𑐧𑐶𑐴𑐶𑐰𑐵𑑅 𑐳𑐣𑐶𑐮𑐫𑑂 𑐎𑐶𑐥𑐸𑐮𑐷 𑐳𑐸𑐐𑐩 𑐳𑑄𑐐𑐷𑐟 𑐧𑑂𑐰𑐖𑑂𑐫𑐵

𑐎𑐶𑐥𑐸𑐮𑐷 𑐳𑑄𑐐𑐷𑐟 𑐏𑑂𑐫𑐮𑐫𑑂 𑐀𑐟𑐶𑐎𑑄 𑐳𑐎𑑂𑐬𑐶𑐫 𑐬𑐸𑐥𑑄 𑐣𑑂𑐴𑑂𑐫𑑅𑐣𑐾 𑐰𑐫𑐵𑐔𑑂𑐰𑑄𑐐𑐸 𑐳𑐸𑐐𑐩 𑐳𑑄𑐐𑐷𑐟 𑐥𑐸𑐔𑑅𑐫𑐵 𑐐𑑂𑐰𑐳𑐵𑐮𑐫𑑂 𑐳𑐸𑐐𑐩 𑐳𑑄𑐐𑐷𑐟 𑐧𑑂𑐰𑐖𑑂𑐫𑐵 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋

𑐎𑐶𑐥𑐸𑐮𑐷 𑐣𑑂𑐴𑐫𑐐𑐵𑑄 𑐖𑐵𑐟𑑂𑐬𑐵𑐫𑐵 𑐮𑐳𑐟𑐵𑐫𑑂 𑐖𑐸𑐂𑐐𑐸 𑐄𑐐𑐸 𑐳𑐸𑐐𑐩 𑐳𑑄𑐐𑐷𑐟 𑐧𑑂𑐰𑐖𑑂𑐫𑐵𑐫𑐵 𑐣𑐶𑐐𑐹𑐐𑐸 𑐳𑑄𑐳𑑂𑐎𑐬𑐞 𑐎𑐶𑐥𑐹𑐫𑐵 𑑑 𑐰𑐜𑐵 𑐮𑐵𑐫𑐎𑐹 𑐟𑑂𑐰𑐵𑑅𑐫𑐵 𑐬𑐵𑐖 𑐡𑐧𑐸𑐮𑐷 𑐣𑐾.𑐳𑑄. 𑑑𑑑𑑔𑑓 𑐠𑐶𑑄𑐮𑐵𑐠𑑂𑐰 𑐀𑐳𑑂𑐟𑐩𑐶 (𑐩𑑄𑐳𑐷𑐬 𑑑𑑕 𑐐𑐟𑐾) 𑐧𑐶𑐴𑐶𑐰𑐵𑑅 𑐳𑐣𑐶𑐮𑐫𑐵 𑑔 𑐟𑐵 𑐂𑐮𑑄𑐣𑐶𑐳𑐾𑑄 𑐣𑑂𑐴𑑂𑐫𑐵𑐂𑐐𑐸 𑐖𑐵𑐣𑐎𑐵𑐬𑐷 𑐳𑐸𑐐𑐩 𑐳𑑄𑐐𑐷𑐟 𑐥𑐸𑐔𑑅𑐫𑐵 𑐣𑐵𑐫𑑅 𑐮𑐶𑐳𑐾𑑄 𑐣𑐵𑑄𑐖𑐵𑑅𑐩𑑂𑐴 𑐟𑐧𑐮𑐵𑐧𑐵𑐡𑐎 𑐣𑑂𑐴𑐸𑐔𑑂𑐕𑐾 𑐡𑐬𑑂𑐱𑐣𑑄 𑐣𑐾𑐰𑐵𑑅 𑐀𑐣𑐮𑐵𑐂𑐣𑐣𑑂𑐫𑐹𑐖𑐫𑐵𑐟 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐡𑐸 𑑋

𑐄𑐐𑐸 𑐳𑐸𑐐𑐩 𑐳𑑄𑐐𑐷𑐟 𑐧𑑂𑐰𑐖𑑂𑐫𑐵𑐫𑑂 𑐳𑐸𑐐𑐩 𑐳𑑄𑐐𑐷𑐟 𑐥𑐸𑐔𑑅𑐫𑐵 𑐡𑐸𑐖𑑅𑐥𑐶𑑄 𑐥𑑂𑐬𑐩𑐶𑐮𑐵 𑐩𑐴𑐬𑑂𑐖𑐣, 𑐀𑐩𑐬𑐮𑐵𑐮 𑐩𑐵𑐮𑐷, 𑐎𑐺𑐲𑑂𑐞𑐴𑐬𑐷 𑐩𑐴𑐬𑑂𑐖𑐣, 𑐳𑐵𑐣𑐸𑐎𑐸𑐩𑐵𑐬 𑐟𑐞𑑂𑐜𑐸𑐎𑐵𑐬, 𑐬𑐵𑐖𑐸 𑐩𑐴𑐬𑑂𑐖𑐣 𑐖𑑅, 𑐖𑑂𑐘𑐵𑐣𑐾𑐱𑑂𑐰𑐬 𑐩𑐴𑐬𑑂𑐖𑐣 𑐣𑐶𑐨𑐵𑑅, 𑐢𑑂𑐬𑐸𑐰𑐎𑐸𑐩𑐵𑐬 𑐩𑐴𑐬𑑂𑐖𑐣𑐥𑐶𑐣𑐶𑐐𑐸 𑐳𑐵𑑄𑐐𑐶𑐟𑐶𑐎 𑐧𑑂𑐰𑐖𑑂𑐫𑐵𑐫𑐵 𑐮𑐶𑐳𑐾𑐮𑐶𑐳𑐾𑑄 𑐎𑐶𑐥𑐹 𑐡𑐸𑐣𑐾𑐫𑐵 𑐣𑐵𑑄𑐖𑐵𑑅𑐥𑐶𑑄 𑐰 𑐣𑑂𑐴𑐹𑐥𑑂𑐬𑐟𑐶𑐨𑐵 𑐳𑑄𑐐𑐷𑐟𑐎𑑅𑐩𑐶𑐥𑐶𑐣𑐶𑐐𑐸 𑐳𑐵𑑄𑐐𑐶𑐟𑐶𑐎 𑐧𑑂𑐰𑐖𑑂𑐫𑐵 𑐖𑐸𑐂𑐐𑐸 𑐖𑐵𑐣𑐎𑐵𑐬𑐷 𑐣𑑄 𑐣𑐵𑐫𑑅 𑐡𑐬𑑂𑐱𑐣𑑄 𑐧𑐶𑐫𑐵𑐡𑐷𑐐𑐸 𑐡𑐸 𑑋

𑐣𑐵𑐫𑑅 𑐡𑐬𑑂𑐱𑐣𑑄 𑐧𑐶𑐫𑐵𑐡𑐷𑐐𑐸 𑐖𑐵𑐣𑐎𑐵𑐬𑐷 𑐎𑐠𑑄 𑐎𑐶𑐥𑐹𑐫𑐵 𑐣𑐵𑑄𑐖𑐵𑑅𑐥𑐶𑑄 𑐰 𑐮𑑀𑐎𑑄𑐴𑑂𑐰𑐵𑑅𑐥𑐶𑑄 𑐳𑑄𑐐𑐷𑐟𑐎𑑅𑐩𑐶𑐥𑐶𑑄 𑐬𑐶𑐟𑐵 𑐩𑐴𑐬𑑂𑐖𑐣, 𑐬𑐟𑑂𑐣𑐱𑑀𑐨𑐵 𑐩𑐴𑐬𑑂𑐖𑐣, 𑐡𑐶𑐥𑐵 𑐩𑐴𑐬𑑂𑐖𑐣, 𑐴𑐬𑐶𑐱𑐬𑐞 𑐳𑐵𑐫𑐩𑐶, 𑐳𑐟𑐷𑐱 𑐩𑐴𑐬𑑂𑐖𑐣, 𑐩𑐠𑐸𑐬𑐵 𑐩𑐴𑐬𑑂𑐖𑐣, 𑐳𑐸𑐰𑐶𑐣 𑐱𑑂𑐬𑐾𑐲𑑂𑐛, 𑐬𑐵𑐣𑐷𑐱𑑀𑐨𑐵 𑐩𑐴𑐬𑑂𑐖𑐣, 𑐬𑐵𑐖𑐾𑐱 𑐩𑐴𑐬𑑂𑐖𑐣, 𑐣𑐵𑐬𑐵𑐫𑐞𑐡𑐾𑐰𑐷 𑐩𑐴𑐬𑑂𑐖𑐣, 𑐀𑐰𑐶𑐎 𑐱𑐶𑐰𑐵𑐎𑑀𑐚𑐷, 𑐀𑐳𑑂𑐩𑐶𑐟𑐵 𑐣𑐾𑐥𑐵𑐮𑐷𑐫𑐵 𑐮𑐶𑐳𑐾𑑄 𑐮𑐶𑐳𑐾𑑄 𑐰𑐶𑐩𑐮𑐵 𑐩𑐴𑐬𑑂𑐖𑐣, 𑐩𑐴𑐾𑐱𑐬𑐵𑐩 𑐩𑐴𑐬𑑂𑐖𑐣𑐥𑐶𑐣𑐶𑐐𑐸 𑐳𑐵𑑄𑐐𑐶𑐟𑐶𑐎 𑐧𑑂𑐰𑐖𑑂𑐫𑐵 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋

𑐀𑐠𑐾𑐴𑐾, 𑐄𑐐𑐸 𑐳𑐸𑐐𑐩 𑐳𑑄𑐐𑐷𑐟 𑐧𑑂𑐰𑐖𑑂𑐫𑐵𑐫𑑂 𑐎𑐷𑐬𑑂𑐟𑐶𑐥𑐸𑐬 𑐳𑐶𑑄𑐐𑐶𑐒 𑐁𑐂𑐜𑐮 𑑑𑑑𑑔𑑒 𑐫𑐵 𑐎𑐷𑐬𑑂𑐟𑐶𑐥𑐸𑐬 𑐳𑐶𑑄𑐐𑐶𑐒 𑐁𑐂𑐜𑐮𑐥𑐶𑑄 𑐥𑑂𑐬𑐱𑐵𑐣𑑂𑐟 𑐳𑐸𑐰𑐾𑐡𑐷, 𑐖𑑀𑐣 𑐩𑐴𑐬𑑂𑐖𑐣, 𑐊𑐎𑐟𑐵 𑐩𑐴𑐬𑑂𑐖𑐣, 𑐳𑐸𑐡𑐾𑐱 𑐩𑐴𑐬𑑂𑐖𑐣𑐶𑐶𑐣𑐐𑐸 𑐳𑐵𑑄𑐐𑐶𑐟𑐶𑐎 𑐧𑑂𑐰𑐖𑑂𑐫𑐵 𑐖𑐸𑐳𑐵 𑐴𑐸𑐮𑐵𑐥𑑂𑐫𑐵𑐏𑑄 𑐏𑑂𑐫𑐮𑐫𑑂 𑐧𑐶𑐳𑑂𑐎𑑄 𑐥𑐴𑑅 𑐡𑐸𑐩𑑂𑐴 𑐎𑐶𑐥𑐹𑐫𑐵 𑐡𑐶𑐥𑐩𑐵𑐮𑐵 𑐩𑐴𑐬𑑂𑐖𑐣𑐫𑐵 𑐰𑐶𑐱𑐾𑐲 𑐴𑐸𑐮𑐵𑐥𑑂𑐫𑐵𑐏𑑄 𑐧𑑂𑐰𑐖𑑂𑐫𑐵 𑐖𑐸𑐂𑐐𑐸 𑐖𑐵𑐣𑐎𑐵𑐬𑐷 𑐣𑑄 𑐐𑑂𑐰𑐳𑐵𑑅 𑐏𑐮𑑅 𑐳𑐸𑐐𑐩 𑐳𑑄𑐐𑐷𑐟 𑐥𑐸𑐔𑐮𑑄 𑐧𑑂𑐫𑐹𑐐𑐸 𑐡𑐸 𑑋

𑐀𑐠𑐾𑐴𑐾, 𑐄𑐐𑐸 𑐳𑐸𑐐𑐩 𑐳𑑄𑐐𑐷𑐟 𑐧𑑂𑐰𑐖𑑂𑐫𑐵𑐫𑑂 𑐟𑐧𑐮𑐵 𑐳𑑀𑐮𑑀 𑐮𑐶𑐳𑐾𑑄 𑐳𑐵𑐬𑑄𑐐𑐷 𑐰 𑐧𑐵𑑃𑐳𑐸𑐬𑐷𑐫𑐵 𑐩𑐶𑐱𑑂𑐬𑐞 𑐢𑐹𑐣 𑐧𑑂𑐰𑐖𑑂𑐫𑐵 𑐖𑐸𑐂𑐐𑐸 𑐖𑐵𑐣𑐎𑐵𑐬𑐷 𑐣𑑄 𑐐𑑂𑐰𑐳𑐵𑑅 𑐏𑐮𑐎𑑄 𑐧𑑂𑐫𑐹𑐐𑐸 𑐡𑐸 𑑋

Video/Music