𑐱𑐶𑐎𑑂𑐲𑐎 𑐣𑐶𑐫𑐸𑐎𑑂𑐟𑐷 𑐀𑐢𑐶𑐎𑐵𑐬 𑐳𑑂𑐠𑐵𑐣𑐷𑐫 𑐟𑐴𑐫𑐵𑐟 𑐩𑐧𑐶𑐂𑐐𑐸

𑐫𑐾𑑃 – 𑐱𑐶𑐎𑑂𑐲𑐵, 𑐰𑐶𑐖𑑂𑐘𑐵𑐣 𑐟𑐠𑐵 𑐥𑑂𑐬𑐰𑐶𑐢𑐶𑐩𑐣𑑂𑐟𑑂𑐬𑐷 𑐐𑐶𑐬𑐶𑐬𑐵𑐖𑐩𑐞𑐶 𑐥𑑀𑐏𑐬𑐾𑐮𑑄 𑐰𑐶𑐡𑑂𑐫𑐵𑐮𑐫 𑐱𑐶𑐎𑑂𑐲𑐵𑐫𑐵 𑐰𑑂𑐫𑐰𑐳𑑂𑐠𑐵𑐥𑐣𑐫𑐵 𑐖𑐶𑐩𑑂𑐩𑐾𑐰𑐵𑐬𑐷 𑐳𑑂𑐠𑐵𑐣𑐷𑐫 𑐟𑐴𑐫𑐵 𑐖𑐹𑐳𑐵𑑄 𑐱𑐶𑐎𑑂𑐲𑐎 𑐨𑐷𑐬𑑂𑐟𑐫𑐵 𑐖𑑂𑐫𑐵 𑐱𑐶𑐎𑑂𑐲𑐎 𑐳𑐾𑐰𑐵 𑐁𑐫𑑀𑐐𑐫𑐵 𑐥𑑂𑐬𑐎𑑂𑐬𑐶𑐫𑐵𑐥𑐵𑐏𑐾𑑄 𑐴𑐾 𑐖𑐸𑐂𑐩𑐵𑑅𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐡𑐸 𑑋 𑐥𑑂𑐬𑐟𑐶𑐣𑐶𑐢𑐶 𑐳𑐨𑐵𑐫𑐵 𑐱𑐶𑐎𑑂𑐲𑐵 𑐟𑐠𑐵 𑐳𑑂𑐰𑐵𑐳𑑂𑐠𑑂𑐫 𑐳𑐩𑐶𑐟𑐶𑐫𑐵 𑐩𑑄𑐐𑐮𑐰𑐵𑑅 𑐔𑑂𑐰𑑄𑐐𑐸 𑐧𑐿𑐛𑐎𑐫𑑂 𑐩𑐣𑑂𑐟𑑂𑐬𑐷 𑐥𑐵𑐏𑐾𑐬𑐾𑐮𑑄 𑐐𑐸𑐞𑐵𑐟𑑂𑐩𑐎 𑐱𑐶𑐎𑑂𑐲𑐵𑐫𑐵 𑐮𑐵𑐐𑐶 𑐱𑐶𑐎𑑂𑐲𑐎 𑐡𑐬𑐧𑐣𑑂𑐡𑐷 𑐩𑐐𑐵𑑅𑐐𑐸 𑐳𑑂𑐠𑐶𑐟𑐶𑐂 𑐎𑐾𑐣𑑂𑐡𑑂𑐬 𑐳𑐬𑐎𑐵𑐬𑑄 𑐁𑐰𑐱𑑂𑐫𑐎 𑐣𑐶𑐬𑑂𑐞𑐫 𑐫𑐵𑐫𑐾𑐦𑐂𑐐𑐸 𑐎𑐠𑑄 𑐟𑐫𑐵𑐬𑐷 𑐫𑐵𑐣𑐵𑐐𑐸 𑐰 𑐤𑐹𑐥𑐶𑑄 𑐶𑐱𑐎𑑂𑐲𑐎 𑐨𑐬𑑂𑐟𑐷𑐫𑐵 𑐣𑐶𑑄𑐟𑐶𑑄 𑐁𑐫𑑀𑐐𑑄 𑐰𑐶𑐖𑑂𑐘𑐵𑐥𑐣 𑐫𑐵𑐂𑐐𑐸 𑐏𑑃 𑐎𑐣𑐵𑐡𑐶𑐮 𑑋

𑐐𑐸𑐮𑐶𑐏𑐾 𑐳𑑂𑐠𑐵𑐣𑐷𑐫 𑐟𑐴𑑄 𑐠𑑅𑐥𑐶𑑄𑐳𑑄 𑐴𑐾 𑐤𑐹𑐥𑐶𑑄 𑐱𑐶𑐎𑑂𑐲𑐎 𑐣𑐶𑐫𑐸𑐎𑑂𑐟𑐷 𑐰 𑐳𑐬𑐸𑐰𑐵 𑐫𑐵𑐣𑐵𑐔𑑂𑐰𑑄𑐐𑐸 𑐳𑐣𑑂𑐡𑐬𑑂𑐨𑐫𑑂 𑐩𑐣𑑂𑐟𑑂𑐬𑐷 𑐥𑐵𑐏𑐬𑐾𑐮𑑄 𑐱𑐶𑐎𑑂𑐲𑐎 𑐳𑐾𑐰𑐵 𑐁𑐫𑑀𑐐𑐫𑐵 𑐮𑑃 𑐧𑐵𑐴𑐾𑐎 𑐩𑐾𑐐𑐸 𑐟𑐬𑐶𑐎𑐵𑑄 𑐱𑐶𑐎𑑂𑐲𑐎 𑐣𑐶𑐫𑐸𑐎𑑂𑐟 𑐫𑐵𑐟 𑐢𑐵𑑅𑐳𑐵 𑐰𑑂𑐫𑐰𑐳𑑂𑐠𑐵𑐥𑐣 𑐀𑐳𑐴𑐖 𑐖𑐸𑐂𑐐𑐸 𑐏𑑃 𑐎𑐣𑐵𑐡𑐶𑐮 𑑋 𑐩𑐣𑑂𑐟𑑂𑐬𑐷 𑐥𑑀𑐏𑐬𑐾𑐮𑑄 𑐁𑐣𑑂𑐟𑐬𑐶𑐎 𑐥𑑂𑐬𑐟𑐶𑐫𑑀𑐐𑐶𑐟𑐵𑐫𑑂 𑐀𑐳𑐦𑐮 𑐖𑐹𑐥𑐶𑑄 𑐀𑐳𑑂𑐠𑐵𑐫𑐷 𑐱𑐶𑐎𑑂𑐲𑐎𑐟𑐫𑑂𑐟 𑐠𑑂𑐰 𑐴𑐾 𑐁𑐬𑑂𑐠𑐶𑐎 𑐡𑑃𑐫𑑂 𑐳𑐸𑐰𑐶𑐢𑐵𑐳𑐴𑐶𑐟 𑐧𑐶𑐡𑐵 𑐧𑐷𑐐𑐸 𑐰 𑐩𑐾𑐥𑐶𑑄 𑐱𑐶𑐎𑑂𑐲𑐎𑐟𑐫𑑂𑐟 𑐟𑑅𑐎𑑂𑐰𑑅 𑐁𑐣𑑂𑐟𑐬𑐶𑐎 𑐥𑐬𑐷𑐎𑑂𑐲𑐵𑐫𑑂 𑐳𑐴𑐨𑐵𑐐𑐷 𑐫𑐵𑐫𑐾𑐩𑐦𑐂𑐐𑐸 𑐣𑑄 𑐳𑑂𑐥𑐲𑑂𑐚 𑐫𑐵𑐣𑐵𑐡𑐷𑐐𑐸 𑐡𑐸 𑑋

𑐀𑐠𑐾𑐴𑐾 𑐰𑐫𑑂𑐎𑐮𑑄 𑐳𑐬𑐎𑐵𑐬𑑄 𑐴𑑅𑐐𑐸 𑐣𑐷𑐟𑐶 𑐟𑐠𑐵 𑐎𑐵𑐬𑑂𑐫𑐎𑑂𑐬𑐩𑐫𑑂 𑐳𑐵𑐬𑑂𑐰𑐖𑐣𑐶𑐎 𑐱𑐶𑐎𑑂𑐲𑐵 𑐳𑐰𑐮𑐷𑐎𑐬𑐞 𑐡𑐱𑐎 𑐑𑑀𑐲𑐞𑐵 𑐫𑐵𑑅𑐐𑐸𑐮𑐶𑑄 𑐠𑑅𑐥𑐶𑐣𑐶𑐐𑐸 𑐢𑑂𑐫𑐵𑐣 𑐳𑐵𑐩𑐸𑐡𑐵𑐫𑐶𑐎 𑐰𑐶𑐡𑑂𑐫𑐵𑐮𑐫𑐫𑐵 𑐐𑐸𑐞𑐳𑑂𑐟𑐬 𑐳𑐸𑐢𑐵𑐬𑐫𑑂 𑐰𑐣𑐷𑐐𑐸 𑐥𑑂𑐬𑐟𑐶𑐧𑐡𑑂𑐢𑐟𑐵 𑐣𑑄 𑐥𑑂𑐰𑑄𑐎𑐵𑐡𑐷𑐐𑐸 𑐡𑐸 𑑋