𑐃 𑐮𑑀𑐴𑑄 𑐥𑑂𑐬𑐎𑐵𑐱𑐣 𑐥𑐵𑐏𑐾𑑄 𑐣𑐵𑐐𑐬𑐳𑐬𑑂𑐰𑐳𑑂𑐰 𑐳𑐦𑐹 𑐄𑐮𑐾𑐖𑑂𑐫𑐵 𑐮𑐶𑐳𑐾𑑄 𑐳𑐸𑐨𑐵𑐫 𑐡𑐾𑐕𑐵𑐮

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐧𑐿𑐱𑐵𑐏 𑑒𑑗, 𑐱𑐸𑐎𑑂𑐬𑐧𑐵𑐬 𑑑𑑙:𑑕𑑗:𑑐𑑖

𑐃 𑐮𑑀𑐴𑑄 𑐥𑑂𑐬𑐎𑐵𑐱𑐣𑑄 𑐠𑑁𑑄 𑐱𑐸𑐎𑑂𑐬𑐰𑐵𑑅 𑐳𑐶𑐮𑑁𑐚𑐷 𑐬𑐶𑐳𑑀𑐬𑑂𑐚 𑐣𑐏𑐶𑐥𑑀𑐚 𑐫𑐮𑐫𑑂 𑐕𑐐𑐹 𑐖𑑂𑐫𑐵𑐗𑑂𑐰𑐫𑐵 𑐡𑐠𑐸𑐂 𑐣𑐵𑐐𑐬𑐳𑐬𑑂𑐰𑐳𑑂𑐰 𑐳𑐦𑐹 𑐄𑐮𑐾𑐖𑑂𑐫𑐵 𑐫𑐵𑐟 𑑋
𑑓 𑐣.𑐥𑑂𑐬𑐡𑐾𑐱𑐫𑐵 𑐳𑐵𑑄𑐳𑐡 𑐜𑐵. 𑐀𑐖𑐫𑐎𑑂𑐬𑐵𑐣𑑂𑐟𑐶 𑐱𑐵𑐎𑑂𑐫 𑐩𑐹𑐴𑐵𑑃𑐎𑐠𑑄 𑐗𑐫𑐵𑐡𑐶𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑐵𑐐𑐬𑐳𑐬𑑂𑐰𑐳𑑂𑐰 𑐳𑐦𑐹𑐫𑐵 𑐄𑐮𑐾𑐖𑑂𑐫𑐵 𑐩𑑄𑐎𑐵𑑅 𑐎𑐠𑑄 𑐳𑐵𑑄𑐳𑐡 𑐱𑐵𑐎𑑂𑐫, 𑐃 𑐮𑑀𑐴𑑄 𑐥𑑂𑐬𑐎𑐵𑐱𑐣𑐫𑐵 𑐎𑐖𑐶 𑐣𑐬𑐾𑐱𑐧𑐷𑐬 𑐱𑐵𑐎𑑂𑐫 𑐫𑐵𑐣𑐵𑐡𑐶𑐐𑐸 𑐏𑑅 𑑋 𑐀𑐠𑐾 𑐴𑐾 𑐥𑐾𑐖𑐠𑑂𑐬𑐷 𑐀𑐬𑑂𑐰𑐵𑐜 𑑑𑑑𑑓𑑗 𑐟𑑅𑐖𑐶𑐎 𑐎𑑂𑐰𑐔𑐵𑑅𑐐𑐸 𑐮𑐳𑐟𑐵𑐫𑑂 𑐰 𑐡 𑐩𑐶𑐠 𑑐 𑐳𑐬𑑂𑐚𑐩𑐹𑐨𑐶 𑐪𑐶𑐟𑐵𑐡𑐶𑐥𑐶𑑄 𑐎𑐮𑐵𑐎𑐵𑐬, 𑐔𑑂𑐰𑐩𑐶, 𑐥𑑂𑐬𑐵𑐧𑐶𑐢𑐶𑐎 𑐰 𑐐𑑂𑐰𑐴𑐵𑐮𑐶𑐩𑐶𑑄 𑐥𑐶𑐣𑑂𑐟 𑐳𑐸𑐫𑐵𑐫𑑂 𑐥𑑁𑑄 𑐮𑑅𑐯𑐵𑐐𑐸 𑐏𑑅 𑑋 𑐥𑐾𑐖𑐠𑑂𑐬𑐷𑐫𑐵 𑐳𑐩𑑂𑐥𑐵𑐡𑐎 𑐡𑐬𑑂𑐱𑐣𑐧𑐷𑐬 𑐱𑐵𑐎𑑂𑐫𑑄 𑐳𑐸𑐨𑐵𑐫 𑐡𑐾𑐕𑐵𑐣𑐵𑐡𑐶𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑑅 𑐧𑐶𑐬𑐵𑐖𑐎𑐵𑐖𑐶 𑐬𑐵𑐖𑑀𑐥𑐵𑐢𑑂𑐫 𑐤𑐫𑐵𑐎𑐵𑐡𑐶𑐐𑐸 𑐏𑑅 𑑋