𑐊𑐳𑐃𑐃 𑐮𑐶𑐔𑑂𑐰𑑅–𑐔𑑂𑐰𑐫𑑂𑐫𑐵 𑐐𑑂𑐬𑐾𑐜 𑐴𑐫𑐵𑑅 𑐥𑐵𑐳 𑐖𑐹𑐥𑐶𑑄 𑐀𑐥𑑂𑐰𑐮

𑐠𑐸𑐐𑐸 𑐡𑑃𑐫𑐵 𑐊𑐳𑐃𑐃 𑐮𑐶𑐔𑑂𑐰𑑅 𑐩𑑂𑐴𑐶𑐐𑑅 𑐳𑐵𑐬𑑂𑐰𑐖𑐣𑐶𑐎 𑐖𑐸𑐮 𑑋 𑐥𑐬𑐷𑐎𑑂𑐲𑐵 𑐧𑑀𑐬𑑂𑐜𑑄 𑐠𑑁𑑄 𑐖𑐎 𑐮𑐶𑐔𑑂𑐰𑑅 𑐳𑐵𑐬𑑂𑐰𑐖𑐣𑐶𑐎 𑐫𑐵𑐫𑐾𑐐𑐸 𑐟𑐵𑑅 𑐟𑐫𑐵𑐟𑑅𑐐𑐸 𑐏𑑅𑐳𑐵𑑄 𑐩𑑂𑐴𑐶𑐐𑑅 𑐴𑐾 𑐳𑐵𑐬𑑂𑐰𑐖𑐣𑐶𑐎 𑐫𑐵𑑅𑐐𑐸 𑐏𑑅 𑑋
𑐠𑐸𑐐𑐸𑐳𑐷𑐫𑐵 𑐣𑐟𑐶𑐖𑐵𑐫𑑂 𑐠𑐐𑐸𑐣𑐾 𑐎𑑀𑐬𑑀𑐣𑐵𑐫𑐵 𑐎𑐵𑐬𑐞𑑄 𑐧𑐵𑑄𑐮𑐵𑐎 𑐧𑑂𑐰𑐣𑐾 𑐩𑐏𑑄𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐳𑑄 𑐳𑑂𑐰𑐫𑐵𑑄 𑐧𑐵𑑄𑐮𑐵𑑅𑐐𑐸 𑐮𑐶𑐔𑑂𑐰𑑅 𑐴𑑅𑐐𑐸 𑐡𑐸 𑑋 𑐮𑐶𑐔𑑂𑐰𑑅 𑐧𑐵𑑄𑐮𑐵𑑅𑐐𑐸 𑐎𑐵𑐬𑐞𑑄 𑐠𑐸𑐐𑐸𑐳𑐷 𑐔𑑂𑐰𑐫𑑂𑐫𑐵 𑐐𑑂𑐬𑐾𑐜 𑐴𑐫𑐵𑑅 𑐥𑐵𑐳 𑐖𑐹𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐮𑑂𑐫𑐵𑑅 𑐫𑐎𑑂𑐰 𑐥𑐶𑐴𑐵𑑄 𑐰𑑅𑐐𑐸 𑐡𑐸 𑑋

𑐠𑐸𑐐𑐸𑐳𑐷 𑑓.𑑖𑑐 𑐖𑐷𑐥𑐷𑐊𑐣𑐶𑐳𑐾𑑄 𑑔 𑐟𑐎 𑐴𑑅𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂 𑐮𑑂𑐫𑐵𑑅 𑑒𑑒 𑐴𑐖𑐵𑐬 𑑔𑑗𑑕 𑐩𑑂𑐴 𑐠𑑂𑐫𑑄𑐐𑐸 𑐡𑐸 𑑋 𑐠𑑂𑐰 𑐢𑐂𑐐𑐸 𑐎𑐸𑐮 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑑔.𑑖𑑓 𑐥𑑂𑐬𑐟𑐶𑐱𑐟 𑐏𑑅 𑑋 𑐠𑐐𑐸𑐣𑐾 𑐠𑐸𑐮𑐶 𑐖𑐷𑐥𑐷𑐊 𑐴𑐫𑐵𑑅 𑐥𑐵𑐳 𑐖𑐹𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐮𑑂𑐫𑐵𑑅 𑑑.𑑙𑑔 𑐥𑑂𑐬𑐟𑐶𑐱𑐟 𑐖𑐎 𑐡𑐸𑐐𑐸 𑐏𑑅 𑑋

𑐀𑐠𑐾 𑐴𑐾 𑐖𑐷𑐥𑐷𑐊 𑑓.𑑒𑑐 𑐣𑐶𑐳𑐾𑑄 𑑓.𑑖𑑐 𑐟𑐎 𑐴𑑅𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐮𑑂𑐫𑐵𑑅 𑑕𑑕 𑐴𑐖𑐵𑐬 𑑖𑑙 𑐩𑑂𑐴 𑐠𑑂𑐫𑑄𑐐𑐸 𑐡𑐸 𑑋 𑐠𑑂𑐰 𑐢𑐂𑐐𑐸 𑐎𑐸𑐮 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑑑𑑑.𑑓𑑖 𑐥𑑂𑐬𑐟𑐶𑐱𑐟 𑐏𑑅 𑑋 𑐠𑐐𑐸𑐣𑐾 𑐠𑐸𑐮𑐶 𑐖𑐷𑐥𑐷𑐊 𑐴𑐫𑐵𑑅 𑐥𑐵𑐳 𑐖𑐹𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐮𑑂𑐫𑐵𑑅 𑑘.𑑔𑑐 𑐥𑑂𑐬𑐟𑐶𑐱𑐟 𑐡𑐸𑐐𑐸 𑐏𑑅 𑑋

𑐄𑐎𑐠𑑄 𑐴𑐾 𑐖𑐷𑐥𑐷𑐊 𑑒.𑑘𑑐 𑐣𑐶𑐳𑐾𑑄 𑑓.𑑒𑑐 𑐟𑐎 𑐴𑑅𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐮𑑂𑐫𑐵𑑅 𑑗𑑒 𑐴𑐖𑐵𑐬 𑑓𑑖𑑒 𑐩𑑂𑐴 𑐠𑑂𑐫𑑄𑐐𑐸 𑐡𑐸 𑑋 𑐠𑑂𑐰 𑐢𑐂𑐐𑐸 𑐎𑐸𑐮 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑑑𑑔.𑑙𑑒 𑐥𑑂𑐬𑐟𑐶𑐱𑐟 𑐏𑑅 𑑋 𑐠𑐐𑐸𑐣𑐾 𑐠𑐸𑐮𑐶 𑐖𑐷𑐥𑐷𑐊 𑐴𑐫𑐵𑑅 𑐥𑐵𑐳 𑐖𑐹𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐮𑑂𑐫𑐵𑑅 𑑑𑑔.𑑑𑑙 𑐥𑑂𑐬𑐟𑐶𑐱𑐟 𑐡𑐸𑐐𑐸 𑐏𑑅 𑑋

𑐖𑐷𑐥𑐷𑐊 𑑒.𑑔𑑐 𑐣𑐶𑐳𑐾𑑄 𑑒.𑑘𑑐 𑐟𑐎 𑐴𑑅𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐮𑑂𑐫𑐵𑑅 𑑘𑑙 𑐴𑐖𑐵𑐬 𑑓𑑓𑑑 𑐀𑐬𑑂𑐠𑐵𑐟 𑑑𑑘.𑑔𑑒 𑐥𑑂𑐬𑐟𑐶𑐱𑐟 𑐠𑑂𑐫𑑄𑐐𑐸 𑐡𑐸 𑑋 𑐠𑐐𑐸𑐣𑐾 𑐠𑐸𑐮𑐶 𑐖𑐷𑐥𑐷𑐊 𑐴𑑅𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐮𑑂𑐫𑐵𑑅 𑑑𑑘.𑑓𑑑 𑐥𑑂𑐬𑐟𑐶𑐱𑐟 𑐡𑐸𑐐𑐸 𑐏𑑅 𑑋
𑐀𑐠𑐾 𑐴𑐾 𑐖𑐷𑐥𑐷𑐊 𑑒 𑐣𑐶𑐳𑐾𑑄 𑑒.𑑔𑑐 𑐟𑐴 𑑅𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐮𑑂𑐫𑐵𑑅 𑑒𑑒 𑐴𑐖𑐵𑐬 𑑙𑑓 𑐩𑑂𑐴 𑐠𑑂𑐫𑑄𑐐𑐸 𑐡𑐸 𑑋 𑐠𑑂𑐰 𑐢𑐂𑐐𑐸 𑐎𑐸𑐮𑐶 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑑒𑑑.𑑐𑑙 𑐥𑑂𑐬𑐟𑐶𑐱𑐟 𑐡𑐸𑐳𑐵 𑐠𑐐𑐸𑐣𑐾 𑐠𑐸𑐮𑐶 𑐖𑐷𑐥𑐷𑐊 𑐴𑑅𑐥𑐶𑑄 𑑒𑑓 𑐥𑑂𑐬𑐟𑐶𑐱𑐟 𑐡𑐸𑐐𑐸 𑐏𑑅 𑑋

𑐖𑐷𑐥𑐷𑐊 𑑑.𑑖𑑐 𑐣𑐶𑐳𑐾𑑄 𑑒 𑐟𑐎 𑐴𑑅𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐮𑑂𑐫𑐵𑑅 𑐠𑐸𑐐𑐸𑐳𑐷 𑑘𑑘 𑐴𑐖𑐵𑐬 𑑔𑑔𑑗 𑐩𑑂𑐴 𑐀𑐬𑑂𑐠𑐵𑐟 𑑑𑑘.𑑒𑑔 𑐥𑑂𑐬𑐟𑐶𑐱𑐟 𑐠𑑂𑐫𑑄𑐐𑐸 𑐡𑐸 𑑋 𑐠𑐐𑐸𑐣𑐾 𑐠𑐸𑐮𑐶 𑐖𑐷𑐥𑐷𑐊 𑐴𑑅𑐥𑐶𑐣𑐶 𑐮𑑂𑐫𑐵𑑅 𑑒𑑐.𑑓𑑐 𑐥𑑂𑐬𑐟𑐶𑐱𑐟 𑐡𑐸𑐐𑐸 𑐏𑑅 𑑋
𑐖𑐷𑐥𑐷𑐊 𑑑.𑑒𑑐 𑐣𑐶𑐳𑐾𑑄 𑑑.𑑖𑑐 𑐟𑐎 𑐴𑑅𑐥𑐶𑑄 𑑓𑑗 𑐴𑐖𑐵𑐬 𑑗𑑗𑑗 𑐩𑑂𑐴 𑐠𑑂𑐫𑑄𑐐𑐸 𑐡𑐸 𑑋 𑐠𑑂𑐰 𑐢𑐂𑐐𑐸 𑑗.𑑙𑑙 𑐥𑑂𑐬𑐟𑐶𑐱𑐟 𑐏𑑅 𑑋 𑐠𑐐𑐸𑐣𑐾 𑐠𑑂𑐰 𑐮𑑂𑐫𑐵𑑅 𑑙 𑐥𑑂𑐬𑐟𑐶𑐱𑐟 𑐡𑐸𑐐𑐸 𑐏𑑅 𑑋 𑑐.𑑘𑑐 𑐣𑐶𑐳𑐾𑑄 𑑑.𑑒𑑐 𑐐𑑂𑐬𑐾𑐜 𑐴𑑅𑐥𑐶𑑄 𑑒𑑒 𑐴𑐖𑐵𑐬 𑐀𑐬𑑂𑐠𑐵𑐟 𑑐.𑑔𑑕 𑐥𑑂𑐬𑐟𑐶𑐱𑐟 𑐡𑐸 𑑋 𑐠𑐐𑐸𑐣𑐾 𑐠𑑂𑐰 𑐮𑑂𑐫𑐵𑑅 𑑐.𑑔𑑕 𑐥𑑂𑐬𑐟𑐶𑐱𑐟 𑐡𑐸𑐐𑐸 𑐏𑑅 𑑋

𑐠𑑂𑐰 𑐮𑑂𑐫𑐵𑐏𑑄 𑐠𑐐𑐸𑐣𑐾𑐫𑐵 𑐟𑐸𑐮𑐣𑐵𑐫𑑂 𑐎𑑂𑐰𑐫𑑂 𑐳𑑂𑐰𑐫𑐵𑑄 𑐔𑑂𑐰𑐫𑑂𑐫𑐵 𑐐𑑂𑐬𑐾𑐜 𑐴𑐫𑐵𑑅 𑐥𑐵𑐳 𑐖𑐹𑐥𑐶𑑄 𑐀𑐥𑑂𑐰𑑅𑐐𑐸 𑐏𑐣𑐾𑐡𑐸 𑑋