𑐨𑐵𑐲𑐵 𑐰 𑐐𑐞𑐶𑐟, 𑐰𑐶𑐖𑑂𑐘𑐵𑐣 𑐕𑐠𑐵𑐫𑑂 𑐩𑐟𑐫𑐾𑐟 𑐱𑐶𑐎𑑂𑐲𑐵𑐩𑐣𑑂𑐟𑑂𑐬𑐷𑐫𑐵𑐟 𑐢𑑂𑐫𑐵𑐣𑐵𑐎𑐬𑑂𑐲𑐞 𑐫𑐵𑐎𑐮

𑐱𑐶𑐎𑑂𑐲𑐵𑐩𑐣𑑂𑐟𑑂𑐬𑐷 𑐰𑐶𑐡𑑂𑐫𑐵 𑐀𑐢𑐶𑐎𑐵𑐬𑐷𑐫𑐵𑐟 𑐔𑑂𑐫𑐵𑐐𑐹 𑐟𑐐𑐶𑑄𑐣𑐶𑐳𑐾𑑄 𑐗𑐶𑐐𑐹 𑐟𑐐𑐶𑑄𑐟𑐎 𑐋𑐔𑑂𑐕𑐶𑐎 𑐰𑐶𑐲𑐫 𑐎𑐠𑑄𑐨𑐵𑐲𑐵𑐣𑐵𑐥 𑐐𑐞𑐶𑐟, 𑐰𑐶𑐖𑑂𑐘𑐵𑐣 𑐰𑐶𑐲𑐫 𑐕𑐠𑐵𑐫𑑂 𑐩𑐟𑐫𑐾𑐟 𑐢𑑂𑐫𑐵𑐣𑐵𑐎𑐬𑑂𑐲𑐞 𑐫𑐵𑐎𑐹𑐐𑐸 𑐡𑐸 𑑋

𑐣𑐾𑐰𑐵𑑅 𑐣𑑂𑐴𑑂𑐫𑐮𑐸𑐰𑐵𑑅 𑐩𑐮𑑂𑐮 𑐎𑐾 𑐳𑐸𑐣𑑂𑐡𑐬𑐫𑐵 𑐣𑐾𑐟𑐺𑐟𑑂𑐰𑐫𑑂 𑐩𑑂𑐴𑐶𑐐𑑅 𑐩𑑄𑐐𑐮𑐰𑐵𑑅 𑐱𑐶𑐎𑑂𑐲𑐵𑐩𑐣𑑂𑐟𑑂𑐬𑐷 𑐀𑐢𑐶𑐎𑐵𑐬𑐷𑐫𑐵𑐟 𑐣𑐵𑐥𑐮𑐵𑐣𑐵𑑅 𑐠𑐠𑐾 𑐨𑐵𑐲𑐵𑐣𑐵𑐥 𑐐𑐞𑐶𑐟 𑐰 𑐰𑐶𑐖𑑂𑐘𑐵𑐣𑐫𑐵𑐟 𑐋𑐔𑑂𑐕𑐶𑐎 𑐎𑐠𑑄 𑐟𑐫𑐵𑐟𑑅𑐐𑐸𑐮𑐶𑑄 𑐨𑐵𑐲𑐵 𑐎𑐫𑐵𑑅 𑐧𑑂𑐰𑐣𑐷𑐥𑐶𑐣𑐶𑐐𑐸 𑐮𑑂𑐫𑐵𑑅 𑐩𑑂𑐴𑑀 𑐖𑐹𑐐𑐸 𑐰 𑐠𑐸𑐎𑐶𑐫𑐵𑐣𑐵𑑅 𑐨𑐵𑐲𑐵𑐫𑐵 𑐄𑐟𑑂𑐠𑐵𑐣 𑐖𑐸𑐂𑐐𑐸 𑐖𑑂𑐫𑐵𑐫𑑂𑐥𑑄𑐐𑑅 𑐖𑐹𑐐𑐸 𑐏𑑃 𑐣𑑂𑐴𑑂𑐫𑐠𑑄𑐳𑐾𑑄 𑐨𑐵𑐲𑐵𑐣𑐵𑐥 𑐋𑐔𑑂𑐕𑐶𑐎 𑐰𑐶𑐲𑐫 𑐨𑐵𑐲𑐵 𑐴𑐾 𑐖𑐸𑐂𑐩𑐵𑑅𑐐𑐸 𑐢𑐵𑐳𑐾𑑄 𑐠𑐠𑐾 𑐢𑑂𑐫𑐵𑐣𑐵𑐎𑐬𑑂𑐲𑐞 𑐥𑑁 𑐮𑑅𑐮𑑂𑐴𑐵𑑅𑐐𑐸 𑐡𑐸 𑑋

𑐣𑐾𑐥𑐵𑐮𑐨𑐵𑐲𑐵𑐫𑐵 𑐋𑐔𑑂𑐕𑐶𑐎 𑐰𑐶𑐲𑐫 𑐩𑐾𑐐𑐸 𑐐𑐸𑐐𑐸 𑐣𑑄 𑐨𑐵𑐲𑐵 𑐟𑐫𑐾𑐩𑐵𑑅𑐐𑐸 𑐢𑐵𑐳𑐾𑑄 𑐳𑑄𑐑𑐷𑐫 𑐰𑑂𑐫𑐰𑐳𑑂𑐠𑐵 𑐖𑐸𑐂𑐢𑐸𑑄𑐎𑐵𑑅 𑐐𑐸𑐐𑐸 𑐥𑑂𑐬𑐡𑐾𑐱𑐫𑑂 𑐕𑐸 𑐖𑐵𑐟𑐶𑐫𑐵 𑐨𑐵𑐲𑐵 𑐧𑐵𑐴𑐸𑐮𑑂𑐫𑐟𑐵 𑐡𑐸 𑐄𑐐𑐸 𑐨𑐵𑐲𑐵𑐫𑐵𑐟 𑐥𑑂𑐬𑐵𑐠𑐩𑐶𑐎𑐟𑐵 𑐧𑐶𑐫𑐵𑑅 𑐥𑐵𑐛𑑂𑐫𑐎𑑂𑐬𑐩𑐫𑐵 𑐰𑑂𑐫𑐰𑐳𑑂𑐠𑐵 𑐩𑐶𑐮𑐾𑐫𑐵𑐫𑐾𑐩𑐵𑑅𑐐𑐸 𑐰𑐶𑐔𑐵𑑅 𑐥𑑂𑐰𑑄𑐎𑐹𑐐𑐸 𑐏𑑅 𑑋

𑐩𑐣𑑂𑐟𑑂𑐬𑐷 𑐀𑐢𑐶𑐎𑐵𑐬𑐷𑑄 𑐢𑑂𑐫𑐵𑐣𑐵𑐎𑐬𑑂𑐲𑐞 𑐥𑑁 𑐮𑑅𑐮𑑂𑐴𑐵𑐣𑐵𑑅 𑐎𑐵𑐳𑐾𑑄 𑐠𑑂𑐰 𑐳𑐩𑑂𑐧𑐣𑑂𑐢𑐫𑑂 𑐠𑑅𑐥𑐶𑑄 𑐳𑐎𑐵𑐬𑐵𑐟𑑂𑐩𑐎 𑐡𑐹𑐐𑐸 𑐢𑐵𑐳𑐾𑑄 𑐫𑐵𑐎𑐣𑑄 𑐴𑐾 𑐥𑐵𑐛𑑂𑐫𑐎𑑂𑐬𑐩𑐫𑐵 𑐣𑑂𑐴𑐹𑐐𑐸 𑐟𑐫𑐵𑐬𑐷 𑐫𑐵𑐫𑐾𑐟𑑂𑐫𑑄𑐐𑐸 𑐖𑐵𑐣𑐎𑐵𑐬𑐷 𑐧𑐶𑐳𑐾𑑄 𑐨𑐵𑐲𑐵𑐣𑐵𑐥 𑐨𑐵𑐲𑐵 𑐴𑐾𑐋𑐔𑑂𑐕𑐶𑐎 𑐰𑐶𑐲𑐫 𑐫𑐵𑐫𑐾𑐐𑐸 𑐣𑐶𑐟𑐶𑑄 𑐳𑐩𑑂𑐧𑐣𑑂𑐢𑐶𑐟 𑐣𑐶𑐎𑐵𑐫𑐫𑐵𑐟 𑐣𑐶𑐬𑑂𑐡𑐾𑐱𑐣 𑐧𑐶𑐂𑐐𑐸 𑐧𑐔𑑄 𑐧𑐶𑐫𑐵𑐡𑐷𑐐𑐸 𑐏𑑅 𑑋

𑐠𑐠𑐾 𑐩𑐣𑑂𑐟𑑂𑐬𑐷𑐫𑐵𑐟 𑐢𑑂𑐫𑐵𑐣𑐵𑐎𑐬𑑂𑐲𑐞 𑐥𑑁 𑐮𑑅𑐮𑑂𑐴𑐵𑐫𑐾𑐐𑐸 𑐣𑐶𑐟𑐶𑑄 𑐣𑑂𑐴𑐹𑐡𑑃 𑐳𑐩𑐵𑐬𑑀𑐴 𑐳𑐩𑐶𑐟𑐶𑐫𑐵 𑐥𑐸𑐮𑐵𑑄𑐩𑑂𑐴 𑐣𑐵𑐫𑑅 𑐥𑑂𑐬𑐵.𑐜𑐵. 𑐣𑐬𑐾𑐱𑐩𑐵𑐣 𑐧𑐖𑑂𑐬𑐵𑐔𑐵𑐬𑑂𑐫, 𑐣𑐾𑐰𑐵𑑅 𑐰𑐳𑑂𑐟𑐷 𑐣𑐾𑐰𑐵𑑅 𑐳𑑂𑐎𑐹𑐮 𑐀𑐨𑐶𑐫𑐵𑐣𑐫𑐵 𑐎𑐖𑐶 𑐡𑐷𑐥𑐎 𑐟𑐸𑐮𑐵𑐢𑐬, 𑐨𑐵𑐲𑐶𑐎 𑐀𑐨𑐶𑐫𑐣𑑂𑐟𑐵 𑐰𑐶𑐲𑑂𑐞𑐸 𑐔𑐶𑐟𑑂𑐬𑐎𑐵𑐬, 𑐰𑐶𑐡𑑂𑐫𑐵 𑐔𑐶𑐟𑑂𑐬𑐎𑐵𑐬, 𑐳𑐸𑐖𑐷𑐰 𑐧𑐖𑑂𑐬𑐵𑐔𑐵𑐬𑑂𑐫, 𑐱𑑂𑐬𑐷𑐎𑐺𑐲𑑂𑐞 𑐩𑐵𑐣𑐣𑑂𑐢𑐬𑐥𑐶𑑄 𑐗𑐵𑑅𑐐𑐸 𑐏𑑅 𑑋