𑐩𑑀𑐟𑐶𑐮𑐵𑐣𑐷 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐟

𑐣𑐾𑐥𑐵𑐮 𑐳𑑄𑐰𑐟𑑂 𑑑𑑑𑑔𑑑, 𑑔𑑒 𑐰 𑑔𑑓 𑐫𑐵 𑐩𑑀𑐟𑐶𑐮𑐵𑐣𑐷 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑑅𑐐𑐸 𑐡𑐸 𑑋 𑐠𑐸𑐐𑐸 𑐡𑑃𑐫𑑂 𑐊𑐳𑐂𑐂, 𑐧𑐶𑐊 𑐰 𑐊𑐩𑐊𑐫𑑂 𑐣𑐾𑐥𑐵𑐮𑐨𑐵𑐲𑐵𑐫𑑂 𑐄𑐟𑑂𑐎𑐺𑐲𑑂𑐚 𑐖𑐹𑐥𑐶𑑄 𑐰𑐶𑐡𑑂𑐫𑐵𑐠𑐥𑐶𑑄𑐟 𑐡𑐵𑑄 𑐳𑐶𑐬𑐥𑐵𑑅𑐳𑐴𑐶𑐟 𑐡𑐳𑐶𑐥𑑁 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋 𑐣𑐾.𑐳𑑄. 𑑑𑑑𑑔𑑑 𑐫𑑂 𑐊𑐳𑐂𑐂 𑐖𑐐𑐟𑐳𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶𑐫𑐵 𑐥𑐹𑐬𑑂𑐞𑐶𑐩𑐵 𑐟𑐸𑐮𑐵𑐢𑐬, 𑐧𑐶𑐊𑐫𑑂 𑐳𑑀𑐩𑐷 𑐜𑑄𑐐𑑀𑐮, 𑐊𑐩𑐊𑐫𑑂 𑐬𑐵𑐎𑐾𑐱𑐩𑐵𑐣 𑐩𑐵𑐳𑑂𑐎𑐾 𑐄𑐟𑑂𑐎𑐺𑐲𑑂𑐚 𑐖𑐹𑐐𑐸 𑐏𑑅𑐳𑐵 𑐣𑐾.𑐳𑑄. 𑑑𑑑𑑔𑑒 𑐂 𑐊𑐳𑐂𑐂 𑐁𑐬𑑂𑐡𑐱 𑐩𑐵𑐰𑐶 𑐠𑐶𑐩𑐶𑐫𑐵 𑐣𑐶𑐎𑐾𑐱 𑐧𑐳𑐷 𑐱𑑂𑐬𑐾𑐲𑑂𑐛 𑐰 𑐊𑐩𑐊𑐫𑑂 𑐀𑐣𑐶𑐮 𑐳𑑂𑐠𑐵𑐥𑐶𑐟 𑐄𑐟𑑂𑐎𑐺𑐲𑑂𑐚 𑐖𑐹𑐐𑐸 𑐏𑑅 𑑋 𑐀𑐠𑐾𑐴𑐾 𑐣𑐾.𑐳𑑄𑑄 𑑑𑑑𑑔𑑓 𑐫𑑂 𑐊𑐳𑐃𑐂 𑐖𑐐𑐟𑐳𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶𑐫𑐵 𑐬𑐰𑐶𑐣𑐵 𑐱𑑂𑐬𑐾𑐲𑑂𑐛 𑐄𑐟𑑂𑐎𑐺𑐲𑑂𑐚 𑐖𑐹𑐐𑐸 𑐏𑑅 𑑋

𑐄𑐟𑑂𑐎𑐺𑐲𑑂𑐚 𑐖𑐹𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑑄𑐟 𑐩𑐹𑐥𑐵𑐴𑐵𑑃 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑐸𑐮𑐵𑑄𑐩𑑂𑐴 𑐩𑐾𑐫𑐬 𑐰𑐶𑐡𑑂𑐫𑐵𑐳𑐸𑐣𑑂𑐡𑐬 𑐱𑐵𑐎𑑂𑐫 𑐰 𑐰𑐶𑐱𑐾𑐲 𑐥𑐵𑐴𑐵𑑃 𑐣𑐾𑐥𑐵𑐮𑐨𑐵𑐲𑐵 𑐎𑐾𑐣𑑂𑐡𑑂𑐬𑐷𑐫 𑐰𑐶𑐨𑐵𑐐𑐫𑐵 𑐥𑑂𑐬𑐩𑐸𑐏 𑐳𑐴 𑐥𑑂𑐬𑐵. 𑐬𑐵𑐖𑐣𑐮𑐵𑐮 𑐖𑑀𑐱𑐷𑑄 𑐡𑐳𑐶𑐥𑑁, 𑐩𑑀𑐟𑐶𑐮𑐵𑐣𑐶 𑐳𑐶𑐬𑐥𑐵𑑅𑐫𑐵 𑐀𑐢𑑂𑐫𑐎𑑂𑐲 𑐥𑑂𑐬𑐵. 𑐥𑑂𑐬𑐾𑐩𑐱𑐵𑐣𑑂𑐟𑐶 𑐟𑐸𑐮𑐵𑐢𑐬𑑄 𑐳𑑂𑐰𑐵𑑄, 𑐳𑐬𑑀𑐖 𑐟𑐸𑐮𑐵𑐢𑐬𑑄 𑐩𑐟𑐶𑐣𑐵𑐫𑐵 𑐔𑐶𑑄 𑐰 𑐳𑐶𑐬𑐥𑐵 𑐡𑐵𑐟𑐵 𑐩𑑀𑐟𑐶𑐮𑐵𑐣𑐷 𑐟𑐵𑐩𑑂𑐬𑐵𑐎𑐵𑐬𑐫𑐵 𑐟𑑅𑐢𑐶𑐎𑑅𑐩𑑂𑐴 𑐩𑑂𑐴𑑂𑐫𑐵𑐫𑑂 𑐳𑐷𑐟𑐵 𑐟𑐵𑐩𑑂𑐬𑐵𑐎𑐵𑐬𑑄 𑐡𑐵𑑄 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋

𑐥𑑂𑐬𑐵. 𑐟𑐺𑐸𑐮𑐵𑐢𑐬𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑃 𑐮𑐶𑐳𑐾𑑄 𑐥𑐵𑐴𑐵𑑃𑐥𑐶𑑄𑐳𑑄 𑐩𑐡𑐸𑐩𑑂𑐴 𑐟𑐵𑐩𑑂𑐬𑐵𑐎𑐵𑐬𑐫𑐵 𑐎𑐶𑐥𑐵𑐫𑑂 𑐳𑑂𑐰𑐵𑑄𑐩𑐵𑑅 𑐡𑐾𑐕𑐵𑐳𑐾𑑄 𑐱𑑂𑐬𑐡𑑂𑐢𑐵𑐘𑑂𑐖𑐮𑐷 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅𑐳𑐵 𑐳𑐶𑐬𑐥𑐵 𑐳𑐩𑐶𑐟𑐶𑐫𑐵 𑐳𑑂𑐠𑐵𑐥𑐣𑐵𑐎𑐵𑐮𑑄𑐣𑐶𑐳𑐾𑑄 𑐡𑐵𑑄𑐨𑐬𑐶 𑐖𑐸𑐫𑐵𑑅 𑐖𑑂𑐫𑐵 𑐫𑐵𑐣𑐵𑐡𑐷𑐩𑑂𑐴 𑐩𑐡𑐸𑐩𑑂𑐴 𑐎𑐬𑐸𑐞𑐵𑐩𑐵𑐣 𑐱𑐵𑐎𑑂𑐫𑐫𑐵 𑐮𑐸𑐩𑑄𑐟𑐶 𑐕𑐐𑐹 𑐩𑐶𑐣𑐾𑐚 𑐩𑑁𑐣 𑐢𑐵𑐬𑐞 𑐫𑐵𑑅𑐐𑐸 𑐏𑑅 𑑋

𑐡𑐶𑐰𑑂𑐫𑐵 𑐟𑐵𑐩𑑂𑐬𑐵𑐎𑐵𑐬𑑄 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐬𑐩𑐶𑐟𑐵 𑐰𑐖𑑂𑐬𑐵𑐔𑐵𑐬𑑂𑐫𑑄 𑐳𑐶𑐬𑐥𑐵𑑅 𑐡𑐵𑐟𑐵 𑐩𑑀𑐟𑐶𑐮𑐵𑐣𑐷 𑐟𑐵𑐩𑑂𑐬𑐵𑐎𑐵𑐬𑐫𑐵 𑐩𑑂𑐴𑐳𑐷𑐎𑐵 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅 𑑋 𑐀𑐠𑐾𑐴𑐾 𑐟𑐵𑐩𑑂𑐬𑐵𑐎𑐵𑐬𑐫𑐵 𑐔𑐷𑐢𑐶𑐎𑑅𑐩𑑂𑐴 𑐩𑑂𑐴𑑂𑐫𑐵𑐫𑑂 𑐰 𑐳𑐶𑐬𑐥𑐵𑑅𑐫𑐵 𑐳𑑄𑐬𑐎𑑂𑐲𑐎 𑐳𑐬𑑀𑐖 𑐟𑐸𑐮𑐵𑐢𑐬𑑄 𑐳𑐸𑐨𑐵𑐫𑑂 𑐡𑐾𑐕𑐵𑐫𑐵𑐡𑐷𑐐𑐸 𑐏𑑅 𑑋