Skip to content

14 March, 2025

Home
About
Privacy Policy
Terms and Conditions
Contact Us

हाम्रो स्कूल-HamroSchool

News & Views From Nepal

Home
𑐣𑐾𑐥𑐵𑐮 𑐨𑐵𑐲𑐵
Articles
News
HelpORG
Books
Videos/Musics

Search for:

Home » 𑐫𑐾𑑃𑐫𑐵 𑐟𑑅𑐖𑐶𑐐𑐸 𑐣𑐏𑑅 𑐥𑐵𑐴𑐵𑑄𑐔𑑅𑐴𑑂𑐬𑐾

𑐫𑐾𑑃𑐫𑐵 𑐟𑑅𑐖𑐶𑐐𑐸 𑐣𑐏𑑅 𑐥𑐵𑐴𑐵𑑄𑐔𑑅𑐴𑑂𑐬𑐾

pahan chahre — 𑐜𑐵.𑐔𑐸𑐞𑑂𑐜𑐵 𑐧𑐖𑑂𑐬𑐵𑐔𑐵𑐬𑑂‍𑐫
𑐣𑐾𑐰𑐵𑑅𑐟𑐫𑑂 𑐴𑐣𑐾𑐐𑐸 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐟𑐟𑑅𑐢𑑄𑐐𑐸 𑐣𑐏𑑅 𑐩𑐢𑑂𑐫𑐫𑑂 𑐥𑐵𑐴𑐵𑑄𑐔𑑅¥𑐴𑐾 𑐕𑐐𑐹 𑐣𑑄 𑐏𑑅 𑑋 𑐥𑐵𑐴𑐵𑑄𑐔𑑅¥𑐫𑐾 𑐣𑐏𑑅 𑐣𑐾𑐰𑐵𑑅𑐟 𑐳𑐎𑐳𑐶𑐣𑑄 𑐴𑐣𑐾𑐐𑐸 𑐫𑐵𑐫𑐾𑐐𑐸 𑐫𑐵𑑅𑐳𑐵 𑐠𑑂𑐰 𑐣𑐏𑑅 𑐰𑐶𑐱𑐾𑐲 𑐫𑐵𑐣𑐵 𑐫𑐾𑑄 (𑐡𑐾) 𑐔𑑂𑐰𑑄𑐥𑐶𑑄 𑐣𑐾𑐰𑐵𑑅𑐟𑐫𑑂𑐳𑑄 𑐟𑑅𑐖𑐶𑐎 𑐴𑐣𑐾𑐐𑐸 𑐔𑐮𑐣 𑐡𑐸 𑑋 𑐫𑐾𑑄 𑐡𑐸𑐣𑐾𑐫𑐵 𑐣𑐾𑐰𑐵𑑅 𑐟𑐫𑑂𑐣𑑄 𑐰𑐶𑐱𑐾𑐲 𑐫𑐵𑐣𑐵𑑅 𑐥𑐔𑐮𑐶 𑐨𑐿𑐬𑐧𑐫𑐵 𑐖𑐵𑐟𑑂𑐬𑐵 𑐟𑑅𑐖𑐶𑐎 𑐴𑐣𑐷𑐐𑐸 𑐠𑐵𑐫𑑂 𑐎𑑂𑐰𑐣𑐾 𑐰 𑐮𑐸𑐟𑐶𑐩𑐬𑐸 𑐀𑐖𑐶𑐩𑐵𑐫𑐵 𑐖𑐵𑐟𑑂𑐬𑐵 𑐟𑑅𑐖𑐶𑐎 𑐴𑐣𑐷𑐐𑐸 𑐠𑐵𑐳𑐫𑑂 𑐔𑑂𑐰𑐥𑐶𑑄 𑐣𑐾𑐰𑐵𑐟𑐫𑑂 𑐥𑐵𑐴𑐵𑑄𑐔𑑅¥𑐴𑐾 𑐣𑐏𑑅 𑐴𑐣𑐾𑐐𑐸 𑐔𑐮𑐣 𑐩𑐡𑐸 𑑋 𑐄𑐐𑐸 𑐣𑐶𑐐𑐹 𑐖𑐵𑐟𑑂𑐬𑐵 𑐴𑐣𑐾 𑐩𑐵𑑅𑐥𑐶𑑄 𑐣𑐾𑐰𑐵𑑅𑐟𑐫𑑂𑐠𑐾 𑐴𑐣𑐾𑐐𑐸 𑐔𑐮𑐣 𑐩𑐡𑐸 𑑋 𑐥𑐵𑐴𑐵𑑄𑐔𑐴𑐾 𑐣𑐏𑑅 𑐟𑐖𑐶𑐎 𑐴𑐣𑐾𑐐𑐸 𑐢𑐫𑐵𑐐𑐸 𑐴𑐾 𑐫𑐾𑑃𑐫𑐵 𑐣𑐾𑐰𑐵 𑐟𑐫𑐾𑐟 𑐪𑐳𑐶𑐎𑐾𑐐𑐸 𑐏𑑅 𑑋
𑐥𑐵𑐴𑐵𑑄𑐔𑑅¥𑐴𑐾 𑐴𑐣𑐾𑐐𑐸
𑐥𑐵𑐴𑐵𑑄𑐔𑑅¥𑐴𑐾 𑐢𑐎𑐵 𑐔𑐿𑐟𑑂𑐬 𑐎𑐺𑐲𑑂𑐞 𑐔𑐟𑐸𑐬𑑂‍𑐡𑐱𑐷 𑐎𑐸𑐤𑐸 𑐴𑐣𑐷𑐐𑐸 𑐣𑐏𑑅 𑐏𑑅 𑑋 𑐠𑑂𑐰 𑐣𑐏𑑅 𑐎𑐸𑐤𑐸 𑐩𑐾𑐩𑐾𑐐𑐸 𑐣𑐏𑑅 𑐔𑐏𑑅𑐰𑐮𑐫𑑂 𑐠𑐾𑑄 𑐳𑐸𑐔𑐶 𑐣𑐶𑐫𑐩 𑐫𑐵𑐫𑐾𑐠𑐾𑑄 𑐠𑑂𑐰 𑐣𑐏𑑅 𑐴𑐣𑐾𑐟 𑐣𑑄 𑐰𑑄 𑐠𑐶𑐮𑐵𑑅 𑐩𑑂𑐰𑑅𑐩𑐶 𑐯𑐸𑐫𑐵𑑅 𑐳𑐸𑐔𑐶 𑐣𑐶𑐫𑐩 𑐫𑐵𑐫𑐾𑐩𑐵𑑅 𑑋 𑐠𑑂𑐰 𑐣𑐏𑑅 𑐎𑐸𑐤𑐹 𑐰𑐶𑐱𑐾𑐲 𑐫𑐵𑐣𑐵𑑅 𑐟𑑂𑐰𑐵𑑅 𑐟𑑂𑐰𑐵𑐮𑐫𑑂, 𑐠𑐵𑐫𑑂 𑐠𑐵𑐳𑐫𑑂 𑐔𑑂𑐰𑑄𑐐𑐸 𑐰𑐵 𑐦𑑀𑐴𑐬𑐐𑐸 𑐠𑐵𑐳𑐫𑑂 𑐟𑑅𑐮𑐫𑑂 𑐡𑐸𑐪 𑐮𑐸𑐎𑐸𑐩𑐵𑑅𑐡𑑂𑐫𑑅𑐫𑐵𑐟 𑐥𑐹𑐖𑐵 𑐫𑐵𑐣𑐵 𑐴𑐣𑐷𑐐𑐸 𑐣𑐏𑑅 𑐏𑑅 𑑋 𑐠𑑂𑐰 𑐣𑐏𑑅𑐫𑐵 𑐥𑑂𑐫𑐤𑐸 𑐤𑑂𑐫𑑀 𑐩𑐶𑐖𑑄 𑐩𑐔𑐵𑐟𑐫𑑂𑐳𑑄 𑐳𑐵𑑅𑐐𑐵𑑅 𑐰𑐵 𑐔𑐵𑑄 𑐟𑑂𑐰𑐥𑐸𑐫𑐵 𑐟𑑅𑐐𑐸 𑐮𑐸𑐎𑐩𑐵𑑅 𑐡𑑂𑐫𑑅𑐫𑐵𑐟 𑐪𑐸𑐫𑐵𑑅 𑐮𑐸𑐎𑐸𑐩𑐵𑑅𑐐𑐵𑑅 𑐳𑐸𑐔𑐸𑐥𑐶𑐔𑐸 𑐫𑐵𑐫𑐾𑐐𑐸 𑐫𑐵𑐂 𑑋 𑐥𑑂𑐫𑐤𑐸 𑐮𑐶𑐥𑐵 𑐀𑐬𑑂‍𑐠𑐵𑐟 𑐔𑐿𑐟𑑂𑐬 𑐎𑐺𑐲𑑂𑐞 𑐔𑐟𑐸𑐬𑑂‍𑐡𑐱𑐷 𑐎𑐸𑐤𑐸 𑐮𑐸𑐎𑐸𑐩𑐵𑑅 𑐐𑐵𑐮𑐫𑑂 𑐧𑑃 𑐠𑐶𑐮𑐵𑑅 𑐣𑐷𑐳𑐷 𑐫𑐵𑐫𑐾𑐐𑐸 𑐫𑐵𑐂 𑑋 𑐮𑐸𑐎𑐩𑐵𑐡𑑂𑐫𑑅𑐫𑐵 𑐐𑐵𑑅 𑐳𑐸𑐣𑐵𑑄 𑐪𑐸𑐮 𑐰𑐴𑐾𑑄 𑐮𑐸𑐎𑐸𑐩𑐵 𑐐𑐵𑐮𑐫𑑂 𑐧𑑃 𑐂𑐮𑐾𑐐𑐸 𑐖𑑂𑐫𑐵 𑐫𑐵𑐂 𑑋 𑐠𑐠𑐾 𑐐𑐵𑑅 𑐏𑐣𑐵𑑅 𑐳𑐸𑐣𑐵𑑄 𑐳𑐦𑐵 𑐫𑐵𑐫𑐾𑐐𑐸 𑐫𑐵𑐂 𑐰𑐴𑐾 𑐩𑐶𑐖𑑄𑐩𑐔𑐵 𑐥𑐵𑐴𑐵𑑄𑐔𑐴𑐾𑐫𑐵 𑐮𑐸𑐎𑐸𑐩𑐵𑐡𑑂𑐫𑑅𑐫𑐵 𑐥𑐵𑐮𑐵 𑐖𑐸𑐂 𑑋 𑐮𑐸𑐎𑐸𑐩𑐵𑑅𑐡𑑂𑐫 𑐳𑐸𑐮𑐵 𑐔𑑂𑐰𑑄𑐪 𑐡𑑂𑐫𑑅 𑐖𑐹𑐐𑐸𑐮𑐶 𑐠𑑂𑐰 𑐡𑑂𑐫𑑅𑐫𑐵𑐟 𑐧𑐴𑐣𑐷 𑐳𑐣𑑂𑐢𑐫𑐵𑐎𑐵𑑅 𑐃 𑐣𑐶𑐳𑐾𑑄 𑐟𑑂𑐰𑐵𑑅 𑐖𑑅𑐕𑐶𑐫𑐵 𑐩𑐣𑐸𑐟𑐫𑑂𑐳𑑄 𑐕𑐾𑑃𑐫𑑂 𑐨𑑂𑐰𑐫𑑂 𑐖𑑂𑐰𑐬𑐾 𑐫𑐵𑐣𑐵𑑅 𑐨𑑂𑐰𑐫𑑂 𑐕𑐵𑐣𑐵𑐵𑑅 𑐥𑐹𑐖𑐵 𑐫𑐵𑑅 𑐰𑐫𑐾𑐐𑐸 𑐫𑐵𑐂 𑑋 𑐥𑐵𑐴𑐵𑑄𑐔𑑅¥𑐴𑐾 𑐧𑐮𑐫𑑂 𑐩𑐾𑐩𑐾𑐥𑐶𑑄 𑐡𑑂𑐫𑑅𑐥𑐶𑐣𑑂𑐟 𑐳𑐸𑐠𑐫𑑂 𑐥𑐹𑐖𑐵 𑐫𑐵𑐫𑐾𑐐𑐸 𑐫𑐵𑑅𑐳𑐵 𑐮𑐸𑐎𑐸𑐩𑐵𑑅 𑐡𑑂𑐫𑑅𑐫𑐵𑐟 𑐧𑐴𑐣𑐷 𑐳𑐣𑑂𑐢𑑂𑐫𑐵𑐎𑐮 𑐣𑐶𑐳𑐾𑑄 𑐥𑐹𑐖𑐵 𑐫𑐵𑐫𑐾𑐐𑐸 𑐫𑐵𑐂 𑑋 𑐥𑐵𑐴𑐵𑑄𑐔𑑅¥𑐴𑐾 𑐎𑐸𑐤𑐸 𑐮𑐸𑐎𑐸𑐩𑐵𑑅𑐡𑑂𑐫𑑅𑐫𑐵 𑐣𑐵𑐥𑐣𑐵𑐥𑑄 𑐠𑐵𑐫𑑂 𑐠𑐵𑐳𑐫𑑂 𑐔𑑂𑐰𑑄𑐐𑐸 𑐥𑐷𑐛 𑐰𑐵 𑐀𑐖𑐶𑐩𑐵𑐥𑐶𑐣𑑂𑐟 𑐥𑐹𑐖𑐵 𑐫𑐵𑐫𑐾𑐐𑐸𑐫𑐵 𑐣𑐵𑐥𑐣𑐵𑐥𑑄 𑐐𑐞𑐾𑐱, 𑐎𑐸𑐩𑐵𑐬 𑐎𑐸𑐩𑐵𑐬𑐷 𑐣𑑄 𑐥𑐹𑐖𑐵 𑐫𑐵𑐫𑐾𑐐𑐸 𑐫𑐵𑐂 𑑋 𑐠𑑂𑐰 𑐡𑐶𑐣𑐫𑑂 𑐤𑑂𑐫𑐵𑐪 𑐴𑐾 𑐡𑑂𑐫𑑅𑐡𑑂𑐫𑑅𑐥𑐶𑑄𑐣𑑂𑐟 𑐥𑐹𑐖𑐵 𑐢𑐫𑐵𑐐𑐸 𑐫𑐵𑑅𑐳𑐵𑑄 𑐣𑑄 𑐰𑐶𑐱𑐾𑐲 𑐥𑐹𑐖𑐵 𑐮𑐸𑐎𑐸𑐩𑐵𑑅𑐡𑑂𑐫𑑅 𑐥𑐶𑐣𑑂𑐟 𑐥𑐹𑐖𑐵 𑐢𑐫𑐵𑐐𑐸 𑐫𑐵𑑅𑐳𑐵 𑐣𑑄 𑐰𑐶𑐱𑐾𑐲 𑐥𑐹𑐖𑐵 𑐮𑐸𑐎𑐸𑐩𑐵𑑅𑐡𑑂𑐫𑑅𑐫𑐵𑐟 𑐴𑐾 𑐏𑑅 𑑋 𑐮𑐸𑐎𑐸𑐩𑐵𑑅𑐡𑑂𑐫𑑅 𑐥𑐹𑐖𑐵 𑐫𑐵𑐂𑐧𑐮𑐫𑑂 𑐰𑐶𑐱𑐾𑐲 𑐫𑐵𑐣𑐵𑑅 𑐩𑐾𑐩𑐾𑐧𑐮𑐫𑑂 𑐠𑐾𑑄 𑐥𑐹𑐖𑐵 𑐳𑐵𑐩𑐵𑐣 𑐖𑐹𑐳𑐵𑑄 𑐮𑐸𑐎𑐸𑐩𑐵𑐡𑑂𑐫𑑅𑐫𑐵𑐟 𑐥𑐹𑐖𑐵 𑐫𑐵𑐂𑐧𑐮𑐫𑑂 𑐮𑐸𑑄𑐧𑐸𑑃 𑐰𑐴𑐧𑐸𑑃 𑐳𑑂𑐰𑐵𑑄 𑐟𑐫𑐵𑑅 𑐥𑐸𑐖𑐵 𑐫𑐵𑐫𑐾𑐐𑐸 𑐔𑐮𑐣 𑐡𑐸 𑑋 𑐮𑐸𑑃𑐧𑐸𑑃 𑐢𑐎𑐵𑑅 𑐟𑐸𑐎𑑄𑐩𑐵𑐫𑐵 𑐧𑐸𑑃 𑐰𑑂𑐴𑐫𑐵𑐔𑑂𑐰𑑄𑐐𑐸 𑐖𑐹𑐳𑐵 𑐰𑐴𑑅 𑐧𑐸𑑃 𑐢𑐎𑐵 𑐮𑐿𑑄𑐩𑐵𑐫𑐵 𑐧𑐸𑑃 𑐟𑐂 𑑋 𑐮𑐸𑑃𑐧𑐸𑑃𑐫𑐵𑐟 𑐮𑐸 𑐰 𑐰𑐴𑑅 𑐧𑐸𑑃𑐫𑐵𑐟 𑐰𑐴𑑅𑐫𑐵 𑐥𑑂𑐬𑐟𑐷𑐎 𑐢𑐎𑐵 𑐢𑐵𑐂𑐥𑐶𑑄 𑐣𑑄 𑐡𑐸 𑑋 𑐮𑐸𑐎𑐸𑐩𑐵𑑅𑐡𑑂𑐫𑑅 𑐥𑐹𑐖𑐵 𑐫𑐵𑐫𑐾 𑐢𑐸𑑄𑐎𑐵𑑅 𑐀𑐣 𑐡𑑂𑐫𑑅𑐫𑐵 𑐠𑐵𑐫𑑂 𑐔𑑂𑐫𑐵𑐎𑐵 𑐟𑑅𑐐𑐸 𑐩𑐔 𑐰𑐵 𑐡𑑂𑐫𑑅 𑐥𑐹𑐖𑐵 𑐫𑐵𑐣𑐵𑑅 𑐩𑐟𑑅 𑐧𑑂𑐫𑐹𑐐𑐸 𑐂𑐟𑐵𑐮𑐫𑑂 𑐔𑐩𑑂𑐔𑐵 𑐰𑐵 𑐩𑐵𑐔𑐵𑑅𑐔𑐵𑐫𑑂 𑐀𑐖𑑅 𑐦𑐫𑐵𑑅 𑐕𑐾𑑃𑐖𑑅𑐕𑐶 𑐳𑐎𑐳𑐶𑐫𑐵𑑄 𑐢𑐸𑑄𑐫𑐵 𑐩𑐶𑐏𑐵 𑐎𑐵𑑄𑐎𑐵𑑄 𑐖𑐶𑐐𑐸 𑐩𑐶𑐏𑐵 𑐟𑐾𑐮𑐵𑐎 𑐢𑐎𑐵𑑅 𑐳𑐶𑐤 𑐟𑐶𑐣𑐵𑑅 𑐀𑐖𑑅 𑐄𑐮𑐾𑐲𑑂𑐸 𑐣𑑄 𑐥𑐬𑐩𑑂𑐥𑐬𑐵 𑐡𑐸 𑑋 𑐕𑐏𑐾 𑐀𑐖𑑅 𑐄𑐮𑐵 𑐠𑑅𑐐𑐸 𑐩𑐶𑐁 𑐟𑐾𑐮𑐵𑐎𑐾𑐐𑐸 𑐖𑐹𑐳𑐵 𑐩𑐾𑐏𑐾 𑐮𑐸𑐎𑐸𑐩𑐵𑑅𑐡𑑂𑐫𑑅𑐫𑐵 𑐠𑐵𑐫𑑂 𑐀𑐖𑑅 𑐦𑐫𑐵𑑅 𑐀𑐖𑑅 𑐄𑐮 𑐢𑐵𑑅𑐳𑐵 𑐨𑐸𑐟 𑐥𑑂𑐬𑐾𑐟, 𑐥𑐶𑐱𑐵𑐔𑐟𑐫𑑂𑐳𑑄 𑐠𑐷 𑐦𑐿𑐩𑐏𑐸 𑐀𑐩𑐶𑐐𑐸 𑐜𑐬𑑄 𑐩𑐸𑐎𑑂𑐟 𑐖𑐸𑐂 𑐢𑐫𑐵𑐐𑐸 𑐢𑐵𑐥𑐸 𑐡𑐸 𑑋 𑐮𑐸𑐎𑐸𑐩𑐵𑑅𑐡𑑂𑐫 𑐥𑐹𑐖𑐵 𑐫𑐵𑐣𑐵𑑅 𑐡𑑂𑐫𑑅𑐫𑐵 𑐕𑐵𑐂𑐐𑐸 𑐖𑐎 𑐩𑐏𑐸 𑐮𑐸𑐎𑐸𑐩𑐵𑑅𑐡𑑂𑐫𑑅𑐫𑐵𑐟 𑐕𑐵𑑅𑐠𑐾𑑄 𑐕𑐾𑐫𑑂 𑐳𑐎𑐳𑐶𑐫𑐵 𑐰𑐵𑑃𑐐𑐸 𑐮𑐵𑐨𑐵 𑐣𑑄 𑐟𑐫𑐵𑑅 𑐨𑑂𑐰𑐫𑑂 𑐣𑐫𑐾𑐩𑐵𑑅𑐐𑐸 𑐔𑐮𑐣 𑐡𑐸 𑑋 𑐠𑑂𑐰 𑐣𑐏𑑅𑐫𑐵 𑐰𑐶𑐱𑐲 𑐣𑐳𑐵 𑐢𑐫𑐵𑐐𑐸 𑐮𑐵𑐨𑐵 𑐖𑐹𑐐𑐸𑐮𑐶𑑄 𑐥𑐵𑐴𑐵𑑄𑐔𑑅¥𑐴𑐾 𑐮𑐵𑐨𑐵 𑐣𑐏𑑅 𑐢𑐎𑐵𑑅 𑐣𑑄 𑐢𑐵𑐫𑐾𑐐𑐸 𑐫𑐵𑑅 𑑋 𑐩𑐴𑐵𑐫𑐣𑐷 𑐧𑑁𑐡𑑂𑐢𑐟𑐫𑑂 𑐠𑑂𑐰 𑐣𑐏𑑅 𑐎𑐸𑐤𑐸 𑐮𑐸𑐎𑐸𑐩𑐵𑑅𑐡𑑂𑐫𑑅 𑐥𑐹𑐖𑐵 𑐫𑐵𑑅 𑐰𑐣𑐾 𑐤𑑂𑐫𑑀 𑐠𑑅𑐐𑐸 𑐕𑐾𑑃 𑐣𑑂𑐫𑐵𑐐𑑅 𑐳𑑂𑐰𑐣𑐵 𑐟𑐵𑐣𑑂𑐟𑑂𑐬𑐶𑐎 𑐥𑐹𑐖𑐵 𑐫𑐵𑐫𑐾𑐐𑐸 𑐔𑐮𑐣 𑐡𑐸 𑑋 𑐠𑐠𑐾 𑐥𑐹𑐖𑐵 𑐫𑐵𑐫𑐾 𑐳𑐶𑐢𑐮 𑐢𑐵𑐫𑐾𑐰𑑄 𑐕𑐳𑐶𑐎𑐠𑑄 𑐂𑐰𑑅 𑐕𑐸𑐣𑐵𑑅 𑐰𑐶𑐱𑐾𑐲 𑐫𑐵𑐣𑐵𑑅 𑐰𑐵𑐄𑑃𑐐𑐸 𑐮𑐵𑐨𑐵 𑐟𑐫𑐵𑑅 𑐨𑑂𑐰𑐫𑑂 𑐣𑐫𑐾𑐐𑐸 𑐔𑐮𑐣 𑐡𑐸 𑑋 𑐠𑑂𑐰 𑐣𑐏𑑅 𑐩𑑀𑐴𑐣𑐷 𑐣𑐏𑑅 𑐢𑐸𑑄𑐎𑐵𑐫𑐵 𑐟𑑅𑐖𑐶𑐐𑐸 𑐣𑐏𑑅 𑐏𑑅 𑑋 𑐠𑑂𑐰 𑐣𑐏𑑅 𑐧𑐮𑐫𑑂 𑐩𑑀𑐴𑐣𑐷 𑐣𑐏𑑅𑐧𑐮𑐫𑑂𑐠𑐾𑑄 𑐤𑐹𑐐𑐸 𑐰𑐳𑑅 𑐥𑐸𑐣𑐵𑑅 𑐡𑑂𑐫𑑅𑐫𑐵𑐠𑐵𑐫𑑂 𑐡𑐾𑐂𑐎𑐾 𑐰𑐣𑐾𑐐, 𑐠𑑅𑐠𑐶𑐟𑐶𑐥𑐶𑑄 𑐠𑐵𑐫𑑂 𑐣𑐏𑑅𑐟𑑂𑐫𑐵𑑅 𑐰𑐣𑐾𑐐𑐸 𑐣𑑄 𑐫𑐵𑐂 𑑋 𑐠𑑂𑐰 𑐣𑐏𑑅𑐧𑐮𑐫𑑂 𑐣𑑄 𑐩𑑀𑐴𑐣𑐷 𑐣𑐏𑑅𑐠𑐾𑑄 𑐪𑑂𑐫𑐵𑐫𑑂 𑐩𑐔𑐵, 𑐨𑐶𑐣𑐵𑐩𑐔𑐵𑑅 𑐖𑐶𑐔𑐵𑐨𑐵𑐖𑐸𑐥𑐶𑑄 𑐣𑐵𑐥𑐣𑐵𑐥𑑄 𑐥𑐵𑐳𑐵𑐥𑐶𑑄 𑐣𑑄 𑐣𑐏𑐟𑑂𑐫𑐵𑑅 𑐳𑑅𑐟𑐾𑐐𑐸 𑐔𑐮𑐣 𑐡𑐸 𑑋 𑐠𑑂𑐰 𑐣𑐏𑑅𑐧𑐮𑐫𑑂 𑐥𑐵𑐳𑐵𑐥𑐶𑐣𑑂𑐟 𑐣𑑄 𑐣𑐏𑐟𑑂𑐫𑐵𑑅 𑐳𑑅 𑐟𑐾𑐐𑐸 𑐫𑐵𑐂𑐐𑐸𑐮𑐶𑑄 𑐥𑐵𑐳𑐵𑑅¥𑐔𑐴𑐾 𑐢𑐎𑐵𑑅 𑐣𑑄 𑐢𑐫𑐵𑐐𑐸 𑐫𑐵𑑅 𑐠𑑂𑐰 𑐣𑐏𑑅 𑐧𑐮𑐫𑑂 𑐥𑐵𑐴𑐵𑑄 𑐳𑑅𑐟𑐵 𑐣𑐎𑐾𑐐𑐸 𑐫𑐵𑐂𑐐𑐸 𑐖𑐹𑐐𑐸𑐮𑐶 𑐥𑐵𑐴𑐵𑐔𑑅¥𑐴𑐾 𑐢𑐎𑐵 𑐢𑐵𑐮 𑐢𑐵𑐂𑐥𑐶𑑄 𑐣 𑐡𑐸 𑑋 𑐤𑑂𑐫𑐵𑑅𑐐𑐸 𑐴𑐾 𑐢𑐵𑑅𑐳𑐵 𑐣𑐾𑐰𑐵𑑅𑐟𑐫𑑂𑐳𑑄 𑐴𑐣𑐵𑑅 𑐰𑐫𑐵𑐔𑑂𑐰𑑄𑐐𑐸𑑅 𑐣𑐏𑑅 𑐔𑐏𑑅 𑐩𑐢𑑂𑐫𑐫𑑂 𑐠𑑂𑐰 𑐕𑐐𑐹 𑐣𑑄 𑐏𑑅 𑑋 𑐠𑑂𑐧𑐧𑐮𑐫𑑂 𑐰𑐶𑐱𑐾𑐲𑐫𑐵𑐣𑐵𑑅 𑐦𑑀𑐴𑑀𑐬 𑐠𑐵𑐫𑑂 𑐰𑐵 𑐔𑐵𑐫𑐵𑐟𑑅𑐮𑐫𑑂 𑐳𑐸𑐮𑐵𑐔𑑂𑐰𑑄𑐪 𑐩𑐴𑐵𑐡𑑂𑐫𑑅𑐫𑐵 𑐥𑐹𑐖𑐵 𑐫𑐵𑐣𑐵 𑐤𑑂𑐫𑐵𑐎𑐷𑐐𑐸 𑐣𑐏𑑅 𑐏𑑅 𑑋 𑐩𑐴𑐵𑐡𑑂𑐫𑑅 𑐰𑐿𑐡𑐶𑐎 𑐎𑐵𑐮 𑐳𑑂𑐰𑐫𑐵𑑄 𑐤𑐵𑐥𑐵𑑄 𑐣𑐶𑐬𑑂‍𑐳𑐾𑐫𑐵𑐪 𑐡𑑂𑐫𑑅𑐏𑑅 𑐴𑐶𑐣𑑂𑐡𑐸 𑐰 𑐧𑑁𑐡𑑂𑐢 𑐩𑐵𑐬𑑂‍𑐐𑐷 𑐣𑐶𑐏𑐮𑑄 𑐣𑑄 𑐩𑐵𑐣𑐾𑐫𑐵𑐂𑐪 𑐡𑑂𑐫𑑅 𑐏𑑅 𑑋 𑐰𑐶𑐱𑐾𑐲 𑐫𑐵𑐣𑐵𑑅 𑐩𑐴𑐵𑐫𑐵𑐣𑐵𑐷 𑐧𑑁𑐡𑑂𑐢𑐐𑐵𑐬𑑂‍𑐩𑐷𑐟𑐫𑑂 𑐡𑐸𑐣𑐾 𑐩𑐴𑐵𑐡𑑂𑐫𑑅𑐫𑐵 𑐰𑐶𑐳𑑂𑐎𑑄𑐐𑐸 𑐠𑐵𑐫𑑂 𑐡𑐸 𑑋 𑐕𑐐𑐹 𑐡𑐳𑐸𑐫𑐵 𑐬𑐸𑐥𑐫𑑂 𑐩𑐴𑐵𑐫𑐣𑐵 𑐥𑐸𑐸𑐬𑑀𑐴𑐶𑐟𑐥𑐶𑐣𑐶 𑐡𑐾𑐏𑐵 𑐎𑐵𑐫𑐾𑐐𑐸 𑐂𑐰𑐮𑐫𑑂 𑐡𑐾𑐏𑐵𑐫𑐵 𑐳𑐸𑐟𑐶 𑐣𑐶𑐫𑐩 𑐩𑐫𑐵𑐳𑐾𑑄 𑐡𑑂𑐫𑐵𑐮𑐵𑐣𑐵 𑐔𑑂𑐰𑐣𑐾 𑐩𑐵𑑅𑐠𑐵𑐫𑑂 𑐡𑑂𑐫𑐵𑑄𑐮𑐵𑐫𑐾 𑐩𑐦𑐫𑐵 𑐡𑐾𑐏𑐵 𑐎𑐫𑐵𑑅 𑐥𑐹𑐖𑐵𑐫 𑐫𑐵𑐣𑐵 𑐔𑑂𑐰𑑄𑐐𑐸 𑐰𑐳𑐟𑑄 𑐴𑐾 𑐥𑐶𑐴𑐵𑑄 𑐰𑑅𑐪 𑐰𑑂𑐫𑐎𑑂𑐟𑐶 𑐔𑐶𑐎𑐸𑐮𑐵𑑄 𑐩𑐴𑐵𑐡𑑂𑐫𑑅𑐫𑐵𑐟 𑐨𑐾𑐲𑐫𑑂 𑐖𑐵𑐎𑐶 𑐥𑐰 𑐰𑐂𑐪 𑐰𑑂𑐫𑐎𑑂𑐟𑐶 𑐢𑐵𑐫𑐾𑐐𑐸 𑐫𑐵𑑅 𑑋 𑐄𑐎𑐶𑑄 𑐩𑐴𑐵𑐡𑑂𑐫𑑅𑐫𑐵𑐟 𑐣𑐾𑐰𑐵𑐟𑐫𑑂 𑐡𑐸𑐣𑐾 𑐣𑐶𑐐𑐹𑐮𑐶𑑄 𑐢𑐬𑑂‍𑐩𑐵𑐰𑐮𑐩𑑂𑐧𑐷𑐥𑐶𑐳𑑄 𑐩𑐵𑐣𑐾 𑐫𑐵𑐂𑐐𑐸 𑐏𑑅 𑐣𑐵𑐳𑑅𑐡𑑂𑐫 𑐫𑐵𑐟 𑐣𑐵𑐚𑑂𑐫𑐱𑑂𑐰𑐬 𑐣𑑄 𑐢𑐵𑐂 𑐰 𑐴𑐾 𑐣𑑄 𑐩𑐴𑐵𑐡𑑂𑐫𑑅 𑐢𑐎𑐵 𑐳𑐎𑐳𑐶𑐣 𑐳𑑂𑐫𑐹𑑄 𑑋
𑐔𑐵𑐫𑐵 𑐟𑐮𑐫𑑂 𑐩𑐴𑐵𑐡𑑂𑐫𑑅
𑐥𑐵𑐴𑐵𑑄𑐔𑑅¥𑐴𑐾 𑐣𑐏𑑅 𑐴𑐣𑐾𑐧𑐮𑐫𑑂 𑐔𑐵𑐫𑐵 𑐟𑑅𑐮𑐫𑑂 𑐔𑑂𑐰𑑄𑐪 𑐮𑐸𑐎𑐸𑐩𑐵𑑅𑐡𑑂𑐫𑑅 𑐔𑐵𑐪𑐸𑐫𑐵 𑐏𑐣𑐾 𑐡𑐫𑐾𑐎𑐾𑐐𑐸 𑐫𑐵𑐂𑑄𑐐𑐸 𑐏𑑄 𑐔𑑂𑐰𑐫𑐾 𑐴𑐾 𑐤𑑂𑐫𑑅𑐧𑑂𑐰𑐫𑐾 𑐢𑐸𑐣𑐵𑐐𑐸 𑐡𑐸 𑑋 𑐮𑐸𑐎𑐸𑐩𑐵𑑅𑐡𑑂𑐫 𑐢𑐫𑐵𑐪 𑐮𑐸𑐎𑐸𑑄 𑐧𑑂𑐫𑐸𑐪 𑐩𑐴𑐵𑐡𑑂𑐫 𑐏𑑅 𑑋 𑐮𑐸𑐎𑐸𑑄 𑐧𑑂𑐫𑐹𑐪 𑐢𑐫𑐵𑐐𑐸 𑐳𑐸𑐮𑐵𑐔𑑂𑐰𑑄𑐪 𑐏𑑅 𑑋 𑐄𑐎𑐶𑑄 𑐮𑐸𑐎𑐸𑐩𑐵𑑅𑐡𑑂𑐫𑑅𑐫𑐵 𑐀𑐬𑑂‍𑐠 𑐕𑐪 𑐩𑐴𑐵𑐡𑑂𑐫𑑅𑐫𑐵𑐟 𑐮𑐸𑐩𑑄𑐎𑐵𑑅 𑐟𑐔𑑂𑐰𑑄𑐟 𑐠𑐵𑐎𑐸𑐎 𑐟𑐥𑐳𑑂𑐫𑐵 𑐔𑑂𑐰𑐣 𑑋 𑐡𑐿𑐟𑑂𑐫𑑄 𑐟𑑅𑐳𑐎𑑄 𑐡𑐸𑐏𑐳𑐶𑐫𑐵 𑐟𑐥𑐳𑑂𑐫𑐵 𑐔𑑂𑐰𑐣𑐵𑐔𑑂𑐰𑑄𑐐𑐸 𑐏𑐣𑐵𑑅 𑐩𑐴𑐵𑐡𑑂𑐫𑑅 𑐏𑐸𑐳𑐶 𑐖𑐸𑐫𑐵 𑐖𑐶𑑄 𑐕𑑄𑐐𑐸 𑐟𑐥𑐳𑑂𑐫𑐵 𑐏𑐣𑐵𑑅 𑐥𑑂𑐬𑐱𑐣𑑂𑐣 𑐖𑐸𑐮 𑐄𑐎𑐶𑑄 𑐕𑑄 𑐕𑐸 𑐦𑑂𑐰𑐣𑐾 𑐢𑐎𑐵 𑐢𑐵𑐮 𑑋 𑐩𑐴𑐵𑐡𑑂𑐫𑑅 𑐥𑑂𑐬𑐎𑐚 𑐖𑐸𑐫𑐵𑑅𑐠𑑅 𑐫𑐵𑐎𑐾 𑐰𑐬 𑐦𑑂𑐰𑑅 𑐢𑐵𑐧𑐮𑐫𑑂 𑐰 𑐡𑐿𑐟𑑂𑐫 𑐟𑐔𑑂𑐰𑐟𑑄 𑐏𑐸𑐳𑐶 𑐖𑐸𑐫𑐵𑑅 𑐩𑐴𑐵𑐡𑑂𑐫𑑅𑐰𑑄 𑐣𑑄 𑐰𑐿𑐐𑐸 𑐂𑐔𑑂𑐕𑐵𑐎𑐠𑑄 𑐰𑐬 𑐧𑐷𑐫𑐵 𑐧𑐶𑐮 𑑋 𑐠𑐠𑐾 𑐨𑐳𑑂𑐩 𑐖𑐸𑐂𑐐𑐸 𑐦𑑂𑐰𑑄𑐐𑐸𑐮𑐶𑑄 𑐄𑐪 𑐡𑐿𑐟𑑂𑐫𑐫𑐵 𑐣𑐵𑑄 𑐴𑐾 𑐨𑐳𑑂𑐩𑐵𑐳𑐸𑐬 𑐖𑐸𑐰𑐣 𑑋 𑐨𑐳𑑂𑐩𑐵𑐳𑐸𑐬𑑄 𑐀𑐖𑑂𑐫𑐵𑑅𑐐𑐸 𑐰𑐬𑐡𑐵𑐣 𑐦𑑂𑐰𑑄𑐐𑐸 𑐏𑐣𑐵𑑅 𑐩𑐴𑐵𑐡𑑂𑐫𑑅 𑐣𑑄 𑐕𑐎𑑅 𑐕𑐎𑑂𑐎 𑐔𑐵𑐮 𑑋 𑐨𑐳𑑂𑐩𑐵𑐳𑐸𑐬𑑄 𑐰𑐬𑐡𑐵𑐣 𑐎𑐵𑐫𑐾 𑐢𑐸𑑄𑐎𑐵 𑐩𑐴𑐵𑐡𑐾𑐰𑑄 𑐰𑑂𑐫𑐹𑐐𑐸 𑐰𑐬𑐡𑐵𑐣 𑐢𑐵𑐠𑐾𑑄𑐐𑐸 𑐏𑑅, 𑐩𑐏𑐸 𑐳𑐷𑐎𑑂𑐫𑐟 𑐩𑐵𑐳𑑂𑐟𑐶 𑐰𑐮 𑑋 𑐄𑐎𑐶𑑄 𑐰 𑐳𑐷𑐎𑐾𑐟 𑐡𑐎𑐮𑐾 𑐤𑐵𑐥𑐵𑑄 𑐩𑐴𑐵𑐡𑑂𑐫𑑅𑐫𑐵 𑐴𑐾 𑐕𑐫𑑀𑐾𑑄 𑐠𑐷𑐟 𑐳𑑂𑐰𑐮 𑑋 𑐩𑐴𑐵𑐡𑑂𑐫𑑅 𑐐𑑂𑐫𑐵𑐣𑐵 𑐧𑐶𑐳𑑂𑐫𑐹𑑄 𑐰𑐣 𑑋 𑐨𑐳𑑂𑐩𑐵𑐳𑐸𑐬 𑐣𑑄 𑐩𑐴𑐵𑐡𑑂𑐫𑑅𑐫𑐵𑐟 𑐠𑐷𑐟 𑐮𑐶𑐟𑐸 𑐮𑐶𑐣𑐵 𑐰𑐣 𑑋 𑐩𑐴𑐵𑐡𑑂𑐫𑑅 𑐠𑑅𑐪𑑄 𑐰𑐬 𑐧𑐷𑐫𑐵 𑐠𑑅𑐴𑐾 𑐨𑐲𑑂𑐩 𑐖𑐸𑐂𑐐𑐸 𑐜𑐬𑑄 𑐫𑐵𑐣𑐵𑑅 𑐨𑐲𑑂𑐩𑐵𑐳𑐸𑐬 𑐩𑐏𑑄𑐎 𑐦𑑀𑐴𑐬𑐐𑐸 𑐠𑐵𑐳𑐫𑑂 𑐡𑐸𑐣𑐾 𑐳𑐸 𑐰𑐣 𑑋 𑐀𑐠𑐾 𑐳𑐸 𑐰𑑄𑐐𑐸𑐮𑐶𑑄 𑐮𑐸𑐎𑐸𑐩𑐵𑐡𑑂𑐫𑑅 𑐖𑐹𑐐𑐸 𑐏𑑅 𑑋 𑐩𑐴𑐵𑐡𑑂𑐫𑑅𑐫𑐵𑐟 𑐨𑐳𑑂𑐩𑐵𑐳𑐸𑐬 𑐮𑐶𑐟𑐸 𑐮𑐶𑐣𑐵 𑐔𑑂𑐰𑑄𑐐𑐸 𑐰𑐶𑐲𑑂𑐞𑐸 𑐏𑐣𑐵𑑅 𑐩𑐴𑐵𑐡𑐾𑐰𑑄 𑐰𑑂𑐫𑐹𑐐𑐸 𑐰𑐬𑐡𑐵𑐣𑐫𑐵 𑐀𑐣𑑂𑐟 𑐫𑐵𑐫𑐾𑐐𑐸𑐫𑐵 𑐮𑐵𑐐𑐶 𑐧𑐵𑑄𑐮𑐵𑐪 𑐩𑐶𑐳𑐵 𑐖𑐸𑐫𑐵𑑅 𑐨𑐳𑑂𑐩𑐵𑐳𑐸𑐬𑐫𑐵 𑐠𑐵𑐫𑑂 𑐰𑐣 𑑋 𑐨𑐳𑑂𑐩𑐵𑐳𑐸𑐬 𑐣𑑄 𑐠𑐵𑐫𑑂 𑐠𑑂𑐫𑑄𑐎𑐵𑑅 𑐴𑐵𑐰𑐨𑐵𑐰 𑐫𑐵𑐣𑐵𑑅 𑐰𑐿𑐐𑐸 𑐩𑐣 𑐳𑐵𑐮𑐵𑑅 𑐟𑐔𑑂𑐰𑑄𑐟 𑐧𑐵𑐮𑐵𑐎𑑄 𑐥𑑂𑐫𑐵𑐏𑑄 𑐴𑐸𑐫𑐵 𑐎𑑂𑐫𑐣 𑑋 𑐨𑐳𑑂𑐩𑐵𑐳𑐸𑐬 𑐣𑑄 𑐧𑐵𑑄𑐮𑐵𑐪 𑐩𑐶𑐳𑐵𑐥𑑂𑐬𑐟𑐶 𑐏𑐣𑐵𑑅 𑐁𑐎𑐬𑑂‍𑐲𑐶𑐟 𑐖𑐸𑐮 𑑋 𑐀𑐮𑐾 𑐰 𑐩𑐶𑐳𑐵𑑄 𑐢𑐵𑑅𑐢𑐵𑑅𑐠𑐾 𑐫𑐵𑐟 𑑋 𑐩𑐶𑐳𑐵𑑄 𑐩𑐶𑐳𑐵𑐬𑐸𑐥𑐶 𑐰𑐶𑐲𑑂𑐞𑐸𑑄 𑐨𑐳𑑂𑐩𑐵𑐳𑐸𑐬𑐫𑐵𑐟 𑐠𑑅𑐐𑐸 𑐯𑐵𑑄𑐟𑑄 𑐠𑐐𑐸 𑐴𑐾 𑐕𑐫𑑀𑑃 𑐕𑐎𑑂𑐰 𑐠𑑂𑐫𑐹 𑐢𑐎𑐵 𑐢𑐵𑐮 𑑋 𑐩𑐶𑐳𑐵𑑄 𑐢𑐵𑑅𑐠𑐾 𑐨𑐳𑑂𑐩𑐵𑐳𑐸𑐬𑑄 𑐣𑑄 𑐠𑑅𑐐𑐸 𑐕𑐫𑑀𑑃𑐣𑐫𑑂 𑐠𑐶𑐫𑐵 𑐧𑑂𑐫𑐹𑐧𑐮𑐫𑑂 𑐩𑐴𑐵𑐡𑐾𑐰𑑄 𑐧𑑂𑐫𑐹𑐩𑐸 𑐰𑐬𑐡𑐵𑐣 𑐩𑐴𑐵𑐡𑑂𑐫𑑅𑐫𑐵𑐟 𑐠𑐶𑐫𑐵 𑐏𑑅, 𑐩𑐏𑐸 𑐳𑑂𑐰𑐫𑐾𑐐𑐸 𑐥𑐮𑐾𑐳𑐵 𑐠𑑅𑐪𑐸𑑄𑐟𑐸𑑄 𑐠𑑅𑐐𑐸 𑐯𑐵𑑅𑐟𑑄 𑐕𑐫𑑀𑐣𑐫𑑂 𑐠𑑂𑐫𑐹𑐧𑐮𑐫𑑂 𑐨𑐳𑑂𑐩𑐵𑐳𑐸𑐬 𑐴𑐾 𑐨𑐳𑑂𑐩 𑐖𑐸𑐫𑐵 𑐀𑐣𑑂𑐟 𑐖𑐸𑐮 𑑋 𑐠𑐸𑐎𑐠𑑄 𑐩𑐴𑐵𑐡𑑂𑐫𑑅 𑐔𑐵𑐫𑐵𑑅𑐟𑐮𑐫𑑂 𑐰𑐵 𑐳𑐵𑑅𑐐𑐵𑐮𑐫𑑂 𑐳𑐸𑐮𑐵𑐔𑑂𑐰𑑄𑐐𑐸 𑐢𑐫𑐵𑐐𑐸 𑐢𑐵𑐥𑐸 𑐠𑐸𑐎𑐠𑑄 𑐖𑐹𑐐𑐸 𑐏𑑅 𑑋 𑐥𑐴𑐵𑐔𑑅¥𑐴𑐾 𑐧𑐮𑐫𑑂 𑐮𑐵𑐨𑐵, 𑐮𑐵, 𑐀𑐫𑑂𑐮𑐵 𑐠𑑂𑐰𑑄 𑐣𑐫𑐵𑑅 𑐖𑐹𑐐𑐸𑑅 𑐣𑑄 𑐥𑐵𑐬𑑂‍𑐰𑐟𑐷 𑐢𑐫𑐵 𑐩𑐴𑐵𑐡𑐾𑐰 𑐫𑐵𑑅𑐐𑐸 𑐢𑐿𑐐𑐸 𑐥𑑂𑐬𑐳𑑄𑐐 𑐡𑐸 𑑋 𑐥𑐵𑐬𑑂‍𑐰𑐟𑐷 𑐐𑐸𑐧𑐮𑐾 𑐎𑐵𑐮𑐷𑐫𑐵 𑐬𑐸𑐥 𑐢𑐵𑐬𑐞 𑐫𑐵𑐣𑐵𑑅 𑐩𑐵𑐳𑐵𑐴𑐵𑐬𑐷 𑐡𑑂𑐫𑑅 𑐖𑐸𑐂𑐐𑐸 𑐖𑐹𑐐𑐸𑐮𑐶, 𑐕𑐤𑐹 𑐥𑐵𑐬𑑂‍𑐰𑐟𑐷 𑐩𑐴𑐵𑐡𑑂𑐫𑑅𑐫𑐵𑐟 𑐣𑑄 𑐠𑐪𑑄 𑐣.𑐠𑐾𑑄 𑐣𑐫𑐾𑐟 𑐂𑐣𑐵𑐥 𑐫𑐵𑐟 𑑋 𑐩𑐴𑐵𑐡𑐾𑐰𑑄 𑐖𑑂𑐫𑐹 𑐢𑐎𑐵 𑐟𑐸𑐎𑑄 𑐰 𑐮𑐿𑑄𑐩𑐵𑐫𑐵𑑅 𑐧𑐸𑑃 𑐰𑑂𑐴𑐫𑐵𑑅 𑐔𑑂𑐰𑐐𑐸𑐮𑐶𑑄 𑐠𑑅𑐟𑐎𑐷𑐎𑐵𑑅 𑐀𑐫𑑂𑐮𑐵, 𑐠𑑂𑐰𑑃𑐫𑐵 𑐣𑐵𑐥𑐣𑐵𑐥𑑄 𑐮𑐵, 𑐮𑐵𑐨𑐵 𑐰 𑐨𑑂𑐰𑐫𑑂 𑐣𑐮 𑑋 𑐠𑑂𑐰 𑐴𑐾 𑐮𑐸𑐩𑑄𑐎𑐾 𑐎𑐠𑑄 𑐥𑐴𑐵𑑄𑐔¥𑑅𑐴𑐾𑐧𑐮𑐫𑑂 𑐮𑐸𑐎𑐸𑐩𑐵𑑅𑐡𑑂𑐫 𑐥𑐹𑐖𑐫𑐵 𑐫𑐵𑐫𑐾𑐧𑐮𑐫𑑂 𑐮𑐸𑑃𑐧𑐸𑑃 𑐰 𑐰𑐴𑐧𑐸𑑃 𑐟𑐫𑐵𑑅 𑐥𑐹𑐖𑐵 𑐫𑐵𑐫𑐾 𑐩𑐵𑑅𑐐𑐸 𑐏𑑅 𑑋 𑐀𑐠𑐾𑐟𑐸 𑐮𑐸𑐎𑐸𑐩𑐵𑐡𑑂𑐫𑑅 𑐐𑐵𑑅 𑐪𑐸𑐫𑐵𑑅 𑐏𑐣𑐾 𑐡𑐫𑐎𑐾𑐳𑐵𑐠𑑄 𑐴𑐾 𑐮𑐸𑐎𑐸𑐩𑐵𑑅𑐡𑑂𑐫𑑅 𑐐𑐵𑑅 𑐏𑑄𑐥𑐶𑐳𑑄 𑐮𑐸𑑃𑐧𑐸𑑃 𑐰𑐴𑐧𑐸𑑃 𑐟𑐫𑐵 𑐡𑑂𑐫𑑅 𑐏𑐣𑐾 𑐩𑐡𑐫𑐾𑐎 𑐔𑐮𑐣 𑐡𑐸 𑑋 𑐐𑐸𑐪 𑐐𑐸𑐪𑐳𑐶𑐫𑐵 𑐢𑐵𑐥𑐸 𑐮𑐵 𑐩𑐴𑐵𑐡𑑂𑐫𑑅𑐫𑐵 𑐩𑐢𑑂𑐫𑐥𑐵𑐣 𑐫𑐵𑐎𑐾𑐟 𑐥𑐵𑐬𑑂‍𑐰𑐟𑐷 𑐴𑐾 𑐀𑐫𑑂𑐮𑐵 𑐡𑐫𑐾𑐎𑐵𑑅 𑐟𑑂𑐰𑑄𑐎𑐮 𑐢𑐎𑐵𑑅 𑐣𑑄 𑐢𑐵𑑅 𑑋 𑐮𑐸𑐎𑐸𑐩𑐵𑐐𑐵𑑅 𑐏𑐣𑐷𑐧𑐮𑐫𑑂 𑐐𑐵𑐮𑑄 𑐮𑑅 𑐥𑐶𑑄𑐴𑐵 𑐰𑐮 𑐢𑐵𑑅𑐳𑐵 𑐥𑐵𑐬𑑂‍𑐰𑐟𑐷 𑐀𑐫𑑂𑐮𑐵 𑐎𑐫𑐵𑑅 𑐮𑑅 𑐰𑑅𑐐𑐸 𑐣𑑄 𑐔𑐮𑐣 𑐡𑐸 𑐧𑐵𑐳𑑂𑐟𑐰𑐧𑐫𑑂 𑐐𑐵𑑅 𑐪𑐸𑐂𑐧𑐮𑐫𑑂 𑐮𑑅 𑐩𑐸𑐣𑐵𑑅 𑐐𑐣𑑄 𑐥𑑂𑐫𑐵𑐣𑐵𑑅 𑐔𑑂𑐰𑑄𑐐𑐸 𑐣𑑄 𑐖𑐸𑐂𑐦𑐸 𑑋 𑐀𑐠𑐾𑐟𑐸𑑄 𑐥𑐵𑐬𑑂‍𑐰𑐟𑐷 𑐩𑐴𑐵𑐡𑑂𑐫𑑅𑐫𑐵 𑐠𑑅𑐪𑑄𑐠𑐾 𑐀𑐫𑑂𑐮𑐵 𑐠𑑂𑐰𑑃 𑐟𑑂𑐰𑐣𑐵𑑅 𑐩𑐵𑑄𑐳𑐵𑐴𑐵𑐬𑐷 𑐖𑐹𑐢𑐎𑐵𑑅 𑐢𑐵𑐂𑐧𑐮𑐫𑑂 𑐩𑐴𑐵𑐡𑐾𑐰𑑄 𑐣𑑄 𑐠𑑄𑑅 𑐥𑐶𑐱𑐵𑐔 𑐬𑐸𑐥 𑐎𑐫𑐵𑑅 𑐮𑐸𑑃𑐧𑐸𑑃 𑐰𑐴𑐧𑐸𑑃 𑐎𑐶𑐎𑐵𑑅 𑐀𑐫𑑂𑐮𑐵 𑐠𑑂𑐰𑑃 𑐟𑑂𑐰𑐣𑐵𑑅 𑐢𑐎𑐵 𑐣𑑄 𑐢𑐵𑐮 𑐢𑐵𑐫𑐾𑐐𑐸 𑐔𑐮𑐣 𑐡𑐸 𑑋 𑐄𑐎𑐶 𑐥𑐴𑐵𑑄𑐔𑑅¥𑐴𑐾𑐫𑐵 𑐥𑐶𑐱𑐵𑐔 𑐔𑐟𑐸𑐡𑐬𑑂‍𑐱𑐷 𑐢𑐎𑐵𑑅 𑐣𑑄 𑐢𑐵𑐫𑐐𑐸 𑐫𑐵𑑅 𑑋 𑐩𑐴𑐵𑐡𑐾𑐰𑑄 𑐩𑐡𑑂𑐫𑐥𑐵𑐣𑐫𑐵 𑐮𑐵𑐐𑐶 𑐥𑐶𑐱𑐵𑐔 𑐬𑐸𑐥 𑐢𑐵𑐬𑐞 𑐫𑐵𑑅𑐐𑐸 𑐡𑐶𑑄 𑐢𑐫𑐵𑐐𑐸 𑐔𑐿𑐟𑑂𑐬 𑐎𑐺𑐲𑑂𑐞 𑐔𑐬𑑂‍𑐟𑐸𑐡𑐬𑑂‍𑐱𑐷 𑐎𑐸𑐤𑐸 𑐏𑑅 𑑋 𑐀𑐠𑐾𑐟𑐸𑑄 𑐨𑐳𑑂𑐩𑐵𑐳𑐸𑐬𑑄 𑐩𑐴𑐵𑐡𑑂𑐫𑑅𑐫𑐵 𑐕𑐫𑑀𑐣𑑃𑐫𑑂 𑐠𑐷𑐟 𑐰𑐣𑐵 𑐮𑐸𑐎𑐸𑑄 𑐰𑑂𑐫𑐹𑐰𑐐𑐸 𑐡𑐶𑑄 𑐢𑐫𑐵𑐐𑐸 𑐣𑑄 𑐔𑐿𑐟𑑂𑐬 𑐎𑐺𑐲𑑂𑐞 𑐔𑐬𑑂‍𑐟𑐸𑐡𑐱𑐷 𑐎𑐸𑐤𑐸 𑐏𑑅 𑑋 𑐩𑐴𑐵𑐡𑑂𑐫𑑅 𑐴𑐾 𑐥𑐶𑐱𑐵𑐔 𑐖𑐸𑐫𑐵𑑅 𑐳𑐸𑐮𑐵𑐔𑑂𑐰𑑄𑐐𑐸 𑐖𑐹𑐐𑐸𑐮𑐶𑑄 𑐥𑐶𑐱𑐵𑐔𑐬𑐸𑐥𑐶 𑐩𑐴𑐵𑐡𑑂𑐫𑑅𑐫𑐵𑐟 𑐥𑐹𑐖𑐵 𑐫𑐵𑐣𑐵𑑅 𑐀𑐖𑑅 𑐦𑐫𑐵𑑅 𑐀𑐖𑑅 𑐠𑑅𑐐𑐸 𑐩𑐶𑐏𑐵 𑐟𑐾𑐮𑐵𑐎𑐾𑐐𑐸 𑐰 𑐰𑐬𑐡𑐵𑐣𑐫𑐵 𑐣𑐵𑐥𑐣𑐵𑐥𑑄 𑐨𑐸𑐟 𑐥𑑂𑐬𑐾𑐟𑐥𑐶𑑄 𑐥𑐵𑐏𑐾𑑄 𑐩𑐸𑐎𑑂𑐟 𑐖𑐸𑐂𑐐𑐸 𑐏𑑅 𑑋 𑐟𑐵𑐣𑑂𑐟𑑂𑐬𑐶𑐎 𑐥𑐹𑐖𑐵 𑐰𑐶𑐱𑐾𑐲 𑐫𑐵𑐣𑐵𑑅 𑐰𑐖𑑂𑐬𑐵𑐔𑐵𑐬𑑂‍𑐫, 𑐱𑐵𑐎𑑂𑐫, 𑐟𑐸𑐮𑐵𑐢𑐬𑐥𑐶𑐣𑐶 𑐥𑐹𑐖𑐵 𑐫𑐵𑐣𑐵𑑅 𑐰𑐵 𑐩𑑀𑐴𑐣𑐷 𑐧𑐮𑐫𑑂 𑐨𑐸𑐫𑐸𑐦𑐳𑐶, 𑐟𑐸𑐩𑐵, 𑐥𑐵𑐮𑐸𑐩𑐵 𑐥𑐵𑐮𑐵 𑐰𑐵𑑄 𑐰𑑂𑐕𑐫𑐐𑐸 𑐢𑐫𑐵𑐐𑐸 𑐮𑐸𑐎𑐸𑐩𑐵𑑅𑐐𑐵𑐮𑐫𑑂 𑐏𑑅 𑑋 𑐀𑐠𑐾𑐟𑐸𑑄 𑐧𑐄 𑐰𑐵𑑄 𑐰𑑂𑐕𑐫𑐾𑐩𑐵𑐮 𑐢𑐵𑑅𑐳𑐵 𑐮𑐸𑐎𑐸𑐩𑐵𑐐𑐵𑐮𑐫𑑂 𑐴𑐾 𑐰𑐵𑑄𑐰𑑂𑐕𑐫𑐾𑐐𑐸 𑐣𑑄 𑐫𑐵𑑅 𑑋 𑐄𑐎𑐶𑑄 𑐩𑐴𑐵𑐡𑑂𑐫𑑅 𑐮𑐸𑐎𑐸𑐩𑐵𑐐𑐵𑐮𑐫𑑂 𑐡𑐿𑐐𑐸 𑐢𑐫𑐵𑐐𑐸 𑐴𑐾 𑐦𑑀𑐴𑑀𑐬 𑐠𑐵𑐳𑐫𑑂 𑐡𑐿𑐐𑐸 𑐏𑑅 𑑋
𑐟𑐶𑐣𑐶𑐏𑑂𑐫𑐮𑐫𑑂 𑐳𑐮 𑐧𑑂𑐰𑐵𑐎𑐷𑐐𑐸
𑐥𑐵𑐴𑐵𑑄𑐔𑑅¥𑐴𑐾𑐫𑐵 𑐎𑐤𑐫𑑂𑐎𑐸𑐤𑐸 𑐀𑐬𑑂‍𑐠𑐵𑐟 𑐔𑐿𑐟𑑂𑐬 𑐎𑐺𑐲𑑂𑐞 𑐍𑑄𑐳𑐶 𑐎𑐸𑐤𑐸 𑐫𑐾𑑄𑐫𑐵 𑐟𑐶𑐣𑐶𑐏𑑂𑐫𑐮𑐫𑑂 𑐳𑐮 𑐧𑑂𑐰𑐵𑐎𑐵𑑅 𑐖𑐵𑐟𑑂𑐬𑐵 𑐫𑐵𑐫𑐾𑐐𑐸 𑐫𑐵𑐂 𑑋 𑐠𑑂𑐰𑐧𑐮𑐫𑑂 𑐱𑑂𑐬𑐷 𑑕 𑐩𑐴𑐵𑐬𑐵𑐖𑐢𑐶𑐬𑐵𑐖 𑐳𑐩𑐾𑐟 𑐟𑐶𑐣𑐶𑐏𑑂𑐫𑐮𑐫𑑂 𑐳𑐰𑐵𑐬𑐷 𑐖𑐸𑐫𑐵𑑅 𑐱𑐵𑐴𑐷 𑐣𑐾𑐥𑐵𑐮𑐷 𑐳𑐾𑐣𑐵𑑄 𑐥𑑂𑐬𑐡𑐬𑑂‍𑐱𑐶𑐟 𑐫𑐵𑐂𑐐𑐸 𑐳𑐮𑑅 𑐧𑑂𑐰𑐵𑐎𑐶𑐐𑐸 𑐖𑐵𑐟𑑂𑐬𑐵 𑐳𑑂𑐰𑐫𑐾𑐐𑐸 𑐥𑐬𑐩𑑂𑐥𑐬𑐵 𑐡𑐸 𑑋 𑐠𑑂𑐰𑐧𑐮𑐫𑑂 𑐱𑑂𑐬𑐷 𑑕 𑐫𑐵 𑐳𑐬𑐎𑐵𑐬𑐫𑐵 𑐄𑐔𑑂𑐔𑐥𑐡𑐵𑐢𑐶𑐎𑐵𑐬𑐷𑐥𑐶𑑄𑐫𑐵 𑐣𑐵𑐥𑐣𑐵𑐥𑑄 𑐟𑐶𑐣𑐶𑐏𑑂𑐫𑑄 𑐕𑐔𑐵𑐏𑑂𑐫𑐮𑑄 𑐫𑐎𑑂𑐰 𑐩𑐣𑐹𑐟 𑐰𑐫𑐵𑑅 𑐳𑑂𑐰𑐫𑐾𑐐𑐸 𑐫𑐵𑐂 𑑋 𑐠𑑂𑐰𑐧𑐮𑐫𑑂 𑐳𑐮 𑐧𑑂𑐰𑐵𑐎𑐵𑑅 𑐢𑐾𑑄𑐢𑐾𑑄 𑐧𑐮𑑂𑐮𑐵 𑐫𑐵𑐫𑐾𑐐𑐸 𑐥𑐬𑐩𑑂𑐥𑐬𑐵 𑐖𑑄𑐐𑐰𑐴𑐵𑐡𑐸𑐬 𑐧𑐾𑐮𑐵𑐫𑐟 𑐮𑐶𑐴𑐵𑑄 𑐰𑐫𑐾 𑐢𑐸𑑄𑐎𑐵 𑐖𑐎 𑐖𑐹𑐐𑐸 𑐏𑑅 𑑋 𑐠𑑂𑐰 𑐳𑑂𑐰𑑄𑐫𑐵 𑐤𑐵𑐥𑐵 𑐕𑐪 𑐴𑐾 𑐖𑐎 𑐴𑐾 𑐖𑐎 𑐳𑐮 𑐧𑑂𑐰𑐵𑐎𑐾𑐐𑐸 𑐔𑐮𑐣 𑐡𑐸 𑑋 𑐥𑐵𑐴𑐵𑑄𑐔𑑅¥𑐴𑐾 𑐰 𑐳𑐮 𑐧𑑂𑐰𑐵𑐎𑐷𑐐𑐸 𑐰𑐵𑐬𑐾 𑐩𑐴𑐵𑐎𑐵𑐮𑐟𑐣𑑂𑐟𑑂𑐬 𑐱𑐶𑐰 𑐰𑐔𑐣𑐫𑑂 𑐠𑐠𑐾 𑐤𑑂𑐫𑑀 𑐠𑐣𑐵𑑅𑐟𑐐𑐸 𑐡𑐸 𑑋 𑐔𑐿𑐟𑑂𑐬𑐎𑐺𑐲𑑂𑐞 𑐔𑐬𑑂‍𑐟𑐸𑐡𑐱𑐷 𑐢𑐎𑐵 𑑋 𑐠𑑂𑐰 𑐎𑐸𑐤𑐸 𑐔𑐵𑐤𑐫𑑂 𑐮𑐸𑐎𑐸𑐩𑐴𑐵𑐡𑑂𑐫𑑅𑐫𑐵𑐟 𑐮𑐵, 𑐮𑐵𑐨𑐵, 𑐀𑐫𑑂𑐮𑐵 𑐠𑑂𑐰𑑃 𑐮𑐸𑑃𑐧𑐸𑑃 𑐁𑐡𑐶 𑐕𑐵𑐣𑐵𑑅 𑐩𑐟 𑐧𑐶𑐫𑐵 𑐩𑐟𑐫𑐵 𑐎𑐸𑑃𑐫𑐵 𑐀𑐖𑐮𑑄 𑐄𑐮𑐾𑐐𑐸𑐮𑐶𑑄 𑐰 𑐎𑑄𑐐, 𑐀𑐖𑐶𑐩𑐵 𑐮𑐸𑑄𑐩𑐜𑐷 𑐀𑐖𑐶𑐩𑐵 𑐁𑐡𑐶 𑐀𑐖𑐶𑐩𑐵𑐥𑐶𑑄𑐔𑐵𑐫𑑂 𑐡𑐾𑐎𑐾 𑐰𑐣𑐵 𑐥𑐷𑐴 𑐳𑐾𑐰𑐵 𑐫𑐵𑐫𑐾𑐐𑐸𑐮𑐶𑑄 𑐳𑐬𑑂‍𑐰𑐳𑐶𑐡𑑂𑐢 𑐮𑐵𑐨 𑐖𑐸𑐂 𑑋 𑐎𑐤𑑂𑐫 𑐎𑐸𑐤𑐸 𑐔𑐿𑐟𑑂𑐬𑐎𑐺𑐲𑑂𑐞 𑐍𑐳𑐶𑑄 𑐎𑐸𑐤𑐹 𑐣𑑄 𑐥𑐷𑐛 𑐥𑐹𑐖𑐵 𑐫𑐵𑐣𑐵𑑅 𑐰 𑐀𑐱𑑂𑐰𑐫𑐵𑐟𑑂𑐬𑐵 𑐫𑐵𑐣𑐵𑑅 𑐮𑐴𑐜𑑂 𑐧𑐴𑐜𑑂 𑐫𑐵𑐫𑐾𑐐𑐸 𑐖𑑂𑐫𑐵𑑄 𑐫𑐵𑐣𑐵 𑐨𑐰𑐶𑐲𑑂𑐫𑐫𑐵𑐐𑐸 𑐀𑐬𑑂‍𑐠𑐵𑐟 𑐮𑐶𑐥𑐵𑐫𑐵𑐐𑐸 𑐏𑑃𑐫𑐵 𑐥𑑂𑐬𑐵𑐥𑑂𑐟 𑐫𑐵𑐫𑐾 𑐦𑐂 𑑋 𑐀𑐱𑑂𑐰𑐫𑐵𑐟𑑂𑐬𑐵 𑐢𑐎𑐵 𑐕𑐪 𑐳𑐮 𑐧𑑂𑐰𑐵𑐎𑑂𑐫𑐧𑐮𑐫𑑂 𑐰 𑐳𑐮 𑐐𑐸𑐮𑐶 𑐰𑐾𑐐𑑄 𑐧𑑂𑐰𑐵𑑄 𑐰𑐣𑐷 𑐄𑐮𑐶 𑐴𑐾 𑐫𑐵𑐎𑐣𑑄 𑐡𑐾𑐱𑐫𑑂 𑐡𑐸𑑅𑐏 𑐎𑐳𑑂𑐟 𑐩𑐡𑐫𑐵 𑐡𑐸𑑅𑐏 𑐎𑐳𑑂𑐟 𑐩𑐡𑐫𑐵 𑐡𑐸𑐏𑑅 𑐎𑐲𑑂𑐟 𑐧𑑂𑐫𑐹 𑐰𑐂𑐥𑐶𑑄 𑐱𑐟𑑂𑐬𑐸 𑐮𑐶𑐔𑐶𑐮𑐵 𑐰𑐣𑐷 𑑋 𑐡𑐾𑐱𑐫𑑂 𑐬𑑀𑐐𑑄 𑐡𑐸𑐳𑑂𑐰𑑅 𑐰𑐫𑐾 𑐩𑐦𑐫𑐵 𑐀𑐟𑐶 𑐳𑐸𑐏 𑐖𑐸𑐂 𑑋
𑐀𑐖𑐶𑐩𑐵𑐥𑐶𑐣𑐶𑐐𑐸 𑐡𑑂𑐫𑑅 𑐏𑑅 𑐮𑑂𑐰𑐵𑐎𑐾𑐐𑐸
𑐥𑐵𑐴𑐵𑑄𑐔𑑅¥𑐴𑐾 𑐣𑐏𑑅𑐫𑐵 𑐕𑐐𑐹 𑐩𑐾𑐐𑐸 𑐩𑐴𑐟𑑂𑐰𑐥𑐹𑐬𑑂‍𑐞𑐐𑐸 𑐡𑑂𑐫𑑅 𑐏𑑅 𑐮𑑂𑐰𑐵𑐎𑐾𑐐𑐸 𑐏𑑅 𑑋 𑐥𑐵𑐴𑐵𑑄𑐔𑑅¥𑐴𑐾 𑐣𑐏𑑅𑐫𑐵𑐟 𑐟𑑅𑐢𑑄𑐐𑐸 𑐣𑐏𑑅 𑐎𑐠𑑄 𑐴𑐾 𑐴𑐣𑐾𑐐𑐸 𑐔𑐮𑐣 𑐡𑐸 𑑋 𑐣𑐾𑐰𑐵𑐬𑐟𑐫𑑂 𑐠𑑅 𑐪𑑂𑐫𑐵𑐫𑑂𑐩𑐔𑐵 𑐨𑐶𑐣𑐵𑐨𑐶𑐔𑐵 𑐖𑐎 𑐣𑐏𑐟𑑂𑐫𑐵 𑐳𑑅𑐟𑐵𑑅 𑐨𑑂𑐰𑐫𑐾 𑐣𑐎𑐾𑐐𑐸 𑐖𑐎 𑐩𑐏𑐸 𑐣𑐾𑐥𑐵𑑅𑐡𑐾𑐫𑐵 𑐳𑑄𑐬𑐎𑑂𑐲𑐞 𑐫𑐵𑐣𑐵𑑅𑐔𑑂𑐰𑐥𑐶𑑄 𑐀𑐖𑐶𑐩𑐵𑐥𑐶𑐣𑑂𑐟 𑐣𑑄 𑐨𑑂𑐰𑐫𑐫𑑂 𑐳𑑅𑐟𑐵 𑐣𑐎𑐾𑐐𑐸 𑐥𑐬𑐩𑑂𑐥𑐬𑐵 𑐡𑑂𑐫𑑅 𑐏𑑅 𑐮𑑂𑐰𑐵𑐎𑐾𑐐𑐸 𑐥𑑂𑐬𑐔𑐮𑐣𑑄 𑐳𑑂𑐥𑐳𑑂𑐟 𑐫𑐵𑑅 𑑋 𑐐𑐸𑐞𑐎𑐵𑐩 𑐡𑐾𑐰𑑄 𑐫𑐾𑑃 𑐡𑐾 𑐣𑐶𑐬𑑂‍𑐩𑐵𑐞 𑐫𑐵𑐫𑐾 𑐢𑐸𑑄𑐎𑐵𑑅 𑐡𑐾𑐫𑐵𑐟 𑐳𑐸𑐬𑐎𑑂𑐲𑐵 𑐫𑐵𑐫𑐾𑐐𑐸 𑐖𑑂𑐫𑐵 𑐫𑐾𑑃𑐡𑐾𑐫𑐵 𑐔𑑂𑐫𑐵𑐐𑐹 𑐠𑐵𑐳𑐫𑑂 𑐔𑑂𑐰𑑄𑐥𑐶𑑄 𑐀𑐖𑐶𑐩𑐵𑐥𑐶𑐣𑑂𑐟 𑐰𑐶𑐮 𑑋 𑐐𑐸𑐞𑐎𑐵𑐩 𑐡𑐾𑐰𑑄 𑐎𑐮𑐶𑐐𑐟 𑐳𑐩𑑂𑐧𑐟𑑅 𑑓𑑘𑑒𑑕 𑐮𑐫 𑐫𑑃𑐡𑐾 𑐳𑑂𑐠𑐵𑐥𑐣𑐵 𑐫𑐵𑐣𑐵 𑐀𑐖𑐶𑐩𑐵𑐥𑐶𑐣𑑂𑐟 𑐳𑐸𑐬𑐎𑑂𑐲𑐶𑐟𑐫𑐵𑐫𑐾𑐟 𑐖𑐶𑐩𑑂𑐩𑐵 𑐧𑑂𑐫𑐹𑐐𑐸 𑐏𑑃 𑐰𑑄𑐱𑐵𑐰𑐮𑐷 𑐄𑐮𑐾𑐱 𑐫𑐵𑐣𑐵 𑐟𑑅𑐐𑐸 𑐡𑐸 𑑋 𑐔𑑂𑐫𑐵𑐪 𑐀𑐖𑐶𑐩𑐵 𑐢𑐫𑐵𑐥𑐶𑑄 𑐠𑐠𑐾 𑐏𑑅 𑑋
𑑑.𑐮𑐸𑑃𑐩𑐢𑐶 𑐀𑐖𑐶𑐩𑐵
𑑒. 𑐎𑑄𑐐𑑅𑐀𑐖𑐶𑐩𑐵
𑑓. 𑐪𑐾𑐥𑐶 𑐀𑐖𑐶𑐩𑐵
𑑔. 𑐟𑐎𑐟𑐶 𑐀𑐖𑐶𑐩𑐵 𑐰𑐵 𑐚𑑄𑐎𑐾𑐱𑑂𑐰𑐬 𑐀𑐖𑐶𑐩𑐵
𑑕. 𑐩𑐿𑐟𑐶 𑐀𑐖𑐶𑐩𑐵
𑑖.𑐫𑐟𑐩𑐀𑐖𑐶𑐩𑐵
𑑗.𑐧𑐕𑐮𑐵 𑐀𑐖𑐶𑐩𑐵
𑑘.𑐮𑐸𑐟𑐶𑐩𑐬𑐸 𑐀𑐖𑐶𑐩𑐵
𑐮𑐸𑐟𑐶𑐩𑐬𑐸 𑐀𑐖𑐶𑐩𑐵 𑐕𑐪 𑐧𑐵𑐴𑐾𑐎 𑐩𑐾𑐥𑐶𑑄 𑐦𑐸𑐎 𑐀𑐖𑐶𑐩𑐵𑐥𑐶 𑐥𑐵𑐴𑐵𑑃𑐔𑑅¥𑐴𑐾 𑐢𑐸𑑄𑐎𑐵𑑅 𑐔𑐿𑐟𑑂𑐬 𑐱𑐸𑐎𑑂𑐮 𑐥𑑂𑐬𑐨𑐶𑐥𑐡𑐵 𑐎𑐸𑐤𑐸 𑐏𑐟𑐫𑑂 𑐟𑐫𑐵𑑅 𑐖𑐵𑐟𑑂𑐬𑐵 𑐫𑐵𑐫𑐾𑐐𑐸 𑐔𑐮𑐣 𑐠𑑁𑑄 𑐟𑐎𑐣𑑄 𑐤𑑂𑐫𑐵𑐣𑐵𑑅 𑐰𑐫𑐵𑑅𑐔𑑂𑐰𑑄𑐐𑐸 𑐡𑐣𑐷 𑑋 𑐀𑐖𑐶𑐩𑐵𑐥𑐶𑑄 𑐳𑑂𑐠𑐵𑐥𑐣𑐵 𑐫𑐵𑐫𑐾𑐐𑐸 𑐖𑑂𑐫𑐵 𑐐𑐸𑐞𑐎𑐵𑐩𑐡𑐾𑐰𑑄 𑐫𑐵𑐣𑐵 𑐰𑑄𑐳𑐵 𑐀𑐩𑐶𑐩𑐵𑐥𑐶𑐣𑐶𑐐𑐸 𑐏𑑅 𑐖𑐵𑐟𑑂𑐬𑐵 𑐣𑐾.𑐳𑑄. 𑑕𑑘𑑐 𑐮𑐫𑑂 𑐀𑐩𑐬 𑐩𑐮𑑂𑐮𑑄 𑐫𑐵𑐣𑐵 𑐰𑑄𑐐𑐸 𑐏𑐣𑐾𑐡𑐸 𑑋 𑐠𑐸𑐧𑐮𑐫𑑂 𑐀𑐬𑑂‍𑐠𑐵𑐟 𑐀𑐖𑐶𑐩𑐵𑐥𑐶𑐣𑐶 𑐩𑐸𑐬𑑂‍𑐟𑐶 𑐏𑐟𑐫𑑂 𑐟𑐫𑐵𑑅 𑐫𑐾𑑄𑐡𑐾𑐫𑐵 𑐠𑑅𑐠𑑅𑐐𑐸 𑐎𑑂𑐲𑐾𑐟𑑂𑐬𑐫𑑂 𑐖𑐵𑐟𑑂𑐬𑐵 𑐫𑐵𑐂𑐐𑐸 𑐏𑑅 𑑋 𑐥𑐵𑐴𑐵𑑃𑐔𑑅¥𑐴𑐾 𑐎𑐸𑐤𑐸 𑐔𑐵𑐤𑐫𑑂 𑐣𑐶𑐳𑐾𑑄 𑐡𑑂𑐫𑑅𑐥𑐵𑐮𑐵 𑐰 𑐏𑑅 𑐖𑐵𑐟𑑂𑐬𑐵 𑐫𑐵𑐂𑐐𑐸 𑐐𑐸𑐠𑐶𑐫𑐵𑐬𑐥𑐶𑐳𑑄 𑐡𑑂𑐫𑑅 𑐏𑑅𑐫𑐵𑐟 𑐐𑐩𑐫𑑂 𑐟𑐫𑐾 𑐫𑑄𑐎𑐾𑐐𑐸 𑐢𑐎𑐵 𑐟𑐫𑐾𑐐𑐸 𑐫𑐵𑐂 𑑋 𑐀𑐣 𑐠𑐠𑐾 𑐐𑐩𑐫𑑂 𑐟𑐫𑐾𑐢𑐸𑑄𑐎𑐵𑑅 𑐟𑐶𑐣𑐏𑑂𑐫𑐮𑐫𑑂 𑐳𑐮 𑐧𑑂𑐰𑐵𑐎𑐾 𑐢𑐸𑑄𑐎𑐵𑑅 𑐔𑐵𑐤𑐫𑑂 𑐮𑐸𑐟𑐶𑐩𑐬𑐸 𑐀𑐖𑐶𑐩𑐵 𑐕𑐪 𑐧𑐵𑐴𑐾𑐎 𑐦𑐸𑐎𑑄 𑐡𑑂𑐫𑑅𑐏𑑅 𑐴𑐫𑐵 𑐟𑐫𑐾𑐢𑐸𑑄𑐎𑐹𑐐 𑐖𑐸𑐂 𑑋 𑐡𑑂𑐫𑑅 𑐏𑑅 𑐕𑐏𑐮𑑄 𑐩𑐾𑐐𑐸 𑐏𑑅𑐫𑐵 𑐩𑐶𑐥𑑂𑐰𑐵𑑅 𑐴𑐶𑐮𑐵𑐧𑐸𑐮𑐵 𑐫𑐵𑐂𑐐𑐸 𑐏𑑅 𑑋 𑐡𑐎𑐮𑐾 𑐮𑐶𑐥𑐵 𑐎𑑄𑐐𑑅 𑐀𑐖𑐶𑐩𑐵 𑐴𑐫𑐵𑑅 𑐡𑐎𑑂𑐰 𑐏𑑅𑐫𑐵𑐟 𑐔𑐵𑐴𑐶𑐮𑐵𑑅 𑐩𑐶𑐥𑑂𑐰𑐵𑑅 𑐴𑐶𑐮𑐵𑐧𑐸𑐮𑐵 𑐫𑐵𑐣𑐵𑑅 𑐡𑑂𑐫𑑅 𑐮𑑂𑐎𑐵𑐎𑐾𑐐𑐸 𑐖𑑂𑐫𑐵 𑐎𑑂𑐰𑐖𑐶𑐂 𑐀𑐣𑑄 𑐦𑐸𑐎 𑐏𑑅 𑐮𑑂𑐰𑐵𑐎𑐾𑐐𑐸 𑐖𑑂𑐫𑐵 𑐖𑐸𑐂 𑑋 𑐟𑐶𑐣𑐏𑑂𑐫𑐮𑐫𑑂 𑐔𑐵𑐤𑐫𑑂 𑐕𑐸 𑐂𑐮𑐫𑑂 𑐡𑑂𑐫𑑅𑐮𑑂𑐰𑐵𑐎𑐹𑐐𑐸 𑐏𑑅 𑐰𑐴𑐾 𑐂𑐮𑐫𑑂 𑐀𑐳𑐣𑐫𑑂𑐣𑑄 𑐤𑐶𑐣𑐫𑑂 𑐮𑑂𑐰𑐵𑐎𑐾𑐩𑐵𑑅 𑐢𑐫𑐵𑐐𑐸 𑐡𑐸 𑑋 𑐟𑐬 𑐠𑑂𑐰 𑐣𑐶𑐱𑑂𑐔𑐶𑐟 𑐬𑐸𑐥𑑄 𑐰𑑂𑐫𑐰𑐴𑐵𑐬𑐶𑐎 𑐩𑐖𑐹 𑑋 𑐀𑐳𑐣𑐫𑑂 𑐡𑑂𑐫𑑅 𑐮𑑂𑐰𑐵𑐎𑐷𑐧𑐮𑐫𑑂 𑐀𑐖𑐶𑐩𑐵𑐟𑐫𑑂𑐐𑐸 𑐤𑑂𑐫𑐫𑑂 𑐏𑑅 𑐤𑑂𑐫𑐫𑑂𑐥𑐸 𑐮𑑃 𑐴𑐫𑐾𑐐𑐸 𑐔𑐮𑐣 𑐡𑐸 𑑋 𑐀𑐳𑑄𑐫𑐵 𑐤𑑂𑐫𑑂𑐥𑐸 𑐮𑑃 𑐠𑐠𑐾 𑐏𑑅 𑑋
𑑑.𑐎𑐩𑐮𑐵𑐕𑐶
𑑒.𑐀𑐳𑑄𑐐𑐮𑑂𑐮𑐷
𑑓.𑐨𑑀𑐟𑐵𑐴𑐶𑐚𑐶
𑑔.𑐧𑐵𑐮𑐎𑐸𑐩𑐵𑐬𑐷
𑑕.𑐤𑐵𑐫𑐎𑑄𑐟𑑂𑐰𑐵𑑅
𑑖.𑐠𑐴𑐶𑐚𑐷 𑐟𑑂𑐫𑑁𑐜
𑑗.𑐟𑐸𑑄𑐧𑐵𑐴 𑐥𑐶𑐣𑐾𑐫𑐵 𑐟𑑂𑐫𑑀𑐜
𑐤𑐵𑐥𑐵 𑐤𑐵𑐥𑐵 𑑗 𑐏𑑅 𑐀𑐖𑐶𑐩𑐵 𑐥𑐶𑐣𑐶𑐐𑐸 𑐏𑑅 𑐮𑑂𑐰𑐵𑐎𑐾𑐐𑐸 𑐖𑐹𑐳𑐵 𑐠𑑁𑑄 𑐎𑐤𑐫𑑂 𑐮𑐸𑐩𑐬𑐶 𑐀𑐖𑐶𑐩𑐵𑐫𑐵 𑐏𑑅 𑐎𑑄𑐐𑑅 𑐀𑐖𑐶𑐩𑐵𑐫𑐵 𑐏𑑅 𑐟𑐰𑐵𑐴𑐵𑐫𑐵 𑐀𑐖𑐶𑐩𑐵𑐫𑐵 𑐏𑑅𑐫𑐵𑐣𑐵 𑐳𑑂𑐰𑐏𑐮𑑅𑐫𑐵 𑐖𑐎 𑐫𑐵𑐟𑑂𑐬𑐵 𑐖𑐸𑐫𑐵𑐔𑑂𑐰𑑄𑐐𑐸 𑐡𑐣𑐷 𑑋 𑐀𑐳𑐣𑐫𑑂 𑐀𑐖𑐶𑐩𑐵𑐥𑐶𑐣𑐶 𑐡𑑂𑐫𑑅𑐏𑑅 𑐮𑑂𑐰𑐵𑐎𑐷𑐧𑐮𑐫𑑂 𑐀𑐳𑑄𑐩𑐶𑐟𑑂𑐳𑑄 𑐔𑐟𑐵𑑄𑐩𑐬𑐷, 𑐟𑐵𑐫𑑂 𑐳𑑂𑐰𑐵𑑄 𑐳𑐶𑐳𑐵𑐧𑐸𑐳𑐵 𑐰𑑂𑐴𑐮𑐵𑑅 𑐥𑐹𑐖𑐵 𑐫𑐵𑐂 𑑋 𑐠𑐣 𑐣𑑄 𑐮𑐸𑐩𑐬𑐶 𑐰 𑐟𑐾𑐧𑐵𑐴𑐵𑑅 𑐀𑐖𑐶𑐩𑐵𑐥𑐶𑐣𑐶𑐐𑐸 𑐏𑑅 𑐟𑐫𑐵𑐟𑐫𑐾 𑐢𑐸𑐎𑐵𑑄 𑐡𑐎𑐮𑐾 𑐮𑐶𑐥𑐵 𑐎𑐐𑑄 𑐀𑐖𑐶𑐩𑐵𑐫𑐵 𑐏𑑅 𑐴𑐫𑐵𑑅 𑐣𑐶 𑐏𑑅𑐫𑐵𑐟 𑐔𑐵𑐴𑐶𑐎𑐵𑑅 𑐕𑐏𑐟𑑄 𑐩𑐾𑐐𑐸 𑐏𑐟𑐫𑑂 (𑐩𑐷𑐥𑑂𑐰𑐵𑑅) 𑐴𑐶𑐮𑐵𑐧𑐸𑐮𑐵 𑐫𑐵𑐣𑐵𑑅 𑐮𑐶𑐴𑐵𑑄 𑐰𑐣𑐾𑐐𑐸 𑐫𑐵𑐂 𑑋 𑐠𑐸𑐎𑐶𑐫𑐵𑐟 𑐴𑐾 𑐡𑑂𑐫𑑅 𑐮𑑂𑐰𑐵𑐎𑐷𑐐𑐸 𑐢𑐎𑐵𑑅 𑐢𑐵𑐂 𑑋 𑐠𑐸𑐮𑐶 𑐎𑑂𑐰𑐔𑐵𑐫𑐾𑐰𑑄 𑐡𑑂𑐫𑑅𑐏𑑅 𑐮𑑂𑐰𑐵𑐎𑐾𑐐𑐸 𑐖𑑂𑐫𑐵 𑐣𑑄 𑐳𑐶𑐢𑐂 𑑋 𑐀𑐳𑐣𑐫𑑂 𑐰 𑐟𑐶𑐣𑐏𑑂𑐫𑐮𑐫𑑂 𑐀𑐖𑐶𑐩𑐵𑐥𑐶𑑄 𑐨𑐾𑐮𑐵 𑐖𑐸𑐫𑐵𑑅 𑐮𑑂𑐰𑐵𑐎𑐾𑐐𑐸𑐫𑐵 𑐩𑐹 𑐏𑑃 𑐢𑐫𑐵𑐐𑐸 𑐮𑐸𑑃𑐟𑐶𑐀𑐖𑐶𑐩𑐵𑐫𑐵𑐟 𑐣𑐏𑐟𑑂𑐫𑐵𑑅 𑐳𑑅𑐟𑐸𑐪𑐾𑐳𑐶𑐣𑑄 𑐀𑐣𑑂𑐫𑐵𑐫𑑂𑐫𑐵𑐟 𑐄𑐎𑐶𑐫𑐵𑐟 𑐎𑐫𑐵𑑅 𑐳𑐴𑐮𑐴 𑐧𑑂𑐫𑐵𑐎𑐹𑐐𑐸 𑐏𑑅 𑐢𑐎𑐵 𑐢𑐫𑐵𑐐𑐸 𑐫𑐵𑑅 𑑋 𑐠𑑂𑐰 𑐏𑑃 𑐠𑐸𑐎𑐠𑑄 𑐖𑐸𑐮 𑐢𑐫𑐵𑐐𑐸 𑐢𑐵𑐥𑐸 𑐡𑐸 𑑋 𑐥𑐵𑐴𑐵𑑄𑐔𑑅¥𑐴𑐾𑐫𑐵 𑐣𑐏𑑅𑐫𑐵 𑐣𑐏𑐟𑑂𑐫𑐵 𑐫𑑄𑐡𑐾𑑄𑐫𑐵 𑐔𑑂𑐫𑐵𑐪𑑄 𑐀𑐖𑐶𑐩𑐵 𑐰 𑐀𑐖𑐶𑐩𑐵𑐫𑐵 𑐩𑐔𑐵𑐟𑐫𑑂 𑐳𑑅𑐟𑐵 𑐣𑐎𑐹𑐐𑐸 𑐖𑐸𑐫𑐵 𑐔𑑂𑐰𑐣 𑑋 𑐔𑑂𑐫𑐵𑐪 𑐀𑐖𑐶𑐩𑐵𑐥𑐶𑑄 𑐩𑐢𑑂𑐫𑐫𑑂 𑐡𑐎𑐮𑐾 𑐩𑐖𑑂𑐫𑐸𑐪𑑄 𑐰 𑐁𑐥𑐵 𑐩𑐔𑐵𑐏𑐵𑐟𑐵 𑐡𑐸𑐪 𑐀𑐖𑐶𑐩𑐵 𑐢𑐫𑐵𑐪 𑐮𑐸𑐟𑐶𑐀𑐖𑐶𑐩𑐵 𑐏𑑅 𑑋 𑐩𑐾𑐩𑐾𑐥𑐶𑑄 𑐀𑐖𑐶𑐩𑐵𑐥𑐶𑑄 𑐠𑐾𑑄 𑐮𑐸𑐟𑐶𑐩𑐬𑐸 𑐀𑐖𑐶𑐩𑐵𑐣𑑄 𑐠𑑅𑐟𑐟𑐵 𑐎𑐾𑐴𑐾𑑄𑐥𑐶𑑄 𑐠𑐾𑑄 𑐩𑐔𑐵𑐏𑐵𑐔𑐵𑐥𑐶𑑄 𑐖𑑂𑐰𑐣𑐵 𑐣𑐏𑑅𑐟𑑂𑐂𑐵 𑐰𑑄𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐣𑐏𑑅𑐟𑑂𑐫𑐵 𑐳𑑅𑐟𑐹𑐥𑐶𑐳𑑄 𑐮𑐸𑐟𑐶𑐩𑐬𑐸 𑐀𑐖𑐶𑐩𑐵 𑐕𑐪𑐳𑐶𑐟 𑐎𑑂𑐰𑐴𑐾𑑄𑐎 𑐰𑑂𑐫𑐰𑐴𑐵𑐬 𑐫𑐵𑑅𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐩𑐾𑐩𑐾𑐥𑐶𑐣𑑂𑐟 𑐰𑐵𑑄𑐮𑐵𑐎 𑐣𑐳𑐵 𑐣𑐎𑐵𑑅 𑐳𑐟𑑂𑐎𑐵𑐬 𑐫𑐵𑐣𑐵 𑐮𑐸𑐟𑐶𑐩𑐬𑐸𑐀𑐖𑐶𑐩𑐵 𑐕𑐪𑐳𑐶𑐟 𑐧𑐵𑑄𑐩𑐮𑐵𑐎 𑐰𑑂𑐫𑐰𑐴𑐵𑐬 𑐫𑐵𑑅𑐐𑐸 𑐖𑐸𑐫𑐵 𑐔𑑂𑐰𑐣 𑑋 𑐨𑑂𑐰𑐫𑑂 𑐳𑐟𑐹 𑐠𑐵𑐫𑑂 𑐀𑐩𑐶𑐟 𑐣𑐎𑐾𑐐𑐸 𑐳𑐸𑐣𑐵𑐣𑑄 𑐰𑐵𑐳𑑂𑐟𑐵 𑐩𑐫𑐵𑑅𑐐𑐸 𑐣𑑄 𑐖𑐸𑐫𑐵𑐔𑑂𑐰𑐣 𑑋 𑐮𑐸𑐟𑐶𑐩𑐬𑐸 𑐀𑐖𑐶𑐩𑐵𑐫𑐵 𑐩𑐔𑐵𑐟𑐫𑑂𑐳𑑄 𑐣𑐫𑐾 𑐥𑐶𑐟𑑂𑐫𑐵𑐟 𑐢𑐎𑐵𑑅 𑐩𑐵𑑄𑐪𑐳𑐶𑐟 𑐥𑐶𑑄𑐬𑐾 𑐫𑐵𑑅𑐧𑐮𑐫𑑂 𑐣𑐏𑐟𑑂𑐫𑐵 𑐳𑑅𑐟𑐸𑐪𑐾𑐳𑐶𑑄𑐣 𑐎𑐵 𑐐𑐸𑐮𑐶𑐖𑐎 𑐴𑐵𑐮𑐾 𑐦𑐹𑐐𑐸 𑐎𑐵, 𑐣𑑅 𑐢𑐎𑐵𑑅 𑐧𑐵𑐳𑐶𑐐𑐸 𑐩𑐬𑐶𑑄 𑐩𑐔𑐵𑐟𑐫𑑂𑐟 𑐎𑐫𑐾𑐎𑐵 𑐢𑐵𑐮 𑑋 𑐄𑐐𑐸 𑐩𑐬𑐶𑑄 𑐮𑐸𑐟𑐶𑐀𑐖𑐶𑐩𑐵𑐫𑐵 𑐩𑐔𑐵𑐟𑐫𑑂 𑐕𑐫𑑀𑑄𑐮𑐫𑑂 𑐮𑐵𑐣𑐵 𑐴𑐶 𑐰𑐮 𑑋 𑐴𑐶 𑐧𑐪 𑐩𑐔𑐵𑐫𑐵 𑐕𑐫𑑀𑐣𑐫𑑂 𑐴𑐶 𑐴𑐸𑐫𑐵 𑐰 𑐴𑐾 𑐨𑑂𑐰𑐵𑐠 𑐣𑐏𑐟𑑂𑐫𑐵𑑅 𑐳𑑅𑐟𑐸𑐪 𑐩𑐣𑐹𑐫𑐵 𑐐𑑂𑐰𑐵𑐏𑑄𑐔𑐵𑐥𑑂𑐰𑐵𑐮𑐫𑑂 𑐳𑐸𑐔𑐸𑐎𑐵 𑐰𑐮 𑑋 𑐣𑐏𑐟𑑂𑐫𑐵 𑐳𑑅 𑐟𑐸𑐪𑐾𑐳𑐶𑐣𑑄 𑐧𑐵𑐩𑑄𑐮𑐵𑐐𑐸 𑐰𑑂𑐫𑐰𑐴𑐵𑐬 𑐫𑐵𑑅𑐐𑐸𑐮𑐶𑑄 𑐮𑐸𑐟𑐶𑐩𑐬𑐸 𑐀𑐖𑐶𑐩𑐵 𑐠𑑅 𑐩𑐔𑐵𑐏𑐵𑐟𑐵𑐫𑐵𑐟 𑐕𑐸𑑄 𑐴𑐾 𑐩𑐣𑐎𑐹𑐫 𑐕𑐾𑑄𑐫 𑐮𑐶𑐴𑐵𑑄 𑐰𑐮 𑑋 𑐮𑑃𑐫𑑂 𑐕𑐠𑐵𑐫𑑂 𑐩𑐶𑐳𑐵 𑐕𑐪𑐳𑐶𑐣𑑄 𑐦𑐳𑐶 𑐕𑐐𑑂𑐰𑑅 𑐩𑐶𑐫𑐵 𑐔𑑂𑐰𑑄𑐐𑐸 𑐮𑐸𑐟𑐶𑐩𑐬𑐸 𑐀𑐖𑐶𑐩𑐵𑑄 𑐏𑐣𑐵𑑅 𑐰𑐴𑐾 𑐦𑐳𑐶 𑐕𑐐𑑂𑐰𑑅 𑐖𑑂𑐰𑐣𑐵 𑐕𑐾𑑄𑐫𑑂 𑐰𑐣𑐵𑑅 𑐩𑐔𑐵𑐟𑐫𑑂𑐟 𑐡𑐫𑐾𑐎𑐵𑑅 𑐣𑐎𑐾𑐟 𑐳𑑂𑐰𑑅𑐧𑐮𑐫𑑂 𑐰 𑐦𑐾𑐬𑐶 𑐦𑐸𑐎𑑄 𑐮𑐸𑑄 𑐖𑐸𑐮 𑑋 𑐀𑐣 𑑄 𑐮𑐶𑐥𑐵 𑐮𑐸𑐟𑐶𑐩𑐬𑐸 𑐀𑐖𑐶𑐩𑐵 𑐩𑐾𑐩𑐾𑐥𑐶𑑄 𑐀𑐖𑐶𑐩𑐵𑐥𑐶𑑄 𑐳𑑂𑐰𑐫𑐵 𑐟𑑅𑐩𑐶 𑐖𑐸𑐮 𑑋 𑐮𑐶𑐥𑐵 𑐡𑑃𑐫𑐵 𑐥𑐵𑐴𑐵𑐔𑑅¥𑐴𑐾𑐧𑐮𑐫𑑂 𑐤𑐵𑐥𑐵 𑐡𑐎𑑂𑐰 𑐀𑐖𑐶𑐩𑐵𑐥𑐶𑐣𑑂𑐟 𑐣𑐏𑐟𑑂𑐫𑐵𑑅 𑐳𑑅𑐟𑐸𑐪𑐳𑐶𑐣𑑄 𑐴𑐵𑐣𑑄 𑐣𑐏𑐟𑑂𑐫𑐵 𑐳𑐟𑐮 𑑋 𑐩𑐾𑐩𑐾𑐥𑐶𑑄 𑐀𑐖𑐶𑐩𑐵 𑐰 𑐀𑐩𑐶𑐩𑐔𑐵𑐟 𑐳𑑂𑐰𑐫𑐵𑑄 𑐮𑐸𑐟𑐶𑐩𑐬𑐸 𑐀𑐖𑐶𑑄𑐩𑐵 𑐠𑑅 𑐩𑐔𑐵𑐟𑐫𑑂𑐟 𑐄𑐥𑑂𑐰𑑅 𑐗𑑅 𑐗𑑅 𑐢𑐵𑐫𑐾𑐎 𑐟𑐶𑐳𑐵 𑐰𑐳𑐟𑑄 𑐟𑐶𑐂𑐎𑐵𑑅 𑐣𑐏𑐟𑑂𑐫𑐵 𑐰𑐣 𑑋 𑐤𑐵𑐥𑐵 𑐀𑐥𑐩𑐵𑐣 𑐫𑐵𑐪 𑐣𑐏𑐟𑑂𑐫𑐵 𑐳𑑅𑐟𑐸𑐪𑐳𑐶𑐣𑑄 𑐩𑐾𑐩𑐾𑐥𑐶𑑄 𑐀𑐖𑐶𑐩𑐵𑐥𑐶𑐣𑑂𑐟 𑐳𑑂𑐰𑐫𑐵 𑐧𑐵𑐮𑐵𑑄𑐎 𑐟𑐶𑐳𑐵 𑐰𑐳𑐟𑑄 𑐕𑐵𑐫𑑂𑐥𑐶𑐫𑐵𑐰𑐪 𑐮𑐸𑐟𑐶𑐩𑐬𑐸 𑐀𑐖𑐶𑐩𑐵 𑐠𑑅 𑐩𑐔𑐵𑐟𑐫𑑂𑐎𑐾 𑐔𑑂𑐰𑑄𑐐𑐸 𑐟𑐶𑐳𑐵 𑐦𑐸𑐎𑑄 𑐨𑑂𑐰𑐫𑑂 𑐧𑑂𑐰𑐫𑐫𑑂 𑐟𑐫𑐵𑐧𑑂𑐫𑐹𑐐𑐸 𑐨𑑂𑐰𑐫𑑂 𑐣𑑄 𑐧𑐵𑐮𑐵𑑄𑐎 𑐟𑐫𑐧𑐶𑐮 𑑋 𑐨𑑂𑐰𑐫𑑂 𑐂𑐧𑐮𑐫𑑂 𑐮𑐸𑐔𑐶𑐩𑐬𑐸𑐀𑐖𑐶𑐩𑐵𑑄 𑐠𑑅 𑐩𑐔𑐵𑐟𑐫𑑂𑐟 𑐟𑐫𑐧𑑂𑐫𑐹𑐐𑐸 𑐨𑑂𑐰𑐫𑑂 𑐣𑐎𑐾 𑐩𑐧𑑂𑐫𑐹 𑑋 𑐠𑑅𑐫𑐵𑐎𑐾 𑐔𑑂𑐰𑑄𑐐𑐸 𑐰 𑐩𑐔𑐵𑐟𑐫𑑂𑐎𑐾 𑐔𑑂𑐰𑑄𑐐𑐸 𑐮𑐶𑐳𑐵 𑐦𑐸𑐎𑑄 𑐨𑑂𑐰𑐫𑐾 𑐧𑑂𑐰𑑂𑐫𑐫𑑂 𑐟𑐫𑐵𑑅 𑐠𑑂𑐰 𑐨𑑂𑐰𑐫𑑂 𑐗𑐷𑐟 𑐣𑐎𑐹𑐐𑐸 𑐩𑐏𑐸 𑐟𑐶𑐳𑐵 𑐰𑐳𑑅𑐫𑐵𑐟 𑐣𑐎𑐹𑐐𑐸 𑐏𑑅 𑐢𑐎𑐵 𑐢𑐵𑐮 𑑋 𑐤𑐵𑐥𑐵𑐫𑐵 𑐥𑐵𑐔𑐵𑑄𑐔𑑅¥𑐴𑐾 𑐧𑐮𑐫𑑂 𑐣𑐏𑐟𑑂𑐫𑐵 𑐰𑑅𑐧𑐮𑐫𑑂 𑐩𑐔𑐵𑐟𑐫𑑂𑐳𑑄 𑐣𑐫𑐾 𑐥𑐶𑐟𑑂𑐫𑐵𑐟 𑐢𑐎𑐵𑑅 𑐢𑐵𑑅𑐧𑐮𑐫𑑂 𑐎𑐵 𑐣𑑅𑐢𑐎𑐵 𑐐𑑄𑐐𑐸 𑐧𑐵𑐳𑐶𑐐𑐸 𑐩𑐬𑐶 𑐎𑐫𑐾𑐎𑐵𑑅 𑐴𑐫𑐵𑑅 𑐑𑐵𑑅 𑐖𑐸𑐫𑐵𑑅 𑐴𑐶 𑐥𑐶𑑄𑐴𑐵 𑐰𑑅𑐐𑐸 𑐮𑐸𑐩𑐎𑐾 𑐎𑐠𑑄 𑐤𑐵𑐥𑐵 𑐴𑐶 𑐴𑐸𑐫𑐵𑑅 𑐐𑑂𑐰𑐵𑐏𑑄𑐔𑐵𑐫𑑂 𑐳𑑂𑐰𑐔𑐵𑐎𑐵 𑐠𑐎𑐹𑐐𑐸 𑐨𑑂𑐰𑐵𑐠𑑅 𑐮𑐶𑐎𑐫𑐵 𑐎𑑂𑐫𑐣 𑑋 𑐮𑐸𑐟𑐶𑐩𑐬𑐸 𑐀𑐖𑐶𑐩𑐵𑑄 𑐀𑐠𑐾 𑐫𑐵𑑅𑐐𑐸 𑐏𑐣𑐵𑑅 𑐣𑐏𑐟𑑂𑐫𑐵 𑐳𑐟𑐹𑐪 𑐩𑐕𑐵𑐮𑐵 𑐀𑐣 𑐤𑑂𑐫𑑀𑐣𑐾 𑐩𑐔𑑂𑐰𑑄𑐳𑑂𑐫 𑐰𑐣 𑑋 𑐀𑐠𑐾𑑄 𑐖𑐹𑐐𑐸𑐮𑐶𑑄 𑐮𑐸𑐟𑐶𑐩𑐬𑐸𑐀𑐖𑐶𑐩𑐵 𑐕𑐪𑐳𑐶𑐔 𑐥𑐵𑐴𑐵𑑄𑐔𑑅¥𑐴𑐾 𑐳𑑂𑐰𑑄𑐫𑐵 𑐥𑑂𑐫𑐮𑐵 𑐤𑑂𑐫𑑀 𑐖𑐵𑐟𑑂𑐬𑐵 𑐫𑐵𑐣𑐵 𑐠𑑄𑐴𑐶𑐟𑐶 𑐟𑐫𑐾 𑐴𑐿𑐐𑐸 𑐏𑑅 𑑋 𑐠𑐸𑐎𑐠𑑄 𑐮𑐸𑐟𑐶𑐩𑐬𑐸 𑐀𑐖𑐶𑐩𑐵 𑐕𑐪 𑐧𑐵𑐴𑐾𑐎 𑐩𑐾𑐥𑐶𑑄 𑐦𑐸𑐎 𑐀𑐖𑐶𑐩𑐵𑐥𑐶𑑄 𑐔𑐿𑐟𑑂𑐬𑐱𑐸𑐎𑑂𑐮 𑐥𑐵𑐬𑐸 𑐎𑐸𑐤𑐸 𑐖𑐵𑐟𑑂𑐬𑐵 𑐫𑐵𑐫𑐾𑐐𑐸 𑐫𑐵𑐂 𑐰𑐫𑐵 𑐎𑐤𑐫𑑂 𑐎𑐸𑐤𑐸 𑐮𑐸𑐩𑐬𑐶 𑐀𑐖𑐶𑐩𑐵, 𑐟𑐾𑐧𑐵𑐴𑐵𑑅 𑐀𑐖𑐶𑐩𑐵 𑐎𑑄𑐐 𑐀𑐖𑐶𑐩𑐵 𑐳𑑂𑐰𑐪 𑐀𑐖𑐶𑐩𑐵𑐥𑐶𑑄 𑐡𑑂𑐫𑑅 𑐖𑐵𑐟𑑂𑐬𑐵 𑐫𑐵𑐣𑐵𑑅 𑐔𑐵𑐤𑐫𑑂 𑐟𑐶𑐣𑐶𑐏𑑂𑐮𑐫𑑂 𑐰 𑐤𑐶𑐣𑐫𑑂 𑐀𑐳𑐣𑐫𑑂 𑐡𑑂𑐫𑑅 𑐮𑑂𑐰𑐵𑐎𑐾𑐐𑐸 𑐫𑐵𑐂𑐐𑐸 𑐏𑑅 𑑋

Post Views: 273

Post navigation

Previous Article 𑐫𑐮𑐫𑑂 𑐎𑐮𑐵 𑐰 𑐳𑑄𑐳𑑂𑐎𑐺𑐟𑐶 𑐩𑐴𑑀𑐟𑑂𑐳𑐰 𑐎𑑂𑐰𑐔𑐵𑐮

Next Article 𑐁𑐬𑐁𑐬 𑐎𑑂𑐫𑐵𑐩𑑂𑐥𑐳-𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑐣𑐷𑐥𑐶𑑄 𑐀𑐥𑑂𑐰𑐮

Most Viewed Posts

Home
List of schools in Nepal
Contact Us
Vidyapati: The Great Maithili Poet and His Life Philosophy
𑐣𑐵𑐣𑐷𑐩𑐿𑑄𑐫𑐵 𑐱𑑂𑐬𑐾𑐲𑑂𑐛𑐫𑐵 ‘𑐳𑐩𑐵𑐖𑐫𑐵 𑐎𑐶𑐥𑐵𑑅’ 𑐥𑐶𑐴𑐵𑑃𑐰𑐮

Search for:

Recent Posts

𑐣𑐾𑐥𑐵𑑅𑐫𑐵 𑐳𑐔𑑂𑐕𑐶 𑐰 𑐣𑐷𑐣𑑂𑐫𑐵𑐐𑐹 𑐨𑐵𑐳𑑄 𑐔𑑂𑐰𑐫𑐾𑐟 𑐀𑑅𑐥𑐸𑐎𑐾𑐫𑐵 𑐣𑐶𑑄𑐟𑐶𑑄 𑐁𑑅 𑐕𑐐𑐹 𑐴𑐾 ‘𑐦𑐣𑑂𑐚’
अनिल रञ्जितकाे ‘रेजिस्ट्यान्स अफ खोना (खोकना) दि स्ट्रगल अगेन्स्ट ल्यान्ड इन्क्रोचमेन्ट’ कृति सार्वजनिक
𑐰𑐜𑐵𑐢𑑂𑐫𑐎𑑂𑐲 𑐧𑐵𑐮𑐎𑐺𑐲𑑂𑐞𑑄 𑐣𑐾𑐥𑐵𑐮𑐨𑐵𑐲𑐵 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐕𑐵𑐟𑑂𑐬𑐰𑐺𑐟𑐶 𑐧𑐷𑐐𑐸
𑐎𑐮𑐶𑑄𑐐𑐵 𑐎𑐮𑐾𑐖𑑄 𑑑𑑕𑑙 𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷 𑐬𑐎𑑂𑐳𑑁𑐮 𑐖𑐸𑐫𑐵𑑅 𑐮𑐶𑐴𑐵𑑃 𑐰𑐮
𑐋𑐣 𑐎𑐵𑐬𑑂𑐫𑐵𑐣𑑂𑐰𑐫𑐣 𑐩𑐫𑐵𑐟 𑐢𑐵𑑅𑐳𑐵 𑐳𑐟𑐎𑐫𑑂 𑐰𑐣𑐾𑐐𑐸 𑐏𑑂𑐫𑐵𑐔𑑂𑐰𑑅

March 2025
S	M	T	W	T	F	S
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

« Feb

Categories

Articles
Books
HelpORG
Literature
Lyrics
News
Poems
Scholarship
Sites
Story
Uncategorized
Vacancy – jobs
Videos/Musics
𑐣𑐾𑐥𑐵𑐮 𑐨𑐵𑐲𑐵

Archives

Archives

Copyright ©2010 HamroSchool.com - हाम्रो स्कुल

Powered by WordPress and HitMag.

This website uses cookies to improve your experience. We'll assume you're ok with this, but you can opt-out if you wish. Read More

Accept Decline Cookie Settings

I consent to the use of following cookies:

Necessary

Marketing

Analytics

Preferences

Unclassified

Cookie Declaration About Cookies

Necessary (0) Marketing (0) Analytics (0) Preferences (0) Unclassified (0)

Necessary cookies help make a website usable by enabling basic functions like page navigation and access to secure areas of the website. The website cannot function properly without these cookies.

We do not use cookies of this type.

Marketing cookies are used to track visitors across websites. The intention is to display ads that are relevant and engaging for the individual user and thereby more valuable for publishers and third party advertisers.

We do not use cookies of this type.

Analytics cookies help website owners to understand how visitors interact with websites by collecting and reporting information anonymously.

We do not use cookies of this type.

Preference cookies enable a website to remember information that changes the way the website behaves or looks, like your preferred language or the region that you are in.

We do not use cookies of this type.

Unclassified cookies are cookies that we are in the process of classifying, together with the providers of individual cookies.

We do not use cookies of this type.

Cookies are small text files that can be used by websites to make a user's experience more efficient. The law states that we can store cookies on your device if they are strictly necessary for the operation of this site. For all other types of cookies we need your permission. This site uses different types of cookies. Some cookies are placed by third party services that appear on our pages.

Cookie Settings