𑐐𑑄𑐐𑐵𑐡𑐾𑐰𑐷 𑐩𑐴𑐬𑑂𑐖𑐣𑐫𑐵 ‘𑐳𑑂𑐰𑐣𑐶𑐐𑑅𑐫𑐵 𑐣𑐾𑐰𑐵𑑅’ 𑐩𑑂𑐫𑐾𑐔𑐵𑑅 𑐱𑐣𑐶𑐰𑐵𑑅 𑐳𑐵𑐬𑑂𑐰𑐖𑐣𑐶𑐎 𑐖𑐸𑐂𑐐𑐸

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 – 𑐮𑐮𑐾𑐣𑑂𑐡𑑂𑐬 𑐱𑐵𑐎𑑂𑐫 | 𑑒𑑐𑑗𑑖 𑐥𑑁𑐲 𑑘, 𑐩𑑄𑐐𑐮𑐧𑐵𑐬 𑑑𑑖:𑑓𑑙:𑑒𑑐

𑐩𑑂𑐫𑐾𑐔𑑂𑐰𑐩𑐶 𑐮𑑀𑐎𑐎𑐰𑐶 𑐬𑐵𑐖𑐨𑐵𑐃 𑐖𑐎𑑅𑐩𑐶, 𑐳𑑄𑐐𑐷𑐟 𑐬𑐵𑐖𑐸 𑐳𑐶𑑄𑐴, 𑐳𑑄𑐐𑐷𑐟 𑐳𑑄𑐫𑑀𑐖𑐎 𑐖𑐸𑐐𑐮 𑐜𑑄𑐐𑑀𑐮

𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹 𑐫𑐾𑑃 𑐖𑐶𑐮𑑂𑐮𑐵 𑐳𑐩𑐶𑐟𑐶𑐫𑐵 𑐐𑑂𑐰𑐳𑐵𑐮𑐫𑑂 𑐩𑑂𑐫𑐾𑐴𑐵𑐮𑐵𑐩𑐶 𑐐𑑄𑐐𑐵𑐡𑐾𑐰𑐷 𑐩𑐴𑐬𑑂𑐖𑐣𑐫𑐵 𑐫𑐵𑐎𑑅 𑐩𑑂𑐫𑐾𑐔𑐵 𑐥𑐶𑐡𑐣𑐷𑐐𑐸 𑐡𑐸 𑑋

‘𑐳𑑂𑐰𑐣𑐶𑐐𑑅𑐫𑐵 𑐣𑐾𑐰𑐵𑑅’ 𑐣𑐵𑑄𑐫𑐵 𑐣𑐾𑐥𑐵𑐮𑐨𑐵𑐲𑐵𑐫𑐵 𑐩𑑂𑐫𑐾 𑐩𑐸𑐣𑐵 𑐩𑑂𑐫𑐾𑐔𑐵𑑅 𑐣𑐾.𑐳. 𑑑𑑑𑑔𑑐 𑐥𑑀𑐴𑐾𑐮𑐵𑐠𑑂𑐰 𑐡𑐸𑐟𑐶𑐫𑐵 (𑐥𑐸𑐳 𑑑𑑒 𑐐𑐟𑐾) 𑐱𑐣𑐶𑐰𑐵𑑅 𑐳𑐸𑐠𑐳𑐶𑐫𑐵 𑑑𑑑 𑐟𑐵 𑐂𑐮𑐫𑑂 𑐫𑐾𑑃𑐫𑐵 𑐖𑐩𑐮𑐫𑑂 𑐔𑑂𑐰𑑄𑐐𑐸 𑐬𑐵𑐲𑑂𑐚𑑂𑐬𑐶𑐫 𑐣𑐵𑐔𑐑𑐬 𑐥𑑂𑐬𑐾𑐎𑑂𑐲𑐵𑐮𑐫𑐳 𑐳𑐵𑐬𑑂𑐰𑐖𑐣𑐶𑐎 𑐖𑐸𑐂𑐐𑐸 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋

𑐩𑑂𑐫𑐾𑐴𑐵𑐮𑐵𑐩𑐶 𑐐𑑄𑐐𑐵𑐡𑐾𑐰𑐷 𑐩𑐴𑐬𑑂𑐖𑐣𑐫𑐵 ‘𑐳𑑂𑐰𑐣𑐶𑐐𑑅𑐫𑐵 𑐣𑐾𑐰𑐵𑑅’ 𑐫𑐵𑐎𑑅 𑐩𑑂𑐫𑐾𑐔𑐵𑑅 𑐡𑐸𑐣𑐾 𑐮𑑀𑐎𑐎𑐰𑐶 𑐬𑐵𑐖𑐨𑐵𑐃 𑐖𑐎𑑅𑐩𑐶𑐫𑐵 𑐫𑐵𑐎𑑅 𑐔𑑂𑐰𑐳𑐵𑑄 𑐥𑐶𑐖𑑂𑐰𑑅𑐐𑐸 𑐩𑑂𑐫𑐾 𑐡𑐸𑐠𑑂𑐫𑐵𑑅𑐳𑐵 𑐣𑐵𑑄𑐖𑐵𑑅𑐩𑑂𑐴 𑐳𑑄𑐐𑐷𑐟𑐎𑑅𑐩𑐶 𑐬𑐵𑐖𑐸 𑐳𑐶𑑄𑐴𑐫𑐵 𑐫𑐵𑐎𑑅 𑐳𑑄𑐐𑐷𑐟 𑐡𑐸𑐠𑑂𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐀𑐠𑐾𑐴𑐾, 𑐣𑐵𑑄𑐖𑐵𑑅𑐩𑑂𑐴 𑐳𑑄𑐐𑐷𑐟𑐎𑑅𑐩𑐶 𑐖𑐸𑐐𑐮 𑐜𑑄𑐐𑑀𑐮𑑄 ‘𑐳𑑂𑐰𑐣𑐶𑐐𑑅𑐫𑐵 𑐣𑐾𑐰𑐵𑑅’ 𑐩𑑂𑐫𑐾𑐔𑐵𑑅 𑐡𑐸𑐣𑐾𑐫𑐵 𑐦𑐸𑐎𑑂𑐎 𑐩𑑂𑐫𑐾𑐫𑐵 𑐳𑑄𑐐𑐷𑐟 𑐳𑑄𑐫𑑀𑐖𑐣 𑐫𑐵𑐣𑐵𑐡𑐷𑐐𑐸 𑐡𑐸 𑑋

𑐐𑑂𑐰𑐳𑐵𑑅 𑐏𑐮𑑅 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹 𑐫𑐾𑑃 𑐖𑐶𑐮𑑂𑐮𑐵 𑐳𑐩𑐶𑐟𑐶𑑄 𑐄𑐐𑐸 𑐩𑑂𑐫𑐾𑐔𑐵𑑅 𑐥𑐶𑐟𑐧𑑂𑐰𑐖𑑂𑐫𑐵 𑐖𑑂𑐫𑐵𑐗𑑂𑐰𑐮𑐫𑑂 𑐳𑐎𑐮𑐳𑐶𑐟 𑐳𑐴𑐨𑐵𑐐𑐶𑐟𑐵𑐫𑐵 𑐣𑐶𑐟𑐶𑑄 𑐂𑐣𑐵𑐥 𑐫𑐵𑑅𑐐𑐸 𑐡𑐸 𑑋