𑐣𑐾𑐥𑐵𑐮𑐨𑐵𑐲𑐵 𑐕𑐢𑐵𑑅 𑐥𑑂𑐫𑐵𑐏𑑄 𑐧𑑂𑐰𑐖𑑂𑐫𑐵

𑐎𑐶𑐥𑐹- 𑐟𑐵𑑅 𑐃 𑐟𑐎 𑐡𑐶𑐣𑐵𑐔𑑂𑐰𑑄𑐐𑐸 𑐡𑐧𑐹 𑐥𑑂𑐫𑐵𑐏𑑄𑐫𑐵𑐟 𑐁𑑅 𑐴𑐵𑐎𑐣𑑄 𑐣𑐶𑐬𑐣𑑂𑐟𑐬𑐟𑐵 𑐧𑐶𑐂𑐐𑐸 𑐗𑑂𑐰𑐮𑐫𑑂 𑐩𑑂𑐴𑐶𑐐𑑅 𑐎𑐶𑐥𑐹𑐫𑐵 𑐬𑐵𑐬𑐵𑐴𑐶𑐮 𑐳𑑂𑐎𑐹𑐮𑐫𑐵 𑐠𑐶𑐫𑐚𑐬𑐫𑑂 𑐣𑐾𑐥𑐵𑐮𑐨𑐵𑐲𑐵 𑐕𑐢𑐵𑑅 𑐥𑑂𑐫𑐵𑐏𑑄 𑐧𑑂𑐰𑐖𑑂𑐫𑐵 𑐖𑐸𑐮 𑑋 𑐎𑐵𑐳𑐵 𑐎𑐠𑑄 𑐴𑐾 𑐠𑐸𑐐𑐸 𑐖𑑂𑐫𑐵𑐗𑑂𑐰𑑅 𑐐𑑂𑐰𑐳𑐵𑑅 𑐐𑑂𑐰𑐫𑐾𑐐𑐸 𑐟𑐵𑑅 𑐟𑑅𑐐𑐸 𑐏𑑅𑐳𑐵𑑄 𑐮𑐎𑐜𑐵𑐄𑐣𑐫𑐵 𑐎𑐵𑐬𑐞𑑄 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐜𑐾𑐩𑐷𑑄 𑐠𑐸𑐐𑐸 𑐖𑑂𑐫𑐵𑐗𑑂𑐰𑑅 𑐧𑑂𑐰𑐖𑑂𑐫𑐵 𑐎𑐠𑑄 𑐖𑐎 𑐫𑐵𑑅𑐐𑐸 𑐏𑑅 𑑋 𑐧𑑂𑐰𑐖𑑂𑐫𑐵𑐫𑐵 𑐄𑐮𑐾𑐖𑑂𑐫𑐵 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐜𑐾𑐩𑐷𑐫𑐵 𑐳𑑄𑐬𑐎𑑂𑐲𑐎 𑐱𑐟𑐵𑐧𑑂𑐡𑐷𑐥𑐸𑐬𑐸𑐲 𑐳𑐟𑑂𑐫𑐩𑑀𑐴𑐣 𑐖𑑀𑐱𑐷𑑄 𑐟𑑂𑐰𑐵𑑅 𑐡𑐾𑐰𑐵𑐫𑑂 𑐩𑐟𑐔𑑂𑐫𑐵𑐎𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑑅𑐫𑐵 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐶𑐳𑐾𑑄 𑐩𑐹𑐥𑐵𑐴𑐵𑑄 𑐖𑑀𑐱𑐷𑑄 𑐣𑐾𑐥𑐵𑐮𑐩𑐞𑑂𑐜𑐮𑐫𑑂 𑐴𑐸𑐮𑐵𑐥𑑂𑐫𑐵𑐏𑑄 𑐰 𑐏𑑃𑐮𑑂𑐴𑐵𑐧𑐮𑑂𑐴𑐵 𑐥𑑂𑐫𑐵𑐏𑑄𑐫𑐵 𑐥𑐬𑐩𑑂𑐥𑐬𑐵 𑐟𑐵𑑅 𑐃𑐣𑐶𑐳𑐾𑑄 𑐣𑑂𑐴𑑂𑐫𑐵𑐣𑐵𑐔𑑂𑐰𑑄𑐐𑐸 𑐎𑐣𑐵𑐡𑐶𑐮 𑑋 ‘𑐩𑐮𑑂𑐮𑐎𑐵𑐮𑐫𑑂 𑐁𑐥𑐵𑐮𑑄 𑐣𑐵𑐚𑐎 𑐥𑑂𑐬𑐳𑑂𑐟𑐸𑐟 𑐖𑐹𑐐𑐸 𑐏𑑅𑐳𑐵𑑄 𑐕𑐸𑑄 𑐃 𑐣𑑂𑐴𑑂𑐫𑑅𑐣𑐶𑐳𑐾𑑄 𑐡𑐧𑐹𑐥𑑂𑐫𑐵𑐏𑑄𑐫𑐵 𑐥𑐬𑐩𑑂𑐥𑐬𑐵 𑐴𑐾 𑐣𑑂𑐴𑐣𑐵 𑐰𑐣𑐾𑐟𑑂𑐫𑑄𑐐𑐸 𑐏𑑃𑐫𑐵𑐟 𑐢𑑂𑐫𑐵𑐣𑐫𑑂 𑐟𑐫𑐵𑑅 𑐩𑐣𑐹𑐟𑐫𑑂𑐟 𑐮𑐫𑑂𑐟𑐵𑐫𑐾𑐎 𑐳𑐸𑐏𑐷 𑐫𑐵𑐫𑐾𑐐𑐸 𑐄𑐡𑑂𑐡𑐾𑐱𑑂𑐫𑑄 𑐣𑑂𑐴𑑂𑐫𑐧𑑂𑐰𑑅𑐐𑐸 𑐠𑑂𑐰 𑐥𑑂𑐫𑐵𑐏𑑄 𑐣𑑄 𑐕𑐐𑐹 𑐳𑐩𑑂𑐥𑐡𑐵 𑐏𑑅 𑐢𑐫𑐵𑐡𑐶𑐮 𑑋

𑐧𑑂𑐰𑐖𑑂𑐫𑐵𑐫𑑂 𑐣𑑂𑐴𑑂𑐫𑐧𑑂𑐰𑑅𑐐𑐸 𑐔𑑂𑐫𑐵𑐥𑐸 𑐥𑑂𑐫𑐵𑐏𑑄𑐫𑐵𑐟 𑐣𑐾𑐥𑐵𑑅 𑐔𑑂𑐫𑐵𑐣𑐮 𑐚𑐾𑐮𑐶𑐨𑐶𑐖𑐣 𑐩𑐵𑐬𑑂𑐦𑐟𑑂 𑐥𑑂𑐬𑐟𑑂𑐫𑐎𑑂𑐲 𑐥𑑂𑐬𑐱𑐵𑐬𑐞 𑐫𑐵𑑅𑐐𑐸 𑐏𑑅 𑑋 𑐧𑑂𑐰𑐖𑑂𑐫𑐵𑐫𑑂 𑐩𑐷𑐣𑐵 𑐰𑐖𑑂𑐬𑐵𑐔𑐵𑐬𑑂𑐫𑑄 𑐔𑑂𑐰𑐫𑐵𑐡𑐷𑐐𑐸, 𑐥𑐰𑐣 𑐖𑑀𑐱𑐷𑑄 𑐣𑐶𑐬𑑂𑐡𑐾𑐱𑐣 𑐫𑐵𑐣𑐵𑐡𑐷𑐐𑐸𑐸 𑐮𑐶𑐠𑐸, 𑐮𑑀𑐎𑐎𑐰𑐶 𑐬𑐵𑐖𑐨𑐵𑐃 𑐖𑐎𑑅𑐩𑐶𑑄 𑐔𑑂𑐰𑐫𑐵𑐡𑐷𑐐𑐸, 𑐬𑐵𑐩𑐎𑐺𑐲𑑂𑐞 𑐏𑐜𑑂𑐐𑐷𑑄 𑐣𑐶𑐬𑑂𑐡𑐾𑐱𑐣 𑐫𑐵𑐣𑐵𑐡𑐷𑐐𑐸 𑐎𑐷𑐬𑑂𑐟𑐶𑐮𑐎𑑂𑐲𑑂𑐩𑐷, 𑐱𑐱𑐷𑐎𑐮𑐵 𑐩𑐵𑐣𑐣𑑂𑐢𑐬𑑄 𑐔𑑂𑐰𑐫𑐵𑐡𑐷𑐐𑐸, 𑐁𑐬𑑂𑐫𑐩 𑐣𑐎𑑅𑐩𑐶𑑄 𑐣𑐶𑐬𑑂𑐡𑐾𑐱𑐣 𑐫𑐵𑐣𑐵𑐡𑐷𑐐𑐸 𑐔𑐣𑑂𑐡𑑂𑐬𑐴𑐵𑐬, 𑐎𑐺𑐲𑑂𑐞 𑐥𑑂𑐬𑐖𑐵𑐥𑐟𑐶𑑄 𑐔𑑂𑐰𑐫𑐵𑑅 𑐣𑐶𑐬𑑂𑐡𑐾𑐱𑐣 𑐫𑐵𑐣𑐵𑐡𑐷𑐐𑐸 𑐧𑐸𑑃𑐏𑑂𑐫𑐵𑐔𑐵, 𑐳𑐸𑐬𑐾𑐣𑑂𑐡𑑂𑐬 𑐟𑐸𑐮𑐵𑐢𑐬𑑄 𑐔𑑂𑐰𑐫𑐵𑑅 𑐣𑐶𑐬𑑂𑐡𑐾𑐱𑐣 𑐫𑐵𑐣𑐵𑐡𑐷𑐐𑐸 𑐜𑐵. 𑐎𑐵𑐣𑑂𑐕𑐵𑐨𑐵𑐃, 𑐬𑐵𑐖𑐸 𑐳𑑂𑐫𑐳𑑂𑐫𑑅𑐣𑑄 𑐔𑑂𑐰𑐫𑐵𑑅 𑐣𑐶𑐬𑑂𑐡𑐾𑐱𑐣 𑐫𑐵𑐣𑐵𑐡𑐷𑐐𑐸 𑐟𑐬𑐎𑐵𑐬𑐶 𑐧𑐘𑑂𑐖𑐵, 𑐬𑐵𑐖𑐾𑐣𑑂𑐡𑑂𑐬𑐎𑐸𑐩𑐵𑐬 𑐥𑐸𑐟𑐵𑑄 𑐔𑑂𑐰𑐫𑐵𑐡𑐷𑐐𑐸 𑐰 𑐬𑐰𑐶 𑐩𑐴𑐬𑑂𑐖𑐣𑑄 𑐣𑐶𑐬𑑂𑐡𑐾𑐱𑐣 𑐫𑐵𑐣𑐵𑐡𑐷𑐐𑐸 𑐠𑑁𑑄𑐎𑐣𑑂𑐴𑐫𑑂, 𑐬𑐵𑐩𑐎𑐺𑐲𑑂𑐞𑑄 𑐢𑐶𑐣𑐵𑑄 𑐔𑑂𑐰𑐫𑐵𑐡𑐷𑐐𑐸 𑐬𑐵𑐖𑐾𑐱 𑐱𑐵𑐎𑑂𑐫𑑄 𑐣𑐶𑐬𑑂𑐡𑐾𑐱𑐣 𑐫𑐵𑐣𑐵𑐡𑐷𑐐𑐸 𑐠𑑂𑐰𑐥𑐸 𑐎𑐬𑑂𑐩 𑐣𑑂𑐴𑑂𑐫𑐧𑑂𑐰𑑅𑐐𑐸 𑐏𑑅 𑑋