𑐫𑐮 𑐩𑐴𑐵𑐣𑐐𑐬𑐫𑑂 𑐣𑑄 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐾𑐐𑐸 𑐱𑐸𑐬𑐸

𑐫𑐮 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐳𑑂𑐎𑐸𑐮𑐫𑑂 𑐣𑑄 𑐩𑑂𑐴𑐶𑐐𑑅𑐣𑐶𑐳𑐾𑑄 𑐣𑐾𑐥𑐵𑐮𑐨𑐵𑐲𑐵𑐫𑐵 𑐩𑐵𑐢𑑂𑐫𑐩𑑄 𑐳𑑂𑐠𑐵𑐣𑐷𑐫 𑐰𑐶𑐲𑐫 𑐧𑑂𑐰𑑄𑐎𑐾𑐐𑐸 𑐱𑐸𑐬𑐸 𑐖𑐹𑐐𑐸 𑐡𑐸 𑑋 𑐠𑐣𑐫𑐵 𑐁𑐡𑐬𑑂𑐱 𑐎𑐣𑑂𑐫𑐵 𑐣𑐶𑐎𑐾𑐟𑐣 𑐩𑐵𑐰𑐶𑐂 𑐩𑑂𑐴𑐶𑐐𑑅𑐣𑐶𑐳𑐾𑑄 𑐣𑐬𑑂𑐳𑐬𑐷𑐣𑐶𑐳𑐾𑑄 𑐳𑑂𑐰𑑄𑐐𑐹 𑐟𑐐𑐶𑑄 𑐟𑐎 𑐣𑐾𑐥𑐵𑐮𑐨𑐵𑐲𑐵𑐫𑐵 𑐩𑐵𑐢𑑂𑐫𑐩𑑄 𑐳𑑂𑐠𑐵𑐣𑐷𑐫 𑐰𑐶𑐲𑐫 𑐧𑑂𑐰𑑄𑐎𑐾𑐐𑐸 𑐖𑑂𑐫𑐵 𑐱𑐸𑐬𑐸 𑐖𑐹𑐐𑐸 𑐏𑑃 𑐳𑑂𑐎𑐸𑐮𑐫𑐵 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐱𑐿𑐮𑐾𑐱 𑐥𑑂𑐬𑐢𑐵𑐣𑑄 𑐎𑐣𑐵𑐡𑐶𑐮 𑑋

𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐟𑐫𑐵𑐬 𑐫𑐵𑑅𑐐𑐸 𑐥𑐵𑐛𑑂𑐫𑐎𑑂𑐬𑐩 𑐎𑐠𑑄 𑐣𑐾𑐰𑐵𑑅 𑐎𑐵𑐬𑑂𑐚𑐸𑐣 𑐮𑐐𑐵𑐫𑐟𑐫𑐵 𑐱𑐶𑐎𑑂𑐲𑐞 𑐳𑐵𑐩𑐐𑑂𑐬𑐷 𑐕𑑂𑐫𑐮𑐵𑑅 𑐀𑐣 𑐧𑑂𑐰𑐣𑐾𑐖𑑂𑐫𑐵 𑐱𑐸𑐬𑐸 𑐫𑐵𑑅𑐐𑐸 𑐏𑑅 𑑋 𑐫𑐮 𑐩𑐣𑐥𑐵 𑑑𑑒 𑐰𑐜𑐵 𑐀𑐢𑑂𑐫𑐎𑑂𑐲 𑐣𑐵𑐬𑐵𑐫𑐞 𑐀𑐰𑐵𑐮𑐾𑑄 𑐩𑐳𑑂𑐟𑐮𑐶𑐳𑐾 𑐣𑐾𑐰𑐵𑑅 𑐨𑐵𑐳𑑄 𑐏𑑃 𑐮𑑂𑐴𑐵𑐣𑐵𑑅 𑐎𑐎𑑂𑐲𑐵 𑐱𑐸𑐬𑐸 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐥𑑂𑐬𑐵. 𑐟𑐸𑐮𑑂𑐳𑐷𑐮𑐵𑐮 𑐳𑐶𑑄, 𑐖𑑂𑐫𑐵𑐥𑐸 𑐳𑐩𑐵𑐖𑐫𑐵 𑐳𑐧𑐶𑐣𑐵 𑐩𑐴𑐬𑑂𑐖𑐣𑐥𑐶𑐣𑐶 𑐣𑑄 𑐄𑐥𑐳𑑂𑐠𑐶𑐟𑐶 𑐡𑐸𑐐𑐸 𑐏𑑅 𑑋