‘𑐔𑐷𑐣 𑐄𑐔𑑂𑐔𑐱𑐶𑐎𑑂𑐲𑐵 𑐀𑐢𑑂𑐫𑐫𑐣’ 𑐥𑑂𑐬𑐡𑐬𑑂𑐱𑐣𑐷

𑐫𑐾𑑃𑐫𑐵 𑐴𑐫𑐵𑐟 𑐴𑑀𑐚𑐾𑐮𑐫𑑂 𑐔𑐷𑐣𑐶𑐫𑐵 𑐕𑐵𑐟𑑂𑐬𑐰𑐺𑐟𑑂𑐟𑐶 𑐥𑐬𑐶𑐲𑐡𑑂 𑐰 𑐣𑐾𑐥𑐵𑑅𑐳𑑂𑐠𑐶𑐟 𑐔𑐷𑐣𑐶𑐫𑐵 𑐬𑐵𑐖𑐡𑐹𑐟𑐵𑐰𑐵𑐳𑐫𑐵 𑐩𑑄𑐎𑐵𑑅 𑐐𑑂𑐰𑐳𑐵𑐮𑐫𑑂 𑐩𑐶𑐟𑑂𑐬𑐬𑐵𑐲𑑂𑐚𑑂𑐬 𑐔𑐷𑐣𑐫𑐵 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐮𑐫𑑂 𑐄𑐔𑑂𑐔𑐱𑐶𑐎𑑂𑐲𑐵 𑐧𑑂𑐰𑐣𑐾𑐐𑐸÷ 𑐧𑑂𑐰𑑄𑐰𑐣𑐾𑐐𑐸𑐫𑐵 𑐣𑐶𑑄𑐟𑐶 𑐖𑐵𑐣𑐎𑐵𑐬𑐷 𑐧𑐷𑐎𑐠𑑄 ‘𑐔𑐷𑐣 𑐄𑐔𑑂𑐔𑐱𑐶𑐎𑑂𑐲𑐵 𑐀𑐢𑑂𑐫𑐫𑐣’ 𑐥𑑂𑐬𑐡𑐬𑑂𑐱𑐣𑐷 𑐖𑐸𑐮 𑑋

𑐖𑑂𑐫𑐵𑐗𑑂𑐰𑑅𑐫𑐵 𑐄𑐮𑐾𑐖𑑂𑐫𑐵 𑐫𑐵𑐳𑐾𑑄 𑐩𑐹𑐥𑐵𑐴𑐵𑑄 𑐄𑐥𑐥𑑂𑐬𑐢𑐵𑐣 𑐟𑐠𑐵 𑐥𑐬𑐬𑐵𑐲𑑂𑐚𑑂𑐬𑐩𑐣𑑂𑐟𑑂𑐬𑐷 𑐣𑐵𑐬𑐵𑐫𑐞𑐎𑐵𑐖𑐷 𑐱𑑂𑐬𑐾𑐲𑑂𑐛𑑄 𑐔𑐷𑐣 𑐰 𑐣𑐾𑐥𑐵𑑅 𑐡𑐠𑐸𑐂 𑐎𑑂𑐰𑐵𑐟𑐹𑐐𑐸 𑐳𑐩𑑂𑐧𑐣𑑂𑐢 𑐡𑐸𑐐𑐸 𑐰 𑐁𑐢𑐸𑐣𑐶𑐎 𑐔𑐷𑐣𑐫𑐵 𑐰𑐶𑐎𑐵𑐳𑐫𑐵 𑐮𑐵𑐐𑐶 𑐰𑐶𑐖𑑂𑐘𑐵𑐣 𑐰 𑐥𑑂𑐬𑐰𑐶𑐢𑐶𑐂 𑐔𑐷𑐣𑑄 𑐴𑐵𑐳𑐶𑐮 𑐫𑐵𑑅𑐐𑐸 𑐄𑐣𑑂𑐣𑐟𑐶 𑐳𑐷𑐎𑐾𑐟 𑐳𑐫𑐾𑐎𑐾𑐟 𑐣𑐾𑐥𑐵𑐮𑐷 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑑄𑐟 𑐔𑐷𑐣𑑄 𑐫𑐎𑑂𑐰 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐏𑑃 𑐢𑐫𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐥𑐵𑑅𑐫𑐵 𑐮𑐵𑐐𑐶 𑐔𑐷𑐣𑐶𑐫𑐵 𑐬𑐵𑐖𑐡𑐹𑐟 𑐕𑐣 𑐳𑑀𑐒𑑂𑐐𑑄 𑐰𑐶𑐱𑑂𑐰𑐫𑑂 𑐰𑐶𑐖𑑂𑐘𑐵𑐣 𑐀𑐢𑑂𑐫𑐫𑐣𑐫𑐵𑐮𑐵𑐐𑐶 𑐔𑐷𑐣 𑐀𑐐𑑂𑐬𑐞𑐷 𑐩𑐸𑐮𑐸𑐎𑐫𑐵 𑐬𑐸𑐥𑐫𑑂 𑐰𑐶𑐎𑐳𑐶𑐟 𑐖𑐸𑐫𑐵𑐔𑑂𑐰𑑄𑐐𑐸 𑐏𑑃 𑐣𑑂𑐴𑑂𑐫𑐠𑑃𑐳𑐾 𑐔𑐷𑐣𑐫𑑂 𑐀𑐢𑑂𑐫𑐫𑐣 𑐫𑐵𑐣𑐵𑑅 𑐮𑐶𑐴𑐵𑑄𑐰𑑅𑐥𑐶𑑄 𑐣𑐾𑐥𑐵𑑅𑐩𑐶𑐟 𑐣𑐾𑐥𑐵𑐮𑐫𑑂 𑐰𑐶𑐖𑑂𑐘 𑐰 𑐰𑐶𑐡𑑂𑐰𑐵𑐣𑐫𑐵 𑐬𑐸𑐥𑐫𑑂 𑐖𑑂𑐫𑐵 𑐫𑐵𑐣𑐵𑐔𑑂𑐰𑑄𑐐𑐸 𑐏𑐣𑐵𑑄 𑐠𑑅 𑐮𑐫𑑂𑐟𑐵𑑅𑐐𑐸 𑐏𑑃 𑐢𑐫𑐵𑐡𑐶𑐮 𑑋

𑐄𑐐𑐸 𑐥𑑂𑐬𑐡𑐬𑑂𑐱𑐣𑐷𑐂 𑐔𑐷𑐣𑐫𑐵 𑐣𑐵𑑄𑐖𑐵𑐐𑐸 𑐳𑑂𑐰𑐷𑐕𑐐𑐹 𑐠𑐷𑐠𑐷 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑑄 𑐠𑑅𑐠𑑅𑐐𑐸 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐰𑐶𑐲𑐾𑐱𑐟𑐵 𑐰 𑐀𑐣𑐫𑐵 𑐀𑐢𑑂𑐫𑐫𑐣 𑐀𑐢𑑂𑐫𑐵𑐥𑐣𑐫𑐵 𑐧𑐵𑐬𑐾 𑐀𑐰𑐮𑑀𑐎𑐣𑐎𑐬𑑂𑐟𑐵𑐟𑐫𑑂𑐟 𑐖𑐵𑐣𑐎𑐵𑐬𑐷 𑐧𑐷𑐐𑐸 𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋