𑐎𑐰𑐶𑐟𑐵𑐫𑐵𑐟 𑐎𑐫𑐵 𑐡𑐸𑐰𑐵𑐮𑐵

𑐫𑐾𑑃 – 𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑑂𑐫𑐵 𑐐𑑂𑐰𑐳𑐵𑐮𑐫𑑂 𑐔𑐶𑐣𑐵𑐏𑑃𑐫𑑂 𑐡𑐂𑐐𑐸 𑐟𑐟𑑂𑐰 𑐰 𑐄𑐎𑐶𑐫𑐵 𑐥𑑂𑐬𑐨𑐵𑐰𑐎𑐵𑐬𑐶𑐟𑐵𑐫𑐵𑐟 𑐎𑐫𑐵𑑅 𑐕𑐐𑐹 𑐀𑐣𑑂𑐟𑐬𑐎𑑂𑐬𑐶𑐫𑐵 𑐣𑐵𑐥𑑄 𑐔𑐶𑐣𑐵𑐏𑑃 𑐣𑑂𑐫𑑄𑐎𑐾𑐐𑐸 𑐖𑑂𑐫𑐵 𑐖𑐸𑐮 𑑋𑐣𑐾𑐥𑐵𑑅 𑐰𑐫𑐵𑐔𑑂𑐰𑑄𑐩𑑂𑐴 𑐀𑐩𑐾𑐬𑐶𑐎𑐷 𑐎𑐰𑐫𑐶𑐟𑑂𑐬𑐷 𑐰𑐶𑐮𑐵 𑐳𑐾𑐣𑐾𑐧𑐬𑑂𑐐𑐫𑐵 𑐥𑑂𑐬𑐩𑐏𑐸 𑐁𑐟𑐶𑐠𑑂𑐫𑐟𑐵𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐎𑐰𑐶𑐟𑐵𑐫𑐵 𑐳𑑄𑐬𑐔𑐣𑐵𑐫𑐵𑐟 𑐎𑐫𑐵𑑅 𑐳𑐴𑐮𑐴 𑐖𑐹𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐎𑐰𑐫𑐶𑐟𑑂𑐬𑐷 𑐳𑐾𑐣𑐾𑐧𑐬𑑂𑐐𑑄 𑐎𑐰𑐶𑐟𑐵𑐫𑐵 𑐠𑐵𑐳𑐵 𑐰 𑐳𑐩𑑂𑐥𑑂𑐬𑐾𑐲𑐞𑐫𑐵 𑐏𑑃𑐫𑑂 𑐣𑐰𑐵𑐳𑐾𑑄 𑐀𑐣𑐸𑐨𑐹𑐟𑐶𑐫𑐵𑐟 𑐣𑑂𑐴𑑂𑐫𑐧𑑂𑐰𑐫𑐾𑐐𑐸 𑐏𑑃𑐫𑑂 𑐎𑐰𑐶𑐥𑐶𑑄 𑐳𑐔𑐾𑐟 𑐖𑐸𑐂𑐩𑐵𑐐𑐸 𑐏𑑃 𑐎𑐣𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐎𑐰𑐫𑐶𑐟𑑂𑐬𑐷 𑐰𑐶𑐮𑐵𑐫𑐵 𑐣𑐵𑐥𑑄 𑐎𑐰𑐶𑐥𑐶𑑄 𑐫𑑀𑐐𑐾𑐣𑑂𑐡𑑂𑐬 𑐥𑑂𑐬𑐢𑐵𑐣, 𑐰𑑄𑐱𑐷 𑐱𑑂𑐬𑐾𑐲𑑂𑐛, 𑐜𑐵. 𑐎𑐾𑐱𑐰𑐩𑐵𑐣 𑐱𑐵𑐎𑑂𑐫, 𑐣𑐰𑐶𑐣 𑐔𑐶𑐟𑑂𑐬𑐎𑐵𑐬, 𑐥𑐸𑐲𑑂𑐥𑐬𑐟𑑂𑐣 𑐟𑐸𑐮𑐵𑐢𑐬, 𑐥𑑂𑐬𑐟𑐶𑐳𑐬𑐵 𑐳𑐵𑐫𑑂𑐩𑐷, 𑐳𑐸𑐡𑐣 𑐏𑐸𑐳𑑅, 𑐳𑐸𑐮𑑀𑐔𑐣𑐵 𑐩𑐵𑐣𑐣𑑂𑐢𑐬, 𑐥𑐸𑐲𑑂𑐥𑐬𑐵𑐖 𑐬𑐵𑐖𑐎𑐬𑑂𑐞𑐶𑐎𑐵𑐬, 𑐱𑑂𑐬𑐷𑐬𑐵𑐩 𑐱𑑂𑐬𑐾𑐲𑑂𑐛, 𑐳𑐸𑐢𑐷𑐬 𑐏𑑂𑐰𑐧𑐶, 𑐬𑐖𑐣𑐷 𑐩𑐶𑐮𑐵, 𑐱𑐵𑐎𑑂𑐫 𑐳𑐸𑐬𑐾𑐣, 𑐨𑐐𑐟𑐡𑐵𑐳 𑐱𑑂𑐬𑐾𑐲𑑂𑐛 𑐰 𑐣𑐵𑐬𑐡 𑐰𑐖𑑂𑐬𑐵𑐔𑐵𑐬𑑂𑐫𑐥𑐶𑑄𑐳𑑄 𑐠𑑅𑐠𑑅𑐐𑐸 𑐎𑐰𑐶𑐟𑐵 𑐧𑑂𑐰𑐣𑐵 𑐣𑑂𑐫𑑄𑐎𑐹𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑑅 𑐥𑐬𑐶𑐲𑐡𑑂𑐫𑐵 𑐣𑐵𑐫𑑅 𑐳𑐸𑐰𑐬𑑂𑐞 𑐱𑐵𑐎𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐏𑑅 𑑋