐵𑐎𑑂𑐫𑑄 𑐳𑐸𑐨𑐵𑐫𑑂 𑐡𑐾𑐕𑐵𑐣𑐵𑐡𑐷𑐐𑐸 𑐏𑑅 𑑋

𑐥𑑂𑐬𑐱𑐶𑐎𑑂𑐲𑐵𑐬𑑂‍𑐠𑐷𑐥𑐶𑑄 𑐖𑑂𑐘𑐵𑐣𑐷𑐱𑑀𑐨𑐵 𑐱𑐵𑐎𑑂𑐫, 𑐧𑐵𑐮𑐎𑐸𑐩𑐵𑐬𑐷 𑐱𑐵𑐎𑑂𑐫, 𑐬𑐩𑐶𑐮𑐵 𑐧𑐖𑑂𑐬𑐵𑐔𑐵𑐬𑑂‍𑐫, 𑐱𑐵𑐣𑑂𑐟𑐵 𑐱𑐵𑐎𑑂𑐫, 𑐀𑐲𑑂𑐚𑐬𑐟𑑂𑐣 𑐱𑐵𑐎𑑂𑐫, 𑐳𑐸𑐩𑐣 𑐱𑐵𑐎𑑂𑐫, 𑐥𑐹𑐣𑐩 𑐩𑐴𑐬𑑂‍𑐖𑐣, 𑐀𑐘𑑂𑐖𑐣𑐵 𑐱𑐵𑐎𑑂𑐫, 𑐮𑐎𑑂𑐲𑑂𑐩𑐷 𑐱𑐵𑐎𑑂𑐫𑑄 𑐟𑐵𑐮𑐶𑐩𑐫𑐵 𑐠𑐷𑐠𑐷 𑐀𑐣𑐸𑐨𑐰 𑐎𑐣𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐴𑐵𑐬𑐫𑐵 𑐠𑐥𑐵𑐁𑐖𑐸 𑐥𑐸𑐞𑑂𑐫𑐬𑐵𑐖 𑐱𑐵𑐎𑑂𑐫, 𑐰𑐜𑐵 𑐳𑐡𑐳𑑂𑐫 𑐥𑑂𑐬𑐎𑐵𑐱 𑐩𑐴𑐬𑑂‍𑐖𑐣, 𑐰𑐶𑐴𑐵𑐬 𑐳𑐸𑐢𑐵𑐬 𑐳𑐩𑐶𑐟𑐶𑐫𑐵 𑐣𑐵𑐫𑑅 𑐳𑐶𑑄𑐐𑐬𑐵𑐖 𑐱𑐵𑐎𑑂𑐫𑐥𑐶𑐣𑐶𑐐𑐸 𑐄𑐥𑐳𑑂𑐠𑐶𑐟𑐶 𑐡𑐸𑐐𑐸 𑐏𑑅 𑑋