𑐏𑑅, 𑐖𑐶 𑐩𑐶𑐳𑐵 !

–𑐳𑐬𑐶𑐣𑐵 𑐧𑐖𑑂𑐬𑐵𑐔𑐵𑐬𑑂𑐫

𑐔𑐣𑑂𑐡𑑂𑐬𑐵𑐐𑐶𑐬𑐷 𑐣𑐐𑐬𑐥𑐵𑐮𑐶𑐎𑐵 𑑑𑑕, 𑐣𑐿𑐎𑐵𑐥

𑐏𑑅, 𑐖𑐶 𑐩𑐶𑐳𑐵 !
𑐳𑐸𑐫𑐵𑐐𑐸 𑐣𑑄 𑐥𑐿𑐟𑐺𑐎 𑐳𑐩𑑂𑐥𑐟𑐶 𑐩𑐏𑐸
𑐳𑐸𑐣𑐵𑐣𑑄 𑐫𑐵𑐫𑐵𑑅𑐠𑐾 𑐫𑐵𑐎𑐵𑐔𑑂𑐰𑐣𑐶𑐩𑑂𑐴 𑐣𑐶𑐬𑑂𑐖𑐷𑐰 𑐰𑐳𑑂𑐟𑐸 𑐩𑐏𑐸 𑑋
𑐳𑐴𑐫𑐵𑐫𑐾 𑐦𑐟𑑂𑐟𑐮𑐾 𑐳𑐴𑐫𑐵𑐫𑐾𑐐𑐸
𑐀𑐣𑑂𑐫𑐵𑐫 𑐀𑐟𑑂𑐫𑐵𑐔𑐵𑐬 𑐖𑐸𑐮𑐎𑐶
𑐩𑐶𑐳𑐵 𑐫𑐵𑐐𑐸 𑐩𑐾𑐐𑐸 𑐬𑐸𑐥 𑐏𑑅 𑐩𑐴𑐵𑐎𑐵𑐮𑐷 𑐢𑐵𑐬𑐞 𑐫𑐵𑐫𑐾𑐐𑐸 𑑋𑑋

𑐏𑑅, 𑐖𑐶 𑐩𑐶𑐳𑐵 !
𑐳𑐸𑐣𑐵𑐣𑑄 𑐢𑐂𑐠𑐾 𑐔𑑂𑐰𑐣𑐷𑐩𑑂𑐴 𑐥𑑂𑐬𑐵𑐞𑐴𑐷𑐣 𑐎𑐟𑐵𑑄𑐩𑐬𑐷 𑐩𑐏𑐸
𑐫𑑅𑐟𑐮𑑂𑐮𑐾 𑐩𑐵𑐫𑐵 𑐩𑐟𑐶𑐣𑐵 𑐫𑐵𑐫𑐾𑐐𑐸,
𑐩𑐫𑐮𑐎𑐶 𑐑𑐺𑐞𑐵 𑐟𑐶𑐬𑐳𑑂𑐎𑐵𑐬 𑐫𑐵𑐫𑐾𑐡𑐂𑐩𑐏𑐸
𑐳𑐩𑑂𑐩𑐵𑐣 𑐫𑐵𑐫𑐾 𑐩𑐦𑐹𑐳𑐵
𑐀𑐥𑐩𑐵𑐣 𑐣𑑄 𑐫𑐵𑐫𑐾𑐡𑐂𑐩𑐏𑐸
𑐳𑐸𑐫𑐵𑐣𑑄 𑐏𑐾𑐮𑐵𑑃𑐔𑐷 𑐩𑐏𑐸 𑐖𑐶
𑐫𑐵𑑅𑐫𑐵𑑅𑐠𑐾 𑐫𑐵𑐎𑐵𑑅 𑐔𑑂𑐰𑐣𑐶𑐩𑑂𑐴 𑐮𑑂𑐴𑐵𑑅𑐟𑐸𑐟𑐶 𑐩𑐡𑐸𑐩𑑂𑐴 𑐀𑐥𑐵𑑄𑐐 𑐩𑐏𑐸 𑑋𑑋

𑐏𑑅, 𑐖𑐶 𑐩𑐶𑐳𑐵 !
𑐮𑐎𑑂𑐲𑑂𑐩𑐷, 𑐳𑐬𑐳𑑂𑐰𑐟𑐷 𑐰 𑐡𑐸𑐬𑑂𑐐𑐵𑐫𑐵 𑐟𑐾𑐖𑐳𑑂𑐰𑐷 𑐱𑐎𑑂𑐟𑐶𑐬𑐸𑐥 𑐡𑐸
𑐊 ! 𑐩𑐹𑐬𑑂𑐏, 𑐩𑑂𑐴𑐳𑐶𑐎𑐾 𑐦𑐸𑐳𑐵 𑐖𑐷𑐰𑐣 𑐳𑐵𑐬 𑐖𑐸𑐂 𑐕𑑄𑐐𑐸

𑐏𑑅, 𑐖𑐶 𑐩𑐶𑐳𑐵 !
𑐳𑐸𑐫𑐵𑐐𑐸 𑐣𑑄 𑐥𑐿𑐟𑐺𑐎 𑐳𑐩𑑂𑐥𑐟𑐶 𑐩𑐏𑐸,
𑐏𑐴𑐾 𑐩𑐏𑐸, 𑐐𑐸𑐧𑐮𑐾𑑄 𑐖𑐸𑐂 𑐣𑑄 𑐩𑐏𑐸 𑑋𑑋

𑐔𑐶𑐣𑐵𑐏𑑃