𑐡𑑀𑐮𑑂𑐏𑐵𑐫𑐵 𑐣𑐾𑐰𑐵𑑅𑐟𑐫𑑂𑐟 𑐫𑐾𑑃𑐫𑐵 𑐨𑐵𑐲𑐵 𑐥𑑂𑐬𑐱𑐶𑐎𑑂𑐲𑐞

𑐫𑐾𑑃- 𑐣𑐾𑐥𑐵𑑅 𑐡𑐾𑐫𑑂 𑐡𑐧𑐹𑐥𑐵𑐏𑐾𑑄 𑐡𑑀𑐮𑑂𑐏𑐵𑑄 𑐫𑐾𑑃 𑐰𑐫𑐵𑑅 𑐔𑑂𑐰𑐣𑐵𑐔𑑂𑐰𑑄𑐥𑐶𑑄 𑐣𑐾𑐰𑐵𑑅 𑐳𑐩𑐸𑐡𑐵𑐫𑐫𑐵𑐟 𑐮𑐎𑑂𑐲𑐶𑐟 𑐫𑐵𑐣𑐵𑑅 𑐣𑐾𑐥𑐵𑐮𑐨𑐵𑐲𑐵 𑐎𑐎𑑂𑐲𑐵 𑐳𑑄𑐔𑐵𑐮𑐣 𑐫𑐵𑑅𑐐𑐸 𑐡𑐸 𑑋 𑐰𑐶𑐡𑑂𑐫𑐵𑐬𑑂𑐠𑐷 𑐰 𑐠𑐷𑐠𑐷 𑐥𑐾𑐱𑐵𑐫𑑂 𑐳𑑄𑐮𑐐𑑂𑐣 𑐫𑐾𑑃𑐫𑑂 𑐔𑑂𑐰𑐣𑐵𑐔𑑂𑐰𑑄𑐥𑐶𑑄 𑐡𑑀𑐮𑑂𑐏𑐵𑐫𑐵 𑐣𑐾𑐰𑐵𑑅𑐟𑐫𑑂𑐟 𑐮𑐎𑑂𑐲𑐶𑐟 𑐫𑐵𑐣𑐵𑑅 𑐡𑐾𑐫𑑂 𑐡𑐧𑐹𑐫𑐵 𑐠𑑅𑐐𑐸 𑐴𑐾 𑐖𑑂𑐫𑐵𑐎𑐸𑐠𑐶𑐂 𑐄𑐐𑐸 𑐎𑐎𑑂𑐲𑐵 𑐳𑑄𑐔𑐵𑐮𑐣 𑐫𑐵𑑅𑐐𑐸 𑐏𑑅 𑑋

𑐨𑐵𑐲𑐵 𑐥𑑂𑐬𑐱𑐶𑐎𑑂𑐲𑐞 𑐄𑐮𑐾𑐖𑑂𑐫𑐵 𑐫𑐵𑐳𑐾𑑄 𑐡𑐾𑐫𑑂 𑐡𑐧𑐹𑐫𑐵 𑐩𑐹𑐕𑑂𑐫𑐵𑐘𑑂𑐖𑐾 𑐩𑐵𑐂𑐮𑐵𑐧𑐵𑐧𑐸 𑐡𑑂𑐫𑑅𑐮𑐵𑑄 𑐠𑑅 𑐩𑑂𑐰𑐵𑐣𑐵𑐔𑑂𑐰𑐣𑐵 𑐢𑐂𑐐𑐸 𑐥𑑂𑐬𑐩𑐵𑐞 𑐴𑐾 𑐳𑑄𑐳𑑂𑐎𑐺𑐟𑐶 𑐏𑑅 𑐢𑐵𑐳𑐾𑑄 𑐥𑑂𑐬𑐱𑐶𑐎𑑂𑐲𑐞 𑐣𑐾𑐰𑐵𑑅 𑐨𑐵𑐫𑑂 𑐳𑐫𑐾𑐎𑐾𑐐𑐸 𑐣𑐵𑐥𑑄 𑐳𑑄𑐳𑑂𑐎𑐺𑐟𑐶 𑐣𑑄 𑐠𑐸𑐂𑐎𑐾𑐟 𑐐𑑂𑐰𑐵𑐴𑐵𑐮𑐶 𑐖𑐸𑐂𑐐𑐸 𑐰𑐶𑐱𑑂𑐰𑐵𑐳 𑐥𑑂𑐰𑑄𑐎𑐵𑐡𑐶𑐮 𑑋

𑐨𑐵𑐲𑐵 𑐥𑑂𑐬𑐱𑐶𑐎𑑂𑐲𑐎 𑐎𑐺𑐲𑑂𑐞 𑐥𑑂𑐬𑐖𑐵𑐥𑐟𑐶𑑄 𑐡𑐾𑐫𑑂𑐫𑐵 𑐠𑐷𑐠𑐷 𑐠𑐵𑐳𑐫𑑂 𑐠𑐩𑑂𑐴𑑄 𑐧𑐶𑐫𑐵𑐐𑐸 𑐨𑐵𑐲𑐵 𑐥𑑂𑐬𑐱𑐶𑐎𑑂𑐲𑐞𑐫𑐵 𑐀𑐣𑐸𑐨𑐰 𑐣𑑂𑐫𑑄𑐎𑐵𑐡𑐶𑐳𑐾𑑄 𑐡𑑀𑐮𑑂𑐏𑐵𑐫𑐵 𑐣𑐾𑐰𑐵𑑅𑐟 𑐫𑐾𑑃𑐫𑑂 𑐴𑐾 𑐰𑐫𑐵𑑅 𑐨𑐵𑐲𑐵, 𑐖𑐵𑐟𑐶 𑐰 𑐳𑑄𑐳𑑂𑐎𑐺𑐟𑐶 𑐧𑐵𑐬𑐾 𑐳𑐫𑐾𑐎𑐾𑐐𑐸 𑐎𑐸𑐟𑑅 𑐫𑐵𑑅𑐐𑐸 𑐔𑑂𑐰𑐕𑐵𑐫𑐾𑐧𑐴𑐖𑐹 𑐢𑐫𑐵𑐡𑐶𑐮 𑑋