𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐏𑑂𑐰𑐥 𑐣𑐥𑐵𑐫𑐵 𑐱𑐿𑐎𑑂𑐲𑐶𑐎 𑐟𑑂𑐫𑐵𑐳𑐵

𑐏𑑂𑐰𑐥 – 𑐏𑑂𑐰𑐥 𑐣𑐐𑐬𑐥𑐵𑐮𑐶𑐎𑐵𑑄 𑐠𑐸𑐐𑐸 𑐡𑑃𑐫𑑂 𑐱𑐿𑐎𑑂𑐲𑐶𑐎 𑐥𑑂𑐬𑐩𑐵𑐞𑐥𑐟𑑂𑐬 𑐧𑐬𑑂‍𑐴𑑅 𑐟𑐫𑐵𑑅 𑑙𑑑 𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐱𑐿𑐎𑑂𑐲𑐶𑐎 𑐟𑑂𑐫𑐵𑐳𑐵 𑐧𑐷𑐐𑐸 𑐖𑐹𑐐𑐸 𑐡𑐸 𑑋 𑐢𑑂𑐫𑐧𑐵 𑐩𑐡𑐫𑐵𑑅 𑐧𑑂𑐰𑐣𑐾 𑐩𑐏𑑄𑐥𑐶𑑄 𑐣𑐐𑐬 𑐡𑐸𑐣𑐾𑐫𑐵 𑐐𑐬𑐶𑐧 𑐰 𑐖𑐾𑐴𑐾𑐣𑑂𑐡𑐵𑐬 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐄𑐔𑑂𑐔 𑐱𑐶𑐎𑑂𑐲𑐵 𑐧𑑂𑐰𑐣𑐾𑐟 𑐐𑑂𑐰𑐵𑐴𑐵𑐮𑐶 𑐎𑐠𑑄 𑐱𑐿𑐎𑑂𑐲𑐶𑐎 𑐟𑑂𑐫𑐵𑐳𑐵 𑐧𑐷𑐟𑑂𑐫𑐣𑐵𑐐𑐸 𑐏𑑃 𑐏𑑂𑐰𑐥 𑐣𑐐𑐬𑐥𑐵𑐮𑐶𑐎𑐵𑑄 𑐢𑐵𑑅𑐐𑐸 𑐡𑐸 𑑋 𑐣𑐥𑐵𑑄 𑑖 𑐥𑑂𑐬𑐟𑐶𑐱𑐟 𑐧𑑂𑐫𑐵𑐖𑐫𑑂 𑐣𑑂𑐫𑐵𑐐𑐹 𑐮𑐵𑐏 𑐟𑐎𑐵 𑐟𑐎 𑐟𑑂𑐫𑐵𑐳𑐵 𑐧𑐷𑐐𑐸 𑐏𑑃 𑐣𑑄 𑐢𑐵𑑅𑐐𑐸 𑐡𑐸 𑑋

𑐏𑑂𑐰𑐥 𑐣𑐐𑐬𑐥𑐵𑐮𑐶𑐎𑐵𑑄 𑐰𑑄𑐐𑐸 𑐁𑐬𑑂𑐠𑐶𑐎 𑐡𑑃𑐫𑑂 𑐄𑐔𑑂𑐔 𑐱𑐶𑐎𑑂𑐲𑐵 𑐧𑑂𑐰𑐣𑐷𑐥𑐶𑑄 𑑓𑑗 𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐱𑐿𑐎𑑂𑐲𑐶𑐎 𑐟𑑂𑐫𑐵𑐳𑐵 𑐧𑐶𑐄𑐐𑐸 𑐏𑑅𑐳𑐵 𑐠𑐸𑐸𑐸𑐐𑐸 𑐡𑑃𑐫𑑂 𑑙𑑑 𑐩𑑂𑐴𑐾𑐳𑐶𑐟 𑐟𑑂𑐫𑐵𑐳𑐵 𑐧𑐷𑐐𑐸 𑐟𑐫𑐵𑐬𑐷 𑐫𑐵𑐣𑐵𑐔𑑂𑐰𑑄𑐐𑐸 𑐏𑑃 𑐏𑑂𑐰𑐥 𑐣𑐐𑐬𑐥𑐵𑐮𑐶𑐎𑐵𑑄 𑐢𑐵𑑅𑐐𑐸 𑐡𑐸 𑑋 𑐣𑐐𑐬𑐥𑐵𑐮𑐶𑐎𑐵𑑄 𑐧𑐷𑐐𑐸 𑐢𑑂𑐫𑐧𑐵 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐟𑐥𑑂𑐫𑑄𑐎 𑐩𑐧𑐶𑐳𑐾 𑐰𑐶𑐡𑑂𑐫𑐵𑐬𑑂𑐠𑐷𑑄 𑐀𑐢𑑂𑐫𑐫𑐣 𑐫𑐵𑐂𑐐𑐸 𑐳𑐩𑑂𑐧𑐣𑑂𑐢𑐶𑐟 𑐱𑐿𑐎𑑂𑐲𑐶𑐎 𑐳𑑄𑐳𑑂𑐠𑐵𑐫𑐵𑐟 𑐥𑐸𑐮𑐾𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐄𑐔𑑂𑐔 𑐱𑐶𑐎𑑂𑐲𑐵 𑐧𑑂𑐰𑐣𑐾 𑐩𑑄𑐡𑐸𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐳𑑄 𑐠𑑅𑐐𑐸 𑐱𑐿𑐎𑑂𑐲𑐶𑐎 𑐳𑐬𑑂𑐚𑐶𑐦𑐶𑐎𑐾𑐚 𑐧𑐬𑑂‍𑐴𑑅 𑐟𑐫𑐵𑑅 𑐠𑑅𑐐𑐸 𑐰𑐶𑐲𑐫 𑐎𑐠𑑄 𑐩𑐵𑑅𑐐𑐸 𑐟𑑂𑐫𑐵𑐳𑐵 𑐎𑐵𑐫𑐾𑐦𑐂 𑑋